19. Valoli

Mu livala liosi lia visiraheri, Nyasaye ya ruma valoli. valoli vaherwa lingana khurula khunyasaye va volere vandu lingana lia nyasaye.

Irija yali muloli lwa Ahabu yali mwami niamiha isiraheri. Ahabu yali mwami mutamanu ya luviritsa vandu khusala vanyasaye vandi valangwa Bali. Irija ya volera Ahabu, ''Imbula shiravaho noho lime mu vwami vwa isiraheri khutukha lwa nimbole iveho. ''kalomba Ahabu nava nuvurima.

Nyasaye ya volera Irija atsi mushangalangwe khwi visa Ahabu wali niyenya khumwira. vuli mumavwevwe na vuli halukolova.Manyonyi kamulerera mukati khandi inyama. Ahabu nende vasikali veve vakhava Irija, navutsua vamunyola tawe. Shimiyo shiali shinyikhi khutukha havundu hosi ni huma.

Khu Irija ya tsia mushivala shiri havurende. mukhunzakhali nende muyayi wewe mushivala shenesho shukhulia shiali nishiri himbi khuwa shichira imbula yali ya lomba shivala sha yuma. na vutsua valinda Irija, ma nyasaye na valombera khandi vusi vwavo mulitebe khandi ichuba yavo ya makura, makura kawakhumu tawe.Vali ni shukhulia inyanga yosi yishimiyo.Irija ikhalayo mihika chitukha chirio.

Mihika nicha khavira chivaka ni nusu,Nyasaye ya volera Irija akalukhire vwami vwa israheri khandi amolome na Ahabu shichira atsitsanga khukalukhitsa imbula khandi.Lwa Ahabu yalola Irija yavola, ''neye iwe, musumbuli!'' Irija ya muchiba, ''Iwe neye musumbuli! Iwe wa lekha Yawe, Nyasaye wa kakirikali, wa sala Bali. Lera vandu vosi vu vwami vwa Isiraheri khu shikulu sha cameri.''

Vandu vosi vu vamwi vwa visiraheri, khumetakhu valoli tsimia tsi nne na hamusini va Baali, vitsa khu shikulu shia Cameri. Irija ya volera vandu, shichira shina mwamenya muhuya huya mutsinganakani tsienyu? niva yawe Nyasaye,mumu rumikhire! na niva Baali ni Nyasaye, mumu rumikhire!''

Khandi Irija ya volera valoli va Baali, ''Mwire ichirishi ma mulombe khuva isataka, na muvule khwakhitsa muliro. Na inze nda khola ndio khandi. Na nyasaye uchiba nu muliro neye Nyasaye wa kirikali.''khu lwaya ko vasalisi va Baali valomba isataka navutsua muliro vakhitsakhu tawe.

Malero valoli va Baali vaa sala khu Baali, khu hulire, Baali!''litukhu liosi vasala nivalangiritsa khandi nivikhalakha vene nitsirotwa, navutsua marevuli ka likhuho tawe.

Muli malilitsa lilitukhu,Irija ya lombera Nysasaye Isataka. khandi na volera Vandu vatsukhe tsinyungu likhomi na tsiviri tsia matsi tsingali khwi kulu khwi Isataka khutukha Inyama, tsikhuyi, nende khali hasi khuvoyongana Vwaali vwosi vwali vutsiriru.

Irija ya saala, ''Yawe, Nyasaye wa Aburahamu, Isaka, na Yakobo, khumanyinye nunundi uli Nyasaye wa Isiraheri na Inze ndi murumikhiri wowo. Njiiba khu Vandu yava vamanye uli Nyasaye wa kirikali.''

Lwenolo vutsua, muliro nu kwikha khurula mwikulu nu kusamba inyama, ni tsikhuyi, na machina,na mandu, khandi khali na matsi kali kavoyonga khu Vwali. lwa vandu valola kenaka, vakwa hasi khumalova ni vavola ''Yawe neye nyasaye! Yawe neye nyasaye!''

Irija ya manya navola, ''mukha lekhi khu khali mulala khuva loli va Bali irukhekhu mba!'' khulwayako vandu vachimira valoli va Bali khandi vava hira hihale khurula hawenaho ni virwa.

Irija ya manya na volera mwami Ahabu, ''kalukha Vwangu mulitala, shichira imbula yitsanga. '' lwenolo likulu liachirungana lia mwama, imbula ingali ni ranga. Yawe ya mala shimiyo na manyinya ye naye nyasaye wa kirikali.

Inyanga yi Irija ni yakhawa, nyasaye ya rovola mundu wa valanga Irisha khuva muloli wewe. nyasaye ya khola virolekhitso vinyikhi khuvirira Irisha. shirala khu shirolekhitso shikholekha Namani, mwimiriri mutsiku, wa li! nende vulwale vuvu chera khu shikoto. yali niya hulira Irisha khu ya manya na tsia khureva Irisha a muhonyinye. Irisha ya volera Namani atsi itumbule makhavi saba mmutsi kumu yorotani.

Lukhu ranga Namani yalola vurima khu ya manya ni yamba khana shichira yalola nuvusiro. navutsua ya manya na kalukhanyia tsinganakani ni yitumbula mwene makhavi saba mmuchera kwi iyorotani. lwa ya rula mmutsi inyanga yu khumalikhitsa, shikoto shieshie shali shihoni! nyasaye yali na muhonyinye.

Nyasaye ya ruma valoli vandi vanyikhi. vosi ndio vavolera vandu valekhe khusala vifanani khandi vanze khukhola kirikali nu khuvera veshenyie tsimbavasi.Valoli vahonya vandu niva valavula khulekha Vwoni khandi varanje khuhulira nyasaye, nyasaye alavakhalachira khuva Voni, khandi alavahula.

Vuli inyanga, vandu viyangira khuria Nyasaye. mwima kwavo kwali khusumbula valoli khali inyanga yindi valala virwa. inyanga indala, Muloli Yeremaya ya suvwa muluhangaywa lumu na lekhwa akhutsire iweneyo. yi hinikha mumatoi kali hasi muluhangaywa, navutsua mwami yamu lolera tsimbavasi na ruma varukwa veve vatsi khukhwesa Yeremaya vamurulitse muluhangaywa na shiri khukhutsa.

Valoli vatsiririra khuvola nyasaye khali niva vavihiritsa vandu. Vahoonya vandu ndi nyasaye alavonokonyia niva mulavula khwikanira. Vamanya khandi nivitsukhitsa vandu indakano, Mesia wa Nyasaye alitsakhwitsa.

Livala livanjeri khurula: 1 vami 16-18; 2 vami 5; yeremia 38