49. E Devlesko nevo savezo

O anđeo phendas e Marijaće savi sas još čhej kaj bijanela e Devlešće Čhave. Gajda kaj, dok sas još čhej, o Sveto Duho zasinisarda lat thaj voj ačhili phari. Bijanda čhave thaj dijale alav Isus. Zato, o Isus sas Del thaj manuš.

O Isus ćerelas but čudurja save sikaven kaj si vo Del. Phirelas po paj, smirolas e oluja, sastarelas but nasvale theme, tradelas e benđen andar e manuša, uskrsnilas e mulen thaj pretvorisaras pandž mangre thaj duj cikne mačhe ando dovoljno habe pale pandž milje manuša te han.

O Isus sas vi baro učeniko, thaj ćerelas svato e autoritesa kaj vo si Čhavo e Devlesko. Vo sikavelas kaj trubul te volisares avre manušen po isto način sar volisares korkoro tut.

Isto gajda sikavelas kaj trubul te volis e Devle majbut nego so volis bilo so aver, uključime vi ćiro barvalipe.

O Isus phenda kaj si o carstvo e Devlesko maj vredno katar bilo so po them. Vareso maj važno pale bilo kaste si te pripadil ando carstvo e Devlesko. Te des ando carstvo e Devlesko, moraš te aves spasime katar ćire bezeha.

O Isus sikavelas kaj varesave manuša prihvatina les thaj avena spasime, a aver či. Phenda kaj si varesošće manuša sago lačhi phuv. Von primin e lačhi vest palo Isus thaj aska si spasime. Aver manuša si sago zurali phuv varesošće dromešći, kaj o seme o alav e Devlesko či del, thaj či del nisošći žetva. Godola manuša odbisaren e poruka e Isusešći thaj či dena ando lesko carstvo.

O Isus sikavelas kaj o Del but volil e bezehalen. Vo kamel te jartosarel lenđe thaj te ćerelente aven lešće čhave.

O Isus isto gajda phendas amenđe kaj o Del mrzal o bezah. Kana o Adam thaj e Eva sagrešisardine, godova sa uticisardas pe sa lenđe potomkurja. Sago posledica godolešće, svako manuš po them sagrešil thaj si odvoime katar o Del. Zbog godova, savora postanisardine e Devlešće dušmaja.

Ali o Del volil svakone po them gaći but kaj dija pire jedino Čhaves te kogot paćal ando Isus či avela kaznime pale pire bezeha, nego traila e Devlesa zauvek.

Zbog ćiro bezah, tu san došalo thaj zaslužisares te meres. O Del terubujasas te avel holjariko pe tute, ali vo piri holji mukla po Isus umesto pe tute. Kana o Isus mulo po trušul, vo primisarda ćiri kazna.

O Isus nikada či sagrešisardas, ali odabirisarda te avel kaznime thaj te merel sago savršeno žrtva te inđarel ćire bezeha thaj e bezeha svako manušesće po them. Pošto o Isus žrtvuisarda korkoro pes, o Del šaj jartosarel svako bezah maj džungale bezeha.

Ćiro lačhipe naštik spasil tut. Naj khanči so tu šaj ćeres te aveltu zajedništvo e Devlesa. Samo o Isus šaj jartosarel ćire bezeha. Tu samo trubul te paćas kaj si o Isus Čhavo e Devlesko, kaj mulo po trušul umesto tute thaj kaj o Del vazdale andar e mule.

O Del spasila svakone ko paćal ando Isus thaj primiles sago pire Gospodare. Ali vo či spasila okole ko či paćal ande Leste. Naj važno dali san čoro ili barvalo, muško ili žensko, purano ili terno, ili kaj trais. O Del volil tu thaj kamel te paćas ando Isus sar les avilosas blisko zajedništvo tuva.

O Isus akhareltu te paćas ande leste thaj te aves boldo. Paćas kaj si o Isus Mesija, jedino Čhavo e Devlesko? Paćas kaj san bezehalo thaj kaj zaslužisares te o Del kaznil tut? Paćas kaj o Isus mulo po trušul te inđarel ćiro bezah?

Ako paćas ando Isus thaj ande okova so vo ćerda pale tute, askal san hrišćanino. O Del inkaldatu andar e benđesko carstvo savo si si ando tunjariko thaj čhutatu ande Devlesko carstvo savo si ando svetlo. O Del lija ćire purane bezehale navike e trajošće, thaj dijatu neve, pravedne načinurja trajošće.

Ako san hrišćanino, o Del jartosada tuće ćire bezeha zbog o kova so o Isus ćerda. Akana o Del inćareltu sago pire paše drugares umesto dušmanes.

Ako san drugari e Devlesko thaj sluga e Isusesko Gospodesko, kameja te aves poslušno okolešće so o Isus sikavelas. Vi ako san hrišćanino vi majbut aveja ande kušnje e bezehešći. Ali o Del si verno thaj phenel ako priznaisares ćire bezeha, vo jartosarela tuće. Vo delatut zor te boristu protiv o bezah.

O Del phenel tuće te molistu, te proučis lesko alav, te poštuis les aver hrišćanonca thaj te phenes averenđe so vo ćerda pale tute. Sa akava pomožisarel tuce te aveltu majpašo odnoso lesa.

Biblijsko paramiči andar e: Rimljanima 3,21–26; 5,1–11; Jovan 3,16; Marko 16,16; Kološanima 1,13–14; 2. Korinćanima 5,17–21; 1. Jovanova 1,5–10