15.Shivala shalakwa

Yamanya nitukha inyanga ya visiraheri khwinjira kanani,mushivala shalakwa.joshwa yaruma varuni vaviri mulitala lia vakanani lia jeriko liali lialindwa niritichi lizingulu mulitala lienero mukhali muheyi ya menyamu vamulanga rahabu yava visa varuni na vakhonya khwirukha. yakhola ndio shichira yali yasuvira nyasaye.valaka valalinda rahabu ni inzu yavo lwa visiraheri vonokonyia jeriko.

Na visiraheri vambukha muchera kwa yorodani kwinjira mushivala shavalakwa. Nyasaye yavolera yoshwa,''ulekhe vasalisi vimire imberi .''lwa vasalisi varanga khusena muchera kwa yorodani, matsi kamanya nikakavukhana khu visiraheri nivambukhira havundu humu khutukha injerekha.

Vandu ni vakhambukha muchera kwa yorodani,nyasaye ya volera yoshwa khuli anyala khusera matala kitsingulu ka yeriko.Vandu vamanya nivichehitsa khu nyasaye.khuli yali navavolere vakhole ,vasikali nende vasalisi vavoyongana khulitala lia yeriko vuli lulala khwitukhu khumatukhu sita.

Khandi litukhu lia saba,visiraheri vavoyongana khulitala hali saba. lwa vali niva voyongananga inyanga yukhumalirikha, Vasikali valangiritsa na vasalisi niva vura tsimbumi tsiavo.

Lisisi liavoyongana yeriko liakwa hasi! ma visiraheri nivonokonyia vuli shindu mulitala khuli nyasaye yali nava sevule.varikalitsa rahabu nende vandu veve,neye wa manya nava mulala khu visiraheri.vandu vandi vamenya kanani lwava hulira visiraheri vonokonyinye yeriko, vatechera shichira visiraheri vakhaseri vo khandi.

Nyasaye ya volera visiraheri vakhalombakhu imbuliritsani nivituma via vandu va kanani. navutsua luya lwa vandu valwangwa vachibioni,vavehera yoshwa nivavola khurula mushivala shindi ihale na kanani.Vareva yoshwa valombe imbuliritsani yu mulembe navo.yoshwa na visiraheri shivakalukha khu nyasaye vamureve wa vachibioni varula. khulwayako yoshwa yalomba imbuliritsani yu mulembe navo.

Visiraheri vanyola vurima lwavanyola vakibioni vava vehera,navutsua valinda imbuliritsani yu mulembe ya vali nivalomba navo shichira yali indakano imberi wa nyasaye.Inyanga yindi, mwami wa vandu vandi mukanani,valangwa vamoni,yahulira vakibioni vali ni imbuliritsani yu mulembe na visiraheri,vavikha halala vasikali nivava mukanda mulala mukali nivasera vakibioni.Vakibioni varumana vukhonyi khu yoshwa.

Khulwa yako yoshwa yavunjikha vasikali visiraheri nivachenda vutukhu vwosi khutukha khu vakibioni.Nuvwakhasha vasera vasikali vamoni nivava kwana.

Nyasaye ya kwanira visiraheri litukhu lienero yalomba vamoni nivatundana khandi naruma machina nikira vamoni vanyikhi.

Nyasaye ya khola liuva nirisinjira havundu halala mwikulu khu visiraheri vave nuvwiyangu vurambi vukhulecherera vamoni.Litukhu lienero,Nyasaye ya kurira visiraheri likhura likali

Nyasaye niyakura vasikali venavo,vituma vindi vinyishi via vakanani vivunjekhitsa halala khulwana visiraheri.yoshwa na visiraheri vavalwana nivavakura.

Khuli kura lienero,Nyasaye yaha vuli mundu havundu hehe mushivala shindakano.Khandi Nyasaye na ha visiraheri mulembe khutsinzakho tsiavo tsiosi.

Lwa yoshwa yali niyakhasakhula,yalanga visiraheri vosi halala.khandi yoshwa Yamanya niyitsukhitsa vandu vari malako ka nyasaye ya khola na visiraheri khushikulu shia sinai. Vandu vamanya nivalaka valava vasuri khunyasaye khandi nu khulonda malako keke.

Livala livanjeli khurula;yoshwa