Baltic Romani: unfoldingWord® Open Bible Stories

Updated ? hours ago # views See on DCS Draft Material

50. Иисусо рисёла.

Frame 50-01

2000 бэрш бутыр и бутыр мануша дэ саро свэто шунэн Дэвлэскиро Лав пал Иисусостэ. И кхангири на пирьячел тэ барьёл, Иисусо пхэндя, со Ёв рисёла ангил дова, сыр адава свэто пирьячела тэ авэ. Хоч Ёв поки Ёв на рисия, нэ Ёв зрикирэла Пэскиро Лав Ёв рисёла.

Frame 50-02

Мэ дужакирас Иисусос, Дэвэл камэл, соб амаро джиипэн тэ авэл свэнто и тэ полас Лэс, и тэ роспхэнас пал Лэскикиро Царство. Сыр Иисусо джиндя пэ пхув, Ёв пхэндя: «Мирэ сыклякирдэ роспхэнэна Лачё Лав пал Дэвлэско Царство манушэнгэ пир саро свэто, и тэнче явэла концо»

Frame 50-03

Бут мануша савэ и дадэвэс на шундэ пал Иисусостэ пал дава, кэ дава сыр Ёв тэ рисёл дэ болыбэн, Иисусо припхэндя сыклякирдэнгэ тэ роспхэнэн Лачё Лав манушэнгэ, савэ на шундэ. Ёв пхэндя: «Джянте кэ сарэ мануша и сыклякирэн лэн!» Адякэ Ёв пхэндя: «Маля трэби тэ укэдэ. Буты бут, а бутярнэн набут. Пал дава мангэн Дэвлэс, соб тэ бичявэл бутярнэн пэ дая буты». Трэби тэ авэл бутыр сыклякирдэн, тэ роспхэнэн Лачё Лав.

Frame 50-04

Иисусо пхэндя: «Бутярно нанэ барэдыр, пэскирэ хуластыр. Адава свэто на камэл Ман. Мануша лэна и тумэн тэ на камэн, тэ марэн пал Мандэ. Тумэнгэ авэла пхаро, нэ аченпэ зоралэнса, Мэ выкхэлдём ко бэнг, саво сыс хуласа дэ дава свэто! Сыр тумэ ачкирнапэ чячунэ Мангэ, то Дэвэл заракхэла тумэн!»

Frame 50-05

Иисусо роспхэндя история Пэскирэнгэ сыклякирдэнгэ, тэ полэн, со авэла манушэнса, сыр пирьячела тэ авэ адава свэто. Ёв пхэндя: «Екх мануш чидя дэ пхув тэ барьёл лачё зёрно марытко. Сыр ёв сыс суто, явья враго, и ёв чидя дэ пхув тэ барьёл чяр машкир маро и угия».

Frame 50-06

Сыр гадыяпэ саро, бутярнэ манушэскирэ пучнэ кэ ёв: «Хулай, ту чидян дэ пхув лачё зёрно. Кацыр лыяпэ дая чяр?» Хулай пхэндя: «Ада кэрдя екх мирэ врагэндыр»

Frame 50-07

Бутярнэ пучнэ ко хулай: «Тэ вычинас кадая чяр?» Хулай пхэндя: «Нашты. Сыр тумэ лэна тэ вычинэн дая чяр, то тэ на вычинэн маро. Подужакирэн ко дэвэс сыр ласа тэ укэдас маро, и тэнче тумэ скэдэна чяр и схачкирэна ла. А маро скэдэна и чивэна кай трэби»»

Frame 50-08

Сыклякирдэ на полынэ кэ со дая история и помангнэ Иисусос тэ роспхэнэл ла лэнгэ. Иисусо пхэндя: «Мануш, саво чидя дэ пхув лачё зёрно, — ада Мессия. Пхув — ада свэто. лачё зёрно — ада мануша Дэвлэскирэ Царствостыр.

Frame 50-09

Чяр ада бэнгэскирэ мануша. Враго манушэнго, — ада бэнг. Тэ скэдэ маро — ракирэл со пирьячела адава свэто тэ авэл, а бутярнэ — Дэвлэскирэ ангелы.

Frame 50-10

Сыр дава свэто пирьячела тэ авэл, ангелы скэдэна кэтанэ сарэн манушэн, савэндэ хулай бэнг, и чурдэна лэн дэ хачкирды яг. Одой авэна дрыван тэ годлэн дукхатыр. А патянкунэ мануша, авэна сыр кхам, дэ Царство Дэвлэскиро, кэ пэскиро Дат».

Frame 50-11

Иисусо пхэндя, со Ёв рисёла пэ пхув кэ дова сыр пирьячела тэ авэл адава свэто. Ёв явэла адякэ ж сыр и угия:Ёв явэла сыр мануш, и Ёв явэла болыбнастыр пэ облако. Сыр явэла Иисусо сарэ патянкунэ дэ Лэстэ, савэ мэнэ гара, вштэна мулэндыр и дыкхэнапэ Лэса до болыбэн.

Frame 50-12

А долэ патянкунэ дэ Иисусостэ, савэ авэна тэ джидэ, ёнэ гадэнапэ до болыбэн и авэна кэтанэ авирэнса патянкунэнса, савэ вштынэ мулэндыр. И сарэ кэтанэ авэна Иисусоса, саво ачкирлапэ тэ дживэн Пэскирэ манушэнса. Манушэндэ авэла вечно бахт, пал дава со лэнса авэла Иисусо.

Frame 50-13

Иисусо пхэндя дэла венцо долэскэ кон патял дэ Лэстэ. Дасавэ мануша авэна хулаенса Дэвлэса пэ саро свэто. Ёнэ лэна тэ дживэн бахталэс.

Frame 50-14

Нэ Дэвэл лэла тэ сэндякирэл сарэн, кон на патяндыя дэ Иисусостэ. Ёв чурдэла лэн дэ яг. Одой ёнэ авэна тэ ровэн и тэ годлэн дукхатыр. Дукх напириачёла. Яг, сави на пирьячела, лэла лэн тэ хачкирэл, и кирмэ на пирьячена лэн тэ хан.

Frame 50-15

Сыр Иисусо рисёла, Ёв умарэла бэнгэс и лэско царство. Иисусо чурдэла лэс дэ яг. Бэнг лэла тэ хачёл вечно одолэнса кон кандэл лэс, а нанэ Дэвлэс.

Frame 50-16

Адамо и Ева на кандынэ Дэвлэс и яндэ бэзэх до свэто, Дэвэл проклининдя Пхув, и лакэ явэло концо. Явэла дэвэс, сыр Дэвэл кэрла нэво болыбэн и нэви Пхув, пэ сави на авэла бэзэх.

Frame 50-17

Иисусо и Лэскирэ мануша лэна тэ дживэн пэ нэви Пхув, и Ёв авэла вечно хулай сарэскэ. Иисусо выкхосэла ясва манушэндыр. Никон бутыр на авэла тэ ровэл, тэ лыджя пхарипэн. На авэна тэ насвалён и тэ мэрэн. Холы кана на авэла. Иисусо авэла хулай Пэскирэ Царствоса чячуно и мирно. И Ёв ачелапэ Пэскирэнса манушэнса.

Библейско история Евангелия Матфеёстыр 24:14; 28:18, Евангелия Иоанностыр 2:10, Евангелия Матфеёстыр 13:24-30, 36-42, 1-во бичявдо лав Павлостыр кэ Фессалоникийцы 4:13-5:11, бичявдо лав Иакова 1:12, Евангелия Матфеёстыр 22:13 и Со откэрдо Иоанноскэ 20:10, 21:1-22:21