8.Nyasaye ahonyinya Yosefu nende Inzu yavo

Mihika minyikhi nichiakhavira, Yakobo nali musakhulu, yaruma mwana wewe wa yayanza,Yosefu, atsikhulola vamwavo veve vali nivali mushiayo.

Vamwavo Yosefu vali vamuhima shichira ise wavo yali niyamuyanza muno. Khandi shichira Yosefu yali nalorinji aliza khuva mwami wavo. Lwa Yosefu yiza khuvamwavo vamukumira nukhumukuliza khu vakhola vukhala khu varugwa.

Vamwavo Yosefu nivashiri khukalukha ingo, varandula tsinguvu tsia Yosefu nivinikha masayi kilikondi. Ma nivamanyinya ise wavo inguvu yeneyo khu alole khuli tsinyama tsiumbulimo tsiali nitsirire Yosefu. Yakobo yaverera muno.

Vakhala va varugwa vahira Yosefu Egebeti. Egebeti ni shivala shikhongo, shitsingulu. Shiri iluveka huu muchera kwa Naili. Vakhala va varugwa vakuliza Yosefu khuli murugwa khu mukhongo wu vwamihi muhinda. Yosefu yahinzirira mukhongo wewe vulahi, ma Nyasaye nakasitsa Yosefu.

Mukhali wu muruchi wewe yacheriza khukona na Yosefu, nikhali Yosefu yambakhana khukosera Nyasaye mu injira khuliyeneyo. Yaleka nachikhira Yosefu khu vamukumire nu khumuvikha muchera. Khali nali muchera, Yosefu yatsiririra khusuvira Nyasaye, na Nyasaye namugasitsa.

Khu mihika chiviri Yosefu yali nashiri muchera khali niva yalivuchira makoso Litukhu lirala, Faraho, niriri lira lia va Egebeti valanganga vamivavo, yali na maloro kaviri kamusumbula hakali. Avulakhu mu vacheli veve wanyaliza khumuvolera shia maloro kavola.

Nyasaye yali waha Yosefu vunyali vu khukalukhanyinya maloro, khu Faraho yalererwa Yosefu khurula muchera. Yosefu yamukalukhanyira maloro navola, ''Nyasaye alahana mihika saba chi injeso inyikhi, mihika saba chilonde khu chi shimiyo.''

Faraho yayanzizwa na Yosefu namurovola khuva mundu ukhola khaviri khu vuruji vwosi vwa Egebeti.

Yosefu yavolera vandu vavikhe shiukhulia mmbunyikhi khu mihika saba chinjeso indahi. Malero Yosefu yakhakulitsire vandu shiukhulia mihika saba chi shimiyo ni chitsa khu vave ni shiukhulia shivatukha.

Shimiyo shiali shikali, Egebeti wonyene tawe. Khali Kanani wa Yakobo nende vandu veve vamenya.

Khu Yokobo yaruma vikhula veve vakhulundu Egebeti khukula shiukhulia. Yosefu shiyamanyikhizwa na vamwavo lwa vasinjira khuye nivakula shiukhulia. Nikhali Yosefu yavamanyikhitsa.

Niyakhachelitsa vayayi vavo alole niva vakalukhana, Yosefu yavavolera, ''Ndi amwavo wenyu, Yosefu! Mukhikosi tawe. Mwacheritsa khukhola vwoni lwa mwangulitsa khuli murugwa, nikhali Nyasaye yarumikhira vwoni khu vulayi.

Lwa vamwavo yosefu vakalukha ingo ni vavolera ise wavo,Yakobo, lola yosefu ashiri mwoyo, yali nende vuyanzi vunyikhi.

Yakobo khali niyali nasakhule, yahamira Egebeti na vandu veve vosi ni vamenyayo. Yakobo nashiri khukhuza, yakasitsa vuli mwikhula wewe.

Lirakakana lia Nyasaye yahana khu Aburahamu lia rikala khu Isaka , malelo khu Yakobo, ma Yakobo nalekha khu vikhula veve likhomi na vaviri na vandu vavo. Vitsikhulu via vikhula likhomi na vaviri, valomba tsimbia likhomi na tsiviri tsia visiraheri.

Livala livanjeri khurula:liranga 37-50