၂၇ - ဆနားကြင်နာတတ်တဲ့ ‘ရှနာရိတန်’ ယဲ့ပုံဥပမာ

တစ်နေ့ရောက်ခါမာ ကျမ်းတတ်ဆရာတယောက်ဟာကိုယ်တော် ‘ယေရှု’ နားလာရောက်ခဲ့ဟာဝါး။ ဟဲင်န်း ကျမ်းတတ်ဆရာဟာကိုယ်တော် ‘ယေရှု’ ယဲ့သွန်ဆင်န်ကြားပေးနေတဲ့အရာနေကော်လူတိုင်းနားပြချင်န်ဟာဖြစ်ဝါး။ ဟဲင်န်းပီးဆူဟာ “ဆရာ ငါဟာနိစ္စအမြဲတမ်းအဆက်ကော်ရရှိစေဖော့ဖယ်သလဲလုပ်ရမာလဲ” လော့မေးမော်လျှောက်ခါ “ဖရားချဲင်န်ယဲ့ပညတ်တော်ထဲမာရေးဆားဟာရှိလား” လော့ကိုယ်တော် ‘ယေရှု’ ကပြင်န်မော်ပြောတော်မူလိုက်ဟာ ဝါး။

ဟဲင်န်းလူကဖရားချဲင်န်ယဲ့ပညတ်တော်ထဲမာမိန့်ကြားခဲ့ဟာမာ “ထာဝရဖရားကော် နင်န့်ယဲ့ကိုယ်စိတ်နေလုံးဆုံး ပါးတော့နစိတ်အားထက်သန်စွာရှစ်ရမာ။ နင်န့်ယဲ့အိမ်နီးနားချင်းနေကော်ကိုယ်ချင်န်းစာတရားနရှစ်လဲလော့ရေးဆား ထားဟာဝါး” လော့လောပြင်န်မော်လျှောက်ထားဟာဝါး။ ဟဲင်န်းပီးခါမာကိုယ်တော် ‘ယေရှု’ က “နင်န့်ယဲ့အဖြေမာမှန် မှန်ကန်ကန်ရှိခါနင်န်ဟာဟဲယ်သလဲလုပ်လော့ရှိရင်နိစ္စအမြဲတမ်းအဆက်ကော်ရမာဖြစ်ဝါး” လော့ပြင်န်လည်မိန့်တော် မူဟာဝါး။

ဟင်န်းပီးကျမ်းတတ်ဆရာကဆူ့ယဲ့အဆက်ပေးတဲ့နီးလမ်းဟာကော်မှန်မှန်ကန်ကန်ရှိကြောင်းပြဆလိုခါဆူဟာ ကိုယ်တော် ‘ယေရှု’ ကော် “ဟဲယ်သလဲဆိုလော့ရှိအောင်ငါယဲ့အိမ်နီးချင်န်းမာပဆူဖြစ်သလဲ” လော့မေးမော်လျှောက် လိုက်ဟာဝါး။

ကိုယ်တော် ‘ယေရှု’ ကကျမ်းတတ်ဆရာကော်ပုံပြင်တပုဒ်နလောပြင်န်မော်ဖြေဝဲ့ဟာဝါး။ “ယေရုရှလင် မှ ယေရိ ခေါ နားဆွားတဲ့လမ်းတစ်လျှောက်မာ ယုဒ လူမျိုးတယောက်ခရီးဆွားလာနေဟာဝါး”။

“ဟဲင်န်းပီးဆူကတန်မြတိုက်ခံခဲ့ကြဟာဝါး။ တန်မြတော့ဟာဆူ့မာပါလာတဲ့ပစ်စီးနေအများရီးကော်လုယူဟား မော်ဆေလုမျောပါးဖြစ်အောင်ရိုက်ပီးခါဆူ့ကော်ထားခဲ့မော်အဝေးနားထွက်ဆွားခဲ့ကြဟာဝါး။”

“ဟဲင်န်းပီးနောက်ပကြာခင်အခါမာ ‘ယုဒ’ ဘာဆာရေးခေါင်းဆောင်တယောက်ဟာဟဲင်န်းလမ်းအတိုင်းခရီး ထွက်လာခါဟဲင်န်းလူလဲနေဟာကော်တွေ့မြင်န်ခဲ့ရဟာဝါး။ ဟဲင်န်းဘာဆာရေးခေါင်းဆောင်ဟာ ဟဲင်န်းလူကော်ပမြင်န် ချင်န်ယောက်ဆောင်ကာရှောင်ဟားမော်ခရီးထွက်ခဲ့ဟာဝါး။”

“ပကြာမီအခါမာ ‘လေဝိ’ အနွယ်ဝင်န်တယောက်ဟာဟဲင်န်းလမ်းအတိုင်းလာရောက်ဟာဝါး။ (လေဝိအနွယ် ဝင်န်များက ‘ဣသရေလ’ အနွယ်တစ်ခုဖြစ်ပီး ဗိမာန်တော်မာဘာဆာရေးခေါင်းဆောင်နေကော်ကူညီဟားတဲ့လူမျိုးနေ ဖြစ်ဟာဝါး။) ‘လေဝိ’ ဟာလဲဟဲင်န်းလူကော်ပမြင်န်ချင်ယောင်ဆောင်ပီးရှောင်မော်

ဟဲင်န်းလမ်းတလျှောက်လာတဲ့နောက်လူတယောက်မာ ‘ရှမာရိ’ ကလူတစ်ယောက်ဖြစ်ဟာဝါး။ ( ‘ရှမာရိတန်’ နေန ‘ဣသရေလ’ လူမျိုးနေကရန်ဖက်နေဖြစ်ကြဟာဝါး။) ဟဲင်န်း ‘ရှမာရိတန်’ လူဟာလမ်းမာလိမ်းနေတဲ့လူကော် တွေ့ခဲ့ဟာဝါး။ ဆူဟာဟဲင်န်းလူမာ ‘ယုဒ’ လူမျိုးတယောက်ဖြစ်နေဟာကော်တွေ့ရပီးခါလဲဆူ့ကော်ကူညီစိတ်အများရီး ရှိဟာဝါး။ ဟဲင်န်းပီး ‘ရှမာရိတန်’ ဟာဟဲင်န်းလူယဲ့အနာဒါဏ်ရာနေကော်ဆေးထဲ့ပေးမော်ပတ်တီးစီးပေးဝဲ့ဝါး။”

“ဟဲင်န်းပီးနောက်မာဝါး ‘ရှမာရိတန်’ လူမျိုးဟာဆူ့ယဲ့မြင်န်းပုလေးပေါ်နားကိုယ်တိုင်ထမ်န်းတင်န်ပီးအနီးအနား မာရှိတဲ့ နားဖော့နေရာနားခေါ်ဆွားခဲ့ပီးဆူဟာဟဲင်န်းနေရာမာဟဲင်န်းဆူကော်လောမော်ကိ့ပေးဟာဝါး။”

“နောက်နေ့ခါမာ ‘ရှမာရိတန်’ လူမျိုးဟာဆူ့ယဲ့ခရီးကော်လောမော်ဆွားဖော့လိုအပ်လာခါဆူဟာနားဖော့နေ ရာယဲ့ပိုင်ရှင်ကော်ငွေနေးနေးပေးမော်ဟဲင်န်းဒဏ်ရာရနေဆူကော်ကိ့ပေးလဲယ်။ ခုပေးဟားတဲ့ငွေပမာဏထက်ပိုမော်ဆုံး ရလော့ရှိရင်ဟဲယ်ငွေကော်ငါလောပြင်န်ပေးမယ်လော့မှာကြားခဲ့ဟာဝါး။”

ဟဲင်န်းပီးနောက်မာကိုယ်တော် ‘ယေရှု’ ဟာကျမ်းတတ်ဆရာကော် “နင်န်ဖယ်သလဲထင်ဟာလဲယ်။ ဟဲင်န်း ဆုံးယောက်မာတန်မြတိုက်ခံရတဲ့ဆူယဲ့အိမ်နီးချင်န်းမာပဆူဖြစ်ဟာလဲ” လော့မေးတော်မူလိုက်ဟာဝါး။ “ဆူ့ကော်ဆ နားကြင်နာစွာပြုစုဆူဖြစ်ဟာလဲယ်” ပြင်န်မော်ဖြေကြားဝဲ့ခါ ကိုယ်တော် ‘ယေရှု’ ကဆူ့ကော် “နင်န်လဲဟဲင်န်းသလဲ နည်းအတိုင်းလုပ်ဆောင်လိုက်” လော့မိန့်တော်မူဟာဝါး။

A Bible story from: Luke 10:25-37