Revelation

Revelation 1

Revelation 1:1-3

ସର୍ବ ପ୍ରଥମେ ଏହି ପ୍ରକାଶନ କାହାଠାରୁ ଆସିଥିଲା, ଏବଂ ଏହି ପ୍ରକାଶନ କେଉଁମାନଙ୍କୁ ଦେଖାଯାଇଅଛି ?

ଈଶ୍ଵରଙ୍କ ଠାରୁ ଯୀଶୁ ଖ୍ରୀଷ୍ଟଙ୍କର ପ୍ରକାଶନ ଆସିଲା, ଏବଂ ତାହାଙ୍କ ଦାସମାନଙ୍କୁ ଦେଖାଯାଇଅଛି [୧:୧]।

ଏହି ପ୍ରକାଶନର ଘଟଣାଗୁଡିକ କେବେ ଘଟିବ ?

ଏହି ପ୍ରକାଶନର ଘଟଣାସବୁ ଶୀଘ୍ର ଘଟିବ [୧:୧]।

ଏହି ପୁସ୍ତକ ଦ୍ଵାରା କିଏ ଆଶୀର୍ବାଦପ୍ରାପ୍ତ ହେବେ ?

ଯେଉଁମାନେ ଉଚ୍ଚ ସ୍ଵରରେ ପଢିବେ, ଶୁଣିବେ, ଏବଂ ଏହାକୁ ପାଳନ କରିବେ ସେମାନେ ଆଶୀର୍ବାଦପ୍ରାପ୍ତ ହେବେ [୧:୩]।

Revelation 1:4-6

ଏହି ପୁସ୍ତକକୁ କିଏ ଲେଖିଲେ, ଏବଂ କାହାକୁ ସେ ଲେଖିଲେ ?

ଏହି ପୁସ୍ତକକୁ ଯୋହନ ଲେଖିଲେ, ଏବଂ ସେ ଆସିଆସ୍ଥ ସପ୍ତ ମଣ୍ଡଳୀକୁ ଲେଖିଲେ [୧:୪]।

ଯୋହନ ଯୀଶୁଙ୍କର କେଉଁ ତିନୋଟି ପଦବୀ ବିଷୟରେ କୁହନ୍ତି ?

ଯୋହନ ଯୀଶୁଙ୍କୁ ବିଶ୍ଵସ୍ତ ସାକ୍ଷୀ, ମୃତମାନଙ୍କ ମଧ୍ୟରୁ ପ୍ରଥମ ଜାତ, ଏବଂ ପୃଥିବୀର ରାଜାମାନଙ୍କର ରାଜାର ପଦବୀ ଦିଅନ୍ତି [୧:୫]।

ବିଶ୍ଵାସୀମାନଙ୍କୁ ଯୀଶୁ କ'ଣ କରିଅଛନ୍ତି ?

ଯୀଶୁ ବିଶ୍ଵାସୀମାନଙ୍କୁ ପିତା ଈଶ୍ଵରଙ୍କର ରାଜା ଏବଂ ଯାଜକବର୍ଗ କରିଅଛନ୍ତି [୧:୬]।

Revelation 1:7-8

ଯେତେବେଳେ ଯୀଶୁ ଆସିବେ ତାହାଙ୍କୁ କେଉଁମାନ ଦେଖିବେ ?

ଯେତେବେଳେ ସେ ଆସିବେ ପ୍ରତ୍ୟେକ ଚକ୍ଷୁ ଯୀଶୁଙ୍କୁ ଦର୍ଶନ କରିବ, ପୁଣି ଯେଉଁମାନେ ତାହାଙ୍କୁ ବିନ୍ଧିଥିଲେ ସେମାନେ ମଧ୍ୟ ଦର୍ଶନ କରିବେ [୧:୭]।

ପ୍ରଭୁ ଈଶ୍ଵର ଆପଣାକୁ କିପରି ଭାବରେ ବର୍ଣ୍ଣନା କରନ୍ତି ?

ପ୍ରଭୁ ଈଶ୍ଵର ଆପଣାକୁ କ ଓ କ୍ଷ, ଯେ ବର୍ତ୍ତମାନ, ଭୁତ ଓ ଭବିଷ୍ୟତ, ଯେ ସର୍ବଶକ୍ତିମାନ କହି ଆପଣାକୁ ବର୍ଣ୍ଣନା କରନ୍ତି [୧:୮]।

Revelation 1:9-13

କାହିଁକି ଯୋହନ ପାତ୍ମ ଦ୍ଵୀପରେ ଥିଲେ ?

ଈଶ୍ଵରଙ୍କ ବାକ୍ୟ ଏବଂ ଯୀଶୁଙ୍କ ସାକ୍ଷ୍ୟ ହେତୁ ଯୋହନ ପାତ୍ମ ଦ୍ଵୀପରେ ଥିଲେ [୧:୯]।

ଯୋହନଙ୍କ ପଛରେ ଥିବା ମହା ଶବ୍ଦ ତାହାକୁ କ'ଣ କରିବାକୁ କହିଲା ?

ସେ ଯାହା ଦର୍ଶନ କଲେ ସେଗୁଡିକୁ ଲିପିବଦ୍ଧ କରି ସପ୍ତ ମଣ୍ଡଳୀକୁ ପଠାଇବା ପାଇଁ ମହା ଶବ୍ଦ ଯୋହନଙ୍କୁ କହିଲେ [୧:୧୧]।

Revelation 1:14-16

ଯୋହନ ଯେଉଁ ଲୋକକୁ ଦେଖିଲେ ତାହାଙ୍କର କେଶ ପୁଣି ଚକ୍ଷୁ କି ପ୍ରକାର ଥିଲା ?

ଯୋହନ ଯେଉଁ ମନୁଷ୍ୟକୁ ଦେଖିଲେ ତାହାର କେଶ ହିମତୁଲ୍ୟ ଶୁଭ୍ର ଲୋମ ପରି ଶୁକ୍ଳବର୍ଣ୍ଣ, ଏବଂ ତାହାଙ୍କର ପ୍ରଜ୍ଜ୍ୱଳିତ ଅଗ୍ନି ଶିଖା ସଦୃଶ୍ୟ ଥିଲା [୧:୧୪]।

ମନୁଷ୍ୟର ଦକ୍ଷିଣ ହସ୍ତରେ କ'ଣ ଥିଲା, ଏବଂ ତାହାର ମୁଖରୁ କ'ଣ ନିର୍ଗତ ହେଉଥିଲା ?

ଏହି ମନୁଷ୍ୟର ଦକ୍ଷିଣ ହସ୍ତରେ ସପ୍ତ ନକ୍ଷତ୍ର ଥିଲା, ଏବଂ ତାହାର ମୁଖରୁ ତୀକ୍ଷ୍ଣ ଦ୍ଵିଧାର ଖଡ୍ଗ ନିର୍ଗତ ହେଉଥିଲା [୧:୧୬]।

Revelation 1:17-18

ଯେତେବେଳେ ଯୋହନ ସେହି ମନୁଷ୍ୟକୁ ଦେଖିଲେ ସେ କ'ଣ କଲେ ?

ମୃତ ଲୋକ ପରି ଯୋହନ ସେହି ମନୁଷ୍ୟର ପାଦ ତଳେ ପଡିଗଲେ [୧:୧୭]।

ସେହି ମନୁଷ୍ୟ ପାଖରେ କେଉଁ ଚାବିଗୁଡିକ ଥିଲା ବୋଲି ସେ କହିଲେ ?

ମୃତ୍ୟୁ ଓ ପାତାଳର ଚାବିଗୁଡିକ ଥିଲା ବୋଲି ସେହି ମନୁଷ୍ୟ କହିଲେ [୧:୧୮]।

Revelation 1:19-20

ସପ୍ତ ନକ୍ଷତ୍ର ଏବଂ ସପ୍ତ ସୁବର୍ଣ୍ଣ ପ୍ରଦୀପଗୁଡିକର ଅର୍ଥ କ'ଣ ଥିଲା ?

ସପ୍ତ ନକ୍ଷତ୍ର ସପ୍ତ ମଣ୍ଡଳୀର ଦୂତଗଣ ଥିଲେ, ଏବଂ ସପ୍ତ ସୁବର୍ଣ୍ଣ ପ୍ରଦୀପଗୁଡିକ ସପ୍ତ ମଣ୍ଡଳୀ ଥିଲେ [୧:୨୦]।

Revelation 2

Revelation 2:1-2

ପୁସ୍ତକର ପରବର୍ତ୍ତୀ ଅଂଶ କେଉଁ ଦୂତଙ୍କୁ ଲେଖାଯାଇଅଛି ?

ପୁସ୍ତକର ପରବର୍ତ୍ତୀ ଅଂଶ ଏଫିସ ମଣ୍ଡଳୀର ଦୂତଙ୍କୁ ଲେଖାଯାଇଅଛି [୨:୧]।

ଦୁଷ୍ଟମାନଙ୍କ ବିଷୟରେ ପୁଣି ଭଣ୍ଡ ଭାବବାଦୀମାନଙ୍କ ବିଷୟରେ ଏଫିସୀ ମଣ୍ଡଳୀ କ'ଣ କରିଅଛନ୍ତି ?

ଏଫିସୀ ମଣ୍ଡଳୀ ଦୁଷ୍ଟମାନଙ୍କ କ୍ରିୟା ସହ୍ୟ କରି ନାହାନ୍ତି ଏବଂ ଭଣ୍ଡ ଭାବବାଦୀମାନଙ୍କୁ ପରୀକ୍ଷା କରି ଚିହ୍ନି ଅଛନ୍ତି [୨:୨]।

Revelation 2:3-5

ଏଫିସୀ ମଣ୍ଡଳୀ ବିରୁଦ୍ଧରେ ଖ୍ରୀଷ୍ଟ କ'ଣ କହନ୍ତି ?

ଏଫିସୀ ମଣ୍ଡଳୀ ସେମାନଙ୍କର ଆଦ୍ୟ ପ୍ରେମକୁ ପରିତ୍ୟାଗ କରିଅଛନ୍ତି ବୋଲି ଖ୍ରୀଷ୍ଟ କହନ୍ତି [୨:୪]।

ଯଦି ସେମାନେ ଅନୁତାପ ନ କରନ୍ତି ତେବେ ସେ କ'ଣ କରିବେ ବୋଲି ଖ୍ରୀଷ୍ଟ କହନ୍ତି ?

ଯଦି ସେମାନେ ଅନୁତାପ କରନ୍ତି ନାହିଁ ତେବେ ସେ ଅସିବେ ପୁଣି ସେମାନଙ୍କର ପ୍ରଦୀପ ସ୍ଵସ୍ଥାନରୁ ବାହାର କରିଦେବେ ବୋଲି ଖ୍ରୀଷ୍ଟ କହନ୍ତି [୨:୫]।

Revelation 2:6-7

ଯେଉଁମାନେ ଜୟ କରନ୍ତି ସେମାନଙ୍କ ପ୍ରତି ଖ୍ରୀଷ୍ଟ କ'ଣ ପ୍ରତିଜ୍ଞା କରନ୍ତି ?

ଯେଉଁମାନେ ଜୟ କରନ୍ତି ସେମାନେ ଈଶ୍ଵରଙ୍କ ପାରଦୀଶରେ ଜୀବନବୃକ୍ଷର ଫଳ ଖାଇବେ ବୋଲି ଖ୍ରୀଷ୍ଟ ପ୍ରତିଜ୍ଞା କରନ୍ତି [୨:୭]।

Revelation 2:8-9

ପୁସ୍ତକର ପରବର୍ତ୍ତୀ ଅଂଶ କେଉଁ ଦୂତଙ୍କୁ ଲେଖାଯାଇଅଛି ?

ପୁସ୍ତକର ପରବର୍ତ୍ତୀ ଅଂଶ ସ୍ମୁର୍ଣ୍ଣା ମଣ୍ଡଳୀର ଦୂତଙ୍କୁ ଲେଖାଯାଇଅଛି [୨:୮]।

ସ୍ମୁର୍ଣ୍ଣା ମଣ୍ଡଳୀ କ'ଣ ଅନୁଭବ କରିଅଛି ?

ସ୍ମୁର୍ଣ୍ଣା ମଣ୍ଡଳୀ କ୍ଲେଶ, ଦୀନତା, ଏବଂ ନିନ୍ଦା ଅନୁଭବ କରିଅଛି [୨:୯]।

Revelation 2:10-11

ଯେଉଁମାନେ ମରଣ ପର୍ଯ୍ୟନ୍ତ ବିଶ୍ଵସ୍ତ ରହନ୍ତି ଏବଂ ଜୟ କରନ୍ତି ସେମାନଙ୍କ ନିମନ୍ତେ କ'ଣ ଖ୍ରୀଷ୍ଟ ପ୍ରତିଜ୍ଞା କରନ୍ତି ?

ଯେଉଁମାନେ ମରଣ ପର୍ଯ୍ୟନ୍ତ ବିଶ୍ଵସ୍ତ ରହନ୍ତି ଏବଂ ଜୟ କରନ୍ତି ସେମାନେ ଜୀବନରୂପ ମୁକୁଟ ପାଇବେ ଏବଂ ସେମାନେ ଦ୍ଵିତୀୟ ମୃତ୍ୟ ଦ୍ଵାରା ଆଘାତପ୍ରାପ୍ତ ହେବେ ନାହିଁ ବୋଲି ଖ୍ରୀଷ୍ଟ ପ୍ରତିଜ୍ଞା କରନ୍ତି [୨:୧୦-୧୧]।

Revelation 2:12-13

ପୁସ୍ତକର ପରବର୍ତ୍ତୀ ଅଂଶଟି କେଉଁ ଦୂତଙ୍କୁ ଲେଖା ଯାଇଅଛି ?

ପୁସ୍ତକର ପରବର୍ତ୍ତୀ ଅଂଶଟି ପର୍ଗମ ମଣ୍ଡଳୀର ଦୂତ ନିକଟକୁ ଲେଖା ଯାଇଅଛି [୨:୧୨]।

ପର୍ଗମ ମଣ୍ଡଳୀ କେଉଁଠାରେ ବାସ କରନ୍ତି ?

ଯେଉଁଠାରେ ଶୟତାନର ସିଂହାସନ ସେଠାରେ ପର୍ଗମ ମଣ୍ଡଳୀ ବାସ କରନ୍ତି [୨:୧୩]।

ଯେତେବେଳେ ଆନ୍ତିପାଙ୍କୁ ବଧ କରାଯାଇଥିଲା ପର୍ଗମ ମଣ୍ଡଳୀ ସେହି ଦିନମାନଙ୍କରେ କ'ଣ କଲା ?

ଯେତେବେଳେ ଆନ୍ତିପାଙ୍କୁ ବଧ କରାଯାଇଥିଲା ପର୍ଗମ ମଣ୍ଡଳୀ ଖ୍ରୀଷ୍ଟଙ୍କ ନାମକୁ ଦୃଢଭାବରେ ଧରି ବିଶ୍ଵାସକୁ ଅସ୍ୱୀକାର କଲା ନାହିଁ [୨:୧୩]।

Revelation 2:14-15

କେଉଁ ଦୁଇ ଶିକ୍ଷାଗୁଡିକୁ ପର୍ଗମ ମଣ୍ଡଳୀର କିଛି ଲୋକ ଧରି ରଖିଲେ ?

ପର୍ଗମ ମଣ୍ଡଳୀର କିଛି ଲୋକ ବିଲିୟାମଙ୍କ ଶିକ୍ଷା ପୁଣି ନିକଲାୟତୀୟଙ୍କ ଶିକ୍ଷାଗୁଡିକୁ ଧରି ରଖିଲେ [୨:୧୪-୧୫]।

Revelation 2:16-17

ଯଦି ଏହି ଲୋକମାନେ ଏହି ଭ୍ରାନ୍ତ ଶିକ୍ଷାଗୁଡିକୁ ଧରି ରଖନ୍ତି ଏବଂ ମନଃପରିବର୍ତ୍ତନ କରନ୍ତି ନାହିଁ ତେବେ ଖ୍ରୀଷ୍ଟ କ'ଣ କରିବେ ବୋଲି ସେ ସାବଧାନ କରନ୍ତି ?

ଯେଉଁମାନେ ଏହି ଭ୍ରାନ୍ତ ଶିକ୍ଷାଗୁଡିକୁ ଧରି ରଖନ୍ତି ସେ ଆସିବେ ପୁଣି ସେମାନଙ୍କ ବିରୁଦ୍ଧରେ ଯୁଦ୍ଧ କରିବେ ବୋଲି ଖ୍ରୀଷ୍ଟ ସାବଧାନ କରାନ୍ତି [୨:୧୬]।

ଯେଉଁମାନେ ଜୟ କରନ୍ତି ସେମାନଙ୍କୁ ଖ୍ରୀଷ୍ଟ କ'ଣ ପ୍ରତିଜ୍ଞା କରନ୍ତି ?

ଯେଉଁମାନେ ଜୟ କରନ୍ତି ସେମାନେ ଗୁପ୍ତ ମାନ୍ନା ଖାଇବେ ପୁଣି ନୂତନ ନାମ ଲିଖିତ ଏକ ଶ୍ଵେତ ପ୍ରସ୍ତର ଗ୍ରହଣ କରିବେ ବୋଲି ଖ୍ରୀଷ୍ଟ ପ୍ରତିଜ୍ଞା କରନ୍ତି [୨:୧୭]।

Revelation 2:18-19

ପୁସ୍ତକର ପରବର୍ତ୍ତୀ ଅଂଶଟି କେଉଁ ଦୂତଙ୍କୁ ଲେଖା ଯାଇଅଛି ?

ପୁସ୍ତକର ପରବର୍ତ୍ତୀ ଅଂଶଟି ଥୁୟତୀରା ମଣ୍ଡଳୀର ଦୂତ ନିକଟକୁ ଲେଖା ଯାଇଅଛି [୨:୧୨]।

ଥୁୟତୀରା ମଣ୍ଡଳୀ କରିଥିବା କେଉଁ ଉତ୍ତମ କର୍ମଗୁଡିକ ଖ୍ରୀଷ୍ଟ ଜାଣନ୍ତି ?

ଥୁୟତୀରା ମଣ୍ଡଳୀର ପ୍ରେମ, ବିଶ୍ଵାସ, ସେବା, ଏବଂ ଧୈର୍ଯ୍ୟ ଖ୍ରୀଷ୍ଟ ଜାଣନ୍ତି [୨:୧୯]।

Revelation 2:20-21

ଥୁୟତୀରା ମଣ୍ଡଳୀର କେଉଁ କର୍ମ ଖ୍ରୀଷ୍ଟ ବିରୁଦ୍ଧ କରନ୍ତି ?

ସେମାନେ ଯେ ଯିଜେବଲ ନାମ୍ନୀ ବେଶ୍ୟା ଭାବବାଦିନୀକୁ ସହ୍ୟ କରନ୍ତି ତାହା ଖ୍ରୀଷ୍ଟ ବିରୁଦ୍ଧ କରନ୍ତି [୨:୨୦]।

Revelation 2:22-23

ଯଦି ଯିଜେବଲ ଅନୁତାପ ନ କରେ ତେବେ ଖ୍ରୀଷ୍ଟ କ'ଣ କରିବେ ବୋଲି ସତର୍କ କରନ୍ତି ?

ଯଦି ସେ ଅନୁତାପ କରେ ନାହିଁ ସେ ଯିଜେବଲଙ୍କୁ ଶଯ୍ୟାଶାୟୀ କରିବେ ଓ ତାହାରି ସନ୍ତାନମାନଙ୍କୁ ମୃତ୍ୟ ଦ୍ଵାରା ବିନାଶ କରିବେ ବୋଲି ଖ୍ରୀଷ୍ଟ ସତର୍କ କରନ୍ତି [୨:୨୨-୨୩]।

Revelation 2:24-25

ଯେଉଁମାନେ ଯିଜେବଲଙ୍କ ଶିକ୍ଷାକୁ ଧରି ନାହାନ୍ତି ସେମାନଙ୍କୁ ଖ୍ରୀଷ୍ଟ କ'ଣ କରିବାକୁ କହନ୍ତି ?

ତାହାଙ୍କ ଆଗମନ ପର୍ଯ୍ୟନ୍ତ ଦୃଢ ଭାବରେ ଧରି ରଖିବାକୁ ଖ୍ରୀଷ୍ଟ ସେମାନଙ୍କୁ କହନ୍ତି [୨:୨୫]।

Revelation 2:26-29

ଯେଉଁମାନେ ଜୟ କରନ୍ତି ସେମାନଙ୍କ ପ୍ରତି ଖ୍ରୀଷ୍ଟ କ'ଣ ପ୍ରତିଜ୍ଞା କରନ୍ତି ?

ଯେଉଁମାନେ ଜୟ କରନ୍ତି ସେମାନଙ୍କୁ ଖ୍ରୀଷ୍ଟ ସମସ୍ତ ଜାତି ଉପରେ କ୍ଷମତା ଓ ପ୍ରଭାତୀ ତାରା ଦେବେ ବୋଲି ଖ୍ରୀଷ୍ଟ ପ୍ରତିଜ୍ଞା କରନ୍ତି [୨:୨୬,୨୮]।

ଏହି ପୁସ୍ତକର ପାଠକମାନେ କାହାକୁ ଶୁଣିବା ଉଚିତ୍ ବୋଲି ଖ୍ରୀଷ୍ଟ କହନ୍ତି ?

ମଣ୍ଡଳୀଗଣଙ୍କୁ ଆତ୍ମା କ'ଣ କହନ୍ତି ତାହା ପାଠକମାନେ ଶୁଣିବା ଉଚିତ୍ ବୋଲି ଖ୍ରୀଷ୍ଟ କହନ୍ତି [୨:୨୯]।

Revelation 3

Revelation 3:1-4

ପୁସ୍ତକର ପରବର୍ତ୍ତୀ ଅଂଶଟି କେଉଁ ଦୂତଙ୍କ ନିକଟକୁ ଲେଖା ଯାଇଅଛି ?

ପୁସ୍ତକର ପରବର୍ତ୍ତୀ ଅଂଶଟି ସାର୍ଦ୍ଧି ମଣ୍ଡଳୀର ଦୂତଙ୍କ ନିକଟକୁ ଲେଖା ଯାଇଅଛି [୩:୧]।

ସାର୍ଦ୍ଧି ମଣ୍ଡଳୀର ଖ୍ୟାତି କ'ଣ ଅଟେ, ମାତ୍ର ସେମାନଙ୍କ ବିଷୟରେ ସତ୍ୟତା କ'ଣ ଅଟେ ?

ସାର୍ଦ୍ଧି ମଣ୍ଡଳୀର ଖ୍ୟାତି ହେଉଛି ଯେ ସେମାନେ ଜୀବିତ ଅଟନ୍ତି, କିନ୍ତୁ ସତ୍ୟତା ଯେ ଏହା ସେମାନେ ମୃତ ଅଟନ୍ତି [୩:୧]।

ସାର୍ଦ୍ଧି ମଣ୍ଡଳୀକୁ କ'ଣ କରିବା ନିମନ୍ତେ ଖ୍ରୀଷ୍ଟ ଚେତନା ଦିଅନ୍ତି ?

ସେମାନଙ୍କୁ ଉଠି ଲୁପ୍ତପ୍ରାୟ ଅବଶିଷ୍ଟ ବିଷୟସବୁକୁ ସବଳ କରିବା ପାଇଁ, ସ୍ମରଣ କରିବା ପାଇଁ,ପାଳନ କରିବା ପାଇଁ, ଓ ମନା ପରିବର୍ତ୍ତନ କରିବା ପାଇଁ ଖ୍ରୀଷ୍ଟ ସେମାନଙ୍କୁ ଚେତନା ଦିଅନ୍ତି [୩:୨-୩]।

Revelation 3:5-6

ଯେଉଁମାନେ ଜୟ କରନ୍ତି ସେମାନଙ୍କ ପ୍ରତି ଖ୍ରୀଷ୍ଟ କ'ଣ ପ୍ରତିଜ୍ଞା କରନ୍ତି ?

ଯେଉଁମାନେ ଜୟ କରନ୍ତି ସେମାନେ ଶୁକ୍ଳ ବସ୍ତ୍ର ପରିଧାନ କରିବେ, ସେମାନଙ୍କ ନାମ ଜୀବନ ପୁସ୍ତକରେ ରହିବ, ଓ ପିତା ଈଶ୍ଵରଙ୍କ ନିକଟରେ ସେମାନଙ୍କର ନାମ କୁହାଯିବ [୩:୫]।

Revelation 3:7-8

ପୁସ୍ତକର ପରବର୍ତ୍ତୀ ଅଂଶଟି କେଉଁ ମଣ୍ଡଳୀର ଦୂତଙ୍କୁ ଲେଖାଯାଇଅଛି ?

ପୁସ୍ତକର ପରବର୍ତ୍ତୀ ଅଂଶଟି ଫିଲାଦେଲଫିଆ ମଣ୍ଡଳୀର ଦୂତଙ୍କୁ ଲେଖା ଯାଇଅଛି [୩:୭]।

ଯଦିଓ ସେମାନଙ୍କର ଶକ୍ତି ସାମାନ୍ୟ ତଥାପି ଫିଲାଦେଲଫିଆ ମଣ୍ଡଳୀ କ'ଣ କରିଅଛନ୍ତି ?

ଫିଲାଦେଲଫିଆ ମଣ୍ଡଳୀ ଖ୍ରୀଷ୍ଟଙ୍କ ବାକ୍ୟକୁ ପାଳନ କରିଅଛନ୍ତି ଏବଂ ତାହାଙ୍କ ନାମକୁ ଅସ୍ୱୀକାର କରି ନାହାନ୍ତି [୩:୮]।

Revelation 3:9-11

ଶୟତାନ ଦଳର ଲୋକମାନଙ୍କ ପ୍ରତି ଖ୍ରୀଷ୍ଟ କ'ଣ କରିବେ ?

ଶୟତାନର ଲୋକମାନଙ୍କୁ ଖ୍ରୀଷ୍ଟ ଆଣି ପବିତ୍ର ଲୋକମାନଙ୍କ ଚରଣ ତଳେ ପ୍ରଣାମ କରାଇବେ [୩:୯]।

ଯେହେତୁ ସେ ଶୀଘ୍ର ଆସୁଅଛନ୍ତି ଫିଲାଦେଲଫିଆ ମଣ୍ଡଳୀକୁ ଖ୍ରୀଷ୍ଟ କ'ଣ କରିବାକୁ କହନ୍ତି ?

ସେମାନଙ୍କ ମୁକୁଟ ଯେପରି କେହି ହରଣ କରି ନ ନିଏ ଏଥିନିମନ୍ତେ ସେମାନଙ୍କର ଯାହା ଅଛି ତାହାକୁ ଦୃଢ ଭାବରେ ଧରି ରଖିବାକୁ ଖ୍ରୀଷ୍ଟ ସେମାନଙ୍କୁ କହନ୍ତି [୩:୧୧]।

Revelation 3:12-13

ଯେଉଁମାନେ ଜୟ କରନ୍ତି ସେମାନଙ୍କ ପ୍ରତି ଖ୍ରୀଷ୍ଟ କ'ଣ ପ୍ରତିଜ୍ଞା କରନ୍ତି ?

ଯେଉଁମାନେ ଜୟ କରନ୍ତି ସେମାନେ ଈଶ୍ଵରଙ୍କ ମନ୍ଦିରର ସ୍ତମ୍ବ ହେବେ, ଈଶ୍ଵରଙ୍କ ନାମ ଓ ଈଶ୍ଵରଙ୍କ ନଗରୀର ନାମ, ଏବଂ ଖ୍ରୀଷ୍ଟଙ୍କ ନାମ ସେମାନଙ୍କ ଉପରେ ଲେଖାଯିବ [୩:୧୨]।

Revelation 3:14-16

ପୁସ୍ତକର ପରବର୍ତ୍ତୀ ଅଂଶଟି କେଉଁ ଦୂତଙ୍କ ନିକଟକୁ ଲେଖା ଯାଇଅଛି ?

ଲାଅଦିକୀଆ ମଣ୍ଡଳୀର ଦୂତ ନିକଟକୁ ପୁସ୍ତକର ପରବର୍ତ୍ତୀ ଅଂଶଟି ଲେଖା ଯାଇଅଛି [୩:୧୪]।

ଲାଅଦିକୀଆ ମଣ୍ଡଳୀ ପ୍ରତି ଖ୍ରୀଷ୍ଟଙ୍କ ଇଚ୍ଛା କ'ଣ ଥିଲା ?

ଲାଅଦିକୀଆ ମଣ୍ଡଳୀ ଶୀତଳ କି ଉଷ୍ମ ହୋଇଥିଲେ ଭଲ ହୁଅନ୍ତା ବୋଲି ଖ୍ରୀଷ୍ଟ ଇଚ୍ଛା କରନ୍ତି [୩:୧୫]।

ଲାଅଦିକୀଆ ମଣ୍ଡଳୀ ପ୍ରତି ଖ୍ରୀଷ୍ଟ କ'ଣ କରିବାକୁ ଯାଉଥିଲେ ଏବଂ କାହିଁକି ?

ଲାଅଦିକୀଆ ମଣ୍ଡଳୀକୁ ଖ୍ରୀଷ୍ଟ ତାହାଙ୍କ ମୁଖରୁ ଉଦ୍ଗାର କରିବାକୁ ଯାଉଥିଲେ କାରଣ ସେମାନେ ଇଷଦୁଷ୍ମ ଥିଲେ [୩:୧୬]।

Revelation 3:17-18

ଲାଅଦିକୀଆ ମଣ୍ଡଳୀ ଆପଣା ବିଷୟରେ କ'ଣ କୁହନ୍ତି ?

ଲାଅଦିକୀଆ ମଣ୍ଡଳୀ ଆପଣାକୁ ଧନୀ ଏବଂ କୌଣସିର ଅଭାବ ନାହିଁ ବୋଲି କୁହେ [୩:୧୭]।

ଲାଅଦିକୀଆ ମଣ୍ଡଳୀ ବିଷୟରେ ଖ୍ରୀଷ୍ଟ କ'ଣ କହନ୍ତି ?

ଲାଅଦିକୀଆ ମଣ୍ଡଳୀ ଦୁର୍ଭାଗା, ଦୀନହୀନ, ଦରିଦ୍ର, ଅନ୍ଧ, ଓ ଉଲଙ୍ଗ ଅଟନ୍ତି ବୋଲି ଖ୍ରୀଷ୍ଟ କହନ୍ତି [୩:୧୭]।

Revelation 3:19-20

ଯେଉଁମାନଙ୍କୁ ସେ ଭଲ ପାଆନ୍ତି ଖ୍ରୀଷ୍ଟ ସେମାନଙ୍କ ପାଇଁ କ'ଣ କରନ୍ତି ?

ଯେଉଁମାନଙ୍କୁ ସେ ଭଲ ପାଆନ୍ତି ଖ୍ରୀଷ୍ଟ ସେମାନଙ୍କୁ ଅନୁଯୋଗ ଏବଂ ଶାସନ କରନ୍ତି [୩:୧୯]।

Revelation 3:21-22

ଯେଉଁମାନେ ଜୟ କରନ୍ତି ସେମାନଙ୍କୁ ଖ୍ରୀଷ୍ଟ କ'ଣ ପ୍ରତିଜ୍ଞା କରନ୍ତି ?

ଯେଉଁମାନେ ଜୟ କରନ୍ତି ସେମାନେ ଖ୍ରୀଷ୍ଟଙ୍କ ସହ ତାହାଙ୍କ ସିଂହାସନରେ ବସିବେ [୩:୨୧]।

ପୁସ୍ତକର ପାଠକଙ୍କୁ କାହାକୁ ଶୁଣିବା ଉଚିତ୍ ବୋଲି ଖ୍ରୀଷ୍ଟ କହନ୍ତି ?

ମଣ୍ଡଳୀଗଣଙ୍କୁ ଆତ୍ମା କ'ଣ କହନ୍ତି ତାହା ପାଠକଙ୍କୁ ଶୁଣିବାକୁ ଖ୍ରୀଷ୍ଟ କହନ୍ତି [୩:୨୨]।

Revelation 4

Revelation 4:1-3

ଯୋହନ କ'ଣ ଖୋଲା ହୋଇଥିବା ଦେଖିଲେ ?

ସ୍ଵର୍ଗରେ ଏକ ଦ୍ଵାର ଉନ୍ମୁକ୍ତ ହୋଇଥିବା ଯୋହନ ଦେଖିଲେ [୪:୧]।

ଯୋହନଙ୍କୁ ସେ କ'ଣ ଦେଖାଇବେ ବୋଲି ସେହି ସ୍ଵର କହିଲା ?

ଯୋହନଙ୍କୁ ଏହି ସବୁ ପରେ କ'ଣ ଘଟିବ ସେହି ସ୍ଵର ତାହା ଦେଖାଇବାକୁ କହିଲା [୪:୧]।

ସ୍ଵର୍ଗରେ କେଉଁ ସ୍ଥାନ ଉପରେ କେହିଜଣେ ବସିଥିଲେ ?

ସିଂହାସନ ଉପରେ କେହିଜଣେ ସ୍ଵର୍ଗରେ ବସିଥିଲେ [୪:୨]।

Revelation 4:4-5

ସ୍ଵର୍ଗରେ ସିଂହାସନର ଚାରିପଟେ କ'ଣ ଥିଲା ?

ସିଂହାସନର ଚାରିପଟେ ଚବିଶଟି ସିଂହାସନ ସ୍ଥାପିତ ଏବଂ ସିଂହାସନଗୁଡିକ ଉପରେ ଚବିଶ ପ୍ରାଚୀନ ଉପବିଷ୍ଟ [୪:୪]।

ସିଂହାସନ ସମ୍ମୁଖରେ ଜଳୁଥିବା ସାତୋଟି ଅଗ୍ନିମୟ ପ୍ରଦୀପ କ'ଣ ଥିଲା ?

ସାତୋଟି ପ୍ରଦୀପ ଈଶ୍ଵରଙ୍କ ସପ୍ତ ଆତ୍ମା ଥିଲା [୪:୫]।

Revelation 4:6

ସିଂହାସନ ଚାରିପଟେ କେଉଁ ଚାରି ବସ୍ତୁ ଥିଲା ?

ସିଂହାସନ ଚାରିପଟେ ଚାରି ଜୀବିତ ପ୍ରାଣୀ ଥିଲେ [୪:୬]।

Revelation 4:7-8

ସେହି ଚାରି ପ୍ରାଣୀ ଦିନ ଓ ରାତି କ'ଣ କରନ୍ତି ?

ଏହି ଚାରି ପ୍ରାଣୀ ଦିବା ରାତ୍ର ବିଶ୍ରାମ ନ କରି ଈଶ୍ଵରଙ୍କୁ ଗୌରବ, ସମ୍ବ୍ରମ ଓ ଧନ୍ୟବାଦ ଦିଅନ୍ତି [୪:୮-୯]।

Revelation 4:9-11

ଯେତେବେଳେ ଚାରି ଜୀବିତ ପ୍ରାଣୀ ଈଶ୍ଵରଙ୍କୁ ଗୌରବ ଦିଅନ୍ତି ସେତେବେଳେ ଚବିଶ ପ୍ରାଚୀନମାନେ କ'ଣ କରନ୍ତି ?

ଚବିଶ ପ୍ରାଚୀନମାନେ ସିଂହାସନ ସମ୍ମୁଖରେ ଆପଣାକୁ ଉବୁଡ ହୋଇ ପ୍ରଣାମ କରନ୍ତି ଏବଂ ସେମାନଙ୍କର ମୁକୁଟ ଥୋଇଦିଅନ୍ତି [୪:୧୦]।

ସୃଷ୍ଟିରେ ଈଶ୍ଵରଙ୍କ ଭୂମିକା ବିଷୟରେ ପ୍ରାଚୀନମାନେ କ'ଣ କହନ୍ତି ?

ଈଶ୍ଵର ସମସ୍ତ ସୃଷ୍ଟି କରିଅଛନ୍ତି ଏବଂ ତାହାଙ୍କ ଇଚ୍ଛା ଦ୍ଵାରା ସମସ୍ତ ପ୍ରାପ୍ତ ଏବଂ ସୃଷ୍ଟ ହୋଇଅଛି [୪:୧୧]।

Revelation 5

Revelation 5:1-2

ସିଂହାସନରେ ଉପବିଷ୍ଟ ବ୍ୟକ୍ତିଙ୍କ ଦକ୍ଷିଣ ହସ୍ତରେ ଯୋହନ କ'ଣ ଦେଖିଲେ ?

ସପ୍ତ ମୁଦ୍ରାରେ ମୁଦ୍ରାଙ୍କିତ ଏକ ପୁସ୍ତକ ଯୋହନ ଦେଖିଲେ [୫:୧]।

ପୃଥିବୀରେ କିଏ ଏହି ପୁସ୍ତକ ଖୋଲିବାକୁ କିମ୍ବା ପଡିବାକୁ ଯୋଗ୍ୟ ଥିଲେ ?

ଏହି ପୁସ୍ତକ ଖୋଲିବାକୁ କିମ୍ବା ଏହା ପଡିବାକୁ କେହିଁ ଯୋଗ୍ୟ ନ ଥିଲେ [୫:୨-୪]।

Revelation 5:3-5

କିଏ ଏହି ପୁସ୍ତକ ଏବଂ ଏହାର ସପ୍ତ ମୁଦ୍ରା ଖୋଲିବାକୁ ସକ୍ଷମ ଥିଲେ ?

ଯିହୁଦା ବଂଶଜାତ ସିଂହ, ଦାଉଦଙ୍କ ମୂଳ, ଏହି ପୁସ୍ତକ ଖୋଲିବାକୁ ସଷମ ଥିଲେ [୫:୫]।

Revelation 5:6-7

ସିଂହାସନ ସମ୍ମୁଖସ୍ଥ ପ୍ରାଚୀନମାନଙ୍କ ମଧ୍ୟରେ କିଏ ଠିଆ ହୋଇଥିଲେ ?

ଏକ ମେଷଶାବକ, ଯେ ହତ ହେଲା ପରି ଦେଖା ଯାଉଥିଲା, ସେ ସିଂହାସନ ସମ୍ମୁଖସ୍ଥ ପ୍ରାଚୀନମାନଙ୍କ ମଧ୍ୟରେ ଠିଆ ହୋଇଥିଲେ [୫:୬]।

ମେଷଶାବକଙ୍କ ଉପରେ ଥିବା ସପ୍ତ ଶୃଙ୍ଗ ଓ ସପ୍ତ ଚକ୍ଷୁ କ'ଣ ଥିଲା ?

ସପ୍ତ ଶୃଙ୍ଗ ଓ ସପ୍ତ ଚକ୍ଷୁ ସମୁଦାୟ ପୃଥିବୀରେ ପ୍ରେରିତ ଈଶ୍ଵରଙ୍କ ସପ୍ତ ଆତ୍ମା ଥିଲେ [୫:୬]।

Revelation 5:8

ଧୂପରେ ପରିପୂର୍ଣ୍ଣ ସୁବର୍ଣ୍ଣ ପାତ୍ର ଯାହା ପ୍ରାଚୀନମାନଙ୍କ ପାଖରେ ଥିଲା ସେଗୁଡିକ କ'ଣ ଥିଲା ?

ଧୂପରେ ପରିପୂର୍ଣ୍ଣ ସୁବର୍ଣ୍ଣ ପାତ୍ର ସାଧୁମାନଙ୍କର ପ୍ରାର୍ଥନା ଥିଲା [୫:୮]।

Revelation 5:9-10

କାହିଁକି ମେଷଶାବକ ସେହି ପୁସ୍ତକକୁ ଖୋଲିବା ପାଇଁ ଯୋଗ୍ୟ ଥିଲା ?

ମେଷଶାବକ ଯୋଗ୍ୟ ଥିଲେ କାରଣ ସେ ସମସ୍ତ ଗୋଷ୍ଠୀ, ଭାଷାବାଦୀ, ବଂଶ, ଏବଂ ଜାତିର ଲୋକମାନଙ୍କୁ ଆପଣ ରକ୍ତରେ ଈଶ୍ଵରଙ୍କ ନିମନ୍ତେ କ୍ରୟ କରିଥିଲେ [୫:୯]।

କେଉଁଠାରେ ଈଶ୍ଵରଙ୍କ ଯାଜକମାନେ ରାଜତ୍ଵ କରିବେ ?

ଈଶ୍ଵରଙ୍କ ଯାଜକମାନେ ପୃଥିବୀରେ ରାଜତ୍ଵ କରିବେ [୫:୧୦]।

Revelation 5:11-12

ମେଷଶାବକ କ'ଣ ପାଇବାକୁ ଯୋଗ୍ୟ ବୋଲି ଦୂତ କହିଲେ ?

ମେଷଶାବକ ପରାକ୍ରମ, ଧନ, ଜ୍ଞାନ, ଶକ୍ତି, ଗୌରବ, ଓ ପ୍ରଶଂସା ପାଇବାକୁ ଯୋଗ୍ୟ ବୋଲି ଦୂତ କହିଲେ [୫:୧୨]।

Revelation 5:13-14

ସିଂହାସନୋପବିଷ୍ଟ ବ୍ୟକ୍ତିଙ୍କର ଓ ମେଷଶାବକଙ୍କର ପ୍ରଶଂସା ଯୁଗେ ଯୁଗେ ବୋଲି କିଏ କହିଲେ ?

ସମସ୍ତ ସୃଷ୍ଟ ପ୍ରାଣୀ ସିଂହାସନୋପବିଷ୍ଟ ଓ ମେଷଶାବକଙ୍କର ପ୍ରଶଂସା ଯୁଗେ ଯୁଗେ ବୋଲି କହିଥିଲେ [୫:୧୩]।

ଯେତେବେଳେ ଚାରିପ୍ରାଣୀ "ଆମେନ୍" କହିବାର ଚବିଶ ପ୍ରାଚୀନମାନେ ଶୁଣନ୍ତି ସେତେବେଳେ ସେମାନେ କ'ଣ କଲେ ?

ଚବିଶ ପ୍ରାଚୀନମାନେ ଉବୁଡ ହୋଇ ପ୍ରଣାମ କଲେ [୫:୧୪]।

Revelation 6

Revelation 6:1-2

ମେଷଶାବକ ପୁସ୍ତକ ସହ କ'ଣ କଲେ ?

ମେଷଶାବକ ପୁସ୍ତକ ଉପରର ସପ୍ତ ମୁଦ୍ରା ମଧ୍ୟରୁ ପ୍ରଥମ ମୁଦ୍ରା ଖୋଲିଲେ [୬:୧]।

ପ୍ରଥମ ମୁଦ୍ରା ଖୋଲାଗଲା ପରେ ଯୋହନ କ'ଣ ଦେଖିଲେ ?

ଗୋଟିଏ ଶୁକ୍ଳ ବର୍ଣ୍ଣ ଅଶ୍ଵ, ଆରୋହୀଙ୍କ ସହ ଜୟ କରିବାକୁ ବାହାରି ଯିବାର ଯୋହନ ଦେଖିଲେ [୬:୨]।

Revelation 6:3-4

ଦ୍ଵିତୀୟ ମୁଦ୍ରା ଖୋଲାଗଲା ପରେ ଯୋହନ କ'ଣ ଦେଖିଲେ ?

ଯୋହନ ଗୋଟିଏ ଲୋହିତବର୍ଣ୍ଣ ଅଶ୍ଵ ଦେଖିଲେ, ଯାହାର ଆରୋହୀ ପୃଥିବୀରୁ ଶାନ୍ତି ଦୂର କଲେ [୬:୪]।

Revelation 6:5-6

ତୃତୀୟ ମୁଦ୍ରା ଖୋଲାଗଲା ପରେ ଯୋହନ କ'ଣ ଦେଖିଲେ ?

ଯୋହନ ଗୋଟିଏ କୃଷ୍ଣବର୍ଣ୍ଣ ଅଶ୍ଵ ଦେଖିଲେ, ଯାହାର ଆରୋହୀଙ୍କ ହସ୍ତରେ ଗୋଟିଏ ତାରାଜୁ ଥିଲା [୬:୫]।

Revelation 6:7-8

ଚତୁର୍ଥ ମୁଦ୍ରା ଖୋଲଗଲା ପରେ ଯୋହନ କ'ଣ ଦେଖିଲେ ?

ଯୋହନ ଗୋଟିଏ ପାଣ୍ଡୁବର୍ଣ୍ଣ ଅଶ୍ଵ ଦେଖିଲେ, ଯାହାର ଆରୋହୀଙ୍କ ନାମ ମୃତ୍ୟ ଥିଲା [୬:୮]।

Revelation 6:9-11

ପଞ୍ଚମ ମୁଦ୍ରା ଖୋଲାଗଲା ପରେ ଯୋହନ କ'ଣ ଦେଖିଲେ ?

ଈଶ୍ଵରଙ୍କ ବାକ୍ୟ ସକାଶେ ଯେଉଁମାନେ ହତ ହୋଇଥିଲେ ସେମାନଙ୍କର ଆତ୍ମାମାନଙ୍କୁ ଯୋହନ ଦେଖିଲେ [୬:୯]।

ବେଦୀ ତଳେ ରହିଥିବା ଆତ୍ମାଗୁଡିକ ଈଶ୍ଵରଙ୍କଠାରୁ କ'ଣ ଜାଣିବାକୁ ଇଚ୍ଛା କଲେ ?

ସେମାନଙ୍କର ରକ୍ତର ପରିଶୋଧ କେତେ କାଳ ପର୍ଯ୍ୟନ୍ତ ନେବ ତାହା ଜାଣିବାକୁ ଆତ୍ମାଗୁଡିକ ଇଚ୍ଛା କଲେ [୬:୧୦]।

କେତେ କାଳ ପର୍ଯ୍ୟନ୍ତ ଅପେକ୍ଷା କରିବାକୁ ସେହି ଆତ୍ମାଗୁଡିକୁ କୁହାଯାଇଥିଲା ?

ସେମାନଙ୍କର ସହଦାସମାନଙ୍କର ସଂଖ୍ୟା ପୂର୍ଣ୍ଣ ନ ହେବା ପର୍ଯ୍ୟନ୍ତ ସେହି ଆତ୍ମାଗୁଡିକୁ ଅପେକ୍ଷା କରିବାକୁ କୁହାଯାଇଥିଲା [୬:୧୧]।

Revelation 6:12-14

ଷଷ୍ଠ ମୁଦ୍ରା ଖୋଲାଗଲା ପରେ ଯୋହନ କ'ଣ ଦେଖିଲେ ?

ମହାଭୂମିକମ୍ପ, ସୂର୍ଯ୍ୟ କୃଷ୍ଣବର୍ଣ୍ଣ ହେବାର, ଚନ୍ଦ୍ର ସମ୍ପୂର୍ଣ୍ଣ ରକ୍ତବର୍ଣ୍ଣ ହେବାର, ଏବଂ ନକ୍ଷତ୍ରଗୁଡିକ ପୃଥିବୀରେ ପତିତ ହେବାର ଯୋହନ ଦେଖିଲେ [୬:୧୨-୧୩]।

Revelation 6:15-17

ରାଜାମାନେ, ପାତ୍ରମନ୍ତ୍ରୀମାନେ, ଧନୀ, ବଳବାନ୍ ଲୋକମାନେ, ଏବଂ ପ୍ରତ୍ୟେକ ଲୋକ କ'ଣ କରିବାର ଯୋହନ ଦେଖିଲେ ?

ସେମାନେ ପର୍ବତମାଳାର ଶୈଳମାନଙ୍କରେ ଲୁଚାଇବାର ଏବଂ ଶୈଳଗୁଡିକୁ ଉପରେ ପଡିବାକୁ ଏବଂ ସେମାନଙ୍କୁ ଲୁଚାଇବାକୁ କହିବାର ଯୋହନ ଦେଖିଲେ [୬:୧୫-୧୬]।

କାହାଠାରୁ ରାଜାମାନେ, ପାତ୍ରମନ୍ତ୍ରୀମାନେ, ଧନୀ, ବଳବାନ ଲୋକମାନେ, ଏବଂ ପ୍ରତ୍ୟେକ ଲୋକ ଲୁଚିବାକୁ ଇଚ୍ଛା କଲେ ?

ସିଂହାସନୋପବିଷ୍ଟ ବ୍ୟକ୍ତିଙ୍କ ଛାମୁରୁ ଏବଂ ମେଷଶାବକଙ୍କ କ୍ରୋଧରୁ ଲୁଚିବାକୁ ସେମାନେ ଇଚ୍ଛା କଲେ [୬:୧୬]।

କେଉଁ ଦିନ ଉପସ୍ଥିତ ହୋଇଥିଲା ?

ସିଂହାସନୋପବିଷ୍ଟ ବ୍ୟକ୍ତିଙ୍କ ଏବଂ ମେଷଶାବକଙ୍କ କ୍ରୋଧର ମହାଦିନ ଉପସ୍ଥିତ ହୋଇଥିଲା [୬:୧୭]।

Revelation 7

Revelation 7:1-3

ଚାରି ଦୂତ ପୃଥିବୀର ଚାରି କୋଣରେ ଠିଆ ହୋଇ କ'ଣ କରୁଥିବାର ଯୋହନ ସେମାନଙ୍କୁ ଦେଖିଲେ ?

ଚାରି ଦୂତ ପୃଥିବୀର ଚାରି ବାୟୁକୁ ଅଟକାଇ ଧରି ରଖିଥିଲେ [୭:୧]।

ପୃଥିବୀ କ୍ଷତି ହେବା ପୂର୍ବରୁ କ'ଣ କରାଯିବା ଆବଶ୍ୟକ ବୋଲି ପୂର୍ବ ଦିଗଠାରୁ ଆସିଥିବା ଦୂତ କହିଲେ ?

ପୃଥିବୀ କ୍ଷତି ହେବା ପୂର୍ବରୁ ଈଶ୍ଵରଙ୍କ ଦାସମାନଙ୍କ କପାଳରେ ମୁଦ୍ରାଙ୍କ କରାଯିବା ଆବଶ୍ୟକ ବୋଲି ଦୂତ କହିଲେ [୭:୨-୩]।

Revelation 7:4-8

କେତେ ଲୋକମାନେ ପୁଣି କେଉଁ ବଂଶରୁ ମୁଦ୍ରାଙ୍କିତ ହୋଇଥିଲେ ?

ଇସ୍ରାଏଲ ସନ୍ତାନମାନଙ୍କ ସମସ୍ତ ବଂଶରୁ ଏକ ଲକ୍ଷ ଚଉରାଳିଶ ସହସ୍ର ଲୋକ ମୁଦ୍ରାଙ୍କିତ ହୋଇଥିଲେ [୭:୪]।

Revelation 7:9-10

ତା'ପରେ ଯୋହନ ଈଶ୍ଵରଙ୍କ ସିଂହାସନ ସମ୍ମୁଖରେ ଏବଂ ମେଷଶାବକଙ୍କ ସିଂହାସନ ସମ୍ମୁଖରେ କ'ଣ ଦେଖିଲେ ?

ସର୍ବଜାତୀୟ, ସର୍ବଗୋଷ୍ଠୀୟ, ସର୍ବବଂଶୀୟ, ଓ ସର୍ବଭାଷାବାଦୀ ଏକ ମହା ଜନତାକୁ ସିଂହାସନ ସମ୍ମୁଖରେ ଯୋହନ ଦେଖିଲେ [୭:୯]।

ସିଂହାସନ ସମ୍ମୁଖରେ ଥିବା ଲୋକମାନଙ୍କ ଅନୁସାରେ, ପରିତ୍ରାଣ କାହାଠାରୁ ଆସେ ?

ସିଂହାସନ ସମ୍ମୁଖରେ ଥିବା ଲୋକମାନେ ପରିତ୍ରାଣ ଈଶ୍ଵର ଏବଂ ମେଷଶାବକଙ୍କ କାର୍ଯ୍ୟ ବୋଲି ଉଚ୍ଚ ସ୍ଵରରେ କହୁଥିଲେ [୭:୧୦]।

Revelation 7:11-12

ସମସ୍ତ ଦୂତମାନେ, ପ୍ରାଚୀନମାନେ, ଏବଂ ଜୀବିତ ପ୍ରାଣୀମାନେ ଯେପରି ଈଶ୍ଵରଙ୍କ ଉପାସନା କଲେ ସେମାନେ କେଉଁ ଶାରୀରିକ ସ୍ଥିତିରେ ଥିଲେ ?

ସେମାନେ ଉବୁଡ ହୋଇ ପ୍ରଣାମ କରି ଈଶ୍ଵରଙ୍କର ଆରାଧନା କଲେ [୭:୧୧]।

Revelation 7:13-14

ଶୁକ୍ଳ ବସ୍ତ୍ର ପରିଧାନ କରି ସିଂହାସନ ସମ୍ମୁଖରେ ଥିବା ଲୋକମାନେ କିଏ ବୋଲି ପ୍ରାଚୀନମାନେ କହିଲେ ?

ମହାକ୍ଲେଶରୁ ଆସିଥିବା ଲୋକମାନେ ହିଁ ସେମାନେ ବୋଲି ପ୍ରାଚୀନମାନେ କହିଲେ [୭:୧୪]।

ସିଂହାସନ ସମ୍ମୁଖରେ ଥିବା ଲୋକମାନେ କିପରି ସେମାନଙ୍କର ବସ୍ତ୍ରକୁ ଶୁକ୍ଳ କରିଥିଲେ ?

ମେଷଶାବକଙ୍କ ରକ୍ତ ଦ୍ଵାରା ଧୋଇ ସେମାନେ ସେମାନଙ୍କର ବସ୍ତ୍ରକୁ ଶୁକ୍ଳ କରିଥିଲେ [୭:୧୪]।

Revelation 7:15-17

ଶୁକ୍ଳ ବସ୍ତ୍ର ପରିଧାନ କରିଥିବା ଲୋକମାନଙ୍କ ନିମନ୍ତେ ଈଶ୍ଵର କ'ଣ କରିବେ ବୋଲି ପ୍ରାଚୀନମାନେ କହିଲେ ?

ଈଶ୍ଵର ତାହାଙ୍କ ତମ୍ବୁକୁ ସେମାନଙ୍କ ଉପରେ ଆଶ୍ରୟସ୍ଵରୂପେ ରଖିବେ ଯାହା ଫଳରେ ସେମାନଙ୍କ ନିମନ୍ତେ ଆଉ କଷ୍ଟ ନ ଥିବ [୭:୧୫-୧୬]।

ଶୁକ୍ଳ ବସ୍ତ୍ର ପରିଧାନ କରିଥିବା ଲୋକମାନଙ୍କ ନିମନ୍ତେ ମେଷଶାବକ କ'ଣ କରିବେ ବୋଲି ପ୍ରାଚୀନମାନେ କହିଲେ ?

ମେଷଶାବକ ସେମାନଙ୍କ ପାଳକ ହେବେ ଏବଂ ଜୀବନଦାୟକ ନିର୍ଝର ନିକଟକୁ ସେମାନଙ୍କୁ କଢାଇନେବେ [୭:୧୭]।

Revelation 8

Revelation 8:1-2

ସ୍ଵର୍ଗରେ ନିରବତାର କାରଣ କ'ଣ ଥିଲା ?

ଯେତେବେଳେ ମେଷଶାବକ ସପ୍ତ ମୁଦ୍ରା ଖୋଲିଲେ, ସ୍ଵର୍ଗରେ ନିରବତା ହୋଇଥିଲା [୮:୧]।

ଈଶ୍ଵରଙ୍କ ସମ୍ମୁଖରେ ଠିଆ ହୋଇଥିବା ସପ୍ତ ଦୂତମାନଙ୍କୁ କ'ଣ ଦିଆ ଯାଇଥିଲା ?

ଈଶ୍ଵରଙ୍କ ସମ୍ମୁଖରେ ଠିଆ ହୋଇଥିବା ସପ୍ତ ଦୂତମାନଙ୍କୁ ସପ୍ତ ତୂରୀ ଦିଆଯାଇଥିଲା [୮:୨]।

Revelation 8:3-5

ଈଶ୍ଵରଙ୍କ ସମ୍ମୁଖରେ କ'ଣ ଉତ୍ଥିତ ହୋଇଥିଲା ?

ଧୂପର ଧୂମ ସାଧୁମାନଙ୍କ ପ୍ରାର୍ଥନା ସହ ଈଶ୍ଵରଙ୍କ ସମ୍ମୁଖରେ ଉତ୍ଥିତ ହୋଇଥିଲା [୮:୪]।

ଯେତେବେଳେ ଦୂତ ବେଦୀରୁ ଅଗ୍ନି ପୃଥିବୀ ଉପରେ ପକାଇଲେ ସେତେବେଳେ କ'ଣ ଘଟିଲା ?

ଯେତେବେଳେ ଦୂତ ଅଗ୍ନି ତଳେ ପକାଇଲେ, ସେତେବେଳେ ସେଠାରେ ବଜ୍ରଧ୍ଵନୀ, ବିଭିନ୍ନ ସ୍ଵର, ବିଦ୍ୟୁତ, ଏବଂ ଭୂମିକମ୍ପ ହୋଇଥିଲା [୮:୫]।

Revelation 8:6-7

ଯେତେବେଳେ ପ୍ରଥମ ତୂରୀଧ୍ଵନୀ ହେଲା ସେତେବେଳେ କ'ଣ ଘଟିଲା ?

ଯେତେବେଳେ ପ୍ରଥମ ତୂରୀଧ୍ଵନୀ ହେଲା, ପୃଥିବୀର ତୃତୀୟାଂଶ ଜଳିଗଲା, ବୃକ୍ଷସମୂହର ତୃତୀୟାଂଶ, ଏବଂ ସମସ୍ତ ତୃଣ ଜଳିଗଲା [୮:୭]।

Revelation 8:8-9

ଯେତେବେଳେ ଦ୍ଵିତୀୟ ତୂରୀଧ୍ଵନୀ ହେଲା, ସେତେବେଳେ କ'ଣ ଘଟିଲା ?

ଯେତେବେଳେ ଦ୍ଵିତୀୟ ତୂରୀଧ୍ଵନୀ ହେଲା, ସମୁଦ୍ରର ତୃତୀୟାଂଶ ଜଳ ରକ୍ତମୟ ହେଲା, ସମୁଦ୍ରର ଜୀବମାନଙ୍କର ତୃତୀୟାଂଶ ମଲେ, ଏବଂ ଜାହାଜର ତୃତୀୟାଂଶ ବିନଷ୍ଟ ହେଲା [୮:୮-୯]।

Revelation 8:10-11

ଯେତେବେଳେ ତୃତୀୟ ତୂରୀଧ୍ଵନୀ ହେଲା, ସେତେବେଳେ କ'ଣ ଘଟିଲା ?

ଯେତେବେଳେ ତୃତୀୟ ତୂରୀଧ୍ଵନୀ ହେଲା, ଜଳର ତୃତୀୟାଂଶ ନାଗଦଅଣା ହେଲା, ଏବଂ ଅନେକ ଲୋକ ମଲେ [୮:୧୦-୧୧]।

Revelation 8:12

ଯେତେବେଳେ ଚତୁର୍ଥ ତୂରୀଧ୍ଵନୀ ହେଲା, ସେତେବେଳେ କ'ଣ ଘଟିଲା ?

ଯେତେବେଳେ ଚତୁର୍ଥ ତୂରୀଧ୍ଵନୀ ହେଲା, ଦିବସର ଏବଂ ରାତ୍ରିର ତୃତୀୟାଂଶ ଆଲୋକ ରହିତ ହେଲା [୮:୧୨]।

Revelation 8:13

କାହିଁକି ଉତ୍କ୍ରୋଷପକ୍ଷୀ ପୃଥିବୀର ନିବାସୀମାନଙ୍କୁ ସନ୍ତାପର ପାତ୍ର "ହାୟ, ହାୟ, ହାୟ" ବୋଲି କହିଲେ ?

ଉତ୍କ୍ରୋଷପକ୍ଷୀ ପୃଥିବୀର ନିବାସୀମାନଙ୍କୁ ସନ୍ତାପର ପାତ୍ର "ହାୟ, ହାୟ, ହାୟ" ବୋଲି କହିଲେ, ଯେହେତୁ ତିନି ତୂରୀଧ୍ଵନୀ ହେବାକୁ ଯାଉଥିଲା [୮:୧୩]।

Revelation 9

Revelation 9:1-2

ଯେତେବେଳେ ପଞ୍ଚମ ତୂରୀଧ୍ଵନୀ ହେଲା ସେତେବେଳେ ଯୋହନ କି ପ୍ରକାର ନକ୍ଷତ୍ରକୁ ଦେଖିଲେ ?

ଯେତେବେଳେ ପଞ୍ଚମ ତୂରୀଧ୍ଵନୀ ହେଲା, ଯୋହନ ଗୋଟିଏ ନକ୍ଷତ୍ର ପୃଥିବୀରେ ପତିତ ହେବାର ଦେଖିଲେ [୯:୧]।

ସେହି ନକ୍ଷତ୍ର କ'ଣ କଲା ?

ସେହି ନକ୍ଷତ୍ର ଗଭୀରତମ ପାତାଳକୁଣ୍ଡକୁ ଖୋଲିଲେ [୯:୨]।

Revelation 9:3-4

ପାତାଳକୁଣ୍ଡରୁ ବାହାରିଥିବା ପଙ୍ଗପାଳଗୁଡିକୁ କ'ଣ କରିବାକୁ କୁହାଯାଇଥିଲା ?

ପୃଥିବୀକୁ ଅନିଷ୍ଟ ନ କରିବାକୁ କୁହାଗଲା, କିନ୍ତୁ ଯେଉଁମାନଙ୍କ କପାଳରେ ଈଶ୍ଵରଙ୍କ ମୁଦ୍ରାଙ୍କ ନାହିଁ ସେମାନଙ୍କୁ ଅନିଷ୍ଟ କରିବାକୁ କୁହାଗଲା [୯:୩-୪]।

Revelation 9:5-6

ପଙ୍ଗପାଳ ଦ୍ଵାରା ଯନ୍ତ୍ରଣା ପାଇବା ଲୋକମାନେ କ'ଣ ଖୋଜିଲେ କିନ୍ତୁ ପାଇଲେ ନାହିଁ ?

ପଙ୍ଗପାଳ ଦ୍ଵାରା ଯନ୍ତ୍ରଣା ପାଇବା ଲୋକମାନେ ମୃତ୍ୟ ଖୋଜିବେ କିନ୍ତୁ ପାଇବେ ନାହିଁ [୯:୬]।

Revelation 9:7-9

ପଙ୍ଗପାଳମାନଙ୍କର ପକ୍ଷଗୁଡିକ କି ଶବ୍ଦ କରନ୍ତି ?

ପଙ୍ଗପାଳମାନଙ୍କର ପକ୍ଷଗୁଡକିର ଶବ୍ଦ ରଥ ଓ ରଣକ୍ଷେତ୍ରରେ ଧାବମାନ ଅନେକ ଅଶ୍ୱର ଶବ୍ଦ ପରି ଥିଲା [୯:୯]।

Revelation 9:10-12

ପଙ୍ଗପାଳମାନଙ୍କ ଉପରେ କିଏ ରାଜା ଥିଲା ?

ପଙ୍ଗପାଳମାନଙ୍କ ରାଜା ଅବଦ୍ଦୋନ ଥିଲା, କିମ୍ବା ଗ୍ରୀକ୍ ଭାଷାରେ ଆପଲ୍ଲୀୟୋନ୍, ପାତାଳର ଦୂତ [୯:୧୧]।

ପଞ୍ଚମ ତୂରୀଧ୍ଵନୀ ହେଲା ପରେ କ'ଣ ଗତ ହେଲା ?

ପଞ୍ଚମ ତୂରୀଧ୍ଵନୀ ପରେ ପ୍ରଥମ ସନ୍ତାପ ଗତ ହେଲା [୯:୧୨]।

Revelation 9:13-15

ଯେତେବେଳେ ଷଷ୍ଠ ତୂରୀଧ୍ଵନୀ ହେଲା ସେତେବେଳେ ଯୋହନ କେଉଁ ସ୍ଵର ଶୁଣିଲେ ?

ଷଷ୍ଠ ତୂରୀଧ୍ଵନୀ ହେଲା ପରେ, ଈଶ୍ଵରଙ୍କ ସମ୍ମୁଖସ୍ଥ ସୁବର୍ଣ୍ଣ ବେଦୀର ଶୃଙ୍ଗମାନଙ୍କ ମଧ୍ୟରୁ ଗୋଟିଏ ସ୍ଵର ଯୋହନ ଶୁଣିଲେ [୯:୧୩]।

ଚାରି ଦୂତ କ'ଣ କଲେ ଯେତେବେଳେ ସେମାନେ ସେହି ସ୍ଵର ଶୁଣିଲେ ?

ଯେତେବେଳେ ସେମାନେ ସ୍ଵର ଶୁଣିଲେ, ଚାରି ଦୂତମାନଙ୍କୁ ମନୁଷ୍ୟମାନଙ୍କର ଏକ ତୃତୀୟାଂଶକୁ ବଧ କରିବାକୁ ମୁକ୍ତ କରାଗଲା [୯:୧୫]।

Revelation 9:16-17

ଯୋହନ କେତେଜଣ ଅଶ୍ଵରୋହୀ ସୈନିକମାନଙ୍କୁ ଦେଖିଲେ ?

ଯୋହନ କୋଡିଏ କୋଟି ଅଶ୍ଵରୋହୀ ସୈନିକମାନଙ୍କୁ ଦେଖିଲେ [୯:୧୬]।

Revelation 9:18-19

ଲୋକମାନଙ୍କର ଏକ ତୃତୀୟାଂଶକୁ କେଉଁ କ୍ଲେଶ ଦ୍ଵାରା ବଧ କରାଗଲା ?

ଅଶ୍ଵମାନଙ୍କ ମୁଖରୁ ନିର୍ଗତ ଅଗ୍ନି, ଧୂପ ଓ ଗନ୍ଧକରୂପ ଏହି ତିନିଗୋଟି କ୍ଲେଶ ଦ୍ଵାରା ମନୁଷ୍ୟମାନଙ୍କର ଏକ ତୃତୀୟାଂଶକୁ ବଧ କରାଗଲା [୯:୧୮]।

Revelation 9:20-21

ଯେଉଁ ଅବଶିଷ୍ଟ ମନୁଷ୍ୟମାନେ ଏହି ସମସ୍ତ କ୍ଲେଶ ଦ୍ଵାରା ବଧ କରାଯାଇ ନ ଥିଲେ, ସେମାନଙ୍କର ଉତ୍ତର କ'ଣ ଥିଲା ?

ଯେଉଁ ମନୁଷ୍ୟମାନେ ଏହି ସମସ୍ତ କ୍ଲେଶ ଦ୍ଵାରା ବଧ କରାଯାଇ ନ ଥିଲେ, ସେମାନେ ଆପଣା ଆପଣା ହସ୍ତକୃତ କର୍ମରୁ ମନ ପରିବର୍ତ୍ତନ କଲେ ନାହିଁ, ପୁଣି ଭୂତମାନଙ୍କ ପୂଜା ବନ୍ଦ କଲେ ନାହିଁ [୯:୨୦]।

Revelation 10

Revelation 10:1-2

ଯୋହନ ଯେଉଁ ପରାକ୍ରମୀ ଦୂତଙ୍କୁ ଦେଖିଲେ ତାହାଙ୍କର ମୁଖ ଓ ପାଦ କାହା ପରି ଦେଖାଯାଉ ଥିଲା ?

ଯୋହନ ଯେଉଁ ପରାକ୍ରମୀ ଦୂତଙ୍କୁ ଦେଖିଲେ ତାହାଙ୍କର ମୁଖ ସୂର୍ଯ୍ୟ ସଦୃଶ୍ୟ ଓ ପାଦ ଅଗ୍ନିସ୍ତମ୍ବ ସଦୃଶ୍ୟ ଥିଲା [୧୦:୧]।

ସେହି ପରାକ୍ରମୀ ଦୂତ କେଉଁଠାରେ ଠିଆ ହୋଇଥିଲେ ?

ସେହି ପରାକ୍ରମୀ ଦୂତ ସେ ଆପଣା ଦକ୍ଷିଣ ପାଦ ସମୁଦ୍ର ଉପରେ ଓ ବାମ ପାଦ ପୃଥିବୀ ଉପରେ ସ୍ଥାପନ କରିଥିଲେ [୧୦:୨]।

Revelation 10:3-4

ଯୋହନଙ୍କୁ କ'ଣ ନ ଲେଖିବା ନିମନ୍ତେ କୁହାଯାଇଥିଲା ?

ଯୋହନଙ୍କୁ ସେହି ସପ୍ତ ମେଘଗର୍ଜ୍ଜନ ଯାହସବୁ ବ୍ୟକ୍ତ କଲେ, ସେହି ସବୁକୁ ନ ଲେଖିବାକୁ କୁହାଯାଇଥିଲା [୧୦:୪]।

Revelation 10:5-7

ସେହି ପରାକ୍ରମୀ ଦୂତ କାହା ଦ୍ଵାରା ଶପଥ କଲେ ?

ସେହି ପରାକ୍ରମୀ ଦୂତ ଯେ ସ୍ଵର୍ଗ, ପୃଥିବୀ, ସମୁଦ୍ର, ଏବଂ ତନ୍ମଧ୍ୟସ୍ଥ ସମସ୍ତ ବିଷୟ ସୃଷ୍ଟି କରିଅଛନ୍ତି, ସେହି ନିତ୍ୟଜୀବୀଙ୍କ ନାମରେ ଶପଥ କରିଥିଲେ [୧୦:୬]।

ଆଉ ବିଳମ୍ବ ହେବ ନାହିଁ ବୋଲି ସେହି ପରାକ୍ରମୀ ଦୂତ କ'ଣ କହିଥିଲେ ?

ଯେତେବେଳେ ସପ୍ତମ ଦୂତ ତୂରୀଧ୍ଵନୀ ଉଦ୍ୟତ ହେବେ, ସେତେବେଳେ ଈଶ୍ଵରଙ୍କ ନିଗୁଢ ସଂକଳ୍ପ ମଧ୍ୟ ସଫଳ ହେବ ବିଳମ୍ବ ହେବ ନାହିଁ ବୋଲି ଦୂତ କହିଲେ [୧୦:୭]।

Revelation 10:8-9

ପରାକ୍ରମୀ ଦୂତଙ୍କ ହସ୍ତରୁ କ'ଣ ନେବାକୁ ଯୋହନଙ୍କୁ କୁହାଯାଇଥିଲା ?

ପରାକ୍ରମୀ ଦୂତଙ୍କ ହସ୍ତରେ ଯେଉଁ ପୁସ୍ତକଟି ମୁକ୍ତ ହୋଇ ରହିଅଛି ତାହାକୁ ନେବା ପାଇ ଯୋହନଙ୍କୁ କୁହାଗଲା [୧୦:୮]।

ଯେତେବେଳେ ଯୋହନ ପୁସ୍ତକଟିକୁ ଭକ୍ଷଣ କରିବେ ସେତେବେଳେ କ'ଣ ଘଟିବ ବୋଲି ପରାକ୍ରମୀ ଦୂତ କହିଲେ ?

ଯେତେବେଳେ ଯୋହନ ସେହି ପୁସ୍ତକଟିକୁ ଭକ୍ଷଣ କରିବେ ସେତେବେଳେ ସେହି ପୁସ୍ତକଟି ତାହାଙ୍କ ମୁଖକୁ ମଧୁ ପରି ମିଷ୍ଟ ଲଗିବ କିନ୍ତୁ ଉଦରରେ ତିକ୍ତ ହେବ ବୋଲି ପରାକ୍ରମୀ ଦୂତ କହିଲେ [୧୦:୯]।

Revelation 10:10-11

ଯୋହନ ପୁସ୍ତକଟିକୁ ଭକ୍ଷଣ କଲାପରେ କେଉଁ ବିଷୟରେ ଭାବବାଣୀ କରିବାକୁ କୁହାଗଲା ?

ଯୋହନ ପୁସ୍ତକଟିକୁ ଭକ୍ଷଣ କଲାପରେ ଅନେକ ବଂଶ, ଜାତି, ଭାଷାବାଦୀ ଓ ରାଜାଙ୍କ ବିରୁଦ୍ଧରେ ଯୋହନଙ୍କୁ ଭାବବାଣୀ ପୁନର୍ବାର କରିବାକୁ କୁହାଗଲା [୧୦:୧୧]।

Revelation 11

Revelation 11:1-2

ଯୋହନଙ୍କୁ କ'ଣ ମାପିବା ନିମନ୍ତେ କୁହାଯାଇଥିଲା ?

ଈଶ୍ଵରଙ୍କ ମନ୍ଦିର, ଦେବୀ ଓ ଯେଉଁମାନେ ସେଥିରେ ଉପାସନା କରନ୍ତି ସେମାନଙ୍କୁ ମାପିବା ନିମନ୍ତେ ଯୋହନଙ୍କୁ କୁହାଗଲା [୧୧:୧]।

ପବିତ୍ର ନଗରୀକୁ ବିଜାତିମାନେ କେତେ ସମୟ ପର୍ଯ୍ୟନ୍ତ ପଦ ତଳେ ଦଳିତ କରିବେ ?

ବିଜାତିମାନେ ବୟାଳିଶ ମାସ ଯାଏ ପୁଣ୍ୟ ନଗରୀକୁ ପଦ ତଳେ ଦଳିତ କରିବେ [୧୧:୨]।

Revelation 11:3-7

ଦୁଇ ସାକ୍ଷୀଙ୍କୁ କ'ଣ କରିବା ନିମନ୍ତେ କ୍ଷମତା ଦିଆଯାଇଥିଲା ?

ଦୁଇ ସାକ୍ଷୀଙ୍କୁ ଏକ ସହସ୍ର ଦୁଇ ଶତ ଷାଠିଏ ଦିନ ପର୍ଯ୍ୟନ୍ତ ଭାବବାଣୀ କରିବା ନିମନ୍ତେ କ୍ଷମତା, ସେମାନଙ୍କ ଶତ୍ରୁମାନଙ୍କୁ ଗ୍ରାସ କରିବା ନିମନ୍ତେ କ୍ଷମତା, ଏବଂ ପୃଥିବୀକୁ ସମସ୍ତ ପ୍ରକାର ମହାମାରୀ ଦ୍ଵାରା ଅଘାତ କରିବାକୁ ମଧ୍ୟ ସେମାନଙ୍କୁ କ୍ଷମତା ଦିଆଯାଇଥିଲା ।

Revelation 11:8-9

ଏହି ଦୁଇ ସାକ୍ଷୀଙ୍କ ଶବ କେଉଁଠାରେ ପଡି ରହିବ ?

ଯେଉଁ ମହାନଗରୀକୁ ଆତ୍ମିକ ଭାବରେ ସଦୋମ ଓ ମିସର ବୋଲି କୁହାଯାଏ, ଯେଉଁଠାରେ ସେମାନଙ୍କର ପ୍ରଭୁ କ୍ରୁଶରେ ହତ ହୋଇଥିଲେ ସେହି ମହାନଗରୀର ରାଜପଥରେ ସେମାନଙ୍କ ଶବ ପଡି ରହିବ [୧୧:୮]।

Revelation 11:10-12

ଦୁଇ ସାକ୍ଷୀଙ୍କୁ ମରାଗଲା ପରେ ପୃଥିବୀର ଲୋକମାନେ କିପରି ପ୍ରତିକ୍ରିୟା କରିବେ ?

ଦୁଇ ସାକ୍ଷୀଙ୍କୁ ମରାଗଲା ପରେ ପୃଥିବୀର ଲୋକମାନେ ଆନନ୍ଦ ଓ ପ୍ରମୋଦ କରିବେ ।

ସାଢେ ତିନି ଦିନ ଉତ୍ତାରେ ଏହି ଦୁଇ ସାକ୍ଷୀଙ୍କ ସହ କ'ଣ ଘଟିବ ?

ସାଢେ ତିନି ଦିନ ଉତ୍ତାରେ ଏହି ଦୁଇ ସାକ୍ଷୀ ସେମାନଙ୍କର ପାଦରେ ଠିଆ ହେବେ ଓ ସେମାନେ ସ୍ଵର୍ଗାରୋହଣ କରିବେ ।

Revelation 11:13-14

ମହା ଭୂମିକମ୍ପ ହେଲାପରେ ଓ ଦୁଇ ସାକ୍ଷୀଙ୍କ ପରେ କ'ଣ ଗତ ହେଲା ?

ମହା ଭୂମିକମ୍ପ ହେଲା ପରେ ଓ ଦୁଇ ସାକ୍ଷୀଙ୍କ ପରେ ଦ୍ଵିତୀୟ ସନ୍ତାପଗତ ହେଲା ।

Revelation 11:15

ଯେତେବେଳେ ତୂରୀଧ୍ଵନୀ ହେଲା ସ୍ଵର୍ଗରେ କ'ଣ ବାଣୀ ହେଲା ?

ସପ୍ତ ତୂରୀଧ୍ଵନୀ ହୁଅନ୍ତେ ସ୍ଵର୍ଗରେ ମହାଶବ୍ଦ ସହ ଏହି ବାଣୀ ହେଲା ଜଗତ ଉପରେ ରାଜତ୍ଵ ଆମ୍ଭମାନଙ୍କ ପ୍ରଭୁ ଖ୍ରୀଷ୍ଟଙ୍କର ହୋଇଅଛି ।

Revelation 11:16-17

ପ୍ରଭୁ ଈଶ୍ଵର ବର୍ତ୍ତମାନ କ'ଣ ଆରମ୍ଭ କରିଥିଲେ ବୋଲି ପ୍ରାଚୀନମାନେ କହିଥିଲେ ?

ସର୍ବ ଶକ୍ତିମାନ ଈଶ୍ଵର ବର୍ତ୍ତମାନ ରାଜତ୍ଵ କରିବା ଆରମ୍ଭ କରିଥିଲେ ବୋଲି ପ୍ରାଚୀନମାନେ କହିଥିଲେ ।

Revelation 11:18

ପ୍ରାଚୀନମାନଙ୍କ ଅନୁସାରେ ବର୍ତ୍ତମାନ କେଉଁ ସମୟ ଆସିଥିଲା ?

ପୃଥିବୀରେ ବର୍ତ୍ତମାନ ମୃତମାନଙ୍କ ବିଚାର କରିବା ସମୟ, ଏବଂ ପରମେଶ୍ଵରଙ୍କ ଦାସମାନଙ୍କୁ ପୁରସ୍କାର ଦେବାର ସମୟ, ଆଉ ପୃଥିବୀ ବିନାଶକାରୀମାନଙ୍କୁ ବିନାଶ କରିବାର ସମୟ ଆସିଥିଲା ।

Revelation 11:19

ତା'ପରେ ସ୍ଵର୍ଗରେ କ'ଣ ଉନ୍ମୁକ୍ତ ହୋଇଥିଲା ?

ତା'ପରେ ସ୍ଵର୍ଗରେ ଈଶ୍ଵରଙ୍କ ମନ୍ଦିର ଉନ୍ମୁକ୍ତ ହୋଇଥିଲା ।

Revelation 12

Revelation 12:1-2

ସ୍ଵର୍ଗରେ କେଉଁ ମହାଲକ୍ଷଣ ଦେଖାଗଲା ?

ଆକାଶରେ ଗୋଟିଏ ମହାଲକ୍ଷଣ ଦେଖାଗଲା ସୂର୍ଯ୍ୟ ପରିହିତା ଜଣେ ସ୍ତ୍ରୀଲୋକ, ତାହାଙ୍କ ପାଦ ତଳେ ଚନ୍ଦ୍ର ଓ ମସ୍ତକରେ ଦ୍ଵାଦଶ ନକ୍ଷତ୍ର ଖଚିତ ଗୋଟିଏ ମୁକୁଟ ସେ ଗର୍ଭବତୀ ହୋଇ ପ୍ରସବ ବେଦନାରେ ଆର୍ତ୍ତସ୍ଵର କରି ପ୍ରସବ କରିବା ନିମନ୍ତେ କଷ୍ଟ ପାଉଥିଲେ ।

Revelation 12:3-4

ଆଉ ସ୍ଵର୍ଗରେ କେଉଁ ସବୁ ଲକ୍ଷଣ ଦେଖାଗଲା ?

ଆକାଶରେ ଗୋଟିଏ ଲୋହିତବର୍ଣ୍ଣ ପ୍ରକାଣ୍ଡ ସର୍ପ ତାହାର ସପ୍ତ ମସ୍ତକ ଓ ଦଶ ଶୃଙ୍ଗ, ପୁଣି ମସ୍ତକଗୁଡିକ ଉପରେ ସପ୍ତ ମୁକୁଟର ଏକ ଲକ୍ଷଣ ଆକାଶରେ ଦେଖାଦେଲା ।

ପ୍ରକାଣ୍ଡ ସର୍ପ ତାହାର ଲାଙ୍ଗୁଳ ଦ୍ଵାରା କ'ଣ କଲା ?

ପ୍ରକାଣ୍ଡ ସର୍ପ ତାହାର ଲାଙ୍ଗୁଳ ଦ୍ଵାରା ଆକାଶର ତୃତୀୟାଂଶ ନକ୍ଷତ୍ରକୁ ଆକର୍ଷଣ କରି ପୃଥିବୀରେ ନିକ୍ଷେପ କଲା ।

ସେହି ପ୍ରକାଣ୍ଡ ସର୍ପ କ'ଣ କରିବାକୁ ଇଚ୍ଛା କଲା ?

ସେହି ପ୍ରକାଣ୍ଡ ସର୍ପ ସ୍ତ୍ରୀଲୋକର ସନ୍ତାନକୁ ଗ୍ରାସ କରିବାକୁ ଇଚ୍ଛା କଲା ।

Revelation 12:5-6

ପୁତ୍ର ସନ୍ତାନ କ'ଣ କରିବାକୁ ଯାଉଥିଲା ?

ସେ ପୁତ୍ର ସନ୍ତାନ ସମସ୍ତ ଜାତିକୁ ଲୌହ ଦଣ୍ଡ ସହ ଶାସନ କରିବାକୁ ଯାଉଥିଲା । [୧୨:୫]

ପୁତ୍ର ସନ୍ତାନ କେଉଁଠାକୁ ଗଲା ?

ପୁତ୍ର ସନ୍ତାନ ଈଶ୍ଵର ଓ ତାହାଙ୍କ ସିଂହାସନ ନିକଟକୁ ଉଠାଇ ନିଆଗଲା । [୧୨:୫]

ସ୍ତ୍ରୀଲୋକ କେଉଁଠାକୁ ଗଲା ?

ସେହି ସ୍ତ୍ରୀଲୋକ ପ୍ରାନ୍ତରକୁ ପଳାଇ ଗଲା । [୧୨:୬]

Revelation 12:7-10

ସ୍ଵର୍ଗରେ କିଏ ଯୁଦ୍ଧ କଲେ ?

ସ୍ଵର୍ଗରେ ମିଖାୟେଲ ଓ ତାହାଙ୍କ ଦୂତମାନେ ସେହି ସର୍ପ ସହିତ ଯୁଦ୍ଧ କଲେ । [୧୨:୭]

ଯୁଦ୍ଧପରେ ସର୍ପ ଓ ତାହାର ଦୂତଙ୍କ ପ୍ରତି କ'ଣ ଘଟିଲା ?

ସର୍ପ ଓ ତାହାର ଦୂତମାନେ ପୃଥିବୀରେ ନିକ୍ଷିପ୍ତ ହେଲେ । [୧୨:୯]

ପ୍ରକାଣ୍ଡ ସର୍ପ କିଏ ?

ସେହି ପ୍ରକାଣ୍ଡ ସର୍ପ ପୁରାତନ ନାଗ, ପ୍ରବଞ୍ଚକ କିମ୍ବା ଦିଆବଳ । [୧୨:୯]

Revelation 12:11-12

ଭାତୃଗଣ ସର୍ପକୁ କିପରି ଜୟ କଲେ ?

ଭାତୃଗଣ ସର୍ପକୁ ମେଷଶାବକଙ୍କ ରକ୍ତ ଆପଣା ଆପଣା ସାକ୍ଷ୍ୟରେ ବାକ୍ୟ ଦ୍ଵାରା ତାହାକୁ ଜୟ କରିଅଛନ୍ତି । [୧୨:୧୧]

ସର୍ପ ଆପଣା ପାଖରେ କେତେ ସମୟ ଅଛି ବୋଲି ଜାଣେ ?

ସର୍ପ ଆପଣା ପାଖରେ ଅତି ଅଳ୍ପ ସମୟ ଅଛି ବୋଲି ଜାଣେ । [୧୨:୧୨]

Revelation 12:13-14

ଯେତେବେଳେ ସର୍ପ ସ୍ତ୍ରୀର ପଛରେ ଗୋଡାଇଲା ସେହି ସ୍ତ୍ରୀଲୋକ ନିମନ୍ତେ କ'ଣ କରାଯାଇଥିଲା ?

ସେହି ସ୍ତ୍ରୀକୁ ଉଡିଯିବା ପାଇଁ ତାହାକୁ ବୃହତ ଉକ୍ରୋଶ ପକ୍ଷୀରୁ ଦୁଇଟି ପକ୍ଷ ଦତ୍ତ ହେଲା ଯେପରି ସେ ରକ୍ଷା ପାଇ ପ୍ରତିପାଳିତ ହେବ । [୧୨:୧୩-୧୪]

Revelation 12:15-17

ଯେତେବେଳେ ପ୍ରକାଣ୍ଡ ସର୍ପ ସ୍ତ୍ରୀଙ୍କୁ ଭସାଇପାରିଲା ନାହିଁ, ତେବେ ପ୍ରକାଣ୍ଡ ସର୍ପ କ'ଣ କଲା ?

ଯେଉଁମାନେ ଈଶ୍ଵରଙ୍କ ବାକ୍ୟକୁ ପାଳନ କରନ୍ତି ଏବଂ ଯେ ଯୀଶୁଙ୍କ ବିଷୟର ସାକ୍ଷ୍ୟକୁ ଧରି ରଖନ୍ତି ସେମାନଙ୍କ ସହ ଯୁଦ୍ଧ କରିବାକୁ ପ୍ରକାଣ୍ଡ ସର୍ପ ଚାଲିଗଲା [୧୨:୧୫-୧୭]।

Revelation 13

Revelation 13:1-2

ଯୋହନ ଯେଉଁ ପଶୁକୁ ଦେଖିଲେ ସେହି ପଶୁ କେଉଁଠାରୁ ବାହାରି ଆସିଥିଲା ?

ସେହି ପଶୁ ସମୁଦ୍ରରୁ ବାହାରି ଆସିଲା । [୧୩:୧]

ପ୍ରକାଣ୍ଡ ସର୍ପ ସେହି ପଶୁକ କ'ଣ ଦେଲା ?

ପ୍ରକାଣ୍ଡ ସର୍ପ ସେହି ପଶୁକୁ ଆପଣା ପରାକ୍ରମ, ସିଂହାସନ ଓ ମହାକ୍ଷମତା ଶାସନ କରିବାକୁ ସମର୍ପଣ କଲା । [୧୩:୨]

Revelation 13:3-4

ସମସ୍ତ ପୃଥିବୀ ସେହି ପଶୁ ବିଷୟରେ ଆଶ୍ଚର୍ଯ୍ୟାନ୍ଵିତ ହୋଇ କାହିଁକି ତାହାର ପଛରେ ଅନୁଗମନ କଲେ ?

କାରଣ ସେହି ପଶୁର ମସ୍ତକଗୁଡାକ ମଧ୍ୟରୁ ଗୋଟିଏ ଯେପରି ସଂଘାତିକ ଆଘାତ ପ୍ରାପ୍ତ ହୋଇଥିଲା, ଆଉ ତାହାର ସେହି ମୃତ୍ୟଜନକ କ୍ଷତ ସୁସ୍ଥ ହେଲା, ସେହି କାରଣରୁ ସମସ୍ତ ପୃଥିବୀ ସେହି ପଶୁ ବିଷୟରେ ଆଶ୍ଚର୍ଯ୍ୟାନ୍ଵିତ ହୋଇ ତାହାର ପଛରେ ଅନୁଗମନ୍ କଲେ । [୧୩:୩]

Revelation 13:5-6

ସେହି ପଶୁ ଆପଣା ମୁଖ ଦ୍ଵାରା କ'ଣ କହିଲା ?

ସେହି ପଶୁ ମୁଖ ଫିଟାଇ ଅହଙ୍କାର କଥା ଈଶ୍ଵର ନିନ୍ଦାର କଥା କହି, ତାହାଙ୍କ ନାମ, ଓ ତାହାଙ୍କ ତମ୍ବୁ, ପୁଣି ସ୍ଵର୍ଗନିବାସୀମାନଙ୍କର ନିନ୍ଦା କଲା । [୧୩:୫-୬]

Revelation 13:7-8

ସମସ୍ତ ସାଧୁଙ୍କ ସହିତ କ'ଣ କରିବାକୁ ସେହି ପଶୁକୁ ଅନୁମତି ଦିଆଗଲା ?

ସମସ୍ତ ସାଧୁଙ୍କ ସହିତ ଯୁଦ୍ଧ କରିବାକୁ ଓ ସେମାନଙ୍କର ଉପରେ ଜୟଲାଭ କରିବାକୁ ସେହି ପଶୁକୁ ଅନୁମତି ଦିଆଗଲା । [୧୩:୭]

କିଏ ସେହି ପଶୁକୁ ଉପାସନା କରିବ ନାହିଁ ?

ଯେଉଁମାନଙ୍କର ନାମ ଜୀବନ ପୁସ୍ତକରେ ଲେଖା ହୋଇଅଛି ସେମାନେ ସେହି ପଶୁକୁ ପ୍ରଣାମ କରିବେ ନାହିଁ । [୧୩:୮]

Revelation 13:9-10

ଯେଉଁମାନେ ପବିତ୍ର ସେମାନେ କ'ଣ ପାଇଁ ଆହୂତ ହୋଇଅଛନ୍ତି ?

ଯେଉଁମାନେ ପବିତ୍ର ଅଟନ୍ତି ସେମାନେ କ୍ଲେଶ, ନିନ୍ଦା ସମୟରେ ଧୈର୍ଯ୍ୟ ଓ ବିଶ୍ଵାସରେ ଦୃଢ ହେବାକୁ ଆହୂତ । [୧୩:୧୦]

Revelation 13:11-12

ଯୋହନ ଅନ୍ୟ ଏକ ପଶୁକୁ କେଉଁଠାରୁ ଆସିବାର ଦେଖିଲା ?

ଅନ୍ୟ ଏକ ପଶୁ ଭୂମିରୁ ଉଠି ଆସିଲା । [୧୩:୧୧]

ଅନ୍ୟ ଏକ ପଶୁର କିପ୍ରକାର ଶୃଙ୍ଗ ଓ ସେ କାହା ପରି କଥା କହୁଥିଲେ ?

ଅନ୍ୟ ଏକ ପଶୁ ମେଷଶାବକ ପରି ତାହାର ଦୁଇଟି ଶୃଙ୍ଗ, ଆଉ ସେ ସର୍ପ ପରି କଥା କହୁଥିଲା । [୧୩:୧୧]

ପୃଥିବୀ ଓ ତନ୍ନିବାସୀମାନଙ୍କୁ କ'ଣ କରିବାକୁ ସେହି ପଶୁ ବାଧ୍ୟ କରୁଥିଲା ?

ପ୍ରଥମ ପଶୁଟିକୁ ପ୍ରଣାମ କରିବା ନିମନ୍ତେ ଦ୍ଵିତୀୟ ପଶୁଟି ପୃଥିବୀ ଓ ତନ୍ନିବାସୀମାନଙ୍କୁ ବାଧ୍ୟ କରୁଥିଲା । [୧୩:୧୨]

Revelation 13:13-17

ଯେଉଁମାନେ ସେହି ପଶୁକୁ ପ୍ରଣାମ କରିବାକୁ ମନା କଲେ ସେମାନଙ୍କ ପ୍ରତି କ'ଣ ଘଟିଲା ?

ଯେଉଁମାନେ ସେହି ପଶୁକୁ ପ୍ରଣାମ ନ କଲେ ସେମାନଙ୍କର ପ୍ରତ୍ୟେକଙ୍କୁ ବଧ କରାଗଲା । [୧୩:୧୫]

ସେହି ପଶୁଠାରୁ ପ୍ରତ୍ୟେକେ କ'ଣ ପାଇଲେ ?

ପ୍ରତ୍ୟେକଙ୍କ ଦକ୍ଷିଣ ହସ୍ତ କିମ୍ବା କପାଳରେ ଗୋଟିଏ ଚିହ୍ନ ଧାରଣ କଲେ । [୧୩:୧୬]

Revelation 13:18

ପଶୁଙ୍କର ସଂଖ୍ୟା କ'ଣ ଅଟେ ?

ପଶୁର ସଂଖ୍ୟା ଛଅଶ ଛଷଠି ଅଟେ । [୧୩:୧୮]

Revelation 14

Revelation 14:1-2

ଯୋହନ ତାହାଙ୍କ ସମ୍ମୁଖରେ କାହାକୁ ଠିଆ ହୋଇଥିବାର ଦେଖିଲେ ?

ତାହାଙ୍କ ସମ୍ମୁଖରେ ସିୟୋନ ପର୍ବତ ଉପରେ ମେଷଶାବକଙ୍କୁ ଠିଆ ହୋଇଥିବାର ଯୋହନ ଦେଖିଲେ । [୧୪:୧]

Revelation 14:3-5

ସିଂହାସନ ସମ୍ମୁଖରେ ଗୋଟିଏ ନୂତନ ଗୀତ କେଉଁମାନେ ଶିଖିବାରେ ସକ୍ଷମ ହୋଇଥିଲେ ?

ପୃଥିବୀରୁ କ୍ରୀତ ସେହି ଏକ ଲକ୍ଷ ଚୌରାଳିଶ ସହସ୍ର ଲୋକ ସେହି ନୂତନ ଗୀତ ଶିଖି ଗାଇ ପାରିଥିଲେ । [୧୪:୩]

କେଉଁମାନେ ଈଶ୍ଵର ଓ ମେଷଶାବକଙ୍କ ଉଦ୍ଦେଶ୍ୟରେ ପ୍ରଥମ ଜାତ ଫଳସ୍ଵରୂପେ ମନୁଷ୍ୟମାନଙ୍କ ମଧ୍ୟରୁ କ୍ରୀତ ହୋଇଅଛନ୍ତି ?

ଯେଉଁ ଏକ ଲକ୍ଷ ଚୌରାଳିଶ ସହସ୍ର ନିର୍ଦ୍ଧୋଷ ଲୋକ ଈଶ୍ଵର ଓ ମେଷଶାବକଙ୍କ ଉଦ୍ଦେଶ୍ୟରେ ପ୍ରଥମ ଜାତ ଫଳସ୍ଵରୂପେ ମନୁଷ୍ୟମାନଙ୍କ ମଧ୍ୟରୁ କ୍ରୀତ ହୋଇଅଛନ୍ତି । [୧୪:୪-୫]

Revelation 14:6-7

ଜଣେ ଦୂତ ଏକ ଅନନ୍ତକାଳସ୍ଥାୟୀ ସୁସମାଚାର କାହାକୁ ଦେଲେ ?

ଜଣେ ଦୂତ ଅନନ୍ତକାଳସ୍ଥାୟୀ ସୁସମାଚାର ପୃଥିବୀନିବାସୀ ସମସ୍ତ ଜାତି, ଗୋଷ୍ଠୀ ଭାଷାବାଦୀ ଓ ବଂଶୀୟ ଲୋକଙ୍କ ନିକଟରେ ପ୍ରଚାର କରିବା ନିମନ୍ତେ କହିଥିଲେ । [୧୪:୬]

ପୃଥିବୀନିବାସୀ ସମସ୍ତଙ୍କୁ କ'ଣ କରିବା ନିମନ୍ତେ ଦୂତ କହିଥିଲେ ?

ଈଶ୍ଵରଙ୍କୁ ଭୟ କର ଓ ତାହାଙ୍କୁ ଗୌରବ ଦିଅ ବୋଲି ଦୂତ ସେମାନଙ୍କୁ କହିଥିଲେ । [୧୪:୭]

କେଉଁ ପ୍ରକାର ସମୟ ଉପସ୍ଥିତ ହୋଇଥିଲା ବୋଲି ଦୂତ କହିଥିଲେ ?

କାରଣ ଈଶ୍ଵରଙ୍କ ବିଚାର ସମୟ ଉପସ୍ଥିତ ହୋଇଥିଲା ବୋଲି ଦୂତ କହିଥିଲେ । [୧୪:୭]

Revelation 14:8-10

ଦ୍ଵିତୀୟ ଦୂତ କ'ଣ ଘୋଷଣା କଲେ ?

ମହାନ ନଗରୀ ବାବିଲ ପତିତ ଅଧଃପତିତ ହୋଇଅଛି ବୋଲି ଦ୍ଵିତୀୟ ଦୂତ ଘୋଷଣା କଲେ । [୧୪:୮]

Revelation 14:11-13

ଯେଉଁମାନେ ପଶୁର ଚିହ୍ନ ଗ୍ରହଣ କରନ୍ତି ତାହା ପ୍ରତି କ'ଣ କରାଯିବ ବୋଲି ତୃତୀୟ ଦୂତ କହିଥିଲେ ?

ଯେଉଁମାନେ ପଶୁର ଚିହ୍ନ ଗ୍ରହଣ କରନ୍ତି ଯୁଗେ ଯୁଗେ ଅଗ୍ନି ଓ ଗନ୍ଧକର ଯନ୍ତ୍ରଣାର ଧୂପ ସ୍ଥାନକୁ ଫିଙ୍ଗି ଦିଆଯିବ ବୋଲି ତୃତୀୟ ଦୂତ କହିଥିଲେ । [୧୪:୯-୧୧]

ସାଧୁମାନେ କେଉଁଥିପାଇଁ ଆହୁତ ହୋଇଥିଲେ ?

ସାଧୁମାନେ ଧୈର୍ଯ୍ୟରେ ସହ୍ୟ କରିବାକୁ ଆହୁତ ହୋଇଥିଲେ । [୧୪:୧୨]

Revelation 14:14-17

ମେଘ ଉପରେ କିଏ ବସିଥିବାର ଯୋହନ ଦେଖିଲେ ?

ମେଘ ଉପରେ ମନୁଷ୍ୟପୁତ୍ରଙ୍କ ସଦୃଶ୍ୟ ଜଣେ ଉପବିଷ୍ଟ ତାହା ଯୋହନ ଦେଖିଲେ । [୧୪:୧୪]

ମେଘ ଖଣ୍ଡରେ ଉପବିଷ୍ଟ ବ୍ୟକ୍ତି କ'ଣ କଲେ ?

ମେଘ ଖଣ୍ଡରେ ଉପବିଷ୍ଟ ବ୍ୟକ୍ତି ପୃଥିବୀରେ ଦାଆ ଲଗାନ୍ତେ ସେଥିରେ ଶସ୍ୟ କଟାଗଲା । [୧୪:୧୬]

Revelation 14:18-19

ସୁତୀକ୍ଷ୍‌ଣ ଦା ଦ୍ଵାରା ଦୂତ କ'ଣ କଲେ ?

ସେହି ଦୂତ ପୃଥିବୀରେ ଆପଣା ଦା ଲଗାଇ ସେଥିରେ ଦ୍ରାକ୍ଷାଫଳସବୁ ସଂଗ୍ରହ କଲେ ଓ ଈଶ୍ଵରଙ୍କ କ୍ରୋଧରୂପ ମହା ଦ୍ରାକ୍ଷାକୁଣ୍ଡରେ ସେହିସବୁ ନିକ୍ଷେପ କଲେ । [୧୪:୧୮-୧୯]

Revelation 14:20

ପରମେଶ୍ଵରଙ୍କ ଦ୍ରାକ୍ଷାକୁଣ୍ଡ ପ୍ରତି କ'ଣ ଘଟିଲା ?

ପରମେଶ୍ଵରଙ୍କ ଦ୍ରାକ୍ଷାକୁଣ୍ଡ ଦଳିତ ହେଲା ଏବଂ ସେଥିରୁ ରକ୍ତ ବାହାରିଲା । [୧୪:୨୦]

Revelation 15

Revelation 15:1

ଯୋହନ ଯେଉଁ ସପ୍ତ ଦୂତଙ୍କୁ ଦେଖିଲେ ସେମାନଙ୍କ ହସ୍ତରେ କ'ଣ ଥିଲ ?

ଯୋହନ ଯେଉଁ ସପ୍ତ ଦୂତଙ୍କୁ ଦେଖିଲେ ସେମାନଙ୍କ ହସ୍ତରେ ସପ୍ତ କ୍ଲେଶ ଥିଲା, ତାହା ଶେଷ କ୍ଲେଶଗୁଡିକ ଅଟେ । [୧୫:୧]

Revelation 15:2

ସମୁଦ୍ର ନିକଟରେ କିଏ ଠିଆ ହୋଇଥିଲେ ?

ଯେଉଁମାନେ ପଶୁ ଉପରେ ଓ ତାହାର ପ୍ରତିମା ଉପରେ ବିଜୟୀ ହୋଇଅଛନ୍ତି ସେମାନେ ସମୁଦ୍ର ନିକଟରେ ଠିଆ ହୋଇଥିଲେ । [୧୫:୨]

Revelation 15:3-4

ସମୁଦ୍ର ନିକଟରେ ଯେଉଁମାନେ ଠିଆ ହୋଇଥିଲେ ସେମାନେ କାହାର ଗୀତ ଗାଉଥିଲେ ?

ଯେଉଁମାନେ ସମୁଦ୍ର ନିକଟରେ ଠିଆ ହୋଇଥିଲେ ସେମାନେ ମୋଶଙ୍କର ଗୀତ ପୁଣି ମେଷଶାବକଙ୍କର ଗୀତ ଗାଉଥିଲେ । [୧୫:୩]

ଗୀତରେ କିପରି ଈଶ୍ଵରଙ୍କ ପଥକୁ ବର୍ଣ୍ଣନା କରାଯାଇଅଛି ?

ଗୀତରେ ଈଶ୍ଵରଙ୍କ ପଥ ଯେମିତି ନ୍ୟାର୍ଯ୍ୟ ଓ ସତ୍ୟ ବୋଲି ବର୍ଣ୍ଣନା କରାଯାଇଅଛି । [୧୫:୩]

ଗୀତରେ, କେଉଁମାନେ ଆସିବେ ଏବଂ ଈଶ୍ଵରଙ୍କ ପ୍ରଣାମ କରିବେ । [୧୫:୪]

?

Revelation 15:5-6

ତା'ପରେ ସେହି ମହା ପବିତ୍ର ସ୍ଥାନରୁ କ'ଣ ବାହାରି ଆସିଲା ?

ସେହି ମହା ପବିତ୍ର ସ୍ଥାନରୁ ସପ୍ତକ୍ଲେଶଧାରୀ ସପ୍ତ ଦୂତ ବାହରି ଆସିଲେ । [୧୫:୬]

Revelation 15:7-8

ସେହି ସପ୍ତ ଦୂତଙ୍କୁ କ'ଣ ଦିଆଗଲା ?

ସେହି ସପ୍ତ ଦୂତଙ୍କୁ ଈଶ୍ଵରଙ୍କ କ୍ରୋଧରେ ପରିପୂର୍ଣ୍ଣ ସପ୍ତ ସୁବର୍ଣ୍ଣ ପାତ୍ର ଦିଆଗଲା । [୧୫:୭]

କେତେବେଳେ ଯାଏ ସେହି ମହା ପବିତ୍ର ସ୍ଥାନରେ କେହି ପ୍ରବେଶ କରି ପାରିଲେ ନାହିଁ ?

ସପ୍ତ କ୍ଲେଶ ସମାପ୍ତ ନ ହେବା ପର୍ଯ୍ୟନ୍ତ କେହି ମହା ପବିତ୍ର ସ୍ଥାନରେ ପ୍ରବେଶକରି ପାରିଲେ ନାହିଁ । [୧୫:୮]

Revelation 16

Revelation 16:1

ସପ୍ତ ଦୂତଙ୍କୁ କ'ଣ କରିବାକୁ କୁହାଯାଇଥିଲା ?

ସପ୍ତ ଦୂତଙ୍କୁ ଯିବାକୁ ଏବଂ ଈଶ୍ଵରଙ୍କ କ୍ରୋଧର ସପ୍ତ ପାତ୍ର ପୃଥିବୀ ଉପରେ ଢାଳିବାକୁ କୁହା ଯାଇଥିଲା । [୧୬:୧]

Revelation 16:2

ଯେତେବେଳେ ଈଶ୍ଵରଙ୍କ କ୍ରୋଧର ପ୍ରଥମ ପାତ୍ର ଢଳାଗଲା ସେତେବେଳେ କ'ଣ ଘଟିଲା ?

ଯେଉଁମାନେ ପଶୁର ଚିହ୍ନ ଗ୍ରହଣ କରିଥିଲେ ସେମାନଙ୍କ ଶରୀରରେ ଅସୁନ୍ଦର ଏବଂ ଅତି କଷ୍ଟଦାୟକ ବିସ୍ଫୋଟକ ହେଲା । [୧୬:୨]

Revelation 16:3

ଯେତେବେଳେ ଈଶ୍ଵରଙ୍କ କ୍ରୋଧର ଦ୍ଵିତୀୟ ପାତ୍ର ଢଳାଗଲା ସେତେବେଳେ କ'ଣ ଘଟିଲା ?

ସମୁଦ୍ର ମୃତ ଲୋକର ରକ୍ତ ପରି ହେଲା । [୧୬:୩]

Revelation 16:4-7

ଯେତେବେଳେ ଈଶ୍ଵରଙ୍କ କ୍ରୋଧର ତୃତୀୟ ପାତ୍ର ଢଳାଗଲା ସେତେବେଳେ କ'ଣ ଘଟିଲା ?

ନଦୀ ଓ ନିର୍ଝରଣୀଗୁଡିକର ପାଣି ରକ୍ତ ହେଲା । [୧୬:୪]

ଈଶ୍ଵର ଏହି ଲୋକମାନଙ୍କୁ ରକ୍ତ ପିଇବାକୁ ଯେ ଦେଲେ ଏହା କାହିଁକି ସତ୍ୟ ଓ ନ୍ୟାୟ ଥିଲା ?

ଏହା ସତ୍ୟ ଓ ନ୍ୟାୟ ଥିଲା କାରଣ ସେମାନେ ସାଧୁମାନଙ୍କର ପୁଣି ଭାବବାଦୀମାନଙ୍କର ରକ୍ତପାତ କରିଥଲେ । [୧୬:୬]

Revelation 16:8-9

ଯେତେବେଳେ ଈଶ୍ଵରଙ୍କ କ୍ରୋଧର ଚତୁର୍ଥ ପାତ୍ର ଢଳାଗଲା ସେତେବେଳେ କ'ଣ ଘଟିଲା ?

ସୂର୍ଯ୍ୟ ମନୁଷ୍ୟମାନଙ୍କୁ ଅଗ୍ନିରେ ଦଗ୍ଧ କଲା । [୧୬:୮]

ଏହି ମହା କ୍ଲେଶଗୁଡିକୁ ଲୋକମାନେ କିପରି ଉତ୍ତର ଦେଲେ ?

ଲୋକମାନେ ମନ ପରିବର୍ତ୍ତନ କଲେ ନାହିଁ କିମ୍ବା ଈଶ୍ଵରଙ୍କୁ ଗୌରବ ଦେଲେ ନାହିଁ । [୧୬:୯]

Revelation 16:10-11

ଯେତେବେଳେ ଈଶ୍ଵରଙ୍କ କ୍ରୋଧର ପଞ୍ଚମ ପାତ୍ର ଢଳାଗଲା ସେତେବେଳେ କ'ଣ ଘଟିଲା ?

ପଶୁର ରାଜ୍ୟ ଅନ୍ଧକାରମୟ ହେଲା । [୧୬:୧୦]

Revelation 16:12-14

ଯେତେବେଳେ ଈଶ୍ଵରଙ୍କ କ୍ରୋଧର ଷଷ୍ଠ ପାତ୍ର ଢଳାଗଲା ସେତେବଲେ କ'ଣ ଘଟିଲା ?

ପୂର୍ବଦିଗରୁ ଆଗମନକାରୀ ରାଜାମାନଙ୍କ ନିମନ୍ତେ ଫରାତ ନଦୀର ପାଣି ଶୁଷ୍କ ହୋଇ ଯାଇଥିଲା । [୧୬:୧୨]

ସେହି ତିନୋଟି ଅପବିତ୍ର ଆତ୍ମା କ'ଣ କରିବାକୁ ଯାଉଥିଲେ ?

ସେହି ତିନୋଟି ଅପବିତ୍ର ଆତ୍ମା ଈଶ୍ଵରଙ୍କ ମହାଦିନର ଯୁଦ୍ଧ ନିମନ୍ତେ ଜଗତର ରାଜାମାନଙ୍କୁ ଏକତ୍ର କରିବା ପାଇଁ ବାହାରକୁ ଯାଉ ଥିଲେ । [୧୬:୧୩-୧୪]

Revelation 16:15-16

ଯେଉଁଠାକୁ ଜଗତର ରାଜାମାନଙ୍କୁ ଏକାଠି ଅଣାଯାଇଥିଲା ସେହି ସ୍ଥାନର ନାମ କ'ଣ ଥିଲା ?

ସେହି ସ୍ଥାନର ନାମ ହର୍ମୀଗିଦ୍ଦୋନ୍ ଥିଲା । [୧୬:୧୬]

Revelation 16:17-19

ଯେତେବେଳେ ଈଶ୍ଵରଙ୍କ କ୍ରୋଧର ସପ୍ତମ ପାତ୍ର ଢଳାଗଲା ସେତେବେଳେ କ'ଣ ଘଟିଲା ?

"ଏହା ସମାପ୍ତ ହେଲା" ବୋଲି ଏକ ଉଚ୍ଚ ସ୍ଵର ହେଲା, ଏବଂ ସେଠାରେ ବିଦ୍ୟୁତ, ବଜ୍ର ଧ୍ଵନି ଓ ଏକ ଭୂମିକମ୍ପ ଥିଲା । [୧୬:୧୭-୧୮]

ଏହି ସମୟରେ, ଈଶ୍ଵର କ'ଣ ସ୍ମରଣ କଲେ ଏବଂ କ'ଣ କଲେ ?

ଏହି ସମୟରେ, ଈଶ୍ଵର ମହାନଗରୀ ବାବିଲକୁ ସ୍ମରଣ କଲେ, ଏବଂ ସେ ତାହାଙ୍କ କ୍ରୋଧରେ ପୂର୍ଣ୍ଣ ପାତ୍ର ବାବିଲକୁ ଦେଲେ । [୧୬:୧୯]

Revelation 16:20-21

ଏହି କ୍ଲେଶ ସମୟରେ ଲୋକମାନେ କିପରି ଉତ୍ତର ଦେଲେ ?

ଲୋକମାନେ ଈଶ୍ଵରଙ୍କର ନିନ୍ଦା କଲେ । [୧୬:୨୧]

Revelation 17

Revelation 17:1-2

ସେ ଯୋହନଙ୍କୁ କ'ଣ ଦେଖାଇଥାନ୍ତେ ବୋଲି ଦୂତ କହିଲେ ?

ସେ ଯୋହନଙ୍କୁ ମହାବେଶ୍ୟାର ଦଣ୍ଡ ଦେଖାଇଥାନ୍ତେ ବୋଲି ଦୂତ କହିଲେ । [୧୭:୧]

Revelation 17:3-5

ଜଣେ ସ୍ତ୍ରୀଲୋକ କେଉଁ ଉପରେ ବସିଥିଲା ?

ଜଣେ ସ୍ତ୍ରୀଲୋକ ଗୋଟିଏ ଲୋହିତବର୍ଣ୍ଣ ପଶୁ ଉପରେ ସପ୍ତ ମସ୍ତକ ଏବଂ ଦଶ ଶୃଙ୍ଗ ସହ ବସିଥିଲେ । [୧୭:୩]

ସ୍ତ୍ରୀଲୋକ ଯେଉଁ ପାତ୍ର ତାହାର ହାତରେ ଧରିଥିଲେ ସେଠାରେ କ'ଣ ଥିଲା ?

ସେହି ପାତ୍ର ଘୃଣ୍ୟ ପଦାର୍ଥ ଏବଂ ତାହାର ବ୍ୟଭିଚାର ରୂପ ଅଶୁଚି କର୍ମରେ ପୂର୍ଣ୍ଣ ଥିଲା । [୧୭:୪]

ସେହି ସ୍ତ୍ରୀଲୋକର ନାମ କ'ଣ ଥିଲା ?

ସେହି ସ୍ତ୍ରୀଲୋକର ନାମ ଥିଲା, "ମହାନଗରୀ ବାବିଲ, ବେଶ୍ୟାମାନଙ୍କର ଓ ପୃଥିବୀର ସମସ୍ତ ଘୃଣ୍ୟବିଷୟର ଜନନୀ"। [୧୭:୫]

Revelation 17:6-7

ସେହି ସ୍ତ୍ରୀ କ'ଣ ପାନ କରି ମତ୍ତ ହୋଇଥିଲେ ?

ସେହି ସ୍ତ୍ରୀଲୋକଟି ସାଧୁମାନଙ୍କ ଓ ଯୀଶୁଙ୍କ ସାକ୍ଷୀମାନଙ୍କ ରକ୍ତ ପାନରେ ମତ୍ତ ହୋଇଥିଲେ । [୧୭:୬]

Revelation 17:8

ପଶୁଟି କେଉଁଠାରୁ ଆସିଲା ଯାହା ଉପରେ ସ୍ତ୍ରୀ ବସିଥିଲା ?

ପଶୁଟି ଗଭୀର ପାତାଳକୁଣ୍ଡରୁ ଆସିଲା । [୧୭:୮]

Revelation 17:9-10

ପଶୁର ସପ୍ତ ମସ୍ତକଗୁଡିକର ଅର୍ଥ କ'ଣ ଥିଲା ?

ସପ୍ତ ମସ୍ତକଗୁଡିକ ସପ୍ତ ପର୍ବତ ଥିଲା ଯାହା ଉପରେ ସ୍ତ୍ରୀଲୋକ ଉପବିଷ୍ଟ, ଏବଂ ଯାହା ଉପରେ ସପ୍ତ ରାଜାମାନେ ମଧ୍ୟ ଥିଲେ । [୧୭:୯-୧୦]

Revelation 17:11

ପଶୁଟି କେଉଁ ଆଡକୁ ଯାଉଥିଲା ?

ପଶୁଟି ବିନାଶ ଆଡକୁ ଯାଉଥିଲା । [୧୭:୮, ୧୧]

Revelation 17:12-14

ପଶୁର ଦଶ ଶୃଙ୍ଗଗୁଡିକର ଅର୍ଥ କ'ଣ ଥିଲା ?

ଦଶ ଶୃଙ୍ଗଗୁଡିକ ଦଶ ରାଜାମାନେ ଥିଲେ । [୧୭:୧୨]

ଯେତେବେଳେ ସେମାନେ ଏକମନା ହେବେ ସେତେବେଳେ ରାଜାମାନେ ପୁଣି ପଶୁ କ'ଣ କରିବେ ?

ଯେତେବେଳେ ସେମାନେ ଏକମନା ହେବେ, ସେମାନେ ମେଷଶାବକ ବିରୁଦ୍ଧରେ ଯୁଦ୍ଧ କରିବେ । [୧୭:୧୪]

Revelation 17:15

ଯେଉଁ ଜଳରାଶି ଉପରେ ବେଶ୍ୟା ଉପବିଷ୍ଟ ଥିଲେ ତାହାର ଅର୍ଥ କ'ଣ ଥିଲା ?

ଜଳରାଶି ବିଭିନ୍ନ ଲୋକ, ଜନତା, ଜାତି ଓ ଭାଷାବାଦୀକୁ ବୁଝାଏ । [୧୭:୧୫]

Revelation 17:16-17

ସ୍ତ୍ରୀଲୋକ ପ୍ରତି ରାଜାମାନେ ଓ ପଶୁ କ'ଣ କରିବେ ?

ସେମାନେ ସେହି ସ୍ତ୍ରୀଲୋକକୁ ଘୃଣା, ଉଚ୍ଛିନ୍ନ ଏବଂ ଉଲଙ୍ଗ କରିବେ, ପୁଣି ତାହାରି ମାଂସ ଭକ୍ଷଣ କରିବେ ଓ ତାହାକୁ ଅଗ୍ନିରେ ଦଗ୍ଧ କରିବେ । [୧୭:୧୬]

Revelation 17:18

ଯୋହନ ଯେଉଁ ସ୍ତ୍ରୀକୁ ଦେଖିଲେ ତାହା କ'ଣ ଥିଲା ?

ଯୋହନ ଯେଉଁ ସ୍ତ୍ରୀକୁ ଦେଖିଲେ ସେ ପୃଥିବୀର ରାଜାମାନଙ୍କ ଉପରେ ରାଜତ୍ଵ କରୁଥିବା ମହାନଗରୀକୁ ବୁଝାଏ । [୧୭:୧୮]

Revelation 18

Revelation 18:1-3

ମହାକ୍ଷମତାପନ୍ନ ସହ ଦୂତ କ'ଣ ଉଚ୍ଚ ସ୍ଵରରେ ଘୋଷଣା କଲେ ?

ମହାନଗରୀ ବାବିଲ ଯେ ପତିତ ଅଧଃପତିତ ହୋଇଥିଲା ତାହା ଦୂତ ଘୋଷଣା କଲେ । [୧୮:୧-୨]

Revelation 18:4-6

ପରମେଶ୍ଵରଙ୍କ ଲୋକମାନଙ୍କୁ କ'ଣ କରିବାକୁ ସ୍ଵର୍ଗରୁ ଏକ ସ୍ଵର ଶୁଭାଗଲା ?

ପରମେଶ୍ଵରଙ୍କ ଲୋକମାନଙ୍କୁ ବାବିଲରୁ ବାହାରି ଆସିବାକୁ ପୁଣି ତାହାରି ପାପର ସହଭାଗୀ ନ ହେବାକୁ କୁହାଗଲା । [୧୮:୪]

ସେ ଯାହା କରିଥିଲେ ତାହା ନିମନ୍ତେ ଈଶ୍ଵର ବାବିଲକୁ କି ପ୍ରତିଫଳ ଦେଲେ ?

ସେ କରିଥିବା କର୍ମର ଦ୍ଵିଗୁଣ ପ୍ରତିଫଳ ଈଶ୍ଵର ବାବିଲକୁ ଦେଲେ । [୧୮:୬]

Revelation 18:7-8

ଏକ ଦିନରେ କେତୋଟି କ୍ଲେଶ ବାବିଲ ଉପରେ ଘଟିଲା ?

ଏକ ଦିନରେ ବାବିଲ ପ୍ରତି ମୃତ୍ୟୁ ଶୋକ ଓ ଦୁର୍ଭିକ୍ଷ ଘଟିଲା ଏବଂ ସେ ଅଗ୍ନି ଦ୍ଵାରା ଦଗ୍ଧ ହେଲା । [୧୮:୮]

Revelation 18:9-13

ଯେତେବେଳେ ସେମାନେ ବାବିଲର ଦଣ୍ଡ ଦେଖିଲେ କିପରି ରାଜମାନେ ଏବଂ ପୃଥିବୀର ବଣିକମାନେ ଉତ୍ତର ଦେଲେ ?

ଯେତେବେଳେ ରାଜାମାନେ ଏବଂ ପୃଥିବୀର ବଣିକମାନେ ବାବିଲର ଦଣ୍ଡ ଦେଖିଲେ, ସେମାନେ ତାହାରି ନିମନ୍ତେ ବିଳାପ ଏବଂ କ୍ରନ୍ଦନ କଲେ । [୧୮:୯-୧୧]

Revelation 18:14

ବାବିଲ କ'ଣ ଅଭିଳାଷ କଲା, ଯାହା ଏକ ଘଡି ମଧ୍ୟରେ ବିନଷ୍ଟ ହେଲା ?

ବାବିଲ ସୁସ୍ଵାଦ ଓ ମନୋହର ନିମନ୍ତେ ଅଭିଳାଷ କଲା, ଯାହା ଏକ ଘଡି ମଧ୍ୟରେ ବିନଷ୍ଟ ହେଲା । [୧୮:୧୪]

Revelation 18:15-17

ତାହାର ବିଚାର ସମୟରେ କାହିଁକି ରାଜା, ବଣିକ ଏବଂ ଜାହାଜର କର୍ତ୍ତାମାନେ ବାବିଲଠାରୁ ଦୂରରେ ଠିଆ ହେଲେ ?

ତାହାର ଯନ୍ତ୍ରଣାର ଭୟ ହେତୁ ସେମାନେ ଦୂରରେ ଠିଆ ହେଲେ । [୧୮:୯-୧୦, ୧୫, ୧୭]

Revelation 18:18-20

କେଉଁ ପ୍ରଶ୍ନ ଜାହାଜର କର୍ତ୍ତାମାନେ ବାବିଲ ବିଷୟରେ ପଚାରିଲେ ?

ଜାହାଜର କର୍ତ୍ତାମାନେ ପଚାରିଲେ, "ଏହି ମହାନଗରୀ ତୁଲ୍ୟ କେଉଁ ନଗରୀ ?" [୧୮:୧୮]

ଯେତେବେଳେ ବାବିଲ ଈଶ୍ଵରଙ୍କ ଦ୍ଵାରା ପତନ ହେଲା ସେତେବେଳେ ସାଧୁବୃନ୍ଦ, ପ୍ରେରିତବର୍ଗ, ଏବଂ ଭାବବାଦୀସମସ୍ତଙ୍କୁ କ'ଣ କରିବାକୁ କୁହାଯାଇଥିଲା ?

ଯେତେବେଳେ ବାବିଲ ଈଶ୍ଵରଙ୍କ ଦ୍ଵାରା ପତନ ହେଲା ସେତେବେଳେ ସାଧୁବୃନ୍ଦ, ପ୍ରେରିତବର୍ଗ, ଏବଂ ଭାବବାଦୀସମସ୍ତଙ୍କୁ ଆନନ୍ଦ କରିବାକୁ କୁହାଗଲା । [୧୮:୨୦]

Revelation 18:21-22

ତାହାର ପତନ ପରେ, କେବେ ବାବିଲ ପୁନର୍ବାର ଦେଖାଯିବ ?

ତାହାର ପତନ ପରେ, ବାବିଲ କେବେହେଁ ଦେଖା ଯିବ ନାହିଁ । [୧୮:୨୧]

Revelation 18:23-24

ସେହି ମହାନ ନଗରୀ ବାବିଲୋନ ମଧ୍ୟରେ କ'ଣ ଦେଖା ଗଲା ଯେ, ତାକୁ ବିଚାରିତ କରାଗଲା ?

ଭାବବାଦୀ, ସାଧୁମାନଙ୍କର, ଏବଂ ପୃଥିବୀରେ ହତ ହୋଇଥିବା ସମସ୍ତଙ୍କର ରକ୍ତ ଦେଖିବାକୁ ମିଳିଥିଲା । [୧୮:୨୪]

Revelation 19

Revelation 19:1-2

ଈଶ୍ଵରଙ୍କର ବିଚାର ବିଷୟରେ ସ୍ଵର୍ଗରେ ମହା ଶବ୍ଦ କ'ଣ କହିଲା ?

ଈଶ୍ଵରଙ୍କ ବିଚାର ସତ୍ୟ ଏବଂ ନ୍ୟାୟ ଥିଲା ବୋଲି ସେହି ମହା ଶବ୍ଦ ସ୍ଵର୍ଗରେ କହିଲା । [୧୯:୧-୨]

କାହିଁକି ମହାବେଶ୍ୟାକୁ ଈଶ୍ଵର ବିଚାର କଲେ ?

ଈଶ୍ଵର ସେହି ମହାବେଶ୍ୟାକୁ ବିଚାର କଲେ କାରଣ ସେ ଆପଣା ବ୍ୟଭିଚାର ଦ୍ଵାରା ପୃଥିବୀକୁ ଭ୍ରଷ୍ଟ କଲା ଏବଂ ଈଶ୍ଵରଙ୍କ ଦାସମାନଙ୍କର ରକ୍ତ ପାତ କଲା । [୧୯:୨]

Revelation 19:3-4

ମହାବେଶ୍ୟା ପ୍ରତି ଯୁଗ ଯୁଗ ପାଇଁ କ'ଣ ଘଟିବ ?

ମହାବେଶ୍ୟାଠାରୁ ଯୁଗେ ଯୁଗେ ଧୂମ ଉଠୁଥିବ । [୧୯:୩]

Revelation 19:5-6

ଈଶ୍ଵରଙ୍କ ଭୟକାରୀ ଦାସ ସମସ୍ତଙ୍କୁ କ'ଣ କରିବାକୁ କୁହାଯାଇଥିଲା ?

ଈଶ୍ଵରଙ୍କ ଦାସମାନଙ୍କୁ ତାହାଙ୍କର ପ୍ରଶଂସା କରିବାକୁ କୁହାଯାଇଥିଲା । [୧୯:୫]

Revelation 19:7-8

କାହିଁକି ସେହି ସ୍ଵର କହିଲା ଯେ ଈଶ୍ଵରଙ୍କ ଦାସମାନେ ଆନନ୍ଦ ଏବଂ ଅତି ଉଲ୍ଲାସ କରିବା ଉଚିତ୍ ?

ଈଶ୍ଵରଙ୍କ ଦାସମାନଙ୍କୁ ଆନନ୍ଦ କରିବାକୁ କୁହାଯାଇଥିଲା କାରଣ ମେଷଶାବକଙ୍କର ବିବାହ ସମୟ ଆସିଥିଲା । [୧୯:୭]

ମେଷଶାବକଙ୍କର କନ୍ୟା କିପରି ଭାବରେ ସୁସଜ୍ଜିତ ହୋଇଅଛି ?

ସୂକ୍ଷ୍ମ ବସ୍ତ୍ରରେ କନ୍ୟା ସୁସଜ୍ଜିତ ହୋଇଅଛି, ଯାହା ଈଶ୍ଵରଙ୍କ ପବିତ୍ର ଲୋକମାନଙ୍କର ଧର୍ମ କର୍ମ ଅଟେ । [୧୯:୮]

Revelation 19:9-10

ଯୀଶୁଙ୍କ ବିଷୟକ ସାକ୍ଷ୍ୟ ବିଷୟରେ ଦୂତ କ'ଣ କହିଲେ ?

ଯୀଶୁଙ୍କ ବିଷୟକ ସାକ୍ଷ୍ୟ ତ ଭାବବାଣୀର ଆତ୍ମା(ସାର) ଥିଲା ବୋଲି ଦୂତ କହିଲେ । [୧୯:୧୦]

Revelation 19:11-13

ଶ୍ଵେତବର୍ଣ୍ଣ ଅଶ୍ଵରେ ବସିଥିବା ଆରୋହୀ ଯାହାକୁ ଯୋହନ ଦେଖିଲେ ତାହାଙ୍କ ନାମ କ'ଣ ଅଟେ ?

ଈଶ୍ଵରଙ୍କ ବାକ୍ୟ ଶ୍ଵେତବର୍ଣ୍ଣ ଅଶ୍ଵକୁ ଚଲାଉଥିବାର ଯୋହନ ଦେଖିଲେ । [୧୯:୧୧-୧୩]

Revelation 19:14-16

କିପରି ଈଶ୍ଵରଙ୍କ ବାକ୍ୟ ଜାତି ସମୁହକୁ ଆଘାତ କରନ୍ତି ?

ଈଶ୍ଵରଙ୍କ ବାକ୍ୟର ମୁଖରୁ ଏକ ତୀକ୍ଷ୍‌ଣ ଖଡ୍ଗ ଯାଏ ଯାହା ଜାତିସମୂହକୁ ଆଘାତ କରେ । [୧୯:୧୫]

ଈଶ୍ଵରଙ୍କ ବାକ୍ୟର ବସ୍ତ୍ର ଏବଂ ଜଂଘରେ କ'ଣ ଲେଖାହୋଇଅଛି ?

ତାହାଙ୍କ ବସ୍ତ୍ର ଏବଂ ଜଂଘରେ, "ରାଜାମାନଙ୍କର ରାଜା ଓ ପ୍ରଭୁମାନଙ୍କର ପ୍ରଭୁ" ଲେଖାହୋଇଅଛି । [୧୯:୧୬]

Revelation 19:17-18

ଉଡନ୍ତା ପକ୍ଷୀମାନେ ମହା ଭୋଜରେ କ'ଣ ଭକ୍ଷଣ କରିବାକୁ ଡକାଯାଇଥିଲେ ?

ପକ୍ଷୀମାନେ ରାଜାମାନଙ୍କର, ସେନାପତିମାନଙ୍କର, ପରାକ୍ରମୀମାନଙ୍କର, ଅଶ୍ଵ ଏବଂ ଅଶ୍ଵରୋହୀମାନଙ୍କର, ଏବଂ ସମସ୍ତ ଲୋକମାନଙ୍କର ମାଂସ ଭକ୍ଷଣ କରିବା ନିମନ୍ତେ ଡକାଯାଇଥିଲେ । [୧୯:୧୮]

Revelation 19:19-20

କ'ଣ କରିବା ନିମନ୍ତେ ପଶୁ ଏବଂ ପୃଥିବୀର ରାଜାମାନେ ବାହାରୁଥିଲେ ?

ସେମାନେ ଈଶ୍ଵରଙ୍କ ଏବଂ ତାହାର ସୈନ୍ୟବାହିନୀଙ୍କ ସହ ଯୁଦ୍ଧ କରିବାକୁ ବାହାରୁଥିଲେ । [୧୯:୧୯]

ପଶୁ ଏବଂ ଭଣ୍ଡ ଭାବବାଦୀଙ୍କ ପ୍ରତି କ'ଣ ଘଟିଲା ?

ପଶୁ ଏବଂ ଭଣ୍ଡ ଭାବବାଦୀ ଉଭୟ ଜୀବନ୍ତ ଗନ୍ଧକ ପ୍ରଜ୍ଜ୍ୱଳିତ ହ୍ରଦରେ ନିକ୍ଷିପ୍ତ ହେଲେ । [୧୯:୨୦]

Revelation 19:21

ଅବଶିଷ୍ଟ ଲୋକ ଯେଉଁମାନେ ଈଶ୍ଵରଙ୍କ ବିରୁଦ୍ଧରେ ଯୁଦ୍ଧ କରୁଥିଲେ ସେମାନଙ୍କୁ କ'ଣ ଘଟିଲା ?

ଅବଶିଷ୍ଟ ଲୋକ ଈଶ୍ଵରଙ୍କ ମୁଖ ନିର୍ଗତ ଖଡ୍ଗ ଦ୍ଵାରା ହତ ହେଲେ । [୧୯:୨୧]

Revelation 20

Revelation 20:1-3

ସ୍ଵର୍ଗରୁ ଓଲ୍ଲାଇଆସିଥିବା ଦୂତଙ୍କ ପାଖରେ କ'ଣ ଥିଲା ?

ଦୂତଙ୍କ ପାଖରେ ପାତଳକୁଣ୍ଡର ଚାବି ଥିଲା ଏବଂ ତାହାଙ୍କ ହସ୍ତରେ ବୃହତ ଶୃଂଖଳ ଥିଲା । [୨୦:୧]

ଦୂତ ଶୟତାନ ସହ କ'ଣ କଲା ?

ଦୂତ ଶୟତାନକୁ ପାତାଳକୁଣ୍ଡକୁ ନିକ୍ଷିପ୍ତ କଲେ । [୨୦:୩]

କେତେ ସମୟ ପର୍ଯ୍ୟନ୍ତ ଶୟତାନ ବନ୍ଧନରେ ରହିବେ ?

ଶୟତାନ ଏକ ସହସ୍ର ବର୍ଷ ପର୍ଯ୍ୟନ୍ତ ବନ୍ଧନରେ ରହିବ । [୨୦:୨-୩]

ଯେତେବେଳେ ସେ ବନ୍ଧନରେ ଥିବ ସେତେବେଳେ ଶୟତାନ କ'ଣ କରିବାରେ ସକ୍ଷମ ହେବ ନାହିଁ ?

ସେ ଯେତେବେଳେ ବନ୍ଧନରେ ଥିବ ଶୟତାନ ଜାତିସମୂହକୁ ଭ୍ରାନ୍ତ କରିବାରେ ସକ୍ଷମ ହେବ ନାହିଁ । [୨୦:୩]

Revelation 20:4

ଯେଉଁମାନେ ପଶୁର ଚିହ୍ନ ଗ୍ରହଣ କରିବାକୁ ମନାକଲେ ସେମାନଙ୍କ ସହ କ'ଣ ହେଲା ?

ଯେଉଁମାନେ ପଶୁର ଚିହ୍ନ ଗ୍ରହଣ କରିବାକୁ ମନା କରିଥିଲେ ସେମାନେ ଜୀବିତ ହେଲେ ଏବଂ ଏକ ସହସ୍ର ବର୍ଷ ପର୍ଯ୍ୟନ୍ତ ଖ୍ରୀଷ୍ଟଙ୍କ ସହ ରାଜତ୍ଵ କଲେ । [୨୦:୪]

Revelation 20:5-6

ଅବଶିଷ୍ଟ ମୃତ ଲୋକମାନେ କେବେ ଜୀବିତ ହେଲେ ?

ଯେତେବେଳେ ଏକ ସହସ୍ର ବର୍ଷର ସମାପ୍ତି ହେଲା ସେତେବେଳେ ଅବଶିଷ୍ଟ ମୃତ ଲୋକମାନେ ଜୀବିତ ହେଲେ । [୨୦:୫]

ଯେଉଁମାନେ ପ୍ରଥମ ପୁନରୁତ୍ଥାନରେ ଅଂଶୀ ହେଲେ ସେମାନେ କ'ଣ କଲେ ?

ଯେଉଁମାନେ ପ୍ରଥମ ପୁନରୁତ୍ଥାନରେ ଅଂଶୀ ହେଲେ ସେମାନେ ଈଶ୍ଵରଙ୍କ ଏବଂ ଯୀଶୁଙ୍କ ଯାଜକ ହେଲେ ଏବଂ ଏକ ସହସ୍ର ବର୍ଷ ପର୍ଯ୍ୟନ୍ତ ତାହାଙ୍କ ସହିତ ରାଜତ୍ଵ କଲେ । [୨୦:୬]

Revelation 20:7-8

ଏକ ସହସ୍ର ବର୍ଷର ଶେଷରେ ଶୟତାନ କ'ଣ କରିବେ ?

ଏକ ସହସ୍ର ବର୍ଷର ଶେଷରେ, ବାହାରକୁ ଯାଇ ଜାତି ସମୂହକୁ ଭ୍ରାନ୍ତ କରିବାକୁ ଶୟତାନକୁ ମୁକ୍ତ କରାଯିବ । [୨୦:୮]

Revelation 20:9-10

ଯେତେବେଳେ ସାଧୁମାନଙ୍କର ଶିବିରକୁ ବେଷ୍ଟନ କରାଗଲା ସେତେବେଳେ କ'ଣ ଘଟିଲା ?

ଯେତେବେଳେ ସାଧୁମାନଙ୍କର ଶିବିରକୁ ବେଷ୍ଟନ କରାଗଲା, ସେତେବେଳେ ସ୍ଵର୍ଗରୁ ଅଗ୍ନି ଆସିଲା ଏବଂ ଗୋଗ୍ ଓ ମାଗୋଗ୍‌କୁ ଗ୍ରାସ କଲା । [୨୦:୯]

ଏହି ସମୟରେ ଶୟତାନକୁ କ'ଣ କରାଗଲା ?

ଯୁଗେ ଯୁଗେ ଯନ୍ତ୍ରଣା ଭୋଗ କରିବା ନିମନ୍ତେ ଦିଆବଳ ଶୟତାନକୁ ଅଗ୍ନିମୟ ହ୍ରଦରେ ନିକ୍ଷେପ କରାଗଲା । [୨୦:୧୦]

Revelation 20:11-13

ଶ୍ଵେତବର୍ଣ୍ଣ ସିଂହାସନ ଆଗରେ କାହା ଦ୍ଵାରା ମୃତମାନେ ବିଚାରିତ ହୋଇଥିଲେ ?

ପୁସ୍ତକଗୁଡିକରେ ଲେଖାଯାଇଥିବା ପ୍ରମାଣ, ସେମାନେ କରିଥିବା କର୍ମ ଦ୍ଵାରା ମୃତମାନେ ବିଚାରିତ ହେଲେ । [୨୦:୧୨-୧୩]

Revelation 20:14-15

ଦ୍ଵିତୀୟ ମୃତ କ'ଣ ଅଟେ ?

ଦ୍ଵିତୀୟ ମୃତ ଅଗ୍ନିର ହ୍ରଦ ଅଟେ । [୨୦:୧୪]

ଯେଉଁମାନଙ୍କର ନାମ ଜୀବନ ପୁସ୍ତକରେ ଲେଖା ଯାଇ ନ ଥିଲା ସେମାନଙ୍କ ପ୍ରତି କ'ଣ ଘଟିଲା ?

ଯେଉଁମାନଙ୍କର ନାମ ଜୀବନ ପୁସ୍ତକରେ ଲେଖା ଯିବାର ମିଳିଲା ନାହିଁ ସେମାନଙ୍କୁ ଅଗ୍ନିମୟ ହ୍ରଦରେ ପକାଗଲା । [୨୦:୧୫]

Revelation 21

Revelation 21:1-2

ପ୍ରଥମ ଆକାଶମଣ୍ଡଳ ଏବଂ ପୃଥିବୀକୁ କ'ଣ କରାଯାଇଥିବା ଯୋହନ ଦେଖିଲେ ?

ପ୍ରଥମ ଆକାଶମଣ୍ଡଳ ଏବଂ ପୃଥିବୀ ଲୋପ ପାଇଥିବା ଯୋହନ ଦେଖିଲେ । [୨୧:୧]

ପ୍ରଥମ ଆକାଶମଣ୍ଡଳ ଏବଂ ପୃଥିବୀର ସ୍ଥାନରେ କ'ଣ ରଖା ଯାଇଥିଲା ?

ପ୍ରଥମ ଆକାଶମଣ୍ଡଳ ଏବଂ ପୃଥିବୀର ସ୍ଥାନରେ ଏକ ନୂତନ ଆକାଶମଣ୍ଡଳ ଏବଂ ପୃଥିବୀକୁ ରଖାଗଲା । [୨୧:୧]

ସ୍ଵର୍ଗରୁ କ'ଣ ଅବତରଣ ହେଲା ?

ସ୍ଵର୍ଗରୁ ପବିତ୍ର ନଗରୀ, ନୂତନ ଯିରୂଶାଲମ ଅବତରଣ ହେଲା । [୨୧:୨]

Revelation 21:3-4

ଈଶ୍ଵର କେଉଁଠାରେ ବାସ କରିବେ ବୋଲି ସିଂହାସନରୁ ଏକ ଶବ୍ଦ ଶୁଣାଗଲା ?

ମନୁଷ୍ୟମାନଙ୍କ ମଧ୍ୟରେ ଈଶ୍ଵର ବାସ କରିବେ ବୋଲି ଏକ ମହା ଶବ୍ଦ ହେଲା । [୨୧:୩]

ବର୍ତ୍ତମାନ କେଉଁସବୁ ଲୋପ ପାଇଥିଲା ?

ମୃତ୍ୟ, ଶୋକ, କ୍ରନ୍ଦନ, ଏବଂ ବ୍ୟଥା ସବୁ ବର୍ତ୍ତମାନ ଲୋପ ପାଇଥିଲା । [୨୧:୪]

Revelation 21:5-6

ସିଂହାସନରେ ଉପବିଷ୍ଟ ବ୍ୟକ୍ତି ନିଜକୁ ନିଜେ କେଉଁ ନାମରେ ସୂଚାଉଥିଲେ ?

ସିଂହାସନରେ ଉପବିଷ୍ଟ ବ୍ୟକ୍ତି ନିଜକୁ ନିଜେ କ ଓ କ୍ଷ, ଆଦି ଓ ଅନ୍ତ ବୋଲି ସୂଚାଉଥିଲେ । [୨୧:୬]

Revelation 21:7-8

ଅବିଶ୍ଵାସୀ, ବ୍ୟଭିଚାରୀ, ଏବଂ ପ୍ରତିମାପୂଜକଙ୍କୁ କ'ଣ ହୁଏ ?

ଅବିଶ୍ଵାସୀ, ବ୍ୟଭିଚାରୀ, ଏବଂ ପ୍ରତିମାପୂଜକମାନଙ୍କର ସ୍ଥାନ ଅଗ୍ନି ଓ ଗନ୍ଧକ ପ୍ରଜ୍ଜ୍ୱଳିତରେ ହ୍ରଦ ଅଛି ।[୨୧:୮]

Revelation 21:9-10

ମେଷଶାବକଙ୍କର କନ୍ୟାଟି, ସେହି ଭାର୍ଯ୍ୟା କିଏ ଅଟେ ?

କନ୍ୟା, ମେଷଶାବକଙ୍କର ଭାର୍ଯ୍ୟା, ଈଶ୍ଵରଙ୍କଠାରୁ ସ୍ଵର୍ଗରୁ ଆସୁଥିବା ସେହି ପବିତ୍ର ନଗରୀ, ଯିରୂଶାଲମ ଅଟନ୍ତି । [୨୧:୧୦]

Revelation 21:11-13

ନୂତନ ଯିରୂଶାଲମର ଦ୍ଵାରରେ କ'ଣ ଲେଖା ହୋଇଥିଲା ?

ନୂତନ ଯିରୂଶାଲମର ଦ୍ଵାରରେ ଇସ୍ରାଏଲ ସନ୍ତାନମାନଙ୍କର ଦ୍ଵାଦଶ ବଂଶର ନାମଗୁଡିକ ଲିଖିତ ହୋଇଥିଲା । [୨୧:୧୨]

Revelation 21:14-15

ନୂତନ ଯିରୂଶାଲମର ଭିତ୍ତିମୂଳରେ କ'ଣ ଲିଖିତ ହୋଇଥିଲା ?

ନୂତନ ଯିରୂଶାଲମର ଭିତ୍ତିମୂଳରେ ମେଷଶାବକଙ୍କ ଦ୍ଵାଦଶ ପ୍ରେରିତମାନଙ୍କ ନାମଗୁଡିକ ଲିଖିତ ହୋଇଥିଲା । [୨୧:୧୪]

Revelation 21:16-17

କେଉଁ ପ୍ରକାର ଆକାରରେ ନୂତନ ଯିରୂଶାଲମ ସ୍ଥାପନ ହୋଇଥିଲା ?

ନୂତନ ଯିରୂଶାଲମ ଚତୁଷ୍କୋଣର ଆକାରରେ ସ୍ଥାପନ ହୋଇଥିଲା । [୨୧:୧୬]

Revelation 21:18-21

ନଗରୀ ଏବଂ ରାସ୍ତାଗୁଡିକ କେଉଁଥିରେ ନିର୍ମିତ ହୋଇଥିଲା ?

ନଗରୀ ଏବଂ ରାସ୍ତାଗୁଡିକ କାଚ ପରି ଶୁଦ୍ଧ ସୁବର୍ଣ୍ଣରେ ତିଆରି ହୋଇଥିଲା । [୨୧:୧୮,୨୧]

Revelation 21:22

ନୂତନ ଯିରୂଶାଲମରେ ମନ୍ଦିର କିଏ ଅଟନ୍ତି ?

ପ୍ରଭୁ ଈଶ୍ଵର ଏବଂ ମେଷଶାବକ ନୂତନ ଯିରୂଶାଲମରେ ମନ୍ଦିର ଅଟନ୍ତି । [୨୧:୨୨]

Revelation 21:23-25

ନୂତନ ଯିରୂଶାଲମରେ ପ୍ରଦୀପର ସ୍ରୋତ କିଏ ଅଟନ୍ତି ?

ଈଶ୍ଵରଙ୍କ ଗୌରବ ଏବଂ ମେଷଶାବକ ନୂତନ ଯିରୂଶାଲମରେ ପ୍ରଦୀପର ସ୍ରୋତ ଅଟନ୍ତି । [୨୧:୨୩]

Revelation 21:26-27

ନୂତନ ଯିରୂଶାଲମରେ କଦାପି କ'ଣ ପ୍ରବେଶ କରିବ ନାହିଁ ?

କୌଣସି ଅଶୁଚି କଦାପି ଯିରୂଶାଲମରେ ପ୍ରବେଶ କରିବ ନାହିଁ । [୨୧:୨୭]

Revelation 22

Revelation 22:1-2

ଈଶ୍ଵରଙ୍କ ସିଂହାସନରୁ କ'ଣ ପ୍ରବାହିତ ହେଉଥିବାର ଯୋହନ ଦେଖିଲେ ?

ଜୀବନଦାୟକ ଜଳର ନଦୀ ଈଶ୍ଵରଙ୍କ ସିଂହାସନରୁ ପ୍ରବାହିତ ହେଉଥିବାର ଯୋହନ ଦେଖିଲେ । [୨୨:୧]

ଜୀବନଦାୟକ ବୃକ୍ଷର ପତ୍ରଗୁଡିକ କ'ଣ ଅଟନ୍ତି ?

ଜୀବନଦାୟକ ବୃକ୍ଷର ପତ୍ରଗୁଡିକ ଜାତିସମୂହର ଆରୋଗ୍ୟକାରକ ଅଟନ୍ତି । [୨୨:୨]

Revelation 22:3-5

ସେହି ନଗରୀଠାରେ କ'ଣ ସବୁ ଆଉ ରହିବ ନାହିଁ ?

ସେହି ନଗରୀଠାରେ କୌଣସି ଅଭିଶାପ ରହିବ ନାହିଁ, ଏବଂ ସେଠାରେ କୌଣସି ରାତ୍ରି ରହିବ ନାହିଁ । [୨୨:୩,୫]

କେଉଁଠାରେ ଈଶ୍ଵରଙ୍କ, ଏବଂ ମେଷଶାବକଙ୍କ ସିଂହାସନ ରହିବ ?

ଈଶ୍ଵରଙ୍କ ଏବଂ ମେଷଶାବକଙ୍କ ସିଂହାସନ ନଗରୀରେ ରହିବ । [୨୨:୩]

Revelation 22:6-7

ଏହି ପୁସ୍ତକ ଦ୍ଵାରା ଧନ୍ୟ ହେବାକୁ ଏକ ବ୍ୟକ୍ତିଙ୍କୁ କ'ଣ କରିବା ଆବଶ୍ୟକ ?

ଧନ୍ୟ ହେବା ନିମନ୍ତେ ସେହି ବ୍ୟକ୍ତିଙ୍କୁ ଏହି ପୁସ୍ତକର ଭାବବାଣୀକୁ ପାଳନ କରିବା ଆବଶ୍ୟକ ।[୨୨:୭]

Revelation 22:8-9

ଯେତେବେଳେ ଯୋହନ ଦୂତଙ୍କ ପାଦ ତଳେ ଉବୁଡ ହୋଇ ପ୍ରଣାମ କଲେ ସେତେବେଳେ ଦୂତ ଯୋହନଙ୍କୁ କ'ଣ କହିଲେ ?

ଈଶ୍ଵରଙ୍କୁ ପ୍ରଣାମ କରିବାକୁ ଦୂତ ଯୋହନଙ୍କୁ କହିଲେ । [୨୨:୮-୯]

Revelation 22:10-11

କାହିଁକି ଯୋହନଙ୍କୁ ଏହି ପୁସ୍ତକର ଭାବବାଣୀକୁ ମୁଦ୍ରାଙ୍କିତ ନ କରିବା ନିମନ୍ତେ କୁହାଯାଇଥିଲା ?

ଯୋହନ ଏହି ପୁସ୍ତକର ଭାବବାଣୀକୁ ମୁଦ୍ରାଙ୍କିତ ନ କରିବାକୁ କୁହାଯାଇଥିଲା କାରଣ ସମୟ ସନ୍ନିକଟ ଥିଲା । [୨୨:୧୦]

Revelation 22:12-13

ଯେତେବେଳେ ସେ ଆସିବେ ତାହାଙ୍କ ସହିତ କ'ଣ ଆଣିବେ ବୋଲି ପ୍ରଭୁ କହିଲେ ?

ଯେତେବେଳେ ସେ ଆସିବେ ସେ ତାହାଙ୍କ ସହିତ ତାଙ୍କରି ପୁରସ୍କାରକୁ ଆଣିବେ ବୋଲି ଈଶ୍ଵର କହିଲେ । [୨୨:୧୨]

Revelation 22:14-15

ଜୀବନ ବୃକ୍ଷର ଅଧିକାରୀ ହେବାକୁ ଏବଂ ସେଥିରୁ ଖାଇବାକୁ ଯେଉଁମାନେ ଇଚ୍ଛା କରନ୍ତି ସେମାନଙ୍କୁ କ'ଣ କରିବା ଉଚିତ୍ ?

ଯେଉଁମାନେ ଜୀବନ ବୃକ୍ଷର ଅଧିକାରୀ ହୋଇ ଏବଂ ସେଥିରୁ ଖାଇବାକୁ ଇଚ୍ଛା କରନ୍ତି ସେମାନେ ସେମାନଙ୍କର ବସ୍ତ୍ରକୁ ଧୌତ କରିବାକୁ ଆବଶ୍ୟକ । [୨୨:୧୪]

Revelation 22:16-17

ସେ ଦାଉଦଙ୍କ ସମ୍ପର୍କୀୟ ଅଟନ୍ତି ବୋଲି ଯୀଶୁ କିପରି କହନ୍ତି ?

ସେ ରାଜା ଦାଉଦଙ୍କ ମୂଳ ଏବଂ ବଂଶଜ ଅଟନ୍ତି ବୋଲି ଯୀଶୁ କହନ୍ତି । [୨୨:୧୬]

Revelation 22:18-19

ଯେକେହି ଏହି ପୁସ୍ତକର ଭାବବାଣୀ ସଙ୍ଗେ କିଛି ଯୋଗ କରେ ତାହା ପ୍ରତି କ'ଣ ଘଟିବ ?

ଯେକେହି ଏହି ପୁସ୍ତକର ଭାବବାଣୀ ସଙ୍ଗେ କିଛି ଯୋଗ କରେ ସେ ଏହି ପୁସ୍ତକରେ ଲେଖା ହୋଇଥିବା କ୍ଲେଶଗୁଡିକ ତାହା ପ୍ରତି ଘଟିବ । [୨୨:୧୮]

ଯେକେହି ଏହି ପୁସ୍ତକର ଭାବବାଣୀର କୌଣସି ବାକ୍ୟକୁ ଲୋପ କରେ ତାହା ପ୍ରତି କ'ଣ ଘଟିବ ?

ଯେକେହି ଏହି ପୁସ୍ତକର ଭାବବାଣୀ ର କୌଣସି ବାକ୍ୟକୁ ଲୋପ କରେ ଜୀବନ ବୃକ୍ଷରେ ତାହାର ଅଂଶ ଲୋପ ହେବ । [୨୨:୧୯]

Revelation 22:20-21

ଏହି ପୁସ୍ତକରେ ଯୀଶୁଙ୍କର ଶେଷ ଶବ୍ଦ କ'ଣ ଅଟେ ?

ଯୀଶୁଙ୍କର ଶେଷ ଶବ୍ଦ, "ହଁ ! ମୁଁ ଶୀଘ୍ର ଆସୁଅଛି" । [୨୨:୨୦]

ଏହି ପୁସ୍ତକର ଶେଷ ଶବ୍ଦ କ'ଣ ଅଟେ ?

ଏହି ପୁସ୍ତକର ଶେଷ ଶବ୍ଦ "ଆମେନ୍" ଅଟେ । [୨୨:୨୧]