17.Indakano ya nyasaye khu taudi

Saulu yali mwami ukhuranga wa visiraheri.khandi yali munywereru,khuli vandu venyanga.Saulu yali mulai khu mihika mitii chukhuranga chiriamiha lielie khuvisiraheri. yitsa nava mundu mutamanu mundu ukhuvula khuria nyasaye, khu nyasaye yamanya na chakula mundu hundi witsa ave litukhu lirala mwami havukono hehe.

Nyasaye ya chakula muyayi mwisiraheri wa langwangwa daudi khuva mwami havukono ha saulu.daudi yali mwahi khurula mulitala lia Betserehemu.Inyanga yindi lwayali ni yaya magondi ka Baba wewe,Daudi yali ni yira likunyuli nende isimba lwa tsiali nitsiseri magondi.Daudi yali mundu muhoma khandi museretse wa suvira khandi winamira nyasaye.

Daudi ya manya nava musikali mukhongo khandi mwami. lwa Daudi yali na shiri mwana muyayi, ya kwana nirinani liumundu lialangwa Koliati.Koliati yali musikali wekitsua vulwani,mundu witsingulu, khandi yali khuli mikhono chivaka khutsia ikulu! Navutsua nyasaye ya khonya Daudi khwira Koliati khandi nu khurumikhira visiraheri. khulonda khukenako, Daudi ya khura likhura linyikhi khuvatsiku vavisiraheri, nako kalomba vandu niva mwitsominya.

Saulu ya lola imbotokha lwa vandu vayatsa Daudi. Saulu ya cheritsa hali khanyikhi khuli anyala khumwira,khu Daudi yivisa khurula khu saulu. litukhu lirala, Saulu yali nakhava Daudi amwire.Saulu yatsia muluhangaywa lulala lwene lwa Daudi yali niyivisimu, navutsua Saulu ya mulola tawe. Daudi yali himbichiri hene khu Saulu khandi yali nuvunyali vukhumwira, nikhali yalekha. Navutsua Daudi,ya khalaka shiraka shinguvu ya Saulu khu lukhu manyinya shianyala khumwira khwa nyole vwami tawe.

Kamanya niki kholekha ndi, saulu yamanya na khutsira mulihe na daudi nava mwami wa visiraheri.Yali mwami mulai na vandu vamu yatsa, Nyasaye ya kasitsa daudi na mulomba khuva mundu wiri kura.Daudi ya kwana vulwani vunyikhi na nyasaye ya mukhonya khu kura vatsiku va visiraheri. Daudi yinjira yerusalemi na liromba khuva litala likhongo.Inyanga yu vwamihi vwa Daudi, Isiraheri vali nitsingulu khandi nu vuhinda.

Daudi yenya khumbakha litemberi wa visiraheri vosi khusalira nyasaye nu khu rulitsira isataka. khu mihika makhomi tsimia tsine 400, vandu vasala nyasaye nu khumurulitsira isataka mulihema liu khuvukana lia musa yali niyalomba.

Na vutsua nyasaye ya ruma muloli Natsani Khu Daudi na mangana keke,''Shichira uli mundu uvulwani,shu nyala khutsumbakhira litemberi mwikhula wowo alatsumbakhira. Nda khukasitsa likali. mulala khu lwivulu lwolwo yitsa yamihe khuli mwami khu vandu vanje khutsiririra!'' mu lwivulu lwa Daudi unyala khwamiha khutsiririra yali mesia. Mesia yali ya rovolwa na nyasaye neye wenyene wakha honyinye vandu vishivala khurula mu vwoni vwavo.

Lwa Daudi yahulira mangana kenaka, lwenolo vutsua ya sanditsa khandi niyi tsominya nyasaye shichira yali na lakane na Daudi lirakana likali nu vukasu vunyikhi.Daudi shiya manyakhu inyanga ya nyasaye na khole mangana kenaka. Navutsua khuli kikholekha, visiraheri vakhalindi tsinyinga vurambi mesia na shiri khwitsa,khuli mihika iherefu indala 1,000.

Daudi yamiha mu katoto nende mu kirikali khu mihika minyikhi, khandi nyasaye ya. mukasitsa na vutsua mulimaliritsa lirimenya lielie ya khola vwoni vutamanu khu nyasaye.

Litukhu lirala,lwa vasikali va Daudi vali hihale khurula ingo ni vali mulihe,Yahetsa irwanyi khurula wayali nali nalola mukhali mulahi niyisinganga.lira lie vamulanganga Berisieba.

Khulukhuvula khuhenza iruveka,Daudi ya ruma mundu atsi khumulera. ya kona neye ma na mukalukhitsa ingo. khulwi inyinga inyimbichiri Berisieba yarumana lingana livola ndi ya mala khuverekha.

Musatsa wa Berisieba, mundu wa langwangwa Uria yali mulala mulahi khu valina va Daudi. Daudi ya langa uria khurula mmbulwani na mmbolera atsi khuva nu mukhali wewe. na vutsua Uria ya mbakhana khukalukha ingo vasikali vandi vosi vashiri mmbulwani.Khu Daudi ya kalukhitsa Uria mmbulwani na volera mwimiriri umukanda umuvikhe wa vatsiku vali vitsingulu ha nyala khwirirwa.

Uria ni yakha mala khwirwa, Daudi ya manya na vahiritsa Berisieba. khulondakhu, yamanya niyivula mwana muyayi khu Daudi. Nyasaye yaleka khuka Daudi yali nakholi, yamanya naruma muloli wavalanganga Natsani khuvolera Daudi khuli vwoni vwevwe vuli vutamanu. Daudi yikanira vwoni vwevwe ma nyasaye na muvererera mihika chi rimenya lielie liosi,Daudi ya londa nyasaye nu kwirikhitsa, khali tsinyanga tsiu vutinyu.

Na vutsua shivoko sha Daudi ya hulwa, mwana wewe muyayi yakhutsa. Vulwani vwali mutsu ya Daudi matukhu kosi kirimenya lielie, khandi tsingulu tsia Daudi tsia manya nitsichehithwa. khali niva Daudi shi yali wa kirikali khu nyasaye, Nyasaye yali na shiri wakirikali khulirakana lielie. lia manya lia londakhu, Daudi nende Berisieba vamanya vanyola mwana hundi va mulanga solomoni.

Livala livanjeri khurula: 1 samweri 10; 15-19:24 31; 2 samweri 5: 7:11-12