40. O Isus si razapnime

Nakon so e vojnikurja mardine muj katar o Isus, inđardine les te razapnin les. Tradineleles te inđarel o trušul pe savo merela.

E vojnikurja andine e Isuses dži ko than savo akhardolas "Lubanja" thaj e krafinenca hvardine lešće vas thaj lešće pungre po trušul. Ali o Isus phendas: "Dade, jartosar lenđe kaj či džanen so ćeren." O Pilato zapovedisardas te ramon pe jek pločica e kaštešći "Kraljo e židovengo" thaj te čhon lat po trušul ke isusesko šoro.

E vojnikurja čhudine e kocka pale e Isusešće drze. Kana ćerdine akava, ispunisardine jek proroštvo savo phenel: "Podelisardine mungre haljine maškar peste thaj kockisajle pale mungre drze."

E Isuse razapnisardine maškar duj razbojnikurja. Jek lendar marelas muj katar o Isus, a aver phendas: "Zar či daras e Devlestar? Amen sam došale, ali akava manuš naj vo si nevino." Askal phendas e Isusešće: "Molima tuće, detut gođi mande ande ćiro carstvo." O Isus phendas lešće: "Ađes avja manca ando rajo."

E Židovske vođe thaj buto aver them marenas muj e Isusestar. Phenenas lešće: "Ako san tu Čhavo e Devlesko, fulji katar o trušul thaj spasisar tut! Askal paćasa tuće."

Askal o nebo pe sasto područije potpuno kaljilo, vi ako sas godova maškaral ando đes. Kaljilo mismere thaj sas tunjariko trin saturja.

Askal o Isus čhutas muj: "Gata si! Dade, predaisar mungro duho ande ćire vas." Askal banđardas piro šoro thaj predaisardas piro duho. Kana mulo, askal sas potres e phuv ćhinosajli, a askal o zastori, savo odvoilas e theme katar e Devlešći prisutnost ando Hramo, pharilo pe duj opašina, katar o vrho dži ko krajo.

Kroz lesko smrto, o Isus putardas o drom te o them šaj avel dži ko Del. Kana o vojniko savo araćhelas e Isuse dikhla sa so sas, phendas: "Zaista, akava manuš sas nevino. Sas o Čhavo e Devlesko."

Askal o Josif thaj o Nikodem, duj židovske vođe save paćanas kaj si o Isus Mesija, phučline e Pilato pale Isusesko telo. Paćardine lesko telo ando pohtan thaj čhutinele ando limori katar izdubime stena. Askal dokotrljisardine baro bar po limori te phandaven o ulaz ande stena.

Biblijsko paramiči andar o: Matej 27,27–61; Marko 15,16–47; Luka 23,26–56; Jovan 19,17–42