34. O Isus sikavel vi aver paramiča
O Isus phenelas vi aver but e paramiča palo Devlesko carstvo. Sago primeri, phendas: "O carstvo e Devlesko si sago o seme e gorušicako savo vareko zasadisardas ande piri njiva. Džanen kaj si o gorušicako seme maj cikno katar sa aver seme."
"Ali kana o seme e gorušicako barjol, vo avel majbaro katar sa e biljke ande njive, gaći si baro kaj e čiriklja aven thaj gnjezdinpe ande lešće patrja."
O Isus phendas još jek paramiči: "O carstvo e Devlesko si sago o kvasco seves e manušnji hamil e humeresa dok či buljol pe sasto humer."
"O carstvo e Devlesko si isto gajda sar o barvalipe savo vareko garadas ande njive. Varesavo aver manuš araćhel o barvalipe thaj palem prahosarel les. Vo gajda raduisajlo kaj đelo thaj biđindas sa so sasles thaj sa e love dijas thaj đindas godoja njiva."
"O carstvo e Devlesko si isto gajda sago savršeno biseri savo but mol. Kana araćhel les o trgovco, vo bićinel sa so siles thaj iskoristil e love te ćinel les.
Askal o Isus phendas e paramiči e themešće save pouzdinas pes ande pire lačhe delurja, a mrzanas aver themen. Phendas lenđe: "Duj manuša đele ando hramo te molinpes. Jek lendar sas porezniko, a aver pobožno vođa."
"O pobožno manuš gajda molisajlo: 'Nais tuće, Devla, kaj najsem bezehalo sago aver them–sago okola save čoren, nepravedniko, preljubniko ili čak sago kava porezniko.'"
"'Naprimer, me postisarav duvar ando kurko thaj dav deš posto katar mungre love thaj mungri imovina savi dobisarav."
"Ali o porezniko ačhelas dur katar o pobožno vođa, thaj či pire jakha vazdelas opre ando nebo. Umesto godova, pećelas pe dumukhasa ando kolin thaj molisajlo: 'Devla, molimatuće smiluisar tut manđe kaj sem bezehalo.'"
Askal o Isus phendas: "Čačes phenav tumenđe. O Del ašundas e molitva e poreznikošći thaj proglasisardasle pravednikosa. Ali či sviđosajli lešće e molitva e pobožno manušešći. O Del ponizila svakones savo si ponosno, a vazdela svakone savo ponizisarelpes."
Biblijsko paramiči andar o: Matej 13,31–33, 44–46; Marko 4,30–32; Luka 13,18–21; 18,9–14