11. Pasha
O Del upozorisardas e Faraone kaj ako či mućela e Izraelconen te džantar, mudarela svako prvo muško Egipćano katar o them dži ke e životinje. Kana o Faraon ašundas akava još uvek odbilas te paćal thaj te ašunel e Devles.
O Del dikhla sar šaj te spasil svako prvo bijande čhaves okolešće savo paćalas ande leste. Svako familija trubujas te izbiril savršeno bakhro thaj te del les čhurjasa.
O Del phendas e Izraelconenđe te maćhen e bakhresko rat pe dovratkurja pire ćherenđe, te pećen e bakhresko mas thaj te han les brzo, zajedno e mangresa savo sas ćerdo bi kvascosko. Isto phendas lenđe te aven spremno te mućen o Egipat čim han.
E Izraelcurja ćerdine sa tačno sar o Del phendas lenđe te ćeren. Maškaral ande rjat, o Del nakhlas maškar o Egipat thaj mudardas svako prvo bijande čhaves.
Svako ćher e Izraelsko pe dovratkurja sas makhlo e rateja, pa o Del nakhla samo paše godola ćhera. Sa save sas andre sas sigurne. Thaj sas spasime zbog e bakhresko rat.
Ali e Egipćanurja či paćanas e Devlešće niti čhutine kan ke Devlešće zapovedi. Pa o Del či samo nakhlas paše lenđe ćhera. O Del mudardas sa dži ke jećhe prvo bijande Egipćanes.
Svako prvo bijanda muško Egipćano mulo, katar okova savo sas ando phanglipe dži ke prvo bijando Faraonesko čhavo. But o them ando Egipat rovelas thaj jadikuilas katar piri bari duk.
Godoja isto rjat o Faraon akhardas e Mojsija thaj e Aron thaj phenda lenđe: "Inđaren e Izraelconen thaj inkljen andar o Egipat odma!" O Egipatsko them nagovorilas e Izraelconen te odma inkljen andar o Egipat.
Biblijaće paramiča andar o: Izlazak 11,1–12,32