Mwana wi Shiyayi Yalakwa

Mihika likhomi Aburamu nende Salai nivakhatukha Kanani vali nivashiri khunyola mwana. Khu mukhali wa Aburamu, Salai, yammbolera,''shichira Nyasaye ashili khumbuchirira mbe na vana, ninze nasakhule ukhanyola vana, murukwa wanje uyu, Hagari. Muhire khandi anyala khunyolera mwana.''

Khu Aburamu yahira Hagari. Hagari yanyola mwana muyayi, na Aburamu namukulikha sumairi. Nikhali Salai yalolera Hagari imbalikha. Lwa sumairi yatukhitsa mihika likhomi na chivaka Nyasaye yavolera Aburamu khandi.

Nyasaye yavola, ''Ndi Nyasaye Wuvunyali. Ndalomba lirakana nende iwe.''Malero Aburamu niyinama hasi. Nyasaye khandi yavolera Aburamu ,''ulava ise wi tsimbia tsinyikhi. Ndaha iwe nende vitsikhulu vovo shivala shia Kanani; khu mihika ni mihika.Khutukha usheve mundu musatsa wosi uli mu vandu vovo.

''Mukhali wowo, salai, alanyola mwana - alava mwana wi indakano. Umukulikhe Isaka.Ndalomba lirakana naye na alava luhia lukali.sumairi khandi alava luhia lukali nikhali lirakana lianje lirava nende Isaka.'' Malero Nyasaye nakalukhanyia lira lia Aburamu khuva Aburahamu, livolanga ''tata wa vanyikhi.'' Nyasaye khandi yakalukhanyia lira lia Salai khuva Sala livolanga ''nyina wa vanyikhi.''

Litukhu lia Abrahamu yasheva vasatsa vosi vali munzu mwemwe. muhika mulala nukwakhavira, Aburahamu yali nimihika100 na Sala yali ni mihika 90, Sala yivula mwana wa Aburahamu wi shiyayi. Vamukulikha Isaka khuli Nyasaye yali navavolere vakhole.

Lwa Isaka yali muyayi muvukha, Nyasaye yacheritsa lisuvira lia Aburahamu na muvolera ,''Vukula Isaka mwana wowo mulala umwire khuli isataka khuiitse.'' khandi Aburahamu yahulira mwami nyasaye na tiayala khuhana mwana khuva.isataka

Abrahamu na Isaka ni vatsitshanga khuvuali vukhurulitsha isataka, Isaka yareva,''Tata khuli nende tsikhuyi tsi isataka na likondi liri hena?'' Aburahamu yamuchiba ''Nyasaye alahana likondi mwana wanje.''

Lwavatukha havundu huvuali vu isataka, Aburahamu yavoha mwana wewe Isaka namwalikhitsa khu vwali.Yali himbi khumwira Nyasaye navola,''Lekha ukhasariritsa muyayi tawe.Khu ndakhamanya waria inze shichira wenyi khumba mwana wowo mulala.

Himbi naye Abrahamu yalola shimeme shirikondi mushisakha. Nyasaye yahana likondi khu lilombwe isataka havukono wi Isaka. Aburahamu yayanza nasamba likondi khuli isataka.

Malelo Nyasaye navolera Aburahamu, ''Shichira wenyi khumba vuli shindu khali mwana wowo mulala wenyene, khulaga ndakhukasitsa.Vitsikhulu viovio viravira tsingerengani ziumwikulu. Shichira umbere luyali tsimbia ziosi zilakasitswa khuvirira khu luhia lwolwo.''

Livala livanjeri khurula: Liranga 16-22