၁၃။ ဖရားချဲင်န်ဟာ ‘ဣသရေလ’ တော့နပဋိဉာင်ပြုတော်မူချင်န်း
ဖရားချဲင်န်ဟာ ‘ဣသရေလ’ လူမျိုးနေကော်ပင်လယ်နီနားဖြတ်ခေါ်ဆွားပီးနောက်တောနား ကော်ဖြတ်ပီး ‘သိနာ’ လော့ခေါ်တဲ့တောင်နားခေါ်ဆွားဝဲ့ဝါး။ ဟဲင်န်းတောင်ဟာ ‘မောရှေ’ တွေ့ဟားတဲ့မီး လောင်နေပီးခြုံရှိတဲ့တောင်နအတူတူဖြစ်ဟာဝါး။ လူမျိုးဟာဟဲင်န်းတို့ယဲ့တဲနေကော်တောင်ခေရင်းနား ဆောက်ကြဝဲ့ဝါး။
ဖရားချဲင်န်ဟာ ‘မောရှေ’ န ‘ဣစရေး’ မှလူနေအများရီးတော့ကော် “နင်န့်တော့ဟာငါယဲ့ပဋိဉာင် ကော်စောင့်ထိန်းလော့ရှိရင် ငါဟာနင်န့်တော့နအတူပါရှိပီးအလုပ်လုပ်မာလဲ။ နင်န့်တော့ဟဲယ်သလဲစောင့် ထိန်းလော့ရှိရင်နင်န့်တော့ဟာငါယဲ့တန်ဖိုးကီးတဲ့ပိုင်ဆိုင်မှုနေ၊ ဆာဆနာရေးဆိုင်ရာဘာဆာရေးခေါင်း ဆောင်များနသန့်ရှင်မြင့်မြတ်တဲ့လူမျိုးနေဖြစ်ကြမာလဲ” လော့ပြောတော်မူဝါး။
ဆုံးရက်ကြာပီးခါဆူတော့နားကော်ဖရားချဲင်န်ကြွဆင်န်းလာမာဖြစ်လော့လူတော့ဟာဖရားချဲင်န်န တွေ့ဖော့အဆင်သင့်ဖြစ်အောင်ပြင်န်ဆင်န်ထားဝဲ့ဝါး။ ဟဲင်န်းပီးခါဖရာချဲင်န်ဟာ ‘သိနာ’ တောင်ထိပ်ပေါ်နား ကြွဆင်န်းလာခါမာမိုးကြိုးနေ၊ ရှစ်ပျက်လက်နေ၊ မီးခိုးနေနကျယ်လွန်းဟားတဲ့တံပိုးခရာဆံနေဖြစ်ပေါ်လာဝဲ့ ဝါး။ ဟဲင်န်းပီး ‘မောရှေ’ ဟာတောင်ထိပ်ပေါ်နားတစ်ယောက်အဲတက်ဆွားဝါး။
ဖရားချဲင်န်ဟာလူနေနဆဘောတူဖော့ကော်ပဋိဉာင်တစ်ခုလောက်လုပ်ဝဲ့ဝါး။ ဖရားချဲင်န်က “ငါ ဟာနင်န့်တော့ယဲ့အမြဲတမ်းဖရား ‘ယာဝေ’ ဖြစ်ဟာဝါး။ ‘အီဂျစ်’ မာနင်န့်တော့ကော်ကျွန်ဘဝနေမော်ကယ်ခဲ့ ဆူမာလဲငါဖြစ်ဟာသလဲတခြားဖလဲမျိုးဖရားမှပကိုးကွယ်န” လော့ပြောဝဲ့ဝါး။
“ရုပ်ထုနေထုမော်ကိုးကွယ်ချင်န်းပလုပ်ကြန၊ ဖယ်သလဲကြောင့်ဟားဆိုခါငါ ‘ယာဝေ’ ဟာနင်န့် တော့ယဲ့တစ်ဆူအဲရှိတဲ့ဖရားဝါး။ ငါယဲ့နာမတော်ကော်အလွဲသုံးစားပလုပ်ကြပါန။ ဥပုသ်နေ့မှာသန့်ရှင်းမြင့် မြတ်အောင်အဆေအချာစောင့်ထိန်းလဲယ်။ ဟဲင်န်းသလဲကြောင့် နင်န်တော့ယဲ့အလုပ်အများရီးကော်ခြောက် ရက်လုပ်ပီးကျင်တရက်ကော်အနားယူပီးလော့ရှိရင်ငါကော်ဆတိရစေလဲယ်” လော့ပြောတော်မူဝဲ့ဝါး။
“နင်န့်တော့ယဲ့မွေ့ဖနေယောက်ကော်ရိုဆေလဲ။ လူ့အဆက်ဆပ်ချင်န်းမှရှောင်ကြဉ်လဲ။ ဆူတစ်ပါး အိမ်ရာကော်ပကျူးလွန်ပါနဆူတပါးပစ်စီးအုပ်စာခိုးယူချင်န်း၊ ဆူတပါးကော်လိမ်ညာချင်န်း၊ ဆူတပါယဲ့မိန်း မ၊ ဆူတပါးယဲ့အိမ်နဆူတပါးပိုင်ဆိုင်သမျှအရာများကော်လောဘကီးချင်န်းပလုပ်ပါန” လဲပြောကြားဝဲ့ဝါး။
ဖရားချဲင်န်ကဟဲယ်ဆယ်ပါးသလဲပညတ်တော်နေကော်ရေးဟားတဲ့ကျောက်ပြားနေရှစ်ကော် ‘မော ရှေ’ နားပေးခဲ့ဝဲ့ဝါး။ လူနေလိုက်နာစောင့်ထိန်းအပ်သလဲတခြားသောပညတ်တော်နေကော်လဲပြခဲ့ဝဲ့ဝါး။ ဟဲယ်ပညတ်တော်နေကော်လိုက်နာနေဆူတော့များကော်ဖရားချဲင်န်ဟာကာကွယ်စောင့်ရှာက်ပေးမာဖြစ် ဟာသလဲကောင်းချီးမင်္ဂလာနေပေးဆနားမာဖြစ်ဟာဝါး။ ဟဲင်န်းသလဲမျိုးလို့ဖရားချဲင်န်ယဲ့ပညတ်တော်ကော် ပလိုက်နာဝဲလူနေအားအပစ်ပေးစီရင်မာလော့ပြောကြားခဲ့ဝါး။
ဖရားချဲင်န်ဟာ ‘ဣသရေလ’ လူမျိူးနေကော်တွေ့ဖို့ရာတဲသလဲကီးဟားတဲ့တဲတလုံးကော်စေ ဆောက်ဟားမော်ဟဲင်န်းဟာနေကော်ဖယ်သလဲဆောက်ရမားဖယ်သလဲအရာနေပါရမာကော်တိတိကျကျ ပြောတော်မူခဲ့ဝါး။ ဆူဟာဟဲင်န်းတဲကော်အခန်းနေခန်းဖြစ်ဟားစေဖော့အလယ်ကောင်မာကလာကာကီး တခုကော်ဆူတော့နေကော်ကာစေဟာဝါး။ ဖရားချဲင်န်ဟာကလာကာနောက်နားအခန်းထဲမာနေပီးဆာဆ နာရေးဆိုင်ရာမဟာနာယကနေကော်ဆူယဲ့အခန်းထဲနားဝင်န်စေဝါး။
တွေ့ဖော့လုပ်ဟားတဲ့ဟဲင်န်းတဲယဲ့အရှေ့မာလူနေဟာကပ်ဖော့ယစ်ပလင်န်တခုဆောက်လုပ်မော် ဖရားချဲင်န်ယဲ့ပညတ်တော်ကော်ပလိုက်နာဝဲတဲ့လူတော့ဟာဟဲယ်နေရာနားဆက်ရှိအကောင်တကောင်ကော်ယူလာရဟာဝါး။ ဟဲင်န်းပီးဘုန်းတော်ကီးတပါးဟားဟဲင်န်းအကောင်နေကော်ဆပ်မော်ယစ်ပလင်န် ပေါ်မာမီးတိုက်ဟားမော်ဖရားချဲင်န်ကော်ကပ်ဖော့ပြုလုပ်ကြဟာဝါး။ ဖရားချဲင်န်ဟာဟဲင်န်းအကောင်ယဲ့ နေနဟဲင်န်းလူယဲ့အပစ်နေကော်ဖုံးဆွားမာလော့ပြောဟာဝါး။ ဟဲင်န်းခါမာဖရားချဲင်န်ဟာ ဟဲင်န်းလူယဲ့အပစ် နေကော်ခွင့်လွှတ်ဝဲ့ပီးဖရားချဲင်န်ယဲ့ပညတ်တော်အရသန့်ရှင်းတဲ့လူနေဖြစ်ဆွားကြဟာဝါး။ ဖရားချဲင်န်ဟာ ‘မောရှေ’ ယဲ့နောင်ကီးဖြစ်ဆူ ‘အာရွန်’ နဆူတော့ယဲ့နောင်လာနောင်ဆားများကော် ဆူယဲ့ဘာဆာရေးခေါင်း ဆောင်နေအဖြစ်စေရွေးခဲ့ဟာဝါး။
လူနေဟာဖရားချဲင်န်ယဲ့ပညတ်တော်နေကော်လိုက်နာဖော့ဆဘောတူကြဟာဝါး။ ဆူတော့ဟာ ဖရားချဲင်န်ရွေးဟားတဲ့လူမျိုးစုနေအဖြစ်ခံယူဟားပီးဖရားချဲင်န်ကော်တဆူထဲရှိဟားတဲ့ဖရားချဲင်န်အဖြစ်ရှိခိုးပီးကိုးကွယ်ပါမယ်လော့ဆဘောတူကြဟာဝါး။
‘မောရှေ’ ဟာ ‘သိနာ’ တောင်ပေါ်နေမော်ရက်အကြာရီးကျင်န်ရစ်နေပီးဖရားချဲင်န်နစကားပြော နေဟာဝါး။ ဟဲင်န်းပေမဲ့လူနေဟာ ‘မောရှေ’ ပြင်န်လာဟာကော်စောင့်ရခါအများကီးမောလာဟာဝါး။ ဟဲင်န်း သလဲမို့လို့ဆူတော့ဟာ ‘အာရုန်’ နားလာဟားမော်ရွှေနေပေးပီးခါဖရားချဲင်န်အစားကိုးကွယ်ဖော့ရုပ်ထုတခု လုပ်ပေးလဲလော့တောင်းဆိုကြဟာဝါး။ ဆူတော့ဟာဖရားချဲင်န်ကော်ဟဲယ်နည်းနအများရီးဆိုးရွားစွာပစ်မှား လိုက်ကြဟာဖြစ်ဝါး။
‘အာရုန်’ ဟာဟဲင်န်းရွှေရုပ်တုကော်နွားငယ်ပုံစံလုပ်ဝဲ့ဝါး။ လူနေဟာဟဲင်န်းရုပ်ထုကော်အများရီး ကိုးကွယ်ပီးခါယစ်ပူဇော်ကပ်ဖော့လုပ်ကြဟာဝါး။ ဆူတော့ယဲ့အပစ်နေကော် ဖရားချဲင်န်ဟာအများရီးဒေါဆ ထွက်ဟားဝါး။ ဖရားချဲင်န်ဟာဟဲင်န်းဆူတော့ကော်ဖျက်စီးလိုခဲ့ဟာဝါး။ ဟဲင်န်းသလဲမို့လို့ ‘မောရှေ’ ဟာဆူ တော့ကော်ပဆပ်ဖော့ဖရားချဲင်န်နားစေလျှောက်လော့ဖရားချဲင်န်ကလက်ခံခါဟဲင်န်းလူနေကော်ပဖျက်စီးဝူး လဲ။
‘မောရှေ’ ဟာ ‘သိနာ’ တောင်ပေါ်မာဆင်န်းလာပီးခါဖရားချဲင်န်ရေးဟားတဲ့ပညတ်တော်ဆယ်ပါး ပါဝင်တဲ့ကျောက်စာနေရှစ်ကော်ယူလာဟာဝါး။ ‘မောရှေ’ ဟာဟဲင်န်းရုပ်ထုကော်တွေ့ဟားခါအများကီးဒေါ ဆထွက်ဟားမော်ကျောက်စာနေကော်ထုခေဝဲ့ဝါး။
‘မောရှေ’ ဟာဟဲင်န်းရုပ်ထုကော်အကုန်လုံးအမှုန့်ခေပစ်လိုက်ဟာဝါး။ ဟဲင်န်းပီးအမှုန့်နေကော် အရေဖျော်မော်ဟဲင်န်းလူတော့ကော်စေဆောက်ဟာဝါး။ ဖရားချဲင်န်ဟာဟဲင်န်းလူနေပေါ်မာကပ်ဆိုးတခုကျ စေကာလူနေအများရီးဆေဆွားကြဟာဝါး။
‘မောရှေ’ ဟာဆူတော့ဖျက်စီးဟားတဲ့ပညတ်တော်ဆယ်ပါးကျောက်စာကော်အစားထိုးဖော့ ကျောက်စာနေရှစ်လုပ်ဝဲ့ဟာဝါး။ ဟဲင်န်းပီးဆူဟာတောင်ပေါ်နားလောတက်ဆွားမော်ဟဲင်န်းလူနေကော် ခွင့်လွှတ်ပေးဖော့လောဆုတောင်းဟာဝါး။ ဖရားချဲင်န်ဟာ ‘မောရှေ’ ဆုတောင်းနေဟာကော်နားထောင်ပီးဆူ တော့ကော်ခွင့်လွှတ်ပေးဝဲ့ဝါး။ ‘မောရှေ’ ဟာတောင်အောက်နားပညတ်တော်ဆယ်ပါးပါတဲ့ကျောက်စာရှစ် အဆစ်နေနတောင်အောက်ကော်ဆင်န်းလာဝါး။ ဟဲင်န်းပီးဖရားချဲင်န်ဟာ ‘ဣစရေး’ လူမျိုးနေကော် ‘သိနာ’ တောင်မာကတိပေးဟားတဲ့နေရာနားရှေ့နေမော်လမ်းပြခဲ့ဟာဝါး။
A Bible story from: Exodus 19-34