Čergari: Bibliske paramiče pale savorende

Updated ? hours ago # views See on DCS

19. Prorokurja

OBS Image

Kroz sast Izraelošći istorija, o Del bičhalelas lenđe prorokurja. E prorokurja ašundine e poruka katar o Del thaj askal phenenas e themešće e Devlešći poruka.

OBS Image

Kana sas o Ahav carujilas ando Izraelo O Ilija sas proroko. O Ahav sas bilačho manuš thaj hrabrilas e themes te poštuisaren e hohamne devle savo akhardolas Baal. A o Ilija phendas e Ahavešće: "Či avela bršnd niti rosa ando Izraelsko carstvo dok me či gajda phenav." Pe godova o Ahav zurales holjarlo.

OBS Image

O Del phendas e Ilijašće te džal dži ko potoko ande pustinja thaj te garadol katar o Ahav savo kamlas te mudarel les. Svako rjat thaj svako detharin, e čiriklja anenas lešće mangro thaj mas. O Ahav thaj lešće vojnikurja rodenas e Ilija, ali naštik arakhlineles. E suša sas gajda bari pe phuv kaj po krajo vi godova potoko šućilo.

OBS Image

Zato o Ilija đelotar ande aver phuv savi sas paše. Ande godoja aver phuv trailas jek udovica thaj lako čhavo, Von skoro ačhiline bi hamasko zbog godova kaj nas bršnd thaj sas e bari suša zbog savi avili e bari bok vi ande godoja phuv. Ali von vodinas e briga palo Ilija a o Del askal vodilas e briga pale lende, gajda kaj lengo čaro palo aro thaj lenđi flaša palo zetino či ačhiline čuče. Sas len so te han kroz sasti vrjama dok sas e bok. O Ilija ačhilo okote varesave brša.

OBS Image

Nakon trin thaj epaš brš, o Del phendas e Ilijašće, te boldelpes ando Izraelsko carstvo thaj te phenel e Ahavešće kaj palem bičhalela bršnd. Kana o Ahav dikhlas e Ilija, phendas lešće: "A kate san tu savo anes nevolje!" O Ilija phendas lešće, "Tu san godova savo anel nevolje. Mukline e Jahve, e pravo Devles, thaj poštuin e Vaalo. An sa e themes andar e Izraelosko carstvo pe planina Karmel."

OBS Image

Sa o them andar o Izraelsko carstvo, uključime štar šela thaj pandžvardeš (450) Vaalošće prorokurja, aviline pe planina Karmen. O Ilija phendas e themešće: "Džikaj predomislina tumen? Ako si o Jahve Del, služisaren lešće! A ako si o Vaal Del, služisaren lešće!"

OBS Image

Askal o Ilija phendas e Vaalošće prorokonenđe: "Den čhurjasa bikos thaj pripremin les sago žrtva, ali na te den jag. Me ćerava isto gajda. O Del savo odgovoril e jagasa si čačo Del." Thaj gajda e Vaalošće rašaja pripremisardine žrtva, ali či astardine jag.

OBS Image

Askal e Vaalošće prorokurja molisajle e Vaalošće alavenca: "Šunamen o Vaale!" Sasto đes molisajle thaj čhutine muj thaj vi čhinenas pes čhurjenca, ali nas odgovoro.

OBS Image

Po krajo e đesesko, o Ilija pripremisardas žrtva e Devlešće. Askal phendas e themešće te polin dešuduj bare posude pajesa pe žrtve dok o mas, e kaš, thaj čak vi e phuv oko žrtveniko nas skroz sa ćingo.

OBS Image

Askal o Ilija molisajlo: "Jahve, Devla e Avramesko, Isakosko, thaj e Jakovesko, sikav amenđe ađes kaj san tu o Del e Izraelosko thaj kaj sem me ćiro sluga. Odgovorisar manđe te kava them džanel kaj san tu o pravo Del."

OBS Image

Andar o nebo odma peli e jag thaj dijas jag o mas, e kaš, o bar, e phuv thaj čak vi o paj kaj sas oko o žrtveniko. Kana o them dikhlas akava, peline pe phuv thaj phendine: "O Jahve si o Del! O Jahve si o Del!"

OBS Image

Askal o Ilija phendas: "Na mućen te ni jek e Baalesko proroko našel." Gajda kaj o them astardas e Vaalošće prorokonen inđardine len o kotar thaj mudardine len.

OBS Image

Askal o Ilija phendas e Ahavešće savo sas caro: "Odma bolde tu ando gav, kaj avel o bršnd." Ubrzo o nebo kaljilo thaj počnisardas o pljusko. O Jahve ačhadas e suša thaj sikadas kaj si Vo pravo Del.

OBS Image

Nakon e Ilijašći vrjama, o Del odabirisardas e manuše savo akhardolas Elizej te avel proroko. O Del ćerdas but čudurja kroz o Elizej. Jek katar e čudurja dogodisajlo e Namanešće, e dušmanešće zapovednikošće, saves sas baro morćhako nasvalipe. Vo ašundas palo Elizej thaj đelo leste thaj phučlas e Elizejes te sastarel les. O Elizej phendas e Namanešće te umočilpes efta drom ande reka e Jordanošći.

OBS Image

Po početko o Naman sas holjariko thaj či kamlas te ćerel godova, kaj zvučilas dilipe. Ali maj posle predomislisajlo thaj umočisajlo efta drom ande reka e Jordanošći. Kana zadnjo drom inkljisto, lešći morćhi sas potpuno sasti! O Del sastardasles.

OBS Image

O Del bičhalelas but averen prorokonen. Von phenenas e themešće te na majbut poštuin e idolen thaj te počnin te sikaven e pravda thaj o milosrđe averenđe. E prorokurja upozorinas e theme te ako či ačhena te ćeren bilačhipe thaj či počnin te poštuin e Devles, askal o Del osudila len sago došaren thaj kaznilalen.

OBS Image

E manuša či majbut čhonas kan ko Del. Često bilačhe postupinas e prorokonenca thaj varekana vi mudarenas len. Jekhvar o proroko Jeremija sas čhutino ane šući haing thaj muklino okote te merel. Potonisrdas ande čik savi sas tele ande haing, ali askal o caro smiluisajlo pe leste thaj naredisardas pe slugenđe te crden e Jeremija avri andar e haing maj sigo nego so merel.

OBS Image

E prorokurja nastavisardine te anen e themešće e Devlešći poruka vi ako o them mrzalas len. Upozorinas e themes kaj o Del uništila len ako či pokainpes. Gajda denas gođi e theme pe okova so o Del obećisardas lenđe kaj bičhalela pire Mesija.

Bibliske paramiče andar e: 1. Kraljurja 16–18; 2. Kraljurja 5; Jeremija 38