12. Khurula
Visiraheri vali nuvuyanza muno khurula Egebeti .shivali nivali varukwa khandi vali ni nivatsitsanga mushivala shiavalakwa! vaegebeti vaha visiraheri shiosi shia vareva, virala khuvio viali itsahabu nende ifetsa ni vindi vinyikhi viu vakuli.Vandu vandi khurula mu vivala vindi vasuvira Nyasaye ni valonda visiraheri lwavali ni varula Egebeti
Nyasaye yavimirira ni shimanyiro shi riresi liali imberi wavo inyanga yu mmbasa,na vutukhu liresi lienero liakha muliro.Nyasaye yali navo inyanga yosi navimirira muluchendo. liosi Liavenyekha khukhola kali vumulonde,'' ye.
Inyanga indititi niakhavira, Faraho nende vandu veve vakalukhana tsinganagani ni venya Visiraheri vave varugwa vavo khandi.Nyasaye yalomba Faraho nava mutinyu khu vandu vamanye ye naye Nyasaye Wakirikali Wonyene,khandi vamanyeye, Yaweh, Alinende tsingulu khuvira Faraho nende runyasaye rwerwe.
Khu Faraho nende vasikali veve valonda Visiraheri vavakhole khuva varugwa khandi.Lwa Visiraheri valola vasikali va Egebeti nivitsanga, vinyola nivali hakari ha vasikali va Faraho nende Inyanza Imuchi. Vali nende vuri sana nivalira, ''Shichira shina nukhurula Egebeti? Khutsitsa khukhutsa !''
Musa yavolera visiraheri, ''Mulekhe khuva nende vuri! Nyasaye alamukhuvanira nunundi nukhuvahonyinya.''Malelo Nyasaye navolera Musa, ''Volera vandu visunde himbichiri khu Inyanza Imuchi.''
Khandi Nyasaye yasunditsa liresi hakari ha Visiraheri nende Vaegebeti khulero Vaegebeti vavule khulola Visiraheri.
Nyasaye yavolera Musa achinge mukhono kwekwe ikulu winyanza yahule matsi. Ma Nyasaye nalera vushindu nuvusukuma matsi ki inyanza tsimbeka tsiosi,ma injira nirombekha munyanza.
Visiraheri nivavira hakari winyanza khu lirova liumu matsi nikasinjire khuli lisisi tsimbeka tsiosi.
Nyasaye yasunda liresi ikulu khushingula Vaegebeti valole Visiraheri vatsitsanga. Vaegebeti vakanakana khuvalonda maliviri.
Khu valonda Visiraheri khuvirira khu injira yali niromberwe munyanza,Nyasaye yalomba Vaegebeti nivatechera nalomba makale kavo nikahanda. Valanjirira, ''Irukhi! Nyasaye akhuvanira Visiraheri!''
Lwa Visiraheri vali nivakhambukha vulai khutukha injerekha undi winyanza,Nyasaye yavolera musa alunjikhitse mukhono khandi.Lwa yakhola ndio matsi kakwa khu vasikali vaegebeti nikakalukha hakavetsanga. Vasikali vosi va Egebeti vakhutsa mmatsi.
Lwa Visiraheri valola Vaegebeti nivakhutsi, vasuvira Nyasaye khandi nivamanya Musa nu muborofeti wa Nyasaye.
Visiraheri vasangala nu vuyanzi vunyikhi shichira Nyasaye uvarulitse mulikhutsa khandi muvurugwa! Navalakhule varumikhire Nyasaye. Visiraheri vimba tsinyimbo tsinyikhi nivasangala khu vulakhule khandi nivitsominya Nyasaye shichira yavahonyinya khurula khu vasikali va egebeti.
Nyasaye yavolera Visiraheri vasangalire ipasaka vuli muhika khulero vitsukhitse khuli Nyasaye yavaha likura khu Vaegebeti khandi navarulitsa muvurugwa.Vasangala khulukhwira shimeme shikoolokhu,vanyanye nende mukati kuvula mamela.
Livala livanjeri khurula; lirula 12;33-15;21