4. Lilakana lia Nyasaye nende Aburahamu
Mihika minyikhi khurula mucherera nukuvaho, khandi vandu vali mulirova vanyikhi na vosi vamoloma lumoloma lulala. vuchira khwitsulitsa shivala khuli Nyasaye yali navoli vivunjikha halala nivumbakha litala ligali.
Vali nende mahangali, shivavukulakhu luchendo muka Nyasaye yali navoli. Venya khumbakha munara vatukhe mwikulu. Nyasaye yalola likali vosi nivatsitsakira khuhinzira halala khukhola vwoni; vanyala khukhola vindu vivwonekhu muno.
Nyasaye yakalukhanyia lulimi luavo nuluva tsinimi tsindi tsinyikhi. Navasalanyia mulirova liosi. Litala liavali nivumbakha lialangwa Babeli, livolanga,''khukoyana.''
Mihika tsimia nichiakhavira, Nyasaye yamoloma nu mundu walangwangwa Aburamu. Nyasaye yamuvolera,''Rula mushivala shioshio nende vikho vovo mu uzi mushivala shia nikhumanyinye. ndakhukasitsa ma khulombe luhia lukali. Lira liolio lirava likali. Ndakasitsa vakhukasitsa ndalama yavo vakhulama. tsimbia tsiosi mu mushivala thirakasitswa shichira iwe.''
Khu Aburamu yahulira Nyasaye. Yavukula mukhali wewe salai halala na vahinziri veve nende vuli shindu shieshie natsia mushivala sha Nyasaye yali na mmanyinye, shivala shia kanani.
Aburamu lwa yatukha Kanani, Nyasaye yamuvolera,''Henza huliaho. Ndakhuha iwe nende lwivulu lwolwo, mulimi kwosi ku lola yuku khuli mukabwa. Aburamu yiyumbakha hawenaho.
Litukhu lirala Aburamu yavukana nende Melikizedeki musalisi wa Nyasaye Uli Ikulu khu Vosi. Melikizedeki yakasitsa Aburamu navola,''Nyasaye Uli Ikulu Khu Vosi mwene likulu nende shivala akasitse Aburamu.'' Aburamu yahana khu melikizedeki shidonye shi likhomi khu viosi via yali navio.
Mihika minyikhi chiavira Aburamu nende salai nivashiri khunyola mwana. Nyasaye yavolera Aburamu namulaga khandi alikhanyole mwana nende vitsikhulu vinyikhi khuli tsingerengani ziu mwikulu. Aburamu yasuvira Nyasaye. Nyasaye yavujirira Aburamu khuva mulunji shijira yasuvira mu lirakano lia Nyasaye yamulaga.
Nyasaye yalomba lirakano nende Aburamu.Lirakano ni lihulikhitsana lizimbeka ziviri.Nyasaye yavola, ''Ni khuhe mwana wa nuwivule mwene. Mbananga mulimi kwa kanani khu vitsikhulu vovo.''Nikhali Aburamu yali nashiri khunyola mwana.
Livala livanjeri khurula:Liranga 11-15