43. Počnil e prvo khanđiri
Nakon so o Isus boldaspe ando nebo, e učenikurja ačhiline ando Jerusalim sar o Isus zapovedisarda lenđe te ćeren. E vernikurja stalno okote ćidenaspe thaj molinas pes.
Svako brš, pandžvardeš đesa nakon e Pasha, e Židovurja slavinas o važno đes savo akhardolas Pandžvardešto (50) đes. Pandžvardešto (50) đes sas kana e Židovurja slavinas e žetva e đivešći. E Židovurja andar o sasto them avenas pe godova đes ando Jerusalim te zajedno slavin o Pandžvardešto (50) đes. Godova brš, o pandžvardešto (50) đes avilo varekaj katar kurko đes sar o Isus đelo ando nebo.
Dok sas e vernikurja sa zajedno, andar jekhvar ando ćher savo andar jekhvar pherdilo e zvukosa thaj bare bavlajava. Askal vareso so izgledilas sago cikno plameno e jagago pojavisajlo pe šore sa e vernikonengo. A von savora pherdile e Sveto Duho thaj počnisadine te ćeren svato ande aver čhibja.
Kana o them andar o Jerusalim ašundine e buka, but aviline te dićhen so dogodisarelpes. Kana o them ašundas e vernikonen sar najavisaren e šukar delurja e Devlešće, sas začudime kaj ašundine sa kava pe pire dejaći čhib.
Varesave katar godola manuša optužisardine e učenikonen kaj si mate. Ali o Petar uštilo thaj phendas lenđe: "Ašunen man! Akala manuša naj mate! Akava ispunilpes o proročanstvo savo phendas o proroko Joel ande savo o Del phenel: "Ande poslednje đesa izliva mungro Duho.'"
"E romalen Izraelconalen, o Isus sas rom savo ćerdas but moćne znakurja thaj čudurja e Devlešće moćeja, sagot kaj dikhline thaj već džanen. Ali tumen razapnisardinele."
"Vi ako o Isus mulo, o Del uskrsnisarda les andar e mule. Akava pherdilo o pročanstvo savo phenel: 'Či mućeja te ćiro Sveco ćernol ando limori.' Amen sam svedokurja kaj o Del palem e Isuse uskrsnisardas ando trajo."
"O Isus si akana vazdino thaj bešel pe desno rig pire dadešći e Devlešći baš sako kaj vi obećisardas kaj ćerela, O Sveto Duho ćerel sa akava so akana dićhen thaj ašunen."
"Tumen razapnisardine akale manuše, e Isuse. Ali džanen sigurno, kaj o Del e Isuse ćerdas Gospod thaj e Mesijava."
E manuša save ašundine e Petre sas zurale uznemirime okoleja so ašundine. Pa phučline e Petre thaj e učenikonen: "Phralalen, so te ćeras?"
O Petar phendas lenđe: "Svako tumendar trubul te pokailpe thaj te avel boldo ando alav e Isuse Hristosko te o Del jartosarel tumenđe tumare bezeha. Askal delatumen isto daro e Sveto Duho."
Katar trin milje manuša paćajine ande godova so o Petar phenda thaj postanisardine e Isusešće učenikurja. Sas boldine thaj postanisardine deo e khanđirjako ando Jerusalimo.
E učenikurja neprestalno ašunenas e apostolengo sikavnipe, e vrjama nađhelas lenđe zajedno, hanas zajedno, thaj molinas pes jek avreja. Uživinas zajedno slavinas e Devle thaj sa so saslen delinas jek avresa. Savora lačhe gndinas pale lende. Svako đes sa majbut them postaninas vernikurja.
Biblijsko paramiči andar e: Djela apostolska 2