6. O Dol brinil pe e Isakose

Kana o Avraam sasa but purano, leso čhavo, o Isak, čerdilo baro murš. O Avram bičhalda jekhe kandine te iril pe ani phuv kaj sesa e Avraamesi familija, te anol romnja lese čhavese e Isakose.

But dur sasa o drom kaj bešli e Avraamesi familija, o Dol inđarda e kandine đi ki Reveka. Voj sasa e Avraamese phralesi unuka.

I Reveka pristanisada te ačhavol pe familija thaj te iril pe e Isakose kandinese ane leso čher. O Isak lija la romnjaće samo so avili.

Nakhle but berša, o Avraam mulo, i sa so dija o lafi thaj i sovli e Avraamese nakhle po Isak. O Dol dija lafi kaj ka aven e Avraamese potomkura gaći da nakašti te đinen pe, a e Isakosi romni, i Reveka, naštine te aven la čhave.

O Isak molisajlo e Revekaće, thaj o Dol dija te ačhol khamni, bliznakonencar. Duj čhavore borina pe ane Revekako đi, pa i Reveka pučlja sosi gova.

O Dol vačarda e Revekaće: „Duj narodura ka ikljen tare će duj čhave save si ane tute. Ka borin pe maškar peste thaj o phureder ka služil e ternese.“

Kana bijandile e Revekaće čhave, o phureder čhavo sasa lolo thaj balalo, i dijele alav Esav. A o cikneder ičarda e Esave tari patum, golese dijele alav Jakov.

Biblisko paramič andaro: 1 lil e Mojsijaso 24:1-25:26