၁၂။ လွတ်မြောက်ချင်န်း

‘ဣသရေလ’ လူမျိုးနေဟာ ‘အီဂျစ်’ ကနေမော်လွတ်မြောက်လော့အများရီးပျော်နေကြဟာဝါး။ ဆူ တော့ဟာကျွန်ဘဝနေလွတ်မြောက်ပီးဆူတော့ကော်ဖရားချဲင်န်ကတိပေးဟားတဲ့ဟဲင်န်းမြေနေရာနားဆွား နေကြပီဖြစ်ဝါး။ ‘အီဂျစ်’ လူမျိုးနေဟာ ‘ဣသရေလ’ လူမျိုးနေတောင်းဟားတဲ့ရွှေငွေနတခြားတန်ဖိုးကီး သောအရာနေအများရီးကိုပေးကြဝဲ့ဝါး။ ဖရားချဲင်န်ကော်ယုံသလဲတခြားနိုင်ငံများမှတချို့လူနေဟာ ‘ဣသ ရေလ’ လူမျိုးနေန ‘အီဂျစ်’ ကနေအတူထွက်ခွာဆွားကြဝါး။

နေ့ဘက်မာကအလွန်မြင်န့်တဲ့မိုးတိမ် တိုင်တစ်ခုဟာဆူတော့ရှေ့မာဉီးဆောင်ခေါ်ဆွားဟာဝါး။ ဟဲင်န်းမိုးတိမ်တိုင်ဟာညနားရောက်ခါ အလွန်မြင်န့်ဟားတဲ့မီးရှူးတိုင်ကီးဖြစ်ဆွားဝဲ့ဝါး။ ဖရားချဲင်န်ဟာ ဆူတော့နခါတိုင်းအတူတူရှိပီးမိုးတိမ်တိုင်ကီး၊ မီးရှူးတိုင်ကီးအဖြစ်လမ်းညွှန်နေဆူဖြစ်ဟာဝါး။ ဆူတော့အ ကုန်လုံးလုပ်ဆောင်ရမယ့်အလုပ်တစ်ခုက ဖရားချဲင်န်ယဲ့နောက်နေမော်လိုက်ဆွားရုံဖြစ်ဟာဝါး။

အချိန်တနားလေးမှာ ‘ဖာရော’ နဆူ့လူနေဟာစိတ်ပြောင်းဆွားပီးဆူတော့ဟာ ‘ဣသရေလ’ လူ မျိုးနေကော်နောက်တခါလောမော်ကျွန်လုပ်စေချင်နေဝါး။ ဟဲင်န်းသလဲမျိုးလို့ဆူတော့ဟာ ‘ဣသရေလ’ လူမျိုးနေနောက်ကော်အမြင်န်လိုက်ကြဝဲ့ဝါး။ ဖရားချဲင်န်ဟာဟဲင်န်းဆူတော့ယဲ့စိတ်ကော်ပြောင်းလဲစေ တော်မူဝါး။ ဟဲယ်သလဲလုပ်ဟာ ‘ယာဝေ’ ဖရားဟာ ‘ဖာရော’ ဖရင်န ‘အီဂျစ်’ မှရှိတဲ့နတ်ဖရားနေအကုန်လုံး ထက်အစွန်းထက်ဟာကော်လူတိုင်းကော်ဆိ့စေဖော့ဖြစ်ဟာဝါး။

‘ဣသရေလ’ လူမျိုးနေဟာ ‘အီဂျစ်’ စစ်တပ်နေချီတက်လာဟာကော်တွေ့မြင်န်ခါ ‘ဖာရော’ ယဲ့စစ် တပ်နပင်လယ်နီကြားမာဆူတော့ပိတ်မိနေဟာကော်ဆတိထားမိကြဟာဝါး။ ဆူတော့အားလုံးအများရီး ကြောက်ဟားခါ “ငါတော့နေဖာသလဲဖြစ်ဟားလော့ ‘အီဂျစ်’ ကော်ထွက်လာကြသလဲ။ ငါတော့အများရီး ဆေကြရတော့မယ်” လော့ငိုနေကြဟာဝါး။

‘မောရှေ’ ဟာ ‘ဣစရေး’ လူမျိုးနေကော် “ပကြောက်ကြန” “ဖရားချဲင်န်ဟာနင်န်တော့အတွက်ခု နေတိုက်ပွဲဝင်ပေးပီးနင်န်တော့ကော်ကယ်မာလော” ပြောဝဲ့ဝါး။ ဟဲင်န်းပီးအောင်ဖရားချဲင်န်ဟာ ‘မောရှေ’ အား “လူနေကော်ပင်လယ်နီဖက်နားစေဆွားခိုင်းလဲ” လော့ပြောဝဲ့ဝါး။

ဟဲင်န်းပီးတိမ်တိုင်ကီးဟာ ‘ဣသရေလ’ လူမျိုးနေန ‘အီဂျစ်’ လူမျိုးနေကြားနားရွေ့ဆွားပီးည ရောက်ခါမီးရှူးတိုင်ကီးဖြစ်ဆွားဝါး။ ‘အီဂျစ်’ လူမျိုးနေဟာ ‘ဣစရေး’ လူမျိုးနေနားတစ်ညလုံးပမြင်န်ပ တွေ့ရဝဲ့ဝါး။

ဟဲင်န်းပီးဖရားချဲင်န်ဟာ ‘မောရှေ’ ကော်ပင်လယ်ပေါ်နားဆူယဲ့လက်ကော်ဆန့်ထုတ်စေပီးလေ အဟုန်နပင်လယ်ရေနေကော်ဘယ်ညာတွန်းဝဲ့ပီးပင်လယ်ထဲမှာလူဆွားလမ်းကြောင်းတစ်ခုဖြစ်ပေါ်စေခဲ့ ဝါး။

‘ဣသရေလ’ လူမျိုးနေဟာရေတံတိုင်းနေဖက်ကြားကခြောက်နေတဲ့မြေကီးပေါ်မှာပင်လယ်ကော် ချီတက်ကြဟာဝါး။

ဟဲင်န်းပီးနောက်ဖရားချဲင်န်ကတိမ်များနေကော်ဖယ်ရှားလိုက်ဝဲ့ခါ ‘အီဂျစ်’ လူမျိုးနေဟာ ‘ဣသ ရေလ’ လူမျိုးများနေထွက်ပြေးနေဟာကော်တွေ့မြင်န်ကြဟားဝါး။ ဟဲင်န်းပီး ‘ဣသရေလ’ လူမျိုးနေကော် လိုက်ဖမ်းကြဟာဝါး။

ဟဲင်န်းပီးဆူတော့ဟာ ‘ဣသရေလ’ လူမျိုးနေသလဲပင်လယ်ပြင်န်နားရှိလမ်းအတိုင်းလိုက်ကြဟာ ဝါး။ ဟဲင်န်းမော်ဖရားချင်န်ဟာ ‘အီဂျစ်’ လူမျိုးနေယဲ့လှည်းများကော်ရုန်းလော့ပရအောင်လုပ်ဝဲ့ခါအများကီး ကြောက်မော်တုန်နေကြဟာဝါး။ ဆူတော့ဟာ “ပြေးကြလဲ၊ ဖရားချဲင်န်က ‘ဣသရေလ’ လူမျိုးနေဘက်မာ နေမော်တိုက်နေကြဟာလဲ့” လော့အော်နေကြဟာဝါး။

‘ဣသရေလ’ လူမျိုးနေအများကီးဟာပင်လယ်တဖက်ကမ်းနားရောက်ဆွားခါဖရားချဲင်န်ဟာ ‘မောရှေ’ ကော်လောဟားမော်ရေပေါ်မာလက်ကော်စေဆန့်စေဝါး။ ‘မောရှေ’ ဟဲင်န်းသလဲလုပ်ဝဲ့ခါမာပင် လယ်ရေနေဟာနကိုအတိုင်းလောပြင်န်ဖြစ်ဟားမော် ‘အီဂျစ်’ စစ်တပ်တခုလုံးရေနားကော်နစ်ဆွားကြဟာ ဝါး။

‘ဣသရေလ’ လူမျိုးနေဟာ ‘အီဂျစ်’ လူမျိုးနေဆေဆွားကြဟာကော်တွေ့ဟားခါဆူတော့ဟာ ဖရားချဲင်န်ကော်ယုံဆွားကြပီး ‘မောရှေ’ မာဖရားချဲင်န်ယဲ့အနာဂတ်ဟောဆူပရောဖတ်ပြင်ညာရှိတယောက် ဖြစ်ဟာသလဲကော်ယုံဆွားကြဟာဝါး။

ဖရားချဲင်န်ဟာ ‘ဣသရေလ’ လူမျိုးနေကော်ဆေဘေးနေမော်ကယ်ပီးတဲ့အပြင်န်ကျွန်ဘဝမာ ကယ်ပေးခဲ့ဟာခါဆူတော့ဟာအများရီးဝမ်န်းဆာမော်ပျော်နေကြဟာဝါး။ ခုခါမာဆူတော့ဟာဖရားချဲင်န် ကော်လွတ်လွတ်လပ်လပ်ယုံမော်ကိုးကွယ်ကြဟာဝါး။ ဆူတော့ဟာ ‘အီဂျစ်’ စစ်တပ်နေမော်ကယ်ဟာတဲ့ ဖရားချဲင်န်ကော်ချီးမွမ်းဂုဏ်ပြုတဲ့သီချင်းနေဆိုမော်အောင်ပွဲခံနေကြဟာဝါး။

ဖရားချဲင်န်က ‘ဣစရေး’ လူမျိုးနေဟာ ‘အီဂျစ်’ နေကော်အနိုင်ယူမော်ကျွန်ဘဝနေလွတ်မြောက် စေခါဂုဏ်ပြုခြင်းအထိမ်းအမှတ်အနေနဟဲယ်သလဲပွဲတခုနှစ်စဉ်ကျင်းပဖော့မှာခဲ့ကြဟာဝါး။ ဟဲယ်ပွဲကော် ‘ပသခါ’ ပွဲလော့ခေါ်ပီးခါပွဲကျင်းပရာမာလဲနေကောင်းတဲ့သိုးတကောင်ကော်ဆပ်ပီးမီးနကင်မော်တဆေးမဲ့ ဟားတဲ့ပေါင်မုန့်နစားဖော့ပြုလုပ်ရဟာဝါး။

A Bible story from: Exodus 12:33-15:21