14.Khuvoyongana mu Shangalangwe`
Lwa Nyasaye yali niyakhavolera Visiraheri malako ka yenyanga valonde khuli shitonye shi lirakana lielie navo, varula ha Shikulu shia Sinai. Nyasaye yaranga khuvimirira khutsia mushivala Shayavalaka, shalangwa Kanani. liresi limira imberi wavo khutsia Kanani nivalironda.
Nyasaye yali niyalaka Aburahamu, Isaka nende Yakobo alitsa khuha vitsikhulu viavo Shivala Shalakwa , nikhali vituma via vandu vandi viamenya mu. Valangwangwa Vakanani. Vakanani shivasala noho khusuvira Nyasaye. Vasala misambwa nukhukhola vwoni.
Nyasaye yavolera Visiraheri, ''Murulitse Vakanani mu Shivala Shirirakano. Mukhalombi khu mulembe navo khandi mukhahirani navo. Mwonokonye vifanani viavo viosi. Numu kha mbuliritse mulasala vifanani viavo havu kono hinze.''
Lwa Visiraheri vatukha khu lwakho lwa kanani, Musa yarovola vasatsa likhomi na vaviri khurula mu tsimbia likhomi na tsiviri tsia Visiraheri.Yavavolera khuli vatsia khurunikhitsa nukhulola khuli shivala shiri Khandi vatsia khulola niva Vakanani vali nitsingulu noho nivatetekhere
Vandu likhomi na vaviri vaseveya mu Kanani khu matukhu makhomi kane ni nivakalukha. Vavolera vandu, ''Lirova nilinulu na viragwa ni vinyikhi!'' Nikhali varuni likhomi vavola, ''Madala kali nitsingulu muno khandi vandu nimanani! Nukhuva lwana valakhu kura mava khwire!''
Heneyaho Kerebu nende Yoshua ,varunikhitsi vandi vaviri, vavola, ''Nikirikali vandu va kanani navarambi khandi vali nitsingulu, nikhali khunyala khuvakura! Nyasaye alakhu kwanira!''
Nikhali vandu shiva hulikhitsa Kerebu nende Yoshua , Visikarala khu Musa nende Haroni nivavavolera, ''Mwakhulera mushivala shirinyakhana hishi vunishi? khwakha menyi Egebeti khuvira khwirirwa mmumbulwani na vakhali veru na vana veru vakholwe varukwa.'' Vandu vamanya ni venya khuchekula mwimiriri wundu avakalukhitse Egebeti.
Nyasaye yalola vurima muno niyitsa mu Lihema liu Khuvukana. Nyasaye yavola, ''Shichira mungalukhane, vandu vosi valavoyongana mu shangalangwe nikhali Yoshwa nende Kerebu. Mundu wosi ulinende mihika makhomi kaviri khutsia ikulu alakhutsira iweneyo na shialinjira mu Shivala Shalakwa .''
Lwa vandu vahulira yaka, viyama vakholi vwoni nivareva tsimbavasi. Vavukula vindu viu vulwani nivatsia khusera vakanani. Musa yavakaya vavule khutsia shijira Nyasaye shiyali navo, nikhali shivamuhulira tawe.
Nyasaye yambakhana khutsia navo mulihe lieniri, khu vamanya nivakurwa niva khutsa muvunyikhi. Khu Visiraheri vakomokha khurula Kanani niva voyongana mushiangalangwe khu mihika makhomi kane.
Khu mihika makhomi kane cha Visiraheri vavoyongana mu shangalangwe, Nyasaye yava. yavalinda Yavaha mikati khurula mwikulu, chirangwa ''mana.'' Yavarumira tsisindu [linyonyi lihenge] muvituma viavo khuli inyama yu khulia .Khu luhono yolo lwosi Nyasaye yalomba tsinguvu nende viraro viavo vivule khurandukha.
Khu kukhuchenyinya Nyasaye khandi yavaha matsi khurula khu lwanda. Nikhali khu yako kosi Visiraheri vatsiririra khwiririra nukhung'ung'una khu Nyasaye nende Musa. Khu keneko kosi Nyasaye yali musuviru khu kayali niyalaka Abrahamu, Isaka nende Yakobo.
Inyanga yindi lwa vandu vali niva vula matsi, Nyasaye yavolera Musa, ''Lomoloma khu lwanda na matsi kalarula mulwo,'' Nikhali Musa yachaya Nyasaye imberi wa vandu khulukhu rumula lwanda khaviri ni indovoshi havukono hukhumoloma. Matsi karula khulwanda kumundu wosi khungwa ni. Nikhali Nyasaye isikarira khu Musa navola, ''Shulinjira mu Shivala Shalakwa.''
Visiraheri nivakhavoyongana mushangalangwe khu mihika makhomi kane, vosi vali vachaya Nyasaye va khutsa khandi nyasaye yimirira vandu khutsia khulwakho lwi Shivala Shalakwa khandi.Musa yali nasakhule muno khu Nyasaye yarovola Yoshwa khumukhonya khwimirira vandu. Nyasaye khandi yalaka Musa litukhu lirala yakharumi muloli wundi khuli Musa.
Khandi Nyasaye yavolera Musa atsi khu shikulu ikulu khu alole Shivala Shalakwa. Musa yalola Shivala Shalakwa nikhali Nyasaye shiyamuha munwa ku khwinjiramu .Khu Musa yakhutsa na Visiraheri niva mwikhula khu matukhu makhomi kavaka. Yoshwa nakholekha khuva mwimiriri wavo muya. Yoshwa ya manya nava mwimiriri mulayi shichira yali ya suvira khandi yaria Nyasaye.
Livala livanjeri khurula: lirula 16-17 Livalitsa 10-14;20;27 Litsukhitsa 34