10. Deš bare nevolje po Egipat

O Mojsije thaj o Aron đele ko Faraon. Thaj phendine lešće: "Akava phenel o Del e Izraelosko: 'Muk mungre theme!'" O Faraon či čhutas kan lende. Umesto te mućel e Izraelconen, tradalen te ćeren još maj phare buća!

O Faraon či kamelas te mućel e theme, pa o Del bičhaldas deš bare nevolje po Egipat. Kroz akala nevolje, o Del sikadas e Faraonešće kaj si vo maj moćno katar sa e Egipatske devla thaj čak vi katar o Faraon.

O Del pretvorisardas e reka Nil ando rat, ali o Faraon još uvek či kamlas te mućel e Izraelconen te džantar.

O Del bičhaldas e žamben pe sasto Egipat. O Faraon molisardas e Mojsija te crdel e žamben. Ali nakon so muline sa e žambe, e Faraonesko ilo zurajlo thaj či muklas te o Izraelsko them inkljel ando Egipat.

Pa o Del bičhaldas e cincaren. Askal bičhaldas bare biromnja sago e nevojle. O Faraon akhardas e Arone thaj e Mojsija thaj phendas lenđe te ačhadine akala nevolje e Izraelcurja šaj te inkljen andar o Egipat. Kana o Mojsija pomolisajlo, o Del crdas e biromnja andar o Egipat. Ali e Faraonesko ilo zurajlo thaj či muklas e theme te džantar.

Posle godova, o Del ćerdas te sa e domaće životinje save pripadinas e Egipćanenđe nasvajle thaj muline. Ali e Faraonesko ilo zurajlo thaj či muklas e theme te džantar.

Askal o Del phendas e Mojsijašće te čhudel o praho ando vazduh anglo o Faraon. Kana vo godova ćerdas dukhane čirurja pojavisajle pe Egipćanurja, ali či pe Izraelcurja. O Del zurardas e Faraonesko ilo, thaj o Faraon čikamlas te mućel e Izraelconen te džantar.

Nakon godova, o Del bičhaldas o baro ledo thaj sa uništisardas e njive ando Egipat thaj mudardas bilo kas ko inkljisto avri. O Faraon akhardas e Mojsija thaj e Arone thaj phendas lenđe: "Sagrešisardem. Šaj te džantar." Thaj o Mojsija pomolisajlo thaj o ledo ačhilo te del andar o nebo.

Ali o Faraon palem sagrešisardas thaj zurardas piro ilo. Vo čikamlas te mućel e Izraelconen te džantar.

Pale godova o Del bičhaldas rojo skakavconen te učharen o Egipat. E skakavcurja haline sa so ačhilo pe njive a so či uništisardas o ledo.

Askal o Del bičhaldas e rjat savi sas trin đes. Sas gajda bari rjat kaj e Egipćanurja naštik te inkljen andar pe ćhera. Ali sas đes kote kaj e Izraelcurja trainas.

Ali čak vi nakon akala inja bare nevolje, o Faraon odbisardas te mućel e Izraelconen te džantar. Pošto o Faraon či kamlas te paćal, o Del planirisarda te mućel još jek bari nevolje. Akaja nevolja promenila e Faraonesko ilo.

Biblijaće paramiča andar o: Izlazak 5–10