3.Micherera

tsinyanga vurambi, vandu vanyishi vamenya khulirova. Vavihiritsa nivakhola shifwavu nende injinia. Vwali vwonekhumuno Nyasaye nalola yononyinye lirova liosi nende micherera mikali.

Navutswa Nuhu yanyola tsimbavasi khu Nyasaye. Yali mundu mulunji umenyanga na vandu voni. Nyasaye yavolera Nuhu khulondekhana khu mucherera kwa ya kanakana khuruma. Yavolera Nuhu yumbakhe liaro likali liene.

Nyasaye yavolera Nuhu yumbakhe liaro khu vurambi mikhono 140,vukalamu mikhono 23, vulunji mikhono 13.5. Nuhu yenyekha khumbakha ni misala; live namalungu kavaka, nitsinjiru tsinyishi,nirikama nende litirisha. Liaro liakhavikhi Nuhu, vandu veve nende vuli lukanu lwinyama tsimenyanga khu shivala tsihone khurula khu micherera.

Nuhu yahulira Nyasaye. Yee na vana vishiyayi veve vavaka , vumbakha liaro khuli Nyasaye yali navavolere. Liaro liumbakhwa khu mihika minyishi shichira liali likali. Nuhu yakhuviritsa vandu khulondokhana khu mucherera kwali nukwitsanga; navavolera vamukalukhire Nyasaye nikhali shivamusuvira tawe.

Nyasaye khandi yivalira Nuhu nende vandu veve vavunjelitse shukhulia shitukha vo nende tsinyama. vuli shindu ni shiakha,tiayala Nyasaye yavolera Nuhu inyanga yakhatukha,'' ye'', mukhali wewe, vayayi veve vavaka na vakhali vavo , khwinjira muliaro-vandu munane halala.

Nyasaye yaruma isatsa ni khali, muvuli tsinyama tsiosi nende manyonyi; khu Nuhu yinjiritse mu liaro khu tsihone khurula khu mucherera. Nyasaye yaruma tsinyama tsisatsa saba, tsikhali saba mu vuli lukanu lwi tsinyama, tsiukhurumikha khuhana musango. Vuli shindu lwa shinjira Nyasaye mwene yikala muliango.

Malero niranga khukhuva, na yakhuva nikhuva. Yakhuva matukhu makhomi kane nende vutukhu makhomi kane vuchira khukatukha! Matsi khandi karanga khurula mulirova. Vuli shindu mulirova liosi shiakhunikhwa na matsi, khali vikulu virambi.

Vuli shindu shiali khu lirova liumu shia khutsa,nikhali vandu nende tsinyama tsiali mu liaro.Liaro lierema khu matsi khulomba vindu viali mukari vivule khwirwa na matsi.

Imbula niaya katukha, liaro lierema khu matsi mieri chiranu, na inyanga yeneyo matsi karanga khukalukha hasi. Malero litukhu lirala liaro liahulukhira khu shikulu ikulu, na vutsua shivala shiali nishishikhunikhwe na matsi. Mieri chindi chiviri nichiakhavira vutengesi vwi vikulu vwalolekha.

Matukhu kandi makhomi kane nikakhavira, Nuhu yaruma irwanyi linyonyi lirangwa likhokho lirole niva matsi kakhama. Likhokho liabulukha nilitsirira khukhava havundu humu, lianyola mba.

ma khandi Nuhu yaruma irwanyi linyonyi lirangwa shiduti.Nikhali shishianyola havundu hosi nihuma tawe, khu shikalukha khu Nuhu. Lisitsa niliakhavira yaruma shituti irwanyi khandi, na shiamanya nishikalukha ni lisambu liu musala khu munwa! Matsi kali nikikhanga na viragwa viali nivimera khandi!

Nuhu yalinda lisitsa lindi naruma khandi shiduti irwanyi lwa khavaka. shiamanya nishicherera mba shianyola havundu hukhuhulukhira. Matsi kali nikakhamanga.

Mieri chiviri nichiakhavira Nyasaye yavolera Nuhu, ''Iwe na vandu vovo nende tsinyama tsiosi munyala khurula muliaro lwenulu. Unyole vana vanyishi nende vitsukhulu mwitsulitse shivala, ''Khu Nuhu nende vandu veve nivarula muliaro.

Nuhu niyakharula muliaro yumbakha vwali malero na rulitsa isataka khu vuli inyama yali nivikhirwe khuli isataka. Nyasaye yayanzitswa nende isataka yeneyo nakasitsa Nuhu nede vandu veve.

Nyasaye yavola,''mbola ndi shindalama lirova shichila vindu vitamanu vya vandu vakhola, inoho ndononye lirova nende mucherera . Nikhali ndio vandu nivoni khurula nivali vana.''

Nyasaye yamanya nalomba luhembo khuli shimanyiro shirirakana lielie. Vuli lwa luhembo lulolekha ikulu, Nyasaye yitsulitsa ka yalaga khandi vandu veve ndio.

Livala livanjeri khurula liranga 6-8