10.Matinyu likhomi

Musa nende Haroni vazia khu Faraho. Vavola, ''Yaka nako ka Nyasaye wa Vaisiraheri avola, 'Lekha vandu vanje vatsi!''' Faraho shiava hulila. Havukono hukhuvalakhula, yavaminiritsira khu lihinzira litinyu!

Faraho yatsiririra khwambakhana khulakhula vandu, khu Nyasaye yarumira Vaegebeti minyakhano makhavi likhomi Khuvirira mu minyakhano yichi Nyasaye yamanyinya ali ni tsingulu khuvira Faraho nende nyasaye va vaegebeti.

Nyasaye yakalukhanya matsi ku muchera kwa Naili nikava musayi, nikhali Faraho shialakhula Visiraheri tawe.

Nyasaye yaruma tsing'alo mu egebeti mwosi. Faraho yahomba Musa arulitse tsing'alo. Nikhali tsing'alo nitsiakhakhutsa, Faraho yatinya mwoyo navula khulakhula Visiraheri varule Egebeti.

Khu Nyasaye yaruma tsindaha mu shivala shia Egebeti. Naruma khandi vijinji vitambitse Vaegebeti. Faraho yalanga Musa nende Haroni na vavolera, niva vakhasinjiritse matuyo kenako Visiraheri vakharuli mu Egebeti. Lwa Musa yasala Nyasaye yarulitsa vijinji viosi mu Egebeti. Nikhali Faraho yatinyinya mwoyo na shiyalakhula Visiraheri vatsi.

Lilondakhu, nyasaye yakhola tsinyama tsiosi tsiavaywa tsia Vaegebeti tsirwale khandi nukhukhutsa.Nikhali mwoyo kwa Faraho kwali mutinyu shialakhula Vaisiraheri vatsi.

Khu Nyasaye yavolera musa asiuve likoshe imberi wa Faraho. Niakhakhola ndio mavimba kalava khuvuli mu Egebeti, navutsua khu visiraheri tawe.Nyasaye yalomba mwuyo kwa Faraho kuva mutinyu,Faraho shiyalakhula visiraheri vave valakhule.

Inyuma wakenako, Nyasaye yaruma imbula ya machina niyononyia viragwa via Vaegebeti nukhwira vuli mundu warula irwanyi. Faraho yalanga Musa nende Haroni navavolera, ''kholi vwoni. Munyala khutsia.'' Khu Musa yasala ma machina nikalekha khurula ikulu.

Nikhali Faraho yona khandi nadinya mwoyo kwekwe. Shialekha Visiraheri vave valakhule.

Khu Nyasaye yaruma vunyikhi vwi tsisichi mu Egebeti. tsisichi tsialia Viragwa viosi viali nivishirikhwononywa nende machina.

Makhandi Nyasaye naruma shisundi shia matukhu kavaka. Shiali shimwamu Vaegebeti vanyalitsa khurula mutsinzu tawe. Nikhali vulavu vwali wa Visiraheri vali ni nivamenya.

Virolekhitso via matinyu tisa viosi, Faraho yali nashiambakhane khulekha Visiraheri vave valekhule. Shichira Faraho shiyali muhuliri, Nyasaye yenya khuruma vutinyu vulala vukhumalirikha. Yuvu Vwakhakalukhanyinye tsinganagani tsia Faraho.

Livala livanjeri khurula: lirula 5-10