၃။ ရေကီးချင်န်း
အချိန်နေကြာဟားခါကဖာပေါ်မှာလူနေအများကီးနေကြဟာဝါး။ ဆူတို့ကအများရီးဆိုးမော်ရိုင်းဟားကျဝါး။ ဟဲင်န်း လူနေအများရီးဆိုးအားခါဖရားချဲင်န်က ကဖာကီးဆခုလုံးကော်ရေနေအားရပါရတက်အောင်လုပ်ချင်န်းဖြင့်ပျက်စီးအောင် ဆုံးဖြတ်လိုက်ဟာလဲယ်။
ဟဲင်န်းပီးဖရားချဲင်န်ဟာ ‘နောဧ’ ကော်အားရကျေနပ်မော်ကြိုက်ဟာဝါး။ ဆူကအများရီးဆိုးအားတဲ့ဟဲင်န်းတလဲလူ နေကြားမှာလူကောင်းတစ်ယောက်ဖြစ်ဟာဝါး။ ဖရားချဲင်န်ဟာ ‘နောဧ’ ကော်ကီးမားတဲ့ရေကီးချင်န်းပြုလုပ်တော့မယ် လော့ပြောဝဲ့ပီး ‘နောဧ’ ကော်အားရပါးရကီးအားတဲ့လှေတစီးကော်လုပ်ဖော့မိန့်တော်မူဝဲ့ဝါး။
ဖရားချဲင်န်က ‘နောဧ’ အားဆင်းဖောကော်အလျားတစ်ရာ့လေးဆယ်မီတာ၊ အနံနေဆယ့်ဆုံးမီတာနအပေါ်ကတစ် ဆယ်သုံးဆတမငါးမီတာမြင့်န်အောင်စေဆောက်ဝေါ့ဝါး။ ‘နောဧ’ ဟာဟဲင်န်းဆင်းဖောကော်ဆစ်ဆားနဆောက်အားမော် အထပ်ဆုံးထပ်၊ အခန်းနေ၊ ခေါင်မိုးတခုနပတင်းပေါက်တခုစေထားဝါး။ ဆင်းဖောဟာ ‘နောဧ’ နဆူရဲ့မိဆားဆုအပြင်န် မြေကီးပေါ်နေအကောင်နေတိုင်းကော်ရေကီးလာခါစိတ်အေးလက်အေးနေရအောင်ထားနိုင်ဝါး။
‘နောဧ’ ဟာဖရားချဲင်န်ယဲ့ပြောအားတဲ့စကားကော်နားထောင်ခဲ့ဝါး။ ဆူနဆူ့ယဲ့ဆားဆုံးယောက်က ဖရားချဲင်န်ပြော စကားသလဲဆင်းဖောကော်ဆောက်ဝေါ့ဝါး။ ဟဲင်န်းဆင်းဖောကအားရပါးရကီးခါ ဆောက်နေရာမှာ အများရီးကြာအားဝါး။ ‘နောဧ’ ကရေကီးတော့မှာလော့လူနေကော်ဆတိပေးဝဲ့ပီးငါတော့ယဲ့ပကောင်းတဲ့အလုပ်နေကော်နောင်တရဖော့နဖရား ချဲင်န်ကော်ယုံအောင်လိုက်နာဖော့ပြောလဲဝဖလဲမျိုးမှ ‘နောဧ’ ကော်ပယုံကြဝူးလဲယ်။
ဖရားချဲင်န်ဟာ ‘နောဧ’ နဆူယဲ့မိဆားဆုပီးအောင်အကောင်နေဖော့အစားအစာနေကော်အများရီးစေစုအားဝါး။ ဆူ့ အချိန်ရောက်ခါဖရားချဲင်န်ဟာ ‘နောဧ’ ဆူရဲ့မိန်းမနဆားဆုံးယောက်အများရီးပေါင်းရှစ်ယောက်ကော်ဆင်းဖောပေါ်စေ တက်ဝဲ့ဝါး။
ဖရားချဲင်န်ဟာအကောင်များတိုင်းကော်အထီးတစ်ကောင်အမတစ်ကောင်နေကော်ဝါးရေကီးလော့ရှိအောင်စိတ် အေးလက်အေးနေရဖော့ ‘နောဧ’ ရဲ့ဆင်းဖောပေါ်ကော်စေတက်ဝေါ့ဝါး။ ဖရားချဲင်န်ဟာအကောင်နေအများရီးနေမော် အထီးခွန်နကောင်၊အမခွန်နကောင်ကပ်ဝေါ့ပီးအောင်အဆုံးပြုနိုင်အောင်ထေ့ပေးဝေါ့ဝါး။ ဟဲင်န်းဟာနေအများရီးဆင်း ဖောနားရောက်အားခါဖရားချဲင်န် ဆူ့ဟာဆူတံခါပိတ်ဝေါ့ဝါး။
ဟဲင်န်းပီးခါမိုးနေအဆက်ပပြတ်ကျမော်မိုးကျဟာရက်ပေါင်းလေးဆယ်နေ့ရောညရောပပစ်တန်ဆွန်ကျအာဝါး။ ကဖာမြေကီးနေမော်ရေနေပန်းထွက်အာဝါး။ အမြင့်ကီးတောင်နေ့အပါအဝင်ကဖာပေါ်မှာရှိနေဟာနေအများရီးကော် ရေကီးပစ်ဝဲ့ဝါး။
ဆင်းဖောပေါ်မှာပါဟာတဲ့လူနေနအကောင်နေမှလွှဲမော်ကျင်န်နေတဲ့မြေကီးပေါ်အကောင်နေအများရီးဆေဆွား ဟာဝါး။ ဆင်းဖောဟာရေနားမှာပေါ်နေမော်ဟဲင်န်းမှာပါနေတဲ့လူနေနအကောင်နေကော်ကာကွယ်ပေးဝဲ့ဝါး။
မိုးကလာပီးရပ်ဟာခါမာရေများကျဆင်းလာပီးဆင်းဖောဟာရေပေါ်မှာငါးလကြာမျောပါဟားဝါး။ ဟဲင်န်းနေ့ခါ မှာဆင်းဖောဟာတောင်တလုံးယဲ့အပေါ်နားမှာရစ်နေဝါး။ ဟဲင်န်းပီးကဖာကီးမာရေနေကီးနေဆေးဝါး။ ဆုံးလနေပီးခါ တောင်ထိပ်နေကော်မြင်လာဟာဝါး။
ရက်လေးဆယ်မြောက်ပီးခါနေ့မှာဝါး ‘နောဧ’ က ကလီးတကောင်ကော်လွှတ်အားမော်ခြောက်နေတဲ့မြေကော် စေရှာဝဲ့ဝါး။ ကလီးကခြောက်နေတဲ့မြေကီးနေရာကော်ရှာဖော့ရှေ့ခြောက်နောက်ခြောက်ရှာနေလဲဝပတွေ့ခါပြင်န်လာ ခဲ့ဟာဝါး။
ဟဲင်န်းပီးခါမှာ ‘နောဧ’ ဟာချိုးငှက်လော့ခေါ်ဟာသလဲငှက်တကောင်ကော်ခြောက်နေတဲ့မြေကီးနေကော် ရှာဖော့စေဝဲ့ခါရှာလော့ပရဝဲလော့ ‘နောဧ’ နားပြင်န်လာဟာဝါး။ တစ်ပတ်လောက်နေပီးကြာဟားခါချိုးငှက်ကော်လော စေဝဲ့ပီးမှာနှုတ်ဆီးနားမာသံလွင်ခက်ကော်ကိုက်ပီးပြင်န်လာဟာဝါး။ ရေနေကျလာပီးခါအပင်န်နေလဲပြင်န်မော်အများ ရီးကီးဟာဝါး။
‘နောဧ’ ဟာနောက်အပတ်ထိစောင့်ဟားမော်ချိုးငှက်ကော်ဆုံးခါမြောက်လောစေဝဲ့ဝါး။ ခုအချိန်မာရေနေခမ်း ဆွားပီးနားဖော့ရှိဟားခါပပြင်န်လာဝူးလဲယ်။
နေလကြာပီးခါဖရားချဲင်န်က ‘နောဧ’ ကော် “နင်န်နနင်န့်မိဆားဆုအပါအကောင်နေအကုန်လုံးဆင်းဖောမှခွာ လောရပီး ဆားဆမီးနေ၊ မြေးနေအများရီးမွေးမော်ဟယ်ကဖာကီးမာ လူနေအများရီးတိုးစေလဲယ်” လော့ပြောခဲ့ဝါး။ ဟဲင်န်းပီးခါ ‘နောဧ’ နဆူယဲ့မိဆားစုဟာဆင်းဖောနေမော်ထွက်လာကြဟာဝါး။
‘နောဧ’ ဟာဆင်းဖောနေမော်ဆင်န်းပီးခါဖရားကပ်ဖော့ပလ္လင်တခုကော်ဆောက်ဟားပီးကပ်လော့ရတဲ့အ ကောင်တချို့ကော်ကပ်ဝဲ့ဝါး။ ဖရားချဲင်န်ဟာ ‘နောဧ’ ယဲ့ကပ်ပုံကော်ကြိုက်ဟားမော်ဆူနဆူ့ယဲ့မိဆားစုနေကော်ကောင်း ချီးပေးဝဲ့ဝါး။
ဖရားချဲင်န်က “ငါကဟဲယ်ကဖာမြေကော်လူနေယဲ့ပကောင်းဝဲဟာနေကော်ဘေးတွေ့စေမာပဟုတ်ဝူးလဲယ်။ ရေ ကီးမော့လဲကဖာကီးကော်ပဖျက်ဆီးဝေါ့လဲယ်။ ဖယ်သလဲမျိုးဆိုခါလူဆားနေဟာငယ်ငယ်ခါဘဝစမော်အပစ်လုပ်တတ်သ လဲဖြစ်ဟာဝါး” လော့ပြောဝဲ့ဝါး။
ဟဲင်န်းပီးဖရားချဲင်န်ဟာဆူယဲ့ပဋိဉာင်ဆက်ဆေတစ်ခုအနေနအရင်န်ဆုံးသက်တန့်တခုကော်အစွန်းပြဝဲ့ဝါး။ မိုး ပေါ်မာသက်တန့်ပေါ်လာတိုင်းဖရားချဲင်န်နလူဆားနေဟာဖရားချဲင်န်ယဲ့ကတိတော်ကော်ပြင်န်မော်မှတ်မှတ်ရရရှိနေမာ ဖြစ်ဟာဝါး။
A Bible story from: Genesis 6-8