Čergari: Bibliske paramiče pale savorende

Updated ? hours ago # views See on DCS

23. E Isusesko Bijandipe

OBS Image

E Marija sas verime palo pravedno manuš savo akhardolas Josif. Kana vo ašundas kaj si e Marija khamni, džanglas kaj godova naj lesko čhavro. Čikamlas te ladžarel e Marija, pa planirisarda čordanal te rastanilpe latar. Maj sigo nego so ćerdas godova, o anđeo avilo e Josifešće ando suno thaj phendas lešće.

OBS Image

O anđeo phendas: "Josife nadara te les e Marija pale ćiri romnji. Kaj čudesno ačhili khamni thaj o čhavro savo si ande late, katar o Sveto Duho si. Voj bijanela čhaves. A tu deja les alav Isus (so značil 'o Jahve spasisarel'), kaj vo spasila e theme katar lenđe bezeha."

OBS Image

Gajda kaj o Josif lija romjaće e Marija thaj andala ćhere sago pire romnja, ali či sutas lasa dok či bijandas.

OBS Image

Kana pašili e vrjama te e Marija bijanel, e Rimsko vlada phendas savorenđe kaj zbog o popiso džan ando gav kaj lenđe papurja maj sigo trainas te ramon pes. O Josif thaj e Marija moraš te putuinas andar o Nazaret, kaj trainas, ando Vitlejem, kaj o Vitlejem sas bijando gav leđe predakossko e Davidesko.

OBS Image

Kana aresline ando Vitlejem, nas than kaj ačhena te raćaren. Jedino than savo šaj arakhiline sas e štala. Okote bijandilo o čhavro, a lešći dej čhutales ande jasle, kaj naslen kreveto pale leste. Thaj dineles alav Isus.

OBS Image

Godoja rjat, varesave pastirja araćhenas pire bakhren. Andar jekhvar pojavisajlo lenđe o anđeo savo sas obajsime e bare svetlosa, a von darajle. O anđeo phendas lenđe: "Nadaran, kaj siman bahtali nevimata. Ando Vitlejem bijandilo o Mesija e Gospodesko!"

OBS Image

"Roden e čhavre, thaj araćhena les ande štala sar pašljol ande jasle paćardo ande krpe." Andar jekhvar, o nebi pherdilo e anđelenca save slavinas e Devles, alavenca: "Slava e Devlešće ando nebo thaj miro e themešće pe phuv savenđe smiluisajlo."

OBS Image

E pastirja uskoro aresline po than kaj sas o Isus thaj arakhlineles sar pašljol ande jasle, baš sar o anđeo phendas lenđe. Thaj zbog godova sas zurale bahtale. E pastirja boldinepes pe livadina kaj sas e bakhre, thaj slavinas e Devle pale sa so ašundine thaj dikhline.

OBS Image

Varesošći vrjama maj posle, e mudracurja andar o dur o istoko dikhline e neobično čarain po nebo. Svatisardine kaj si godova znako kaj bijandola nevo caro e židovengo. Gajda kaj putuisardine dural te dićhen godole caro. Aviline ando Vitlejem thaj arakhline o ćher kaj sas o Isus pire dadesa thaj pire dejasa.

OBS Image

Kana e mudracurja dikhline e Isus lešće dejava, poklonisajle thaj iskažisardine lešće čas. Thaj daruisardine les e kuč poklonenca a akal boldinepes ćhere.

Biblijske paramiča andar o: Matej 1; Luka 2