19. Prorokura

Maškari celo istorija tare Izraelcura, o Dol bičhalda prorokuren. E prorokura šunde e Devlese habera taro Dol thaj vačarde e narodose e Devlese habera.

O Ilija sasa proroko kad o Ahav sasa kraljo taro Izraelsko Kraljevstvo. O Ahav sasa bilačho manuš thaj čuta e manušen te klanjinpe hohavne devle kaso alav sasa Vaal. O Ilija vačarda e Ahavese: „Ni ka avol bršnd thaj rosa ano Izraelsko Kraljevstvo dok me ni vačarav.“ Gova čerda e Ahave but holjame.

O Dol vačarda e Ilijase te đal đi ko jek potoko ani pustinja thaj te garadol taro Ahav kaj manglja te mudarole. Svako sabalje taj ki rat, e čiriklja andelese mas thaj mangro. O Ahav taj lese vojnikura rodije e Ilija, al naštine te aračhen le. O šučipe sasa gači zuralo kaj i o potoko šučilo.

Gija o Ilija đelo ane aver phuv. Jekh udovica thaj lako čhavo ačhile bizo hape kaj sasa šučhipe so anda kaj naj bršind. A von dikhlje e Ilija, thaj o Dol čerda gija kaj lenđi posuda e aresa thaj e uljesa naj čuči. Sasalen hamase ke kava bukhalipe. O Ilija ačhilo gothe berš đive.

Pale trin tepaš berš, o Dol vačarda e Ilijase te irilpe ano Izraelsko Kraljevstvo te vačarol e Ahavese kaj ka bičhalol bršind. Kad o Ahav dikhlja e Ilija vačarda: „Kate san, tu savo ane problemura!“ O Ilija vačarda lese: „Tu san gova savo anol problemura. Ačhaden e Jahve, pravone Devle, thaj klanjin tumen e Vaalese. An sa e manušen taro Izraelsko Kraljevstvo ko brego Karmel.“

Sa e manuša taro Izraelsko Kraljevstvo, thaj 450 e Baalese prorokura, avile ko brego Karmel. O Ilija vačarda e manušenđe: „Đi kad ka predomislin tumen? Ako si o Jahve tumaro Dol, lese služin, ako si o Vaal tumaro dol, lese služin!“

Tegani o Ilija vačarda e Baalese prorokurenđe: "Čhinen guruve thaj spreminle sar žrtva, a ma phabaren jag. I me ka čerav gova. Dol savo phabarol jag si pravo Dol." Gija e Baalese prorokura spremisade žrtva, a ni phabarde jag.“

Tegani e Baalese prorokura molisade e Vaale: „Šun amen, Vaale!“ Celo đive molisade dije vika pa i čhindepe čhurikencar, a naj sasa odgovori.

Ko kraj o đive, o Ilija spremisada e žrtva e Devlese. Vačarda e manušenđe te čhoren dešuduj bare čare pajesa pi žrtva po mas, pe kašta thaj pi phuv sa dok naj sasa sa čingo.

O Ilija molisada: „Jahve, o Dol e Avrameso, e Isakoso thaj e Jakoveso sikav ađive kaj san tu Dol taro Izrael thaj kaj sem me leso kandino. Odgovori manđe te bi đanen kala manuša kaj san tu lengo čačukano Dol.“

Odma i jag peli taro nebo thaj phabarda o mas, e kašta, e bara, i phuv, thaj o paj sasa pašo žrtveniko. E manuša gova dikhlje, pele ki phuv thaj vačarde: „O Jahve so o Dol! O Jahve so o Dol!“

O Ilija vačarda: „Ma mučhen nijekh e Vaaleso proroko te našol.“ E manuša dolde sa e Vaalese prorokuren, inđardelen gothar thaj mudarde len.

O Ilia vačarda e kraljose e Ahavese: „Akana iritu ano foro, irilpe o bršund.“ Pal gova o nebo kalilo i lija te dolpese. O Jahve ačhada o šučipe thaj sikada kaj si Vov čačukano Dol.

Pale Ilijaso vreme, o Dol birisada e manuše palo alav Elisej te avol proroko. O Dol čerda but čudura kroz o Elisej. Jekh taro čudo sasa e Naamanesa, e dušmanengo zapovedniko, save sasa bilačhi kožno nasvalipe. Šunda e Elisijese taj đelo e Elisija te sastarole. O Elisej vačarda e Naamanese te činđarolpe efta droma ani len o Jordan.

Angleder, o Naaman sasa holjamo thaj ni manglja te čerol gova, golese kaj sasa lese glupo. A kasnije predomislisajlo, činđardape efta drom ani len o Jordan. Kad eftato drom činđardape, lesi koža sastili! O Dol sastarda le.

O Dol bičhalda buten prorokuren. Von vačarena e manušenđe te ačhaven te klanjinpe e idolurenđe thaj te sikaven i pravda taj milost averenđe. E prorokura upozorisade e manušen te ačhaven o bilačhipe thaj te šunen e Devle, o Dol ka sudilen sar kriva thaj ka kaznil len.

Po but vreme, ni šunde e Devle. But droma ni čerde šukar e prorokurencar a nekad i mudarenalen. Jekhdrom, e proroko e Jeremija čute ano šuko bunari thaj ačhadele te merol. Ani čik lija te properol ko bunari, a tegani o kraljo pelo lese žal taj čuta pe kandinen te ikalen e Jeremija taro bunari angleder te merol.

E prorokura i dalje vačarde taro Dol thaj e manuša ni manglje len. Vačarde e manušenđe da o Dol ka uništil len ako ni pokajinpe. A i vačarde e manušenđe zako obećanje da ka avol e Devleso Mesija.

Biblisko paramič andaro: 1 lil e Caronenđe 16-18; 2 lil e Caronenđe 5; Lil e Jeremijaso 38