၂။ ကဖာကီးအပစ်ဆရားဝဲင်န်ရောက်ချင်န်း
‘အာဒမ်’ နဲ့ဆူ့မိန်းမကလာ့ဖရားချဲင်န်ဖင်န်ဆင်န်းပေးထားတဲ့အကီးအကယ်လှတဲ့ခြံင်န်ကီးမှာအများကီးပျော်မော် နေခဲ့ကြတဲ့လာ့။ ဟဲင်န်းနေယောက်လုံးဟာအဝတ်အစားများပပါဝဲ့လဲယ်။ ဟဲင်န်းခါဟဲယ်ကဖာမြေထဲမာလာ့ဖလဲမျိုးအပစ် ဆရားများပရှိဝဲခါ အရှက်အကြောက်ပခံစားစေရဘူးလာ့။ ဆူတို့ဟာတနားတခေါက်ဟဲင်န်းပန်းခြံင်န်ထဲမာလမ်းလျှောက် မော်ဖရားချဲင်န်နစကားနေပြောနေကြဟာဝါး။
ဟဲင်န်းခါကခြံင်န်ထဲမာလာ့အများကီးယုတ်မာတဲ့မြွေတစ်ကောင်ရှိတဲ့လာ့။ ဟဲင်န်းမြွေကလာ့ ဟဲင်န်းမိန်းမကော် “ဖရားချဲင်န်ကလာ့နင်န့်တော့ကော် ဟဲယ်ခြံင်န်ကီးထဲကတချို့တလေအပဲင်န်ကအဆီးများကိုပစားနဲ့လို့တားထားဟာမှန် လာလော့” မေးလိုက်တယ်လာ့။
ဟဲင်န်းမိန်းမကလာ့ “ဖရားချဲင်န်ကကောင်းချင်န်းဆိုးချင်န်းဆိစေနိုင်တဲ့အဆိဉာင်ဆစ်ပဲင်န်းမှလွဲမော်ဖမျိုးအပဲင်န်း အဆီးကိုလည်းစားနိုင်တယ်လော့ငါတော့ကော်ပြောထားခဲ့ဝါး။ ဟဲင်န်းအဆီးစားရန်ပင်မပြောနထိဝဲ့ယုံနဆေမယ်လော့ ဖရားချဲင်န်ကငါတော့ကော်မှာထားတယ်” လို့ဖြေဆိုလိုက်ဟာဝါး။
ဟဲင်န်းမြွေက “ဟဲဟာပမှန်ဘူး။ နင်န့်တို့ဆေမာပဟုတ်ဘူး။ ဟဲင်န်းအဆီးကိုနင်န့်တို့စားယင် ချက်ချင်းဖရားချဲင်န် တလဲအကောင်းအဆိုးနေကော် နားလည်ဆဖောပေါက်ဆွားမာဖြစ်ဟာကြောင့်တားဟာလဲယ်” ဟဲင်န်းတလဲ့ပြန်မော် ပြောလိုက်ဟာဝါး။
ဟဲင်န်းမိန်းမကဟဲယ်အဆီးများကအများကီးလှလို့စားခနန်းဖြစ်တယ်လို့မြဲင်န်လာဟာဝါး။ ဟဲင်န်းမိန်းမဉာင်ပြင် ညာကီးချင်လို့ဟဲင်န်အဆီးတချို့ကိုခူးမော်စားဝဲ့ပီး ဟဲင်န်းမိန်းမနအတူပါလာတဲ့ဟဲင်န်းမိန်းမယောက်ကျားကော်ကျွေးဝဲ့ခါ ‘အာဒမ်’ လည်းစားဝဲ့ဆော်။
ချက်ချင်းမာဟဲင်န်းဆူတော့အဆိဉာင်များပွင်န့်ဆွားမော်ဟဲင်န်းဆူတော့ကိုယ်ကကိုယ်လုံးပေါ်နဖြစ်နေဟာကိုဆ တိထားမိဆွားဆော့။ ဆူတော့ကဆစ်ရွက်နအဝတ်အစားများလုပ်မော်သူတော့ယဲ့ကိုယ်ကော်ဖုန်းလို့ရအောင်ကြိုးစားနေ ကြဟာဝါး။
ဟဲင်န်းအချိန်မာဝါးဖရားချဲင်န်ကဟဲင်န်းခြံင်န်ထဲမာလမ်းလျှောက်နေဟာကို ‘အာဒမ်’ နဆူ့မိန်းမကြားဟားဆော့။ ဟဲင်န်းခါဟဲင်န်းနေယောက်လုံးဝါးဖရားချဲင်န်ကိုဝါးအောင်းနေကြတယ်လာ့။ ဟဲင်န်းခါ ဖရားချဲင်န်က “နင်န့်တော့ကဖနား မာလား” လော့မေးဆော့။ ‘အာဒမ်’ က “ငါကဖရားချဲင်န်ခြံင်န်ထဲမာလမ်းလျှောက်နေတာကော်ကြားဟာဝါး။ ဟဲင်န်းခါ ငါတော့ကကိုယ်လုံးပေါ်ဖြစ်နေလော့ကြောက်မော်အောင်းနေဟာလော့” ဖြေလိုက်ဟာဝါး။
ဟဲင်န်းဖရားချဲင်န်က “နင်န့်တော့ကကိုယ်လုံးပေါ်ဖြစ်နေတယ်လိုဖဆူ့ကပြောဟား။ ငါကပစားရဖူးလော့ပြောဟာ ကော်ဟဲင်န်းအဆီးကိုစားဝဲယ့်လား” လော့မေးလိုက်ဆော့။ဟဲင်န်းခါ ‘အာဒမ်’ က “ဖရား ချဲင်န်ကငါကော် ဟဲင်န်းမိန်းမ ကော်ပေးဝဲ့ပီးဟဲင်န်းမိန်းမလည်းဝါ့ငါ့ကော်ဝါးဟဲင်န်းအဆီးပေးလာလဲ့” လို့ပြဲင်န်မော်ပြောလိုက်ဆော့။ ဟဲင်န်းခါဖရား ချဲင်န်ကဟဲင်န်းမိန်းမကော်ဝါး “နင်န့်တော့အခုဖမျိုးလုပ်မိပြီလဲလော့” မေးလိုက်တယ်လာ့။ ဟဲင်န်းမိန်းမက “မြွေကလာ့ ငါတော့ကော်လိမ်ဝဲ့ပေါက်” လော့ပြန်မော်ဖြေကြားလိုက်တယ်လာ့။
ဖရားချဲင်န်ကဟဲင်န်းမြွေကိုလာ့ “နင်န့်နားကီးတဲ့ဘေးနေကြရောက်မာလဲယ်။ နင်န့်ကဝန်းဗိုက်နဲ့ဆွားမော်မြေကို စားရမယ်။ နင်န့်နဲ့ဟဲင်န်မိန်းမကတစ်ယောက်နဲ့တစ်ယောက်မုန်းမော်နင်န့်တော့ဆွေမျိုးနဲ့ ဟဲင်န်းမိန်းမဆွေမျိုးတို့ကလဲ့ဝါ့ အချင်န်းချင်န်းမုန်းနေကြမယ်။ ဟဲင်န်းမိန်းမဆွေမျိုးအဆက်ဆက်နေကလဲဝနင်န့်တော့ခေါင်းကိုဝါးနင်န်းခလေကြပီး နင်န်လဲဝါလူခဲများခေဖနောက်အားပေါက်ဝဲ့မာ” လို့မိန့်တော်မူဝဲ့တဲ့လာ့။
ဟဲင်န်းခါဖရားချဲင်န်ကဆူမိန်းမကော်ဝါး “နင်န့်ကလူခနဲမွေးရာမှာအလွန်ဝါးနာကျင်န်ရမာလဲ့။ နင်န့်က နင်န့် ယောက်ကျားကော်ချစ်မို့ဝါးနင်န့်ယောက်ကျားကလဲ့ဝါ့နင်န့်အပေါ်လဲဝါ့အာနာပေးမယ်” လော့မိန့်တော်မူလိုက်ဆော်။
ဖရားချဲင်န်ကဟဲင်န်ယောကျာ်းကိုဝါး “နင်န့်ကနိမိန်းမစကားနားထောင်မော်ငါ့ကော်ဝါးဖိဆန်ချင်န်းပြုဝဲ့မာလဲ။ ခု ခါမာမြေကီးကကျိန်စာမိမော်မြေကီးနဲ့အဆီးအနှံထွက်ဖော့အတွက်ခက်ခဲမော်စိုက်ရလိုက်မာလဲ့။ ဟဲင်န်းပီးနောက်မာ နင်န့်ယဲ့ကိုယ်ကလဲမြေမှလာမော်နင်န်ဆေပီးခါမြေလကီးထဲပြန်မော်ရောက်ဟားမာဝါး” လော့မိန့်တော်မူခဲ့ဟာဝါး။ ဟဲင်န်းယောကျာ်းကဆူ့မိန်းမကိုဝါး “အဆက်ပေးရမယ်” လော့အဆိတ်ပါယ်ဖြင့် ‘ဧဝ’ ဟုနံမယ်ပေးဆွားတယ်။ ဖလဲမျိုး ကြောင့်ဆိုလဲဝ ဟဲင်န်းမိန်းမကလူဆားမျိုးနွယ်ယဲ့ မိခင်ဖြစ်လာမယ့်ဖြစ်ဟာဝါး။ ဖရားချဲင်န်က ‘အာဒမ်’ နဲ့ ‘ဧဝ’ တော့ ကော်တရိတ်ဆန်တို့ယဲ့အရေခွံများန အဝတ်အစားများဆင်န် မြင်န်းတော်မူပေးလေဟာဝါး။
ဟဲင်န်းနောက်ဖရားချဲင်န်ကလဲဝါ့ “ခုအခါမာဟဲင်န်းလူခဲများတို့ကငါတော့သလဲကောင်းကောင်ဆိုးဆိုးခွဲမော်ဆိ့ မြင်န်လာကြမာဖြစ်ခါဆူတို့ကော်အဆက်ယဲ့ဆစ်ပင်န်မအဆီကော်စားမော်အမြဲအဆက်ရှင်န်ခွင့်ပပြုသင့်ပူး”၊ ဟဲင်န်းမျိုး ကြောင့်ဖရားချဲင်န်ဆူတော့ကော်ခြံင်ထဲယဲ့အဝေးနားစေထွက်ဆွားဝါး။ ဖရားချဲင်န်ကအဆက်ယဲ့ဆစ်ပင်န်မှအဆီးများ ကော်ဖလဲမျိုးပစားနိုင်စေဖော့ တန်ခိုးကီးသောနတ်စေတမာန်များကော် ဟင်န်းခြံင်န်ယဲ့အဝင်န်ဝမာစေစောင့်ကိတော် မူဟာဝါး။
A Bible story from: Genesis 3