20. O izgnanstvo thaj iripe

O Izraelsko Kraljevstvo thaj o Judejsko Kraljevstvo sojduj grešisade premalo Dol. Phaglje o savez kova savo phanglja o Dol lencar ko Sinaj. O Dol bičhalda pe prorokuren te vačarol lenđe tebi pokainape thaj palem te klanjinpe lese, al von ni manglje te šunen.

Golese o Dol kaznisada sojduj kraljevstvura gija so mukhlja lenđe dušmanurenđe te uništilen. O Asirisko Kraljevstvo, jekh zuralo, bilačho narodo, uništisada o Izraelsko Kraljevstvo. E Asircura mudarde bute manušen ano Izraelsko Kraljevstvo, lije sa so sasa vredno, thaj phabarde lenđi phuv.

E Asircura čidije sa e vođen, e barvalen, thaj e đanglen manušen thaj inđardelen ani Asirija. Ano Izraelsko Kraljevstvo ačhile samo e čore Izraelcura kas ni mudarde.

A ani phuv taro Izraelsko Kraljevstvo ande averen manušen save te bešen gothe. Gola avera manuše čerde forura thaj lijepe e Izraelcurencar save ačhile gothe. E potomkura tare Izraelcura save lijepe avere manušencar lengo alav si Samarijancura.

E manuša taro Judejsko Kraljevstvo diklje sar sesa kaznime taro Dol o narodo taro Izraelsko Kraljevstvo golese kaj ni šunde Le. A von klanjisajle e idolenđe, thaj e devlenđe tare Kanaancura. O Dol bičhalola e prorokuren a von ni manglje te šunen len.

Nakhle paše 100 berš sar e Asircura phaglje o Izraelsko Kraljevstvo, o Dol bičhalda e Navahudonozore, o kraljo Vavilonsko, te te napadil o Judejsko Kraljevstvo. O Vavilon sasa zuralo carstvo. O Judejsko kraljo dija te avol e Navahudonezereso kandino thaj te počhinol lese but pare svako berš.

Al pale nesave berša, o Judejsko kraljo bunisajlo protiv o Vavilon. Von čidijepe taj napadisade o Judejsko Kraljevstvo. Osvojisade o foro o Jerusalim, sa phaglje o Hram, thaj lije sa o blago taro foro thaj taro Hram.

Te bi kaznila e Judejskone kraljo so bunisajlo, e Navahudonozorese vojnikura mudarde e kraljose čhaven angle leste a le korade. Pal gova inđarde e kraljo ano phanglipe te merol ano Vavilon.

O Navahudonozor thaj lesi vojska inđarde sa e manušen taro Judejsko Kraljevstvo ano Vavilon, ačhade samo e čore manušen te sijin i phuv. Kava doba kad e Devleso narodo sasa naterimo te ačhavol i Obećimi phuv akhardol Izgnanstvo.

I kaj kaznisada pe narodopaše lenđe bezeha gija so inđardalen ano izgnanstvo, Vov ni zabistardalen a i piro obećanje. O Dol pazisada pe piro narodo thaj vačarda lenđe prekale pire prorokura. O Dol obećisada lenđekaj ka, pale eftavardeš berš, opet ka irinpe palal ani Obećimi phuv.

Eftavardeš berš nakle, o Kir o persisko kraljo, pobedisada e Vavilone, i gija o Perisko Carstvo menjisada e Vavilonskone Carstvo. E Izraelcura akana dijepe vika Jevreja thaj po but đene po celo životo nakhade ano Vavilon. Samo zala purane manuša Jevreja setina pe e Judejskone phuvače.

O Persisko Carstvo sasa zuralo, ali šukar premale narodura saven pokorisade. I gija kad o Kir sasa kraljo tari Persija, naredisada savo Jevrejo manglja te irilpe ani Judeja, šaj irilpe šaj mečhol i Persija ite đal palal ani Juda. Dijalen i pare te vazden o Hram! Gijate, pale eftavardeš berš ano izgnanstvo, jekh cikni grupica tare Jevreja, irisajle ano Jerusalim ani Judeja.

Kad e manuša avile ano Jerusalim, opet vazdije o Hram, taj e duvara okolo o foro. Ako sesa talo vlast avere narodostar, von živisade ani Obećimi phuv taj klanjisajle ano Hram.

Biblisko paramič andaro: 2 lil e Caronenđe 17; 24-25; 2 lil taro Dneviko 36; lil e Ezraso 1-10; lil e Neemijaso 1-13