Čergari: Bibliske paramiče pale savorende

Updated ? hours ago # views See on DCS

18. Podelime carstvo

OBS Image

Pale but brš, o David mulo. A lesko čhavo o Salomon počnisardas te vladil po Izrael. O Del progovorisardas e Salomonešće thaj phučla les so majbut kames te avel tut. Kana o Salomon manglas mudrost, o Del sas zadovoljno thaj ćerdas les te avel maj mudro manuš po them. O Salomon sićilo but stvarja thaj sas zurale mudro sudco. O Del ćerda les te avel vi zurale barvalo manuš.

OBS Image

O Salomon, ando Jerusalimo vazdas hramo pale savo lesko dad o David ćerdas plano thaj ćidas matrijali. O them akana poštuinas e Devle thaj prinosilas lešće žrtve ando hramo umesto ando šatori e sastankosko. O Del avilo thaj sas prisutno ando hramo, thaj trajilas pire themeja.

OBS Image

Ali o Salomon volilas e romnjen andar e aver phuvja. Thaj zato či paćajas e Devlešće thaj lijas pešće pale romnja bute manušnjen, skoro miljen (1.000) len! But katar godola manušnja aviline andar e aver phuvja thaj andine pesa pire devlen thaj nastavisardine te poštuin len. Kana o Salomon phurajlo vi vo počnisardas te poštuisarel pire romnjenđe devlen.

OBS Image

O Del holjajlo po Salomon thaj obećisardas lešće, sar e kazna pale godova kaj či paćajas e Devlešće, obećisardas kaj nakon e Salomonesko smrto, podelila e Izraelošće themes ande duj carstvurja.

OBS Image

Nakon so mulo o Salomon, lesko čhavo o Rovoam postanisardas caro. O Rovoam sas bi gođaver. Sa o them andar o Izrael ćidapes te potvrdin lespalo caro. Phendas e Rovoamešće kaj o Salomon tradelas len te phare ćeren bući thaj te poćinen o baro porez.

OBS Image

O Rovoam dile phendas lenđe: "Tumen gndin kaj mungro dad o Salomon tradelas tumen te phares ćeren bući, ali me tradava tumen još majphare te ćeren bući nego so vo tradelas tumen, thaj kazniva tumen maj but nego vo."

OBS Image

Thaj gajda, deš e Izraelošće plemenurja pobunisajle protiv o Rovoam. Samo duj plemenurja ačhiline lešće verne. Akala duj plemenurja postanisardine e Judejsko carstvo.

OBS Image

Aver deš thema andar e Izraelosko plemeno, save pobunisajle protiv o Rovoam, čhutine e manušes savo akhardolas Jeroboam te avel lengo caro. Piro carstvo čhutine ande severno rig e phuvjako, a akhardinepes e Izraelosko carstvo.

OBS Image

O Jerovoam pobunisajlo protiv o Del thaj crdas e themes po bezah. Vazdas duj idolurja te o them poštuil len, umesto te poštuin e Devles ando hramo ando Judejsko carstvo.

OBS Image

E Judejsko thaj e Izraelsko carstvo postanisardine dušmaja thaj često borinas pes jek protiv avereste.

OBS Image

Ando nevo Izraelsko carstvo, sa e carurja sas bilačhe. But katar godola carurja sas mudarde katar e Izraelcurja, save kamline te postanin carurja umesto lende.

OBS Image

Sa e carurja thaj o but o them ando Izraelosko carstvo poštuinas e idolen. Lengo klanjipe e idolenđe često uključilas seksualno bilačhipe, a varekana prinosinas e čhavrenca sago žrtve.

OBS Image

E Judejske carurja sas potomkurja e Davidešće. Varesave katar godola carurja sas lačhe manuša save vladinas pravedno thaj poštuinas e Devles. Ali majbut e Judejske carurja sas bilačhe thaj poštuinas e idolen. Varesave carurja čak žrtvuinas pire čhavren e hohamne devlenđe. But o them andar e Judeja isto pobunisajle protiv o Del thaj poštuinas aver devlen.

Bibliske paramiča andar e: 1. Kraljevima 1–6; 11–12