42. O Isus irilpe ano čeri (nebo)

Ko đive kad o Isus uštilo tare mule, duj lese sikade sesa ano foro savo sasa paše. Dok phirde, vačarde maškare peste so sasa e Isusesa. Nadisajle kaj si vov o Mesija, a akana mudardo. Akana e romnja vačaren kaj si đuvdo. Ni đanglje so te pačhan.

O Isus avilo paše lende thaj lija te phirol lencar, al von ni pinđardele. Pučljalen sostar vačarde, thaj vačarde lese tare but šukar buča save sesa e Isusesa kala nesave đive save nakhle. Von mislisade kaj vačaren nesave manušesa savo avilo te dičhol o foro savo kančhi niđanol so sasa kala đive ano Jerusalim.

Tegani o Isus sikadalen so vačarol o Lafi e Devleso taro Mesija. Anda len ani gođi so vačarde e prorokura, kaj vačarde kaj o Mesija mora te patil thaj ka avol mudardo, thaj kaj ka uštol o trito đive. Resle ando foro kaj manglje te aven kala duj đene, paše peli i rat.

Kala duj manuša akhardele e Isuse te ačhol lencar, thaj vov ačhilo. Kad sesa spremna te han večera, o Isus vazdija o mangro, zahvalisada e Devlese, thaj phaglja le. Tari jekh drom von phinđarde kaj si vov o Isus. Ali ane gova trenutko, o Isus hasajlo angle lenđe jakha.

Sojduj manuša vačarde jekh averese: „Kava sasa o Isus! Golese amare ile phabile kad vačarda amenđe taro Lafi e Devleso!“ Sigate đele ando Jerusalim. Kad resle, vačarde e sikadenđe: „O Isus si đuvdo! Dikljam le!“

Dok e sikade vačarde maškar peste, o Isus tari jekh drom sasa ani soba thaj vačarda: “Mir tumecar!“ E sikade mislisade kaj diklje duxo, a o Isus vačarda: „Sose sen dadarde thaj sumljin? Dičhen me vasat thaj me pingre. E duxuren naj telo sar man so isi." Te bi sikavolenđe kaj naj dux, rodija hamase. Dijele kotor peče mačhe, thaj vov halja.

O Isus vačarda: „Vačardem tumenđe da sa so pisil ano Lafi e Devleso ka ispunil pe.“ Tegani putarda lenđi gođi te šaj razumin o Lafi e Devleso. Vačarda: „Dumutane sasa pisimo kaj o Mesija ka patil, ka merol, thaj ka uštol o trito đive.“

"Gija vačarol o Lafi kaj mingre sikade ka vačaren savorenđe te pokajin pe taj te len o oproštenje pumare bezehenđe. Ka počnin taro Jerusalim, thaj ka đan ke sa e manuša kaj isi. Tumen sen svedolura kalestar.“

Ke gola saranda đive, o Isus iklilo pe sikadenđe but droma. Jekh drom paše 500 đenenđe tari jekh drom! Dokažisada pe sikadenđe ke but načinura kaj si vov đuvdo, thaj sikada len taro Kraljevstvo e Devleso.

O Isus vačarda pe sikadenđe: „Sa o vlast ko čeri thaj ki phuv dijape manđe. Golese, đan, čeren sikaden tare sa e narodura gija kaj bolden len ko alav e Dadese, e Čhavese, thaj e Duxo Svetoso, sikavenlen te aven kola save ka šunen so me tumenđe vačardem. Den tumen gođi, me ka avav uvek tumencar.“

Saranda đive palem so uštilo tare mule, vačarda pe sikadenđe: „Ačhen ano Jerusalim dok mo Dad ni doltumen o zuralipe tegani kad perol o Dux Sveti pe tumende.“ Tegani o Isus uštilo ano čeri, o oblako garadale tare lengo dičhipe. O Isus bešlo ki desno rig e Devlese te vladil pe sa.

Biblisko paramič andaro: Evangelijum taro Matej 28:16‒20; Evangelijum taro Marko 16:12‒20; Evangelijum taro Luka 24:13‒53; Evangelijum taro Jovan 20:19‒23; Buča e Apostolenđe 1:1‒11