၁၅။ ကတိပေးဟားတဲ့ပြေ

နောက်ဆုံးမာ ‘ခါနာန်’ လော့ခေါ်တဲ့ကတိတော်ပေးဟားသောပြေနား ‘ဣသရေလ’ လူမျိုးနေဝင်န် ဖော့အချိန်ကျဟားပေါ့ဝါး။ ဟဲင်န်းနေရာမာရှိနေတဲ့မြို့ကော် ‘ယေရိခေါ’ လော့ခေါ်ပီးခါ ဟဲင်န်းကော်ကာ ကွယ်ဖော့ပတ်ပတ်လယ်မာခိုင်တဲ့အကာနေကာထားလဲယ်။ ‘ယောရှု’ ဟာဟဲင်န်းမြို့ထဲနားတရှိုနေယောက် ကော်စေလွှတ်လိုက်ဟာဝါး။ ဟဲင်န်းမြို့ထဲမာ ‘ရာခပ်’ လော့ ခေါ်တဲ့ဖာဆေမတယောက်နေဟာဝါး။ ဆူမ ဟာဟဲင်န်းတရှိုနေကော်ခိုးအောင်းပေးမော်မြို့ထဲနေမော်ထွက်ဖော့လဲကူညီပေးဟာဝါး။ ဆူမဟာဟဲယ်သ လဲလုပ်ရာဟာဖရားချဲင်န်ကော်ယုံကြည်လော့ဖြစ်ဟာဝါး။ ‘ဣသရေလ’ လူမျိုးနေ ‘ယေရိခေါ’ ကော်ဝင်န် မော်ဖျက်စီးခါ ‘ရာခပ်’ နဆူမယဲ့မိဆားစုကော်ကာကွယ်ပေးမာလော့တရှိုနေနကတိပေးထားကြဝါး။

ကတိပေးဟားတဲ့ပြေကော်ဝင်န်ဖော့ ‘ဣသရေလ’ လူမျိုးနေဟာ ‘ယောဒန်’ မြစ်ကော်ဖြတ်ကူးနေ ခါဖရားချဲင်န်ဟာ ‘ယောရှု’ ကော် “ဘာဆာရေးခေါင်းဆောင်နေအရင်န်ဆွားလဲယ်” လော့ပြောလိုက်ဝါး။ ဘာ ဆာရေးခေါင်းဆောင်န ‘ယောဒန်’ မြစ်နားစမော်ဆင်န်းခါအပေါ်နေမော်စီးလာတဲ့ရေနေဟာရပ်ဆွားခါ ‘ဣသရေလ’ လူမျိုးနေဟာမြစ်ယဲ့တဖက်ကမ်းနားခြောက်နေတဲ့မြေကီးပေါ်နေမော်ဖြတ်ကူးဆွားကြရဟာ ဝါး။

‘ယောဒန်’ မြစ်နားလူနေကူးခိုင်းပီးခါမာအင်အားအများရီးကီးဟားတဲ့ ‘ယေရိခေါ’ မြို့ကော်တိုက် ဖော့ဖရားချဲင်န်ဟာ ‘ယောရှု’ ကော်အဆင်န်သင့်ပြင်စေဟာဝါး။ ဖရားချဲင်န်ဟာလူနေကော်ဆူတော့ယဲ့ဘာ ဆာရေးခေါင်းဆောင်နေနစစ်ဆားနေကော်ဟဲင်န်းမြို့နားခြောက်ရက်လုံးလုံးနေ့တိုင်းပတ်စေခဲ့ဟာဝါး။ ဟဲင်န်းပီးခါမာဘာဆာရေးခေါင်းဆောင်နေနစစ်ဆားနေလဲဟဲင်န်းသလဲလုပ်ကြဟာဝါး။

ဖရားချဲင်န်ဟာခွန်နေရက်မြောက်နေ့မာ ‘ဣသရေလ’ လူမျိုးနေကော်မြို့နားခွန်နေကြိမ်တိုင် အောင်စေပတ်ဟာဝါး။ ဟဲင်န်းပီးခါဘာဆာရေးခေါင်းဆောင်နေဟာဆူတော့ယဲ့ခရာနေကော်မှုတ်ရမာဖြစ် ဟားမော်လူတိုင်းကော်အဆံအကယ်ရီစေအော်ခါဆူတော့ကလဲဟဲင်န်းသလဲပြုလုပ်ကြဟာဝါး။

ဟဲင်န်းပီး ‘ယေရိခေါ’ ကော်ဝိုင်းဟားတဲ့မြို့ရိုးနေပြိုကျမော် ‘ဣသရေလ’ လူမျိုးနေဟာဖရားချဲင်န် ယဲ့အမိန့်တော်အတိုင်းမြို့နားမာရှိဟားတဲ့အရာနေအများရီးကော်ဖျက်စီးကြဟာဝါး။ ဆူတော့ဟာ ‘ရာခပ်’ န ဆူမယဲ့မိဆားစုကော်ချမ်းဆာပေးပီးခါ ‘ဣသရေလ’ အမျိုးနွယ်နေဖြစ်လာဟာဝါး။ ‘ခါနာန်’ မာနေဟားတဲ့ တခြားလူနေဟာ ‘ဣစရေး’ လူမျိုးနေက ‘ယေရိခေါ’ ကော်တိုက်နေတဲ့ဆတင်းကော်ကြားခါမာဆူတော့ ကော်လဲ ‘ဣသရေလ’ လူမျိုးနေလာမော်တိုက်မာကော်အများရီးကြောက်နေကြဟာဝါး။

ဖရားချဲင်န်ဟာ ‘ဣသရေလ’ လူမျိုးနေကော် ‘ခါနာန်’ မာရှိဟားတဲ့ဖယ်သလဲလူမျိုးနေနငြိမ်းချမ်း ရေးစာချုပ်ပချုပ်ဆိုဖော့ပြောခဲ့ဟာဝါး။ ဟဲင်န်းပေမဲ့ (ဂိဗောင်) သလဲ ‘ခါနာန်’ လူမျိုးတမျိုးမာ ‘ခါနာန်’ နအ များရီးဝေးဟားတဲ့နေရာနေမော်လာခဲ့ဟာဖြစ်လော့ ‘ယောရှု’ ကော်လိမ်ပြောမော်ဆူတော့နငြိမ်းချမ်းရေး စာချုပ်ချုပ်ဖော့ပြောကြားခဲ့ဟာဝါး။ ‘ယောရှု’ န ‘ဣသရေလ’ လူမျိုးတခြားခေါင်းဆောင်နေဟာဟဲယ်သလဲ လုပ်ရမာကော်ဖရားချဲင်န်နားမေးဖော့ပြောထားချင်န်းပရှိဝဲ ‘ဂိဗောင်’ လူမျိုးနေနငြိမ်းချမ်းရေးစာချုပ်ချုပ်ဆို လိုက်ဟာဝါး။

ဆုံးရက်ကြာပီးခါ ‘ဂိဗောင်’ လူမျိုးနေဟာ ‘ခါနာန်’ မာအမှန်နေဟာကော်ရှာမော်တွေ့ဟားခါ ‘ဂိ ဗောင်’ လူမျိုးနေဟာဆူတော့ကော်လိမ်စားဆွားဟာကော်အများရီးဒေါဆထွက်ကြဟာဝါး။ ဟဲင်န်းပီးဆူ တော့နလုပ်ဟားတဲ့ငြိမ်းချမ်းရေးစာချုပ်ကော်ဖရားချဲင်န်နဆဘောတူဟားသလဲဆက်မော်ရှိစေဟာဝါး။ အ ချိန်အတော်အတန်ကြာဟားခါမာ ‘အာမောရိ’ လော့ခေါ်ဟားသော ‘ခါနာန်’ မာလူမျိုးတစုယဲ့ဖရင်ဟာ ‘ဣ သရေလ’ လူမျိုးနေန ‘ခါနာန်’ လူမျိုးနေငြိမ်းချမ်းရေးစာချုပ်ချုပ်ဟာကော်ကြားခါမာဆူတော့ယဲ့စစ်တပ်နေ ကော်စစ်တပ်ကီးတခုသလဲပေါင်းဟားမော် ‘ဂိဗောင်’ မြို့ကော်တိုက်ဟာဝါး။ ‘ဂိဗောင်’ နေဟာလဲ ‘ယောရှု’ နားကူညီပေးဖော့ဆတင်းပို့ဝဲ့ဝါး။

ဟဲင်န်းပီး ‘ယောရှု’ ဟာ ‘ဣသရေလ’ စစ်တပ်ကော်စုဟားမော် ‘ဂိဗောင်’ လူမျိုးနေနားရောက်ဖော့ တညလုံးတက်လာကြဟာဝါး။ မနက်မိုးလင်န်းခါမာ ‘အာမောရိ’ စစ်တပ်နေနားချက်ချင်န်းဝင်န်မော်တိုက် ကြဟာဝါး။

ဖရားချဲင်န်ကဟဲင်န်းနေ့မာ ‘ဣသရေလ’ ဖော့တိုက်ပွဲဝင်ဟာဝါး။ ဆူဟာ ‘အာမောရိ’ လူမျိုးနေ ကော်စိတ်ရှုတ်စေပီးခါဆူတော့နားလူအများဆေစေဖော့မိုးပေါ်နေမော်မိုးဆီးလုံးနေကော်ကြွေကျစေဟာ ဝါး။

‘ဣသရေလ’ လူမျိုးနေဟာ ‘အာမောရိ’ လူမျိုးနေကော်အပီးအပိုင်ခေမှုန်းဖော့အချိန်လုံလောက် အောင်ဖရားချဲင်န်ဟာ နေလုံးကီးကော်မိုးပေါ်ယဲ့တနေရာဟားမာရပ်စေဟာဝါး။ ဟဲင်န်းနေ့မာဖရားချဲင်န်ဟာ ‘ဣသရေလ’ လူမျိုးနေဖော့ကီးမားတဲ့အောင်ပွဲကော်ယူဆောင်ပေးဝဲ့ဝါး။

ဖရားချဲင်န်ဟာဟဲင်န်းစစ်တပ်နေကော်ခေမှုန်းပီးခါမာ ‘ခါနာန်’ နားရှိဟားတဲ့တခြားလူမျိုးစုနေ ဟာ ‘ဣသရေလ’ ကော်တိုက်ဖော့အတူတူစုကြဟာဝါး။ ‘ယောရှု’ န ‘ဣသရေလ’ လူမျိုးနေဟာဟဲင်န်းလူ မျိုးနေကော်တိုက်ပီးအပီးတိုင်ခေမှုန်းကြဟာဝါး။

ဟဲယ်စစ်ပွဲအပီးမာကတိပေးဟားတဲ့ပြေကော်အပိုင်းနေခွဲဟားမော် ‘ဣသရေလ’ မာရှိတဲ့လူမျိုး တစုချင်န်းစီကော်ပေးလိုက်ဟာဝါး။ ဟဲင်န်းပီးဖရားချဲင်န်ဟာ ‘ဣသရေလ’ နယ်နိမိတ်တလျှောက်ကော်ငြိမ်း ချမ်းစေဟာဝါး။

‘ယောရှု’ ဟာအဆက်ကီးလာခါမာ ‘ဣသရေလ’ ရှိလူအများရီးကော်အတူတူစုဝေးဟာဝါး။ ဟဲင်န်းပီး ‘သိနာ’ တောင်ပေါ်မာ ‘ဣသရေလ’ လူမျိုးနေဟာဖရားချဲင်န်နပဋိဉာင်လုပ်ထားဟာကော် ‘ယော ရှု’ ကဆတိပေးခါ လူနေဟာလဲဖရားချဲင်န်ကော်ဆစ်စာရှိဟားမော်ပညတ်တော်အများရီးကော်လိုက်နာမာ လော့ကတိပြုကြဟာဝါး။

A Bible story from: Joshua 1-24