18. Ulado kraljevstvo
Nakhle but berša, o David mulo. Leso čhavo o Salomon lija te vladil po Izrael. O Dol vačarda e Salomonesa thaj pučljale so majbut lestar manđol. Kad o Solomon manglja mudrost, o Dol sasa but zadovoljno lestar thaj čerdale em maj mudro manuš ko sveto. O Salomon siklilo but stvara golese sasa but mudro sudija. O Dol čerdale te avol em barvalo.
Ano Jerusalim, o Salomon čerda o Hram savese plan čerda leso dad thaj čidija materijal. O narodo akana klanjisajlo e Devlese taj anda žrtven ano Hram umesto ano Šatori tare Sastankura. O Dol avilo ano Hram, thaj živisada pe narodosa.
O Salomon manglja romnjen andare avera phuva. Sasa neposlušno e Devlese thaj ženisada bute romnjen, sasale paše 1000 đuvlja! But lendar sesa đuvlja andare avera phuva thaj von ande pe devlen pesa, thaj savenđe klanjisajle. Kad o Salomon sasa purano, vov klanjisajlo lenđe devlenđe.
O Dol sasa holjamo po Salomon thaj, sar kazna e Salomoneso neverstvo, obećisada kaj ka podelil e narodo Izraelskone ke duj kraljevstvura pale leso meripe.
O Salomon kad mulo, leso čhavo, o Rovoam, avilo kraljo. O Rovoam sasa budala. Sa e manuša taro Izraelsko narodo čidijepe te potvrdin le kraljose. Vačarde e Rovoamese kaj o Salomon čhuvola len te čeren phari buči thaj počinena lese baro porezi.
O Rovoam lenđe budalčasto vačarda: „Tumen mislisaden kaj mo dad o Salomon čhuvolatumen te čeren phari buči, me ka čhuvav tumen te čeren po but buči, thaj ka kazniv tumen po but nego vov.“
Deš plemenura taro Izraelsko narodo bunisajle protiv o Rovoam. Ačhile lese verna samo duj plemenura. Kala duj plemenura postanisade o Judejsko Kraljevstvo.
Kola deš plemenura taro Izraelsko narodo save bunisajle protiv o Rovoam čute manuše kaso alav si Jerovoam te avol lengo kraljo. Čute po kraljevstvo ano severno thand e phuvako thaj dijele vika Izraelsko Kraljevstvo.
O Jerovoam bunisajlo protiv o Dol thaj čuta e manušen ane bezeha. Čerda dujen idolen te klanjinpe lenđe umesto e Devle ano Hram ano Judejsko Kraljevstvo.
O Judejsko thaj o Izraelsko kraljevstvo postanisade dušmanura thaj but droma mardepe jekh protiv avereste.
Ano nevo Izraelsko Kraljevstvo, sa e kraljura sesa bilačhe. But tare kala kraljura mudarde sesa tare Izraelcura save manglje te aven kraljura umesto lende.
Sa e Kraljura taj po but narodo ano Izraelsko Kraljevstvo klanjisajle zake idolura. Lengo klanjipe e idolurenđe avola gija so sasa seksualno nemoral nesavo drom i pe čhaven žrtvuina.
E Judejska kraljura sesa potomkura e Davidese. Nesave kraljura sesa šukar, vladisade pravedno taj klanjisajle e Devlese. Al po but tare Judejska kraljura sesa bilačhe thaj pokvarime, thaj klanjisade e idolenđe. Nesave kraljura žrtvuisade pe čhaven hohavne devlenđe. Po but manuša bunisajle protiv o Dol taj klanjisajle avere devlenđe.
Biblisko paramič andaro: 1 lil e Caronenđe 1-6; 11-12