46. O Pavle čerdol hršćanino

O Savle si kova čhavo savo arakhlja e šeja kole manušenđe so mudarde e Stefane. Vov ni pačhaja ano Isus, golese but progonisada kolen ko pačhan. Đala taro čher ko čhern ano Jerusalim te bi dolola e muršen thaj e đuvljen thaj čhudola len ano phanglipe. O anglunosvešteniko mukhlja e Savle te đal ano Damask te bi dolola e hrišćanuren thaj te irilen ano Jerusalim.

Dok o Savle sasa po drom zako Damask, zuralo svetlo taro čeri sijaisada paše leste, i vov pelo ki phuv. O Savle šunda nekas sar vačaraol: „Savle! Savle! Sose progonima?“ O Savle pučlja: „Ko san tu Rajona?“ O Isus vačarda lese: „Me sem o Isus. Tu man progoni!“

Kad o Savle uštilo, naštine te dičol. Lese amala andele ando Damask. O Savle ni halja ni pilja khanči trin đive.

Ano Damask sasa jekh učeniko leso alav sasa Ananija. O Dol vačarda lese: „Đa ano čher kaj si o Savle. Čhu če vasta pe leste te bi šaj vov dičhola ponovo.“ A o Ananija vačarda: „Rajona, šundem kaj gova manuš gonil e pačavnen.“ O Dol vačarda lese: „Đa! Le odabirisadem te vačarol tare mo alav e Jevrejenđe, thaj e manušenđe tar aver narodura. Vov but ka trpil me alavese.“

Gija o Ananija đelo ko Savle, čuta pe vasta pe leste, thaj vačarda: „O Isus, kova kas dikhljan ko drum akari kad aviljan, bičhaldama te šaj iriv čo dičhipe thaj te ave pherdo Dux Sveti.“ O Savle odmah lija te dičhol, a o Ananija boldisadale. O Savle halja khanči thaj lesi zor irisajli.

O Savle odma lija te propovedil e Jevrejenđe ano Damask, vačarola: „O Isus si o Čhavo e Devleso!“ E Jevreja sesa zadivime e manušesa savo manglja te mudarol e pačavnen akana pačal ano Isus! O Savle čerda čingara e Jevrejencar, i sikavol lenđe kaj si o Isus o Mesija.

Pale but đive, e Jevreja čerde plan sar te mudaren e Savle. Bičhalde manušen te roden le ke forurenđe vudara te bi mudaren le. A o Savle šunda gole planose, thaj lese amala pomognisade lese te našol. Jekh rat mukhljele tare duvara andi krošnja. Pale našipe e Savleso taro Damask, vov ni ačhada te vačarol taro Isus.

O Savle đelo ano Jerusalim te aračholpe e učenikurencar, a von darajle lestar. Tegani o pačavno kaso alav sasa Varnava inđarda e Savle kare apostolura, thaj vačarda lenđe sar o Savle bi darako vačarda ano Damask. Pale gova e učenikura manglje e Savle.

Nesave pačavne save našle andaro Jerusalim kaj sesa progonime đele dur ano foro i Antiohija thaj vačarde taro Isus. Po but đene ani Antiohija naj sesa Jevreja, thaj, angluno drom, but đene lendar postanisade kola save pačan. O Varnava thaj o Savle đele odoring te sikaven kalen neven pačavnen po but taro Isus thaj zurade i kanđiri. Taj angleder ani Antiohija e pačavne ano Isus dobisade alav „Hrišćanura“.

Jekh đive, dok e hrišćanura ani Antiohija postisade thaj molisade, o Dux Sveti vačarda lenđe: „Crden manđe e Varnava thaj e Savle te čeren buči zaki buči savi me akhardem len.“ Gija i kanđiri ani Antiohija molisajle e Varnavese thaj e Savlese thaj čute pe vasta pe lende. Gothar bičhalde len te vačaren o šukar lafi taro Isus ke but avera thana. O Varnava thaj o Savle sikade manušen tare but narodura, thaj but đene pačaje ano Isus.

Biblisko paramič andaro: Buča e Apostolurenđe 8:3; 9:1‒31; 11:19‒26; 13:1‒3