29. Paramič taro nemilosrdno kandino

Jekh đive, o Petar pučlja e Isuse: "Gospodarona, kozom droma trubul te oprostiv me phralese ako grešil protiv mande? Efta drom“? O Isus vačarda lese: „Na efta droma, nego eftavardeš drom po efta!" Kalesa o Isus mislisada da uvek trubul te oprosti. O Isus vačarda kaja paramič.

O Isus vačarda: „O kraljevstvo e Devleso si saro kraljo savo manđol te ravnil e računura pire kandinencar. Jekh kandino sasa dužno baro borči gači baro sar plate paše 200.000 berša.“

„Sar o kandino naštine te počinol po borči, o kraljo vačarda: 'Bičinen kale manuše thaj lese familija sar roburen te bi počinolape leso borči.“

„O kandino pelo pe pire koča anglo kraljo thaj vačarda: ´Moliv tut av strpljivo mancar, ka iriv sa so sem borči.´ O kraljo smiluisajlo e kandinese, uljarda sa leso borči thaj mukhlja le.“

„A gova kandino kana đelo talo kraljo, araklja pe kolega savo sasa kandino savo lese sasa borči štar čhon plata. O kandino doldale pe kolega i vačarda lese: ´Iri me pare so san manđe borći!´“

„O kolega taro kandino pelo pese ke pe koča thaj vačarda: ´Moliv tut ađučarman, i ka dav tut sa so sem tuče borči.´ Al mesto gova, o kandino čhudija pe amale ano phanglipe sa dok ni iril o borči."

„Nesave avera kandine diklje sa so sasa thaj sesa but uznemirime. Đele ko kraljo thaj sa vačarde lese so sasa.“

„O kraljo akharda gole kandine thaj vačarda: ´Tu bilačheja kandineja! Oprostisadem tuče gači dugo golese kaj molisadan man. Tu trubujan gija te čere.´ O kraljo sasa gači holjamo kaj čhudija e bilačhe kandine ano phanglipe dok ni isplatil sa o borči.“

Tegani o Isus vačarda: „Kava ka čerol mo nebesko Dad thaj tumenđe ako ni oprostin tumare phralenđe taro ilo.“

Biblisko paramič andaro: Evangelijum taro Matej 18:21-35