6.Nyasaye ahanira Isaka

Lwa Abrahamu yali niyakhasakhula likali, mwana wewe, Isaka, yali yakhava mundu muhindira. Aburahamu yaruma mulala khu vahinziri veve inyuma mushivala shia vikho veve vamenyamu khumusererera mwana wewe Isaka, mukhali.

Niyakhachenda luchendo lurambi khutukha wa vikho va Aburahamu vamenya, Nyasaye yimirira muhinziri khutukha khu labeka. Yali mwitsukhulu wa amwavo Aburahamu.

labeka yavuchirira khulekha vandu veve nivatsia nende murumikhi ingo. wanga Isaka' Isaka yamuvahiritsa lwayatukha lwenolo.

Luhono nulwakhavira lurambi, Aburahamu yakhutsa na kosi ka Nyasaye yali niyamulaga mu Lirakano, karikala khu Isaka.Nyasaye yali niyalaga Abrahamu alakhave nende lwivulu lukhavalizwa, nikhali mukhali wa Isaka, labeka yali mukumba.

Isaka yasalira labeka , na Nyasaye namuvuchirira averekhe makhwana. Vana vaviri yavo vakwanakana nivashiri munda mwa labeka, khu labeka yareva Nyasaye shina shikholekhanga.

Nyasaye yavolera labeka,''Tsimbia tsiviri tsirarula khu vana vaviri vali mwiwe. Valakwanagana khutukha lwu mwana mukhulundu alakhave murumikhi wu mushe.''

Vana va labeka lwa vivulwa, muyayi mukhulundu yali ni likondo limuchiriru na maswa khu mmbiri, vamulanga lira Esiaho. Khandi muyayi mushe yarula irwanyi nachimire indekeye ya Esiaho, ni vamukulikha lira Yakobo.

Livala livanjeri khurula: Liranga 24:1-25:26