24. O Jovane boldol e Isuse

O Jovane, o čhavo e Zaharijako thaj e Jelisavetako, barilo thaj avilo proroko. Živisada ani divljina, halja avđin thaj skakavcura thaj inđarda šeja čerde tare bala e kamilaće.

But đene iklile ani pustinja te bi šunena e Jovane. Vov propovedisada thaj vačarola lenđe: „Pokajin tumen, kaj si o kraljevstvo e Devleso paše!“

Kad e manuša ašunde so vačarola o Jovane, but đene lendar pokajlisale tare pe bezeha, a o Jovane boldisadalen. But e verska vođe i von avile te boldolen o Jovane, al von ni pokaisajle ni priznajisade pe bezeha.

O Jovane vačarda e verskone vođenđe: “Tumen sen sapa otrovna! Pokain tumen i menjin tumaro ponašanje. Svako kaš savo ni anol šukar bijandipe ka avol čhindo thaj ka avol čhudimo ani jag.“ O Jovane pherda kova so e prorokura vačarde: „Dik, bičhalav me glasniko angle tute, savo ka čerol o čiro drom.“

Nesave Jevreja pučlje e Jovane vov li si o Mesija. O Jovane vačarda lenđe: „Me najsem o Mesija, al ka avol neko pale mande. Vov si gači baro, me naj sem vredno ni lese menije te uljarav.“

Aver đive, o Isus avilo te boldole o Jovane. Kad dikhljale o Jovane, vačarda: „Dičhen. Ek o Bakro e Devleso savo ka inđarol e bezeha kale svetose.“

O Jovane vačarda e Isusese: „Naj sem vredno te boldav tut. Tu man trubul te bolde.“ A o Isus vačarda: „Tu trubul te boldema, gija trubul te čerdol.“ Gija o Jovane boldisada le, a o Isus nikad ni grešisada.

Kad o Isus iklilo andaro paj kad sasa boldimo, o Dux e Devleso iklilo ano oblik e goluboso ulilo thaj ačholo pe leste. Tad, e Devleso glaso vačarda taro nebo: „Tu san Čhavo kas me kamav, but sem zadovoljno tusa.“

O Dol angleder vačarda e Jovanese: „O Dux Sveti ka ačhol pe kova save bolde. Goja osoba si o Čhavo e Devleso.“ Samo jekh si Dol. A kad o Jovane boldisada e Isuse, šunda e Devle e Dadesar vačarol, dikhlja e Devle e Čhave, gova si o Isus, thaj dikhlja e Sveto Duxo.“

Biblisko paramič andaro: Evangelijum taro Matej 3; Evangelijum taro Marko 1:9-11; Evangelijum taro Luka 3:1-23