9.Musa alangwa na Nyasaye

Yosefu niyakhakhutsa, vikho veve vosi vamenya Egebeti. Vo nende tsinzivulu tsiavo vatsiririra khumenya iweneyo khu mihika minyikhi khandi vali na vana vanyikhi. Valangwa visiraheri.

Mihika tsimia nichiakhavira, Visiraheri vali vakhava vanyikhi munonono.Vaegebeti shivaitsukhitsa khandi Yosefu nende khu li yali niyavakhonya. Varia Visiraheri shichira vali nivakhava vanyikhi. Khu Faraho Waliniyamiya Muegebeti matukhu kenako yalomba Visiraheri khuva Varugwa khu va Egebeti

Vaegebeti vaminiritsa Visiraheri khumbakha tsinzu tsinyikhi khali matala makali. Ikasi indinyu yavalomba vatetekhera mmbulamu, nikhali Nyasaye yavakasitsa, makhali nivanyola vana vanyikhi.

Faraho yalola Visiraheri nivanyola vana vanyikhi, khu yavolera vandu veve vire vana vayayi vosi va Vavisiraheri khulukhuvasiuva mumuchela kwa Naili.

Mukhali mulala Mwisiraheri yivula mwana muyayi. Ye nende musatsa wewe vavisa mwana khu luhono lwa vanyalitsa.

Vivuli vu muyayi lwa vakhanyalitsa khutsiririra khumuvisa, vamuvikha mushikabu nivashihira mulise khulujinga lu muchera kwa Naili, Khu avule khwirwa. Mbotso wewe mukhulundu yahenzelitsa alole shikholekha khuye.

Mukhana wa Faraho Yalola shikabu nahenzamu. Lwa yalola mwana yamuvukula khuli wewe. Ya handika mukhali Mwisiraheri alinde mwana vuchira khumanya ni nyina wu mwanayo. Lwa mwana yali nali mukali ukhenya mavere ka nyina, yamukalukhitsa khu mukhana wa Faraho; namukulikha Musaa.

Litukhu lirala Musaa niyatukhi, yalola Muegebeti naahulaa murugwa Mwisiraheri. Musa yachelitsa khuhonyinya Mwisiraheri weshie.

Musa yakanakana mundu shiyamuloli, ni yira Muegebeti nayavira mmbiri kwekwe. Nikhali mundu yalola ka Musa yali nakholi.

Lwa Faraho yahulira ka Musa yali nakholi, yacheritsa khu mwira. Musa yirukha khurula Egebeti natsia mwichendanyama wa vasikali va Faraho vakhamunyoli.

Musa yakwa mwayi mwichendinyama ihale khurula Egebeti. Yahira mukhali khurula iweneyo nivanyola vayiyi vaviri.

Litukhu lirala Musa niyayitsa makondi, yalola shisakha nishakhanga. Nikhali shisakha shienesho shishialala tawe. Musa yatsia wi shisakha shiali khu ashilole vulayi. Nali himbi ni shisakha nishiakhanga, mwoyo kwa Nyasaye kwa vola, ''Musa rulitsa vilaro. Usinjire havundu hatakatifu.''

Nyasaye yavola, ''Ndoli lisalira lia vandu vanje. Ndakhuruma khu Faraho urulitse Visiraheri mu vurugwa.vwa vaegebeti Ndavaha shivala shia Kanani shivala shia nalaga Aburahamu, Isaka, nende Yakobo.''

Musa yareva, ''niva vandu vareva niwina undumi, nimbole ndina?'' Nyasaye yavola, ''INZE NDI INZE. uvavolere, 'INZE andumi khumunye.' Khandi vavolere, 'Ndi Yawe, Nyasaye wa vakuga vavo Aburahamu, Isaka, nende yakobo. 'Yiri ni lira lianje mihika ni mihika.''

Musa yali muri khandi yali niyambakhane khutsia khu Faraho, yakanakananga anyala khuvula khumolomo vulahi khu nyasaye yaruma Haroni, amukhonye. Nyasaye yatinyiritsa Musa Nende Haruni shichira Faraho yakhavere muhingani.

Livala livanjeri khurula: lirula 1-4