11. Ipasaka

Nyasaye yavolera Faraho nakhalakhule Visiraheri vatsi, alira vuli mwana wishisatsa mukhulundu muvandu vaegebeti nu mutsinyama. Lwa Faraho yahulira yaka yatsiririra khuvula khusuvira nukhuhulira Nyasaye.

Nyasaye yalomba injira yukhuhoonya vayayi vakhulundu va yavo vosi vamusuvira.Vuli inzu yenyekha khuvukula likondi lilayi ma vire.

Nyasaye yavolera visiraheri vavekhe masayi kirikondi khu miriango chi tsinzu,tsiavo vasambe inyama na vali vwangu, nende mukati kukhalomberwe na mamera. Khandi yavavolera virechekhe khurula Muegebeti nivakhanyanya.

Visiraheri vakhola vuli shindu khuli Nyasaye yali navavolere vakhole.Muvutukhu hakari Nyasaye yachenda Egebeti wosi niyira vuli mwana muyayi ukhuranga.

tsinzu tsiosi tsia Visiraheri tsiali na masayi khundulu khu miriango. khu nyasaye yavira khutsinzu tsienetso Vuli mundu yali munzu yahona. vahona shichira masayi kirikondi.

Nikhali Vaegebeti shivasuvira nyasaye inoho khuria malako keke. Khu Nyasaye shiavira khu tsinzu tsiavo tawe. Nyasaye yira vuli mwana mukhulundu wa vaegebeti.

Vuli muyayi mukhulundu wa vaegebeti yakhutsa,khurula khu mukhulundu ukhuranga uli muvoee, khutukha khu mwana u khuranga wa Faraho.Vandu vanyikhi muegebeti valiranga nu khwikhula shichira vali ni shivera shinyikhi.

Vutukhu vwenovo, Faraho yalanga Musa nende Haroni navavolera, ''muvukule Visiraheri murule Egebeti vwangu!'' khandi Vandu va egebeti vasaya Visiraheri vatsi vwangu.

Livala livanjeri khurula; lirula 11;1-12;32