16. Vakhalachi

Lwa yoshwa yali niyakhakhutsa, visiraheri valekha nyasaye khandi vambakhana khukhunga vakanani nende khuria malako ka nyasaye. Visiraheri vanza khusala misambwa cha vakanani havukono ha yawe,nali nyasaye wakirikali. Na visiraheri vali ni vavula mwami, khulwayako vulimundu ya khola khuya kanakana ni malai khuye mwene.

Khulwakenako visiraheri vatsitsachira khwanga nyasaye, yavaviritsira khuvutinyu khulukhulekha vatsiku vavo vavakure.vatsiku venava viva vindu via visiraheri,vononyinya vindu viavo,khandi vandu vanyishi nivirwa.mihika minyishi nichakhavira chu khuvula khuria nyasahe nukhutambitswa navtsiku vavo,visiraheri vikanira nivareva nyasaye avakalukhire.

Khandi nyasaye yaruma muhonyi wa varulitsa muvatsiku khandi nalera mulembe mushivala. khandi vandu vamanya nivalekha nyasaye nivaranga khusala misambwa khandi.khu nyasaye ya manya na sevula vamitiani, vandu vatsiku vali himbichiri vavakure.

Vamitiani vavukula virakwa viosi via visiraheri khu mihika saba.Visiraheri vali nuvuri; vavisa mutsimbangaywa khu vamitiani vavule khunyola.Navutsua vamanya nivalirira nyasaye avambule.

Litukhu lirala mundu mwisiraheri ya langwangwa kitioni yali hivisu na sietsa inganu vamitiani vavule khwiva.Ingerosi ya yawe yitsa khu kitioni ni vola, ''nyasaye ali niwe mwami wirihe. tsia uhonyinye visiraheri khurula muva mitiani.''

Baba wa kitioni yali nu vwali vwayali ni yalomba khulumisambwa.Nyasaye ya volera kitioni abomolanyie vwali vwenovo. navutsua kitioni yaria shichira vandu,khulwayako ya linda khutukha vutukhu hakari.Yamanya nabomola vwali na hosola nu vuhosokhana[na salanyia nu vusalana]. Niyumbakha vwali vuyia vwa nyasaye himbi nende huvwali vumisambwa vwali khandi nalombera nyasaye shihanwa khu vwali vwenovo.

Muvavwevwe vandu valola mundu alolekha abomole vwali niyononyia,khandi vamanya vanyola vurima. Vatsia wa kitioni khutsia khumwira,navutsua baba wa kitioni yavola, ''shichira shina mucheritsa khukhonya nyasaye wenyu? niva ni nyasaye,lekha hikhonye mwene!'' shichira lwaya vola yaka, vandu vamanya nivavula khwira kitioni.

Vamitiani vitsa khwivira visiraheri khandi.Vali vanyikhi vuvula khunyala khuvalitsa.Kitioni yalanga visiraheri vosi halala khuvakwana.Kitioni yareva nyasaye virorekhitso viviri khwave nuvwatoto nyasaye alamurukhira khwambula visiraheri.

Khu shirolekhizo shukhuranga, kitioni yala shisero shirikondi hasi khandi na reva nyasaye alekhule lime liaasuvui liame khushisero shirikondi na likhama hasi tawe.vutukhu vwa londakhu,yareva hasi have hatsiriru na shisero shive shumu.nyasaye ya khola ndio khandi.Virorekhizo viviri yivi vialomba kitioni niyiyama nyasaye alamurumikhira khuhonyinya visiraheri khurula khu vamitiani.

32,000 Visiraheri vasikali tsimia makhomi kavaka na vaviri vitsa khu kitioni,na vutsua nyasaye yamuvolera yava nivanyikhi.yamanya na kalukhitsa ingo 22,000 tsimia makhomi kaviri na vaviri vali vari khukwana. nyasaye ya volera kitioni ushiri na vasatsa vanyikhi.Kitioni yakalukhitsa vosi ingo ni khali 300 vasikali tsimia tsivaka.

Vutukhu vwe novo nyasaye yavolera kitioni, ''kholomokha wi liheme lia vamitiani liri nuwa kha hulira kavavola,vuri vulawa.''vutukhu vwe novo,kitioni ya kholomokha wiri hema liri khandi yahulira musikali wava mitiani navolera mulina wewe shindu shiayali nalori.Mulina umunduyo yavola, Yani maloro yaka kavola vasikali vakitioni vala kura vasikali vamitiani!'' Lwa kitioni yahulira kenako, ya sanditsa nyasaye.

Khandi kitioni na kalukha khu vasikali veve naha vuli mulala lwika, ninyungu yiritoi, nende itochi. nivavoyonga khulihema wava sikali vamitiani vali nivakonanga. tsimia tsivaka tsia vasikali vakitioni 300 vali nitsi tochi mutsinyungu khulomba vasikali vamitiani vavule khulola vulavu vutsi tochi.

Khandi vasikali vosi va kitioni vamunaka tsinyungu khu safali indala,khwikosa vakhunula vulavu vutsi tochi.Vavura tsimbumi tsiavo khandi nivalangiritsa,''Shivavi shia yawe khandi shia kitioni!''

Nyasaye ya tundanyinya vamitiani,Vuli mundu yanza khuvwakala weshienye khandi nivirana.vwangu, visiraheri vandi vosi valangwa khurula mutsingo tsiavo vitse khukhonyana khukhunga vamitiani.Vavira mmubunyikhi khandi niva khunganyinya vandi vosi varule mushivala shavisiraheri. vamitiani makhomi imia indala na kaviri vakhutsa litukhu lienero 120,000.Nyasaye na honyinya visiraheri.

Vandu venya khulomba kitioni ave mwami wavo. Kitioni shia viyamira vakhole kenako, navutsua yavareva vamuhekhu mikasa chi fetsa yavarulitsa khu vamitiani.Vandu vaha kitioni ifetsa inyikhi toto.

Khandi kitioni yarumikhira ifetsa khulomba tsinguvu tsiu vukhumi khuli tsiu musalisi mukali afualanga.Navutsua vandu varanga khusalakhu khuli musambwa. Khu nyasaye yarumula visiraheri shichira vasala vifanani.Nyasaye yalekha vatsiku nivava khura. Vamanya nivareva nyasaye vukhonyi, khandi nyasaye yava rumira mukhalachi undi.

Vindu yivi viakalukhira hali khanyikhi khwikholekha: Na niva visiraheri vakha kholi voni,nyasaye alava hula na niva valikanira, khandi nyasaye alaruma mukhalachi khuvahonyinya. miaka,minyikhi,Nyasaye yaruma vakhalachi vanyikhi vahonyinye visiraheri khurula muvatsiku vavo.

Lukhumalirikha,vandu vareva nyasaye venya mwami khuli vivala vindi viosi viri.venya mwami uli murambi khandi nitsingulu,khandi unyala khuvimirira nu khutsia mmumbuluani. Navutsua nyasaye shiyayantsa lienya lienero,nikhali ya vaha mwami khulivareva.

Livala li vanjeri khurula: Vakhalachi 1-3 ; 6-8