9. O Del akharel e Mojsija
Nakon so mulo o Josif, sasti lešći familija ačhiline ando Egipat. Von thaj lenđe potomkurja nastavisardine okote te trajin but brš. Thaj saslen but čhavra. Von akhardonas Izraelcurja.
Kana nakhlo varesave šel brš, brojo e Izraelconengo zurale barjilo. E Egipćanurja majbut či denas pes gođi ko Josif thaj sa so vo ćerdas pale lende. Počnisardine te daran katar e Izraelcurja kaj saslen zurale but. Gajda kaj o Faraon savo askal vladilas e ando Egipat ćerda e Izraelconen te aven roburja ando Egipat.
E Egipćanurja tradine e Izraelconen te ćeren e but e zgrade thaj čak saste gava ćerenas. E phare buća ćerdine lengo trajo bedno, ali o Del blagoslovisarda len, thaj saslen još majbut čhavra.
O Faraon dikhlas kaj e Izraelconen sas još majbut čhavra, thaj naredisardas pire manušenđe te mudaren sa e izraelconenđe muške čhavren gajda kaj čhudenas len ande reka Nil.
Jek manušnji andar o izrael bijanda čhave. Voj thaj lako rom garavenas e čhavres kozom god dugo šaj.
Kana lesko dad thaj lešći dej majbut naštik te garavenas les, čhutileles ande korpa savi šaj džalas po paj ande trska paše obala e reka Nil, te spasinles te na avel mudardo. Lešći phen maj purani lestar pratilas te dićhel so avela lesa.
E faraonešći čhej dikhla e korpa thaj dikhla so si andre. Kana dikhla e čhavre, lijales thaj prihvatisardales sago pire rođene čhaves. Unajmisardas jećhe Izraela te del les čuči ali či haćardas kaj si godoja manušnji e čhavrešći pravo dej. Kana sas o čhavro cara maj purano thaj či trubulas les majbut e dejako thud, e manušnji e čhavres boldas e faraonešće čhejaće, savi dijales alav Mojsije.
Jek đes, kana o Mojsije sas već baro manuš, dikhla sar varesavo manuš savo sas Egipćano marel e Izraelcošće robo. O Mojsije probisardas te spasil e manuše savo sas Izraelco sago vi vo.
Kana o Mojsije gndisarda kaj khonik či dićel, mudardas e Egipćanes thaj prahosarda les. Ali vareko dikhlas so ćerdas o Mojsije.
Kana ašundas o Faraon so ćerdas o Mojsija, probisarda te mudarel les. O Mojsija našlo andar o Egipat ande divljina kaj avela sigurno katar e Faraonešće vojnikurja.
O Mojsije postanisardas pastiri ande divljina dur katar o Egipat. Lijas pešće romnja andar godova than thaj sasles duj čhave.
Jek đes, dok o Mojsije araćhelas pire bakhren, dikhlas sar jek kaš phabol. Ali o kaš či phabilo. O Mojsije nakhlo ko kaš te majlačhe dićhel les. Sar naćhelas ko kaš savo phabolas, e Devlesko glaso phendas lešće: "Mojsije fuljar e sandale katar ćire pungre kaj o than pe savo ačhes si sveto than."
O Del phendas: "Dikhlem e patnja mungre themešći. Bičhalava tut ko Faraon te tu inkales e Izraelconen andar o ropstvo andar o Egipat. Me dava len e phuv Kanan, e phuv savi obećisardem e Avraamešće, Isakošće, thaj e Jakovešće.
O Mojsije phučlas: "A so ako o them kamlas te džanel ko bičhalda men, so te phenav lenđe?" O Del phenda: "ME SEM OKOVA SAVO SEM. Phen lenđe: "ME SEM bičhalda man tumenđe." Isto phen lenđe: "Me sem Jahve, o Del tumare paponengo, o Del e Avraamesko, e Isakosko thaj e Jakovesko.' Akava si mungro alav zauvek."
O Mojsije darajlo thaj či kamlas te džal ko Faraon kaj mislisardas kaj či džanel lačhe te ćerel svato, pa o Del bičhaldas e Mojsiješće phrales, savo akhardolas Aron, te pomožil les. O Del upozorisardas e Mojsija thaj e Arone kaj o Faraon avela tvrdoglavo.
Biblijaće paramiča andar o: Izlazak 1–4