13.Indakano ya nyasaye na visiraheri

Nyasaye ni yakhimirira visiraheri mu inyanza imuchi,ya vimirira khuvirira mushangalwange khutukha khushikulu shirangwa sinai.ishi nashio shikulu shirala shiere wa musa yalola shisakha nishiakha muliro.Vandu vumbakha mahema hasi hishikulu shienesho.

Nyasaye ya volera musa na vandu vosi visiraheri,''niva mulichehitha nu khuria malako kanje,mulava vandu vanje,vwami vwa vasalisi,khandi luya luserethe.''

Matukhu kavaka ni khavira,vandu ni vakhitakasa muroho, Nyasaye yikha ikulu wi shikulu sha sinai, ni thimbeni,nirikulu lisasukha,nu mwoshi,nende liyoko li thimbumi.musa wenyene neye wavuchirirwa khuthia khushikulu.

Nyasaye ya vaha lirako na vola,''inze ndi yawe,nyasaye wowo wakhurulitha muvurukwa vwa vaegebeti.Ukha sala vanyasaye vandi ''mba.''

''Mukhalombi vifanani nukhuvinamira tawe. Shijira Inze, Yawe, ndi Nyasaye wilishiendekha . Muvule khurumikhira lira lianje mu injira indamanu tawe. Litukhu li Sabato live litakatifu. Mumakhuva kandi khola muhinzi kwokwo mu matukhu sita, shijira litukhu lia saba ni litukhu liu khuhulukha khandi khukanakana Nyasaye.''

''Uri Baba wowo na mama wowo.Ukhira tawe. Ukhaheya tawe. Ukhiva tawe. Ukhaveha tawe Ukhikomba mukhali u murende, inzu yeye inoho shiosi shia alinashio.''

Malero Nyasaye nahandika Malako Kumi yaka khu machina kaviri naha Musa Nyasaye khandi yahana malako kandi manyishi kukhulondwa. Vandu nivalonda malako yaka Nyasaye yalaka alavakasitsa nukhuvalinda. Nivakhakalondi Nyasaye alavaviritsira khu matinyu.

Nyasaye khandi yaha Visiraheri mivalo khuli yenyanga vamulombere liheema. Liakhalankirwe Liheema liu Khuvukana. Liali nende thingiru thiviri thiavukhanywa nende ishuka inkali. Musalisi mukali naye warovolwa khutsia inyuma wishuka shijira Nyasaye yamenya iweneyo.

Woyo wosi umunaka malako ka Nyasaye yakhaleri muruku khu vwali imberi wi Lihema liu Khuvukana khuli shihanwa shiu musango khu Nasaye.Musalisi yakhiri muruku yoko makusambirwe khu vwali.Masayi ku muruku kuhanirwe khwokitsa vwoni vu mundu woyo nukhulombwa museretse imberi wa Nyasaye. Nyasaye yarovola amwavo Musa Haroni nende vitsikhulu va Haroni khuva vasalisi veve.

Vandu vavujirira khulonda malako ka Nyasaye yali navahere,vasale Nyasaye wonyene makhandi vave vandu veve varovole. Nikhali luhono lwimbi nivakhalekha khuhuriritsa Nyasaye, vakhola vwoni muno.

Khu matukhu manyikhi, Musa yali ikulu khushikulu shia Sinai namoloma nende Nyasaye. Vandu vachiota khumulinda akalukhe. khu, valerera Haroni itsahabu nivamuvolera avalombere shifanani!

Haroni yavalombera shifanani shi shimoli khu itsahabu. Vandu varanga khusala shifanani nukhushiha vihanwa! Nyasaye yavalekera muno shijira vakholi vwoni, nakanakana khuvamala vosi. Nikhali Musa yavasavira ma Nyasaye nahulira lisala lielie shiyavamala tawe.

Lwa Musa yakholomokha khu shikulu nalola shifanani, yaleka muno niyaranyinya machina ka Nyasaye yali nahandikikhu Malako Likhomi.

Khandi Musa yaranyinya shifanani nishikwa vusi navukula matsi navikha mu; navolera vandu vankwi. Nyasaye yaruma matinyu khu vandu vanyikhi nivakhutsa.

Musa yalomba machina kandi ka Malako Likhomi kakalukhe havukono wa kayali niyarane. Malero nanina khushikulu khandi nasala Nyasaye avere vandu tsimbavasi. Nyasaye yahulira Musa navavera. Musa yakholomokha hasi nende Malako Likhomi khu machina mayia. Ma Nyasaye narulitsa Visiraheri khu shikulu shia Sinai vatsi mu Shivala Shialakwa.

Livala li ivanjeri khurula ; lirula 19-34