2. Vwoni khwinjira mwirova

Adamu nende mukhali wewe vali nende vuyanzi vunyishi, nivamenyanga mmulimi mulahi kwa Nyasaye yavalombera . Avula khuvo wali nende tsinguvu na yero shiliavalomba khuva nende tsisoni. Shichira vwoni vwali vushiri khuva mulirova . Vachendachenda mu mulimi nivamoloma na Nyasaye.

Navuzwa inzukha ingatiritsi yali mu mulimi. Inzukha yareva mukhali '' Nikirikali Nyasaye yavola muvule khulia litunda khurula khu musala kwosi mulimi yuku?''

Mukhali yarevula ,''Nyasaye yavola khunyala khulia khurula khu misala chiosi nikhali khurula khu musala ku khumanya malahi nende matamanu. Nyasaye yakhuvolera, ''Numulia litunda yero, inoho khukumirakhu mulakhutsa''

Inzukha yachiba mukhali, ''Yako shikali kakirikali' mukhutsamba. .Nyasaye yamanya lwamuliakhu vutswa mulava khuli Nyasaye na mulamanya malahi nende matamanu khuliye akholanga.''

Mukhali yalola litunda niriri lirahi nirilolekha linulu. khandi yenyanga ave mucheli; khu yakulakhu litunda nalia. Malero nahakhu musatsa wewe, wavali naye nalia khaliye.

Nalwo,lwitsimoni tsiavo tsikukha, nivamanya vali shekenye. Vachelitsa khukhunikha miviri chiavo khulukhunava masambu halala kave tsinguvu.

Malero musatsa nu mukhali wewe vahulira lichenda lia Nyasaye mulimi. Nivivisa khurula khu Nyasaye. Nyasaye yalanga musatsa, ''Uli hena? ''Adamu yamuchiba, khuhulire nuchendanga mmulimi, ma ndaria shichira mbere shekenye. Khu ndivisi.

Khu Nyasaye yareva, ''Nuwina ukhuvolere uli shekenye? Ulire litunda lia ndakhuvolera uvule khulia? ''Musatsa yachiba, ''Mukhali uwa mba, neye umbere litunda,'' nyasaye yareva mukhali, ''Nishina shiu ukholi yishi?'' Mukhali yachiba, ''Inzukha ingatiritse.''

Nyasaye yavolera inzukha, ''Khulami! Ulamola nende inda na ulalia malova. Iwe nende mukhali 'mulava vatsiku;vana vovo nende vana veve valava.vatsiku Lwivulu lumukhali lulitsa khusena murwi , niwe ulitsa khuluma tsindekeye tsi virenje viavo.''

Nyasaye yamanya navolera mukhali, ''Ndalomba uhulire vululu vulidoho inyanga yu khwivula. Ulikomba musatsa wowo, naye alakhwamiha.''

Nyasaye yavolera musatsa, '' lu hulirishitse mukhali wowo uchayi inze. Lirova limali khulamwa, ulahinzira ni tsingulu khu urache shiukhulia.Khandi ulakhutsa; na muviri kwokwo kulakalukha khu malova.'' Musatsa yakulikha mukhali wewe Hawa,livolanga'Uhana- vulamu', Shichira alitsa khuva mama wa vandu vosi.Ma Nyasaye nafala Adamu na Hawa tsinguvu tsiayalomba khu masero kitsinyama.

Ma Nyasaye navola, ''loli,mundu wakhava khuli khutse yakhamanya malahi nende matamanu. Khutukha khumwikalire, khulia litunda liu musala kuvulamu. khu vavule khumenye mihika ni mihika, Khu Nyasaye yakhunga Adamu nende Hawa khurula mu mulimi kwa Eteni. Nyasaye yavikha tsingerosi tsitsingulu mushirivwa shu mulimi kwa Eteni khulero mundu wosi avule khulia litunda liu musala ku vulamu.

Livala livanjeri khurula liranga:3