7.Nyasaye Akasitsa Yakobo

Lwa vayayi vali nivavirukhanga, Yakobo yayanza khwikhala hango, na vutsua isiaho, yali yayanza khuhitsa.labeka yali yayanza yakobo,navutsua isaka yali yayanza isiaho

Litukhu lirala isiaho yakalukha khurula muluhitsi, yali inzala toto. isiaho yavolera Yakobo, ''Nuyanza mbekhu shukhulia shulombi.'' Yakobo yamuchiba,''Ranga umbee vunyali vu mwana mukhulundu.'' Khu isiaho yavuchirira khuha Yakobo vunyali vu mwana mukhulundu anyolanga. Malelo Yakobo namuhakhu shukhulia.

Isaka yenya khuha isiaho vukasu vwevwe. Nashiri khuhana, labeka nende Yakobo vamuvehera; Yakobo niyikhola neye isiaho. Isaka yali wasakhule shiyalola tawe. Khu Yakobo yafala tsinguvu tsia isiaho navikha shisero shi mbuli khwing'ori nu khumakhono.

Yakobo yitsa khu Isaka navola, ''Ninze isiaho. Nditsi ungasitse, ''Lwa Isaka yahavaritsa khu vwoya vwimbuli na hunyiritsa lungusu lwali khu tsinguvu yakanakana ni isiaho namuha vukasu.

isiaho yali nuvuhimwa khu Yakobo shichira Yakobo yiva liva lielie khuli mwana mukhulundu khandi vukasu vuevue. Khu yakanakana khwira Yakobo ise wavo niyakhakhuza.

Nikhali labeka yahulira lienya lia isiaho. Khu ye nende Isaka varuma Yakobo ihale vamenye na vikho veve.

Yakobo yamenya nende vikho va labeka khu mihika minyikhi.Khu luhono lwenolo yatekhitsa nanyola vana vayayi likhomi navaviri nu mukhana mulala. Nyasaye yamulomba muhinda mbiririra.

Mihika makhomi kaviri chiakhavira nali ihale khurula ingo wavo kanani, Yakobo yakalukha na vandu veve, vahinziri veve, nende viayo vievie viosi vitsinyama.

Yakobo yali nu vuri sana nakanakana isiaho ashienyanga khumwira. khu yaruma viayo vinyikhi vi tsinyama khu isiaho khuli shihanwa. Varumikhi valera tsinyama vavolera isiaho, ''Murumikhi wowo, Yakobo, akhuhetsanga tsinyama itsi.Alitsa khu bwangu.''

Nikhali isiaho yali niyamuvera khale Yakobo, vali nu vuyanzi khulolana khandi. Yakobo yamenya mmirembe mu kanani. Ma Isaka nakhutsa, Yakobo na isiaho nivamuyavira. Lirakana lia Nyasaye yali niyalomba na Aburahamu liarikala khu Isaka nilitsia khu Yakobo.

Livala livanjeri khurula:Liranga 25:27-33:20