కొలస్సయులకు రాసిన పత్రిక

Chapter 1

¹ క్రీస్తు యేసు యొక్క అపొస్తలుడైన పౌలు, దేవుని యొక్క చిత్తము ద్వారా, మరియు {మన} సహోదరుడు తిమోతి, ² కొలొస్సయిలో క్రీస్తులో పరిశుద్ధులు మరియు నమ్మదగిన సహోదరులకు, మన తండ్రి దేవుడు మరియు ప్రభువు యేసు క్రీస్తు నుండి మీకు కృప మరియు సమాధానము. ³ మన ప్రభువు యేసు క్రీస్తు యొక్క తండ్రి, దేవునికి మేము కృతజ్ఞతలు చెల్లించుచున్నాము, మీ కోసం ఎల్లప్పుడూ ప్రార్థించుచున్నాము. ⁴ క్రీస్తు యేసులో మీ విశ్వాసము మరియు పరిశుద్ధులు అందరి కోసం మీరు కలిగియున్న ప్రేమ గురించి విన్నాను, ⁵ పరలోకములలో మీ కోసం భద్రపరచబడి యున్న నిరీక్షణ యొక్క కారణంగా, ఇంతకు ముందు సత్యము యొక్క వాక్యములో, సువార్తను మీరు విన్నారు. ⁶ మీరు దీనిని వినిన మరియు సత్యములో దేవుని యొక్క కృపను గురించి నేర్చుకొన్న దినము నుండి, లోకం అంతటిలో కూడా ఉన్న విధముగా అది మీ మధ్య ఉంటూ, మీలో కూడా ఫలించుచు మరియు వ్యాపించుచున్నది. ⁷ మా ప్రియమైన తోడి దాసుడు, మా పక్షంగా క్రీస్తు యొక్క నమ్మదగిన సేవకుడు ఎపఫ్రా నుండి మీరు దీనిని నేర్చుకొనిన విధముగా, ⁸ మరియు అతడు ఆత్మలో మీ ప్రేమను మాకు తెలిపాడు. ⁹ ఈ కారణం చేత ఈ సంగతి మేము వినిన దినము నుండి, మేము కూడా మీ కోసం నిమిత్తము ప్రార్థన చేయడం మాన లేదు, మరియు సంపూర్ణ జ్ఞానము మరియు ఆత్మీయ వివేకములో ఆయన చిత్తము యొక్క జ్ఞానముతో మీరు నింపబడి ఉంటారు, ¹⁰ ప్రతి మంచి కార్యమునందు ఫలమును కలిగియుండి, మరియు దేవుని యొక్క జ్ఞానములో వృద్ధిపొందుచూ, ప్రతి సంతోషకరమైన మార్గములో ప్రభువుకు యోగ్యముగా నడుచుకొనడానికి, ¹¹ సంతోషంతో పూర్ణమైన ఓర్పును మరియు దీర్ఘశాంతముకు ఆయన మహిమ యొక్క శక్తి ప్రకారం సంపూర్ణ బలముతో బలపరచబడి యుండి, ¹² వెలుగులో పరిశుద్ధుల యొక్క స్వాస్థ్యము పంచుకొనడానికి మిమ్మును శక్తిమంతులుగా చేసిన తండ్రికి కృతజ్ఞతాస్తుతులు చెల్లించుచూ. ¹³ ఆయన మనలను చీకటి యొక్క అధికారమునుండి రక్షించాడు మరియు ఆయన ప్రియమైన కుమారుని యొక్క రాజ్యముకు బదిలీ చేసాడు. ¹⁴ ఆయనలో మనం విమోచనం కలిగియున్నాము, పాపముల యొక్క క్షమాపణ. ¹⁵ ఆయన అదృశ్యదేవుని యొక్క స్వరూపియై యున్నాడు సర్వ సృష్టి యొక్క ప్రధముడు. ¹⁶ ఎందుకంటే ఆకాశములలో మరియు భూమి మీద, దృశ్యమైనవి మరియు అదృశ్యమైనవి, సమస్త కార్యములు ఆయనలో సృజింప బడెను. సింహాసనములు లేదా ఆదిపత్యములు లేదా ప్రభుత్వములు లేదా అధికారములు అయిననూ, సమస్త కార్యములు ఆయన ద్వారా మరియు ఆయన కోసం సృజింపబడెను. ¹⁷ మరియు ఆయన సమస్త కార్యములకు ముందుగా ఉన్నాడు మరియు ఆయనలో సమస్త కార్యములు కలిసి పట్టుకొని ఉన్నాయి. ¹⁸ సంఘము అను శరీరమునకు ఆయన శిరస్సుయై ఉన్నాడు. ఆయన ఆదియై ఉన్నాడు, మృతుల మధ్య నుండి ప్రధముడు, తద్వారా ఆయన తానే సమస్త కార్యముల మధ్య మొదటివాడు అవుతాడు. ¹⁹ ఎందుకంటే ఆయనలో సర్వ సంపూర్ణత నివసించడానికి ఆనందభరితమయ్యింది, ²⁰ మరియు ఆయనకు సమస్త కార్యములను సమాధానపరచడానికి, భూమి మీద ఉన్న కార్యములు లేదా ఆకాశములలో ఉన్న కార్యములు అయినను ఆయన ద్వారా, ఆయన సిలువ యొక్క రక్తము ద్వారా సమాధానపరచాడు, ²¹ ఒకానొక సమయంలో మీరు కూడా దూరస్థులు మరియు ఆలోచనలో, దుష్ట క్రియలలో శత్రువులునై ఉన్నారు. ²² అయితే ఇప్పుడు ఆయన యెదుట పరిశుద్ధులుగాను నిర్దోషులుగాను మరియు నిరపరాధులుగాను మిమ్మును నిలువబెట్టుటకు ఆయన మాంసము యొక్క దేహము చేత ఇప్పుడు మరణము ద్వారా మీరు సమాధానపరచబడ్డారు. ²³ పునాదిమీద కట్టబడి మరియు స్థిరముగా ఉండి, మరియు మీరు వినిన, ఆకాశము క్రింద ఉన్న సమస్త సృష్టికి ప్రకటింపబడిన ఈ సువార్త యొక్క నిరీక్షణ నుండి తొలగిపోకఉండి, విశ్వాసములో మీరు నిజముగా కొనసాగిన యెడల, దానికి పౌలు అను నేను ఒక పరిచారకుడను అయ్యాను. ²⁴ ఇప్పుడు మీ కోసం {నా} శ్రమలలో నేను ఆనందించుచున్నాను, మరియు సంఘము అను ఆయన శరీరము నిమిత్తం క్రీస్తు యొక్క వేదనలలో కొదువైన వాటిని నా శరీరములో నేను సంపూర్ణము చేయుచున్నాను. ²⁵ దేవుని యొక్క వాక్యమును నెరవేర్చడానికి మీ కోసం నాకు అనుగ్రహింపబడిన దేవుని యొక్క ఏర్పాటు ప్రకారం దానికి నేను ఒక సేవకుడిని అయ్యాను, ²⁶ యుగముల నుండి మరియు తరముల నుండి మరుగు చేయబడియున్న మర్మము, అయితే ఇప్పుడు తన పరిశుద్ధులకు బయలుపరబడింది, ²⁷ యూదేతరుల మధ్య ఈ మర్మము యొక్క మహిమ యొక్క ఐశ్వర్యము ఎట్టిదిగా {ఉన్నదో} వారికి తెలియపరచడానికి దేవుడు కోరాడు, అనగా మీలో ఉన్న క్రీస్తు, మహిమ యొక్క నిరీక్షణ. ²⁸ సమస్త జ్ఞానముతో ప్రతి మనుష్యునికి బుద్ధిచెప్పుచు మరియు బోధించుచూ మేము ఆయనను ప్రకటించుచున్నాము తద్వారా క్రీస్తులో సంపూర్ణునిగా చేసి ప్రతి మనుష్యుని ఆయన యెదుట మేము నిలువబెడతాము. ²⁹ శక్తిలో నాలో క్రియ జరిగించుచు ఉన్న ఆయన క్రియ ప్రకారం నేను కూడా దీని కోసం ప్రయాసపడుతున్నాను, పోరాడుతున్నాను.

Chapter 2

¹ ఎందుకంటే మీ కోసం మరియు లవొదికయలో ఉన్న వారి కోసం మరియు శరీరంలో నా ముఖము చూడని వారందరి కోసం నేను ఎంతగా పోరాడుచున్నానో మీరు తెలిసికొనగోరు చున్నాను. ² తద్వారా వారి హృదయాలు ప్రోత్సహించబడతాయి, ప్రేమలో కలుపుబడి ఉండి మరియు గ్రహింపుయొక్క సంపూర్ణ నిశ్చయత యొక్క సమస్త ఐశ్వర్యము లోనికి, దేవుని యొక్క మర్మము క్రీస్తు యొక్క పరిజ్ఞానములోనికి తీసుకొనిరాబడతారు ³ వివేకం మరియు జ్ఞానముల యొక్క సర్వ సంపదలు ఆయనలో గుప్తములైయున్నవి. ⁴ నేను దీనిని చెపుతున్నాను తద్వారా ఎవడైనను ఒప్పింప జేసే మాటలతో మిమ్మును మోసపరచకుండా ఉంటారు. ⁵ ఎందుకంటే నేను శరీరంలో దూరముగా ఉన్న యెడల కూడా, ఆత్మలో నేను మీతో ఉన్నాను, మీ మంచి క్రమాన్ని మరియు క్రీస్తులో మీ విశ్వాసం యొక్క శక్తిని చూస్తున్నాను మరియు ఆనందించుచున్నాను. ⁶ కాబట్టి, మీరు ప్రభువు క్రీస్తు యేసును అంగీకరించిన విధముగా, ఆయనలో నడుచుకొనుడి. ⁷ ఆయనలో వేరుపారినవారై, మరియు యింటివలె కట్టబడుచు, మరియు మీరు నేర్చుకొనబడిన విధముగా విశ్వాసములో స్థిరపరచబడుచు, కృతజ్ఞతాస్తుతులు చెల్లించుటయందు విస్తరించుచూ ఉన్నారు. ⁸ క్రీస్తు ప్రకారం కాక, మరియు లోకము యొక్క ప్రాథమిక బోధ ప్రకారం, మనుష్యుల పారంపర్యాచారము ప్రకారం, మోసకరమైన నిరర్థకమైన మరియు తత్వజ్ఞానము ద్వారా మిమ్మును చెరపట్టుకొని పోవువాడెవడైన ఉండునేమో అని జాగ్రత్తగా ఉండుడి. ⁹ ఎందుకంటే ఆయనలో సమస్త దేవత్వము యొక్క సర్వపరిపూర్ణత శరీరముగా నివసించు చున్నది. ¹⁰ మరియు ఆయనలో మీరు సంపూర్ణులై యున్నారు; ఆయన సమస్త ప్రధానులకు మరియు అధికారులకును శిరస్సై యున్నాడు. ¹¹ ఆయనలో మీరు కూడా, క్రీస్తు యొక్క సున్నతిలో శరీరం యొక్క దేహం యొక్క తొలగింపులో చేతులు లేకుండా చెయ్యబడిన ఒక సున్నతితో సున్నతి చెయ్యబడ్డారు. ¹² బాప్తీస్మంలో ఆయనతో పాతిపెట్టబడినవారై మరియు ఆయనను మృతులలోనుండి లేపిన దేవుని యొక్క ప్రభావములో విశ్వాసం ద్వారా మీరు ఆయనలో పైకి లేపబడితిరి. ¹³ మరియు అతిక్రమములలో మరియు శరీరమందు సున్నతిపొందక యుండుటలో మీరు మృతులై యుండగా, ఆయన {మన} అపరాధములను అన్నిటిని క్షమించి, ఆయనతో మిమ్మును సజీవులనుగా చేసాడు. ¹⁴ మనకు వ్యతిరేకంగా ఆజ్ఞల యొక్క వ్రాతరూపకమైన, మనకు విరోధముగాను నుండిన పత్రమును రద్దు చేసి, మరియు ఆయన దానిని {మన} మధ్య నుండి ఎత్తివేసి, సిలువకు దానిని కొట్టివేసాడు, ¹⁵ ఆయన ప్రధానులను మరియు అధికారులను నిరాయుధులనుగాచేసి, సిలువలో వారి మీద జయోత్సవము కలిగి, వారిని బాహాటముగా వేడుకకు కనుపరచెను. ¹⁶ కాబట్టి ఆహారములో లేదా పానములో లేదా పండుగ విషయంలో లేదా అమావాస్య లేదా విశ్రాంతిదినము అనువాటి విషయములోనైనను, ఎవనిని మీకు తీర్పు తీర్చనియ్యకుడి. ¹⁷ ఇవి రాబోవు సంగతుల యొక్క ఛాయయే, అయితే శరీరం క్రీస్తు సంబంధమైనది. ¹⁸ తప్పు వినయం మరియు దేవదూతల యొక్క ఆరాధనలో ఆనందించుచు, తాను చూచినవాటి మీద నిలుచుచు, తన శరీరము యొక్క మనస్సు చేత కారణం లేకుండా ఉప్పొంగుచు ఉన్న వాడెవడును మీ బహుమానమును అపహరింపనియ్యకుడి. ¹⁹ మరియు శిరస్సును హత్తుకొనకుండా ఉంటూ, దాని నుండి సర్వ శరీరము, కీళ్ళు మరియు నరముల ద్వారా పోషింపబడి కలిపి అతుకబడినదై, దేవుని నుండి వృద్ధితో అభివృద్ధి పొందుచున్నది. ²⁰ మీరు క్రీస్తుతో లోకము యొక్క మూలపాఠముల నుండి మృతిపొందినవారైన యెడల, లోకములో జీవించుచున్న విధముగా ఎందుకు మీరు దాని ఆజ్ఞలకు లోబడి యున్నారు: ²¹ "నువ్వు చేతపట్టుకొనవద్దు, రుచిచూడవద్దు, ముట్టవద్దు!" ²² మనుష్యుల యొక్క ఆజ్ఞలు మరియు ఉపదేశముల ప్రకారం అవి అవన్నియు వినియోగంతో నాశనం కోసం ఉన్నాయి ²³ అట్టివి నిజముగా స్వీయ-తయారిత మతములో మరియు తప్పుడు వినయము {మరియు} శరీరం యొక్క కఠినతలో జ్ఞానము యొక్క మాటను నిజముగా కలిగియుండడం, శరీరం యొక్క కోరికలు తీర్చుకోడానికి వ్యతిరేకంగా ఎటువంటి విలువ లేకుండా ఉంటుంది.

Chapter 3

¹ కాబట్టి, మీరు క్రీస్తుతో లేపబడినవారు అయిన యెడల, పైనున్న సంగతులను వెదకండి, అక్కడ క్రీస్తు దేవుని యొక్క కుడి పార్శ్వమున కూర్చుండియున్నాడు. ² పైనున్న సంగతులను గురించి ఆలోచన చెయ్యండి, భూమి మీద సంగతులను గురించి కాదు. ³ ఎందుకంటే మీరు మృతిపొందారు, మరియు మీ జీవము దేవునిలో క్రీస్తుతో దేవునియందు దాచబడియున్నది. ⁴ మీ జీవం క్రీస్తు ప్రత్యక్షమైనప్పుడు, తరువాత మహిమలో ఆయనతో మీరు కూడా ప్రత్యక్షపరచబడుదురు. ⁵ కాబట్టి భూమి మీద {ఉన్న} మీ అవయవములను, అనగా లైంగిక దుర్నీతి, అపవిత్రత, కామాతురత, దుష్ట ఆశ, మరియు విగ్రహారాధన అయిన ఈర్ష్యను చంపివేయుడి. ⁶ వాటి కారణంగా దేవుని యొక్క ఉగ్రత వస్తుంది, ⁷ వాటిలో మీరు జీవించినప్పుడు పూర్వము మీరు కూడా వాటిలో నడిచారు. ⁸ అయితే ఇప్పుడైతే మీరు కూడా, ఉగ్రత, కోపము, దుష్ట ఆశ, దూషణ, {మరియు} మీ నోట నుండి అశ్లీల సంభాషణ వంటి ఆన్ని సంగతులను విసర్జించుడి. ⁹ ఒకనితో ఒకడు అబద్ధమాడకుడి, ప్రాచీన పురుషుని దాని క్రియలతోకూడ మీరు పరిత్యజించి, ¹⁰ మరియు పరిజ్ఞానములో దానిని సృష్టించినవాని యొక్క స్వరూపం ప్రకారం నూతన పరచబడుచున్న నూతన పురుషుని ధరించుకొని యున్నారు. ¹¹ అక్కడ గ్రీసుదేశస్థుడు మరియు యూదుడు, సున్నతి పొందడం మరియు సున్నతి పొందక పోవడం, ఆటవికుడు, సిథియనుడు, బానిస, స్వతంత్రుడు అని లేదు అయితే క్రీస్తు సర్వమునై మరియు అందరిలో {ఉన్నాడు}. ¹² కాబట్టి, దేవుని యొక్క ఏర్పరచబడినవారు, పరిశుద్ధులు, ప్రియమైనవారు వలే, కరుణ, జాలి, వినయము, సాత్వీకము, {మరియు} దీర్ఘశాంతము యొక్క అంతరంగ అవయవాలను ధరించుకొనుడి. ¹³ ఒకరికి వ్యతిరేకంగా ఒకరికి పిర్యాదులు ఉన్న యెడల ఒకనికొకడు సహించుచు మరియు ఒకనికొకడు కృపాభరితంగా యుండండి; ప్రభువు మిమ్మును క్షమించిన విధముగా కూడా మీరు కూడా క్షమించుడి. ¹⁴ అయితే ఈ సంగతులు అన్నిటికి మించి, ప్రేమ, అది పరిపూర్ణత యొక్క బంధం. ¹⁵ మరియు క్రీస్తు యొక్క సమాధానము మీ హృదయములలో ఏలుచుండ నియ్యుడి, ఇందు కోసం కూడా మీరు ఒక్క శరీరములో పిలువబడితిరి; మరియు కృతజ్ఞతకలిగి యుండుడి. ¹⁶ సంగీతములతో, కీర్తనలతో, {మరియు} ఆత్మీయ పాటలు, దేవునికి మీ హృదయములలో కృతజ్ఞతతో కూడిన గానములతో ఒకనికి ఒకడు బోధించుచు, బుద్ధిచెప్పుచు సమస్త జ్ఞానములో క్రీస్తు వాక్యము మీలో సమృద్ధిగా నివసింపనియ్యుడి. ¹⁷ మరియు మాటలో లేదా క్రియలో, మీరు ఏమి చేసినను ప్రభువు యేసు యొక్క నామములో ఆయన ద్వారా తండ్రియైన దేవునికి కృతజ్ఞతాస్తుతులు చెల్లించుచు, సమస్తమును చేయుడి. ¹⁸ భార్యలారా, ప్రభువులో యుక్తమైయున్న విధముగా {మీ} భర్తలకు విధేయులై యుండుడి; ¹⁹ భర్తలారా, {మీ} భార్యలను ప్రేమించుడి మరియు వారికి వ్యతిరేకంగా కష్టం కలిగించకుడి.౹ ²⁰ పిల్లలారా, అన్ని విషయములలో {మీ} తలిదండ్రులకు విధేయతచూపించండి, ఎందుకంటే ఇది ప్రభువులో సంతోషకరమైనది. ²¹ తండ్రులారా, మీ పిల్లలకు కోపము పుట్టించకుడి తద్వారా వారు నిరుత్సాహపరచబడరు. ²² బానిసలారా, మనుష్యులను సంతోషపెట్టువారి వలే కంటికి కనబడే సేవతో కాక, అయితే ప్రభువునకు భయపడుచు, హృదయం యొక్క యధార్ధతతో శరీరము ప్రకారం {మీ} యజమానులైనవారికి అన్ని విషయములలో విధేయులై యుండుడి. ²³ మీరేమి చేసినను, అది మనుష్యులకు కాక ప్రభువుకు చేసినట్టువలే మనసు నుండి చెయ్యండి, ²⁴ ప్రభువు నుండి స్వాస్థ్యము యొక్క ప్రతిఫలమును పొందుదుము అని యెరుగుదురు. మీరు ప్రభువు క్రీస్తును సేవించు చున్నారు. ²⁵ ఎందుకంటే అన్యాయము చేయుచున్న వాడు తాను అన్యాయముగా చేసినదానికి పొందుకుంటాడు, మరియు పక్షపాతము ఉండదు.

Chapter 4

¹ యజమానులారా, పరలోకములో మీకు కూడా ఒక యజమానుడు ఉన్నాడు అని యెరిగి, యదార్ధమైనది మరియు న్యాయమైనదిగా {ఉన్న} దానిని {మీ} బానిసలకు ఇవ్వండి. ² ప్రార్థనలో నిలుకడగా కొనసాగండి, కృతజ్ఞతాస్తుతులు చెల్లించడంలో దానిలో మెలకువగా ఉండండి, ³ మా కోసం కూడా కలిసి ప్రార్థన చెయ్యండి, తద్వారా వాక్యం కోసం దేవుడు మాకు ద్వారాన్ని తెరచునట్లు, క్రీస్తు యొక్క మర్మము మాట్లాడడానికి, దాని యొక్క కారణంగా కూడా నేను బంధించ బడియున్నాను. ⁴ నేను బోధింపవలసిన విధముగానే నేను దానిని స్పష్టంగా మాట్లాడగలను. ⁵ సమయమును విముక్తి చేయుచు, సంఘమునకు వెలుపటి వారి యెడల జ్ఞానములో నడుచుకొనుడి. ⁶ ప్రతి ఒక్కరికి ఏలాగు ప్రత్యుత్తరమివ్వడం అవసరమో అది మీరు తెలిసికోడానికి మీ మాటలు ఎల్లప్పుడూ కృపతో, ఉప్పుతో పక్వము చేయబడినట్టు ఉండనియ్యుడి. ⁷ ప్రియ సహోదరుడు మరియు నమ్మకమైన పరిచారకుడు మరియు ప్రభువులో నా తోటి బానిస తుకికు నన్నుగూర్చిన సంగతులు అన్ని మీకు తెలియచేస్తాడు. ⁸ ఈ నిజమైన {కారణం} కోసం ఇతనిని మీ వద్దకు నేను పంపాను, తద్వారా మీరు మా గురించి సంగతులు తెలిసికొంటారు మరియు అతడు మీ హృదయములను ప్రోత్సహిస్తాడు. ⁹ మీ మధ్య నుండి ఉన్న నమ్మకమైనవాడు మరియు ప్రియమైన సహోదరుడైన ఒనేసిముతో కలిపి, వారు ఇక్కడి సంగతుల అన్ని మీకు తెలియ చేస్తారు. ¹⁰ నా జత ఖైదీ, అరిస్తార్కు మీకు శుభములు చెప్పు చున్నాడు మరియు బర్నబా యొక్క జ్ఞాతియైన మార్కు (అతనిని గురించి మీరు ఆజ్ఞలు స్వీకరించారు, అతడు మీ యొద్దకు వచ్చిన యెడల అతనిని స్వీకరించండి.) ¹¹ మరియు యూస్తు అని పిలువబడిన యేసు. వీరు సున్నతి పొందినవారి నుండి ఉన్నవారు, వీరు మాత్రమే దేవుని రాజ్యము కోసం జత పనివారై యున్నారు, వీరు నాకు ఆదరణగా ఉన్నారు. ¹² ఎపఫ్రా మీకు వందనములు చెప్పుచున్నాడు. అతడు మీ మధ్య నుండి {ఉన్నాడు}, క్రీస్తు యేసు దాసుడు, మీరు దేవుని యొక్క సమస్త చిత్తములో పూర్ణులు మరియు సంపూర్ణ నిశ్చయత కలిగి నిలుచునట్లు ప్రార్థనలో మీ యొక్క పక్షముగా ఎల్లప్పుడూ పోరాడుచున్నాడు. ¹³ ఎందుకంటే ఇతడు మీరు మరియు లవొదికయలో ఉన్నవారు మరియు హియెరాపొలిలో ఉన్న వారి పక్షముగా బహు ప్రయాసపడుచున్నాడు అని ఇతని కోసం నేను సాక్ష్యమిచ్చుచున్నాను. ¹⁴ లూకా, అను ప్రియమైన వైద్యుడు, మీకు శుభములు చెప్పుచున్నాడు, మరియు దేమా కూడా. ¹⁵ లవొదికయలో ఉన్న సహోదరులకు, మరియు నుంఫాకు, మరియు ఆమె ఇంటిలో ఉన్న సంఘముకు శుభములు చెప్పుడి. ¹⁶ మరియు ఈ పత్రిక మీ మధ్య చదువబడినప్పుడు, లవొదికయ యొక్క సంఘములో ఇది చదువబడేలా కూడా నిర్ధారించుకోండి మరియు లవొదికయ నుండి మీరు కూడా ఒకదానిని చదవండి ¹⁷ మరియు అర్ఖిప్పుతో చెప్పండి, "ప్రభువులో నీవు పొందిన పరిచర్యను చూడు తద్వారా నీవు దానిని నెరవేర్చుదువు." ¹⁸ ఈ శుభము పౌలు - నా సొంత హస్తము చేత. నా బంధకములను జ్ఞాపకము చేసికొనుడి. కృప మీతో {యుండును}.