44. O Petar thaj o Jovane sastaren e prosjako
Jekh đive o Petar thaj o Jovane đele ano Hram. Kad avile pašo Hramsko vudar, dikhlje banđe manuše sar manđolpese pare.
O Petar dikhlja kale banđe manuše thaj vačarda: „Najma pare te dav tut. Al ka dav tut kova so isima. Ane Isuseso alav, ušti thaj phir!“
O Dol odma sastarda e banđe manuše, a vov sigate lija te phirol te hutol gothe, thaj slavisada e Devle. E manuša ani avlin taro Hram sesa začudime.
But đene sigate avile te dičhen e manuše savo sasa sastardo. O Petar vačarda lenđe: „Sose sen začudime kaj si kava manuš sastardo? Amen ni sastardam le amare zorasa il šukarimasa. Gova sasa e Isuseso zuralipe thaj o phačape savi o Isus dija te sastara kale manuše.“
„Tumen sen gola save vačarde e Rimskonese upraviteljese te mudaren e Isuse. Tumen mudarden e manuše savo dol životo, al o Dol vazdija le tare mule. Iako ni razumisaden so čerden, o Dol iskoristisada tumare delura te bi ispunilape o proroštvo kaj o Mesija trubul te trpil thaj te merol. Golese akana pokajin tumen, thaj irin tumen karo Dol tebi tumare bezeha avena thode.“
E anglune taro Hram sesa but holjame so o Petar thaj o Jovan vačarde. Golese doldelen thaj čutelen ano phanglipe. But đene pačhaje ane Petreso lafi so vačarda, thaj o broj tare manuša so pačaje ano Isus barilo ke 5000.
Aver đive e Jevrejska vođe ande e Petre thaj e Jovane anglo anglunosvešteniko thaj avera verska anglune. Pučlje e Petre thaj e Jovane: „Kase zuralimasa sastarden kale banđe manušen?“
O Petar vačarda lenđe: „Kava manuš so ačhol angle tumende sastardo si e zuralimasa taro Isus o Mesija. Tumen inzarisaden e Isuse, a o Dol vazdijale ano životo! Tumen crdijen le tumendar, al naj nijek aver način kastar šaj avol spasenje samo ko zuralipe e Isuseso!“
E anglune sesa šokirime sar vačarde o Petar thaj o Jovan gija šukar kaj đanglje kaj si kala duj obična manuša thaj ni nakle nisavi bari škola. Tegani setisajle kaj kala manuša sesa e Isusesa. Pale gova pretisade e Petre thaj e Jovane thaj mukhljelen.
Biblisko paramič andaro: Buča e Apostolurenđe 3:1‒4:22