39. O Isus si osudime

Maškaral ande rjat e vojnikurja inđardine e Isuse ando ćher e bare rašajesko te o baro rašaj ispitui les. O Petar džalas čordane pale lende. Kana e Isuse andine andre ando ćher, o Petar ačhilo avri thaj tatolas paše jag.

Andre ando ćher, e židovske vođe sudinas e Isusešće. Andine but hohamne svedokurja te hohaven pe leste vareso. Lengo svato či slažilaspe maškar lende, pa e židovske vođe naštik dokažisardine kaj si vo došalo pale varesoste. O Isus khanči či phenda.

Po krajo, o baro rašaj dikhla ravno ando Isus thaj phenda: "Phen amenđe, san tu o Mesija, Čhavo e Džude Devlesko?"

O Isus phenda: "Sem, thaj dićhena man sar bešav e Devlesa thaj avav andar oblakurja." O baro rašaj čhindas piri haljina ande holji thaj čhuta muj aver pobožne vođenđe: "Čitrubulamen majbut svedokurja! Ašundine kaj phenda kaj si vo o Čhavo e Devlesko. So si tumari presuda?"

E Židovske vođe savora odgovorisarine e bare rašaješće: "Vo zaslužisarel te merel!" Askal phangline e Isusešće jakha, čhungarenas les, pećenas les thaj marenas muj lestar.

Sar o Petar ažućarelas anglo ćher, jek sluškinja dikhlales thaj phendas: "Tu isto sanas e Isuseja!" O Petar phendas kaj godova naj čače. Maj posle još jek aver sluškinja godova isto phendas, a o Petar palem phendas kaj godova naj čače. Po krajo o them phendas: "Džanas kaj vi tu sanas e Isuseja, kaj sen liduj andar e Galileja."

Askal o Petar halas solah, alavenca: "Neka o Del sudil manđe ako pindžarav akale manuše!" Thaj o bašno odma ašundilo, a o Isus boldaspe thaj dikhlas ando Petar.

O Petar đelotar thaj ćerko rovelas. Maškaral e vrjama o Juda, izdajniko, dikhla kaj e židovske vođe osudisardine e Isuse po smrto. O Juda zurale ražalostisajlo đelotar thaj mudardape.

Detharinako rano, e židovske vođe andine e Isuse ko Pilato, e rimsko upravitelješće. Nadisajle kaj o Pilato osudila e Isuse sago došales thaj kaj kaznila les e smrtosa. O Pilato phučla e Isuse: "San tu kraljo e Židovengo?"

O Isus phenda: "Korkoro godova phendan, ali mungro carstvo naj katar akaja phuv. Te avilosas, mungre sluge borisajleas pala mande. Avilem pe phuv te phenav čačipe palo Del. Savora save volin čačipe, ašunen man." O Pilato phendas: "Phen amenđe so si čačipe?"

Nakon so ćerda svato e Isuseja, o Pilato inkljisto anglo but o them thaj phenda: "Či arakhav nisošći doš pe akava manuš." Ali e židovske vođe thaj o them čhonas muj: "Razapnin les!" O Pilato phendas: "Vo naj došalo." Ali von čhonas muj još majzurale. Askal o Pilato phendas trito drom: "Vo naj došalo!"

O Pilato darajlo kaj o but o them pobunilape, pa pristanisarda te lešće vojnikurja razapnin e Isuse. E Rimske vojnikurja bičuisardine e Isuse thaj čhutine pe leste kraljevsko plašto thaj kruna ćerdi katar e glogošć kangre. Thaj ruginas pe lešće alavenca: "Dik o kraljo e Židovengo!"

Biblijsko paramiči andar o: Matej 26,57–27,26; Marko 14,53–15,15; Luka 22,54–23,25; Jovan 18,12–19,16