1. Čeripe

Ak sar čerdilo sa maj angleder. O Dol čerda o svemir thaj sa ane leste paše šov đive. O Dol čerda i phuv, i phuv sasa tamno thaj čuči, thaj naj sasa khanči oblikujimi. A pe paja sasa e Devleso Dux.

O Dol vačarda: „Nek avol svetlo!“ Thaj čače avilo svetlo. O Dol dikhlja kaj o svetlo si šukar i dijale vika „đive“. Crdijale tari tama, savo dija vika „rat“. O Dol čerda o svetlo ko prvo đive taro čeripe.

Ko dujto đive taro čeripe, o Dol vačarda i čerda o nebo (ćeri) upreder i phuv. Čerda o ćeri gija so crdija o paj odupral taro paj telal.

Ko trito đive, o Dol vačarda i crdija e paja taro kopno. O kopno dija vika „phuv“ a e paja dija vika „more“. O Dol dikhlja da sa so čerda sasa šukar.

Tegani o Dol vačarda: "Andari phuv nek barol sa vrste kašta thaj biljke." I gija sasa. O Dol dikhlja kaj sa so čerda si šukar.

Ko štarto đive taro čeripe, o Dol vačarda i čerda o kham, o čhon thaj e čerenja. O Dol čerda len te den svetlo e phuvaće te označin i o đive thaj i rat, e beršese dobura thaj e berša. O Dol dikhlja da sa so čerda sasa šukar.

Ko panđto đive, o Dol vačarda thaj čerda sa so plivil ane paja thaj sa e čirikljen. O Dol diklja kaj si gova šukar thaj bahtarda len.

Ko šovto đive taro čeripe, o Dol vačarda: „Nek aven životinje sa e vrste ki phuv!“ Thaj sa čedilo gija sar o Dol so vačarda. Nesave životinje sesa domaća, nesave lazisade pi phuv a nesave sesa divlja. O Dol diklja da si gova šukar.

O Dol vačarda: „Ka čera manušen pali amari slika te aven sar amen. Len ka avol autoritet pi phuv thaj pe životinje.“

Gija, o Dol lija zala phuv, čerda la ano oblik sar manuš, thaj phurdija o životo ane leste. Gole manušeso alav sasa Adam. O Dol čerda bačava kaj o Adam šajine te živil thaj čutale gothe te šaj vov dičhola i bačava.

Maškar i bačava, o Dol sadisada duj posebna kašta—kaš taro životo thaj kaš tar savo đanol pe o šukar thaj o bilačhipe. O Dol vačarda e Adamese kaj šaj hal tar sa e kašta ani bačava sem taro kaš tar savo đanol pe o šukar thaj o bilačhipe. Ako hal tare gova kaš, ka merol.

Thaj o Dol vačarda: „Naj šukar o manuš te avol korkoro.“ A nijekh životinja tari bačava našti avol e Adameso pomoćniko.

Thaj gija o Dol sovljarda e Adame zurale. O Dol lija jekh tare Adamese pašavre i čerda đuvlja thaj anda la e Adamese.

Kad dikhlja la o Adam, vačarda: „Gijate, voj si sar me! Neka avol lako alav ,Romni', golese kaj čerdi taro Murš.“ Golese o murš ka ačhavol pe dade thaj pe da thaj ka avol jekh telo pe romnjasa.

O Dol čerda e murše thaj e đuvlja ke piri slika. Bahtarda len thaj vačarda lenđe: „Te avol tumen pherdo čhave thaj unukura thaj pheren i phuv“. A o Dol dikhlja da sa so čerda sasa but šukar, i sasa zadovoljno sa gova so čerda. Gova čerdilo pe ko šovto đive taro čeripe.

Ke eftato đive o Dol završisada pi buči. Gija o Dol odmorisada tare buča so čerda. Bahtarda o eftato đive i čerdale te avol sveto, golese kaj ke gova đive odmorisada tare pi buči. Gija o Dol čerda o svemir i sa ane leste.

Biblisko paramič andaro: 1 lil e Mojsijaso 1-2