తిమోతికి రాసిన రెండవ పత్రిక

Chapter 1

¹ క్రీస్తు యేసులో ఉన్న జీవం యొక్క వాగ్దానం ప్రకారం దేవుని చిత్తం ద్వారా క్రీస్తు యేసు అపొస్తలుడు పౌలును ² నా ప్రియ కుమారుడు, తిమోతికి: తండ్రియైన దేవుడు మరియు మన ప్రభువు క్రీస్తు యేసు నుండి కృప, కరుణ, మరియు సమాధానం.

³ నా ప్రార్థనలలో నిన్ను రాత్రి మరియు పగలు నేను మానకుండా జ్ఞాపకం చేసుకుంటూ ఒక పవిత్రమైన మనస్సాక్షితో నా పూర్వీకుల నుండి నేను సేవిస్తున్న దేవునికి నేను కృతజ్ఞత కలిగియున్నాను. ⁴ నేను ఆనందంతో నింపబడాలని నీ కన్నీళ్లను జ్ఞాపకం చేసుకుని, తద్వారా నిన్ను చూడడానికి ఎదురుచూస్తున్నాను. ⁵ నీలోని యథార్థమైన విశ్వాసం జ్ఞాపకానికి తెచ్చుకొంటున్నాను, అది మొదట మీ అమ్మమ్మ లోయిలో మరియు మీ అమ్మ యునీకేలో నిలిచియుంది, మరియు అది నీలో కూడా ఉన్నదని నేను ఒప్పించబడ్డాను.

⁶ ఈ కారణం కోసం నా చేతులు ఉంచడం ద్వారా నీలో ఉన్న ఆ దేవుని యొక్క కృపావరాన్ని ప్రజ్వలింపజేసుకోడానికి నేను నీకు జ్ఞాపకంచేస్తున్నాను. ⁷ ఎందుకంటే దేవుడు మనకు పిరికితనం గల ఆత్మను ఇవ్వ లేదు, అయితే శక్తిగల మరియు ప్రేమగల మరియు స్వీయ క్రమ శిక్షణ గల. ⁸ కాబట్టి మన ప్రభువు గురించి సాక్ష్యం విషయం, ఆయన ఖైదీనైన నన్ను గురించి, గానీ సిగ్గు పడ వద్దు, అయితే దేవుని యొక్క శక్తి ప్రకారం సువార్త కోసం కలిసి శ్రమపడు.

⁹ ఆయన మన క్రియల ప్రకారం కాక, అయితే తన స్వకీయ ఉద్దేశం మరియు కృప ప్రకారం ఒక పరిశుద్ధ పిలుపుతో మనలను రక్షించాడు మరియు మనలను పిలిచాడు. శాశ్వత యుగాలకు ముందే క్రీస్తు యేసులో మనకు అనుగ్రహించబడింది. ¹⁰ మరియు అది ఇప్పుడు మన రక్షకుడైన క్రీస్తు యేసు యొక్క ప్రత్యక్షత ద్వారా వెల్లడి అయింది. ఆయన రూఢిగా మరణానికి అంతం విధించడం, మరియు సువార్త ద్వారా జీవాన్ని మరియు అక్షయతను వెలుగులోకి తేవడం చేసాడు. ¹¹ దాని కోసం ఒక వార్తాహరుడు, మరియు ఒక అపొస్తలుడు మరియు ఒక బోధకుడుగా నేను నియమించబడ్డాను.

¹² ఈ కారణం కోసం నేను కూడా వీటిని అనుభవిస్తున్నాను. అయితే నేను సిగ్గుపడను, ఎందుకంటే నేను నమ్మిన వానిని నేను యెరుగుదును. మరియు నేను ఆయనకు అప్పగించినదానిని ఆ రోజు వరకు ఆయన కాపాడడానికి సామర్ధ్యము గలవాడని నేను రూఢిగా ఉన్నాను. ¹³ క్రీస్తు యేసులో ఉన్న విశ్వాసంలో మరియు ప్రేమలో నా నుండి నీవు వినిన ఆ హిత వాక్కుల యొక్క మాదిరిని పాటించు. ¹⁴ మనలో నివాసముంటున్న వాడు పరిశుద్ధ ఆత్మ ద్వారా అప్పగించబడిన మంచి నిక్షేపమును కాపాడుము.

¹⁵ ఆసియలో ఉన్న వారు అందరు నా నుండి తొలగిపోయారని ఇది నీకు తెలుసు, ఫుగెల్లు, మరియు హెర్మొగెనే వారిలో ఉన్నారు. ¹⁶ ప్రభువు ఒనేసిఫోరు కుటుంబానికి కనికరం అనుగ్రహించు గాక, ఎందుకంటే అతడు తరచుగా నాకు సేదతీర్చాడు మరియు నా సంకెళ్ళ విషయంలో సిగ్గు పడలేదు, ¹⁷ అయితే అతడు రోములో ఉన్నప్పుడు నన్ను శ్రద్ధగా వెతికాడు, మరియు నన్ను కనుగొన్నాడు. ¹⁸ ఆ దినంలో ప్రభువు నుండి కనికరం పొందడానికి ప్రభువు అనుగ్రహించు గాక. మరియు అతడు ఎఫెసులో ఎంత ఉపచారం చేశాడో నీకు బాగా తెలుసు.

Chapter 2

¹ కాబట్టి నా కుమారుడా, నీవు క్రీస్తు యేసులో ఉన్న కృపలో బలవంతుడవుగా ఉండు. ² మరియు అనేకమైన సాక్షులతో పాటు నా నుండి నీవు వినిన దానిని, ఇతరులకు కూడా బోధించడానికి సామర్ధ్యంగల, నమ్మకమైన వ్యక్తులు అయిన వారికి ఈ సంగతులను అప్పగించు.

³ యేసు క్రీస్తు యొక్క ఒక మంచి సైనికుని వలే కలిసి అనుభవించు. ⁴ ఒక సైనికుడుగా పనిచేయువాడు ఎవడును జీవితం యొక్క వ్యాపకాలలో చిక్కుకోడు, తద్వారా తనను చేర్చుకున్నవాణ్ణి సంతోషపెడతాడు. ⁵ అయితే ఎవరైనా పోటీచేసిన యెడల అతడు చట్టబద్ధంగా పోటీచేయక పోయిన యెడల అతడు కిరీటం పొందడు. ⁶ కష్టపడే వ్యవసాయదారుడే పంట భాగం స్వీకరించడానికి మొదటి వాడుగా ఉండాలి. ⁷ నేను చెపుతున్న దానిని గురించి ఆలోచించు. ఎందుకంటే ప్రతివిషయంలో ప్రభువు నీకు జ్ఞానం అనుగ్రహిస్తాడు.

⁸ నా సువార్త ప్రకారం, దావీదు యొక్క సంతానం నుండి చనిపోయినవారిలో నుండి లేచిన యేసు క్రీస్తును జ్ఞాపకం చేసుకో. ⁹ దాని కోసం నేను ఒక నేరస్థుడి వలే సంకెళ్ళలో బంధింపబడు వరకు శ్రమ అనుభవిస్తున్నాను. అయితే దేవుని యొక్క వాక్యం బంధించబడి లేదు.

¹⁰ ఈ కారణంగా ఎన్నికైనవారి కోసం అన్నింటిని ఓర్చుకుంటున్నాను, తద్వారా వారు కూడా నిత్యమైన మహిమతో క్రీస్తు యేసులో ఉన్న రక్షణ పొందుతారు.

     ¹¹ ఈ మాట నమ్మదగినది: “ఎందుకంటే మనం ఆయనతో చనిపోయిన యెడల మనం కూడా ఆయనతో జీవిస్తాము.

     ¹² అయితే మనం సహించినట్లయితే మనం ఆయనతో కూడా రాజ్యపరిపాలన చేస్తాము.

     అయితే మనం ఆయనను తిరస్కరించినట్లయితే ఆయన కూడా మనలను తిరస్కరిస్తాడు.

     ¹³ మనం అపనమ్మకస్థులముగా ఉన్న యెడల ఆయన నమ్మకమైనవాడుగా నిలిచియుంటాడు,

     ఎందుకంటే ఆయన తననుతాను తిరస్కరించడానికి సాధ్యం కాదు."

¹⁴ ఈ సంగతులను గురించి వారికి జ్ఞాపకం చేయుము, మాటల గురించి వాదం పెట్టుకోవడానికి వద్దని దేవుని ఎదుట వారిని ఆజ్ఞాపించు; ఇది శూన్యం కోసం ప్రయోజనకరం. అయితే విను వారి యొక్క నాశనానికి, ¹⁵ దేవునికి నిన్ను ఆమోదయోగ్యుడుగా కనుపరచుకోడానికి ప్రయత్నించు, సిగ్గుపడనక్కరలేని ఒక పనివాడు, సత్య వాక్యాన్ని సరిగా విభజించువాడు.

¹⁶ అయితే అపవిత్రమైన వట్టి వివాదములను విడిచిపెట్టు, ఎందుకంటే అవి అధికమైన భక్తిహీనతలోనికి దారితీస్తాయి. ¹⁷ మరియు వారి మాట కుళ్ళినపుండు వలే వ్యాపిస్తూ ఉంది, వారి మధ్య హుమెనై, మరియు ఫిలేతు ఉన్నారు. ¹⁸ వారు సత్యం విషయంలో గురి తప్పిపోయారు, పునరుత్థానం ఇంతకుముందే జరిగింది అని చెపుతున్నారు, మరియు వారు కొందరి విశ్వాసాన్ని నాశనం చేస్తున్నారు.

¹⁹ అయితే దేవుని యొక్క స్థిరమైన పునాది నిలిచేయున్నది, ఈ ముద్ర ఉంది: "ప్రభువుకు తనవారుగా ఉన్నవారు ఎవరో తెలుసు” మరియు "ప్రభువు యొక్క నామాన్ని ఒప్పుకొనే ప్రతిఒక్కరూ దుర్నీతి నుండి తొలగిపోవాలి.”

²⁰ ఇప్పుడు ఒక గొప్ప ఇంటిలో, బంగారం, మరియు వెండి పాత్రలు మాత్రమే కాక, అయితే కొయ్య, మరియు మట్టివి కూడా ఉన్నాయి. మరియు రెండూ కొన్ని ఘనత కోసం మరియు కొన్ని ఘనహీనత కోసం. ²¹ కాబట్టి, ఎవరైనా వీటి నుండి తనను తాను శుద్ధి చేసుకొన్న యెడల, అతడు ఘనత కోసం ఒక పాత్రగా ఉంటాడు, పరిశుద్ధ పరచబడి, ప్రతీ మంచి కార్యం కోసం సిద్ధపడి, యజమానికి ఉపయోగకరముగా ఉంటాడు.

²² కాబట్టి యవ్వనపు వ్యామోహముల నుండి పారిపోమ్ము. మరియు ఒక పవిత్ర హృదయం నుండి ప్రభువును పిలిచే వారితో నీతి, విశ్వాసం, ప్రేమ, మరియు సమాధానాలను వెంబడించు. ²³ అయితే బుద్ధిహీనమైన మరియు అజ్ఞానమైన ప్రశ్నలను విడిచిపెట్టు, అవి జగడాలను పుట్టిస్తాయని తెలుసుకో.

²⁴ అయితే ప్రభువు యొక్క బానిస జగడమాడ కూడదు, అయితే అందరి పట్ల దయగా ఉండాలి, బోధించగలిగేవాడు, సహించేవాడు ²⁵ తనను వ్యతిరేకించు వారికి సాత్వికంలో బోధించాలి. దేవుడు ఒకవేళ సత్యం యొక్క జ్ఞానం కోసం వారికి పశ్చాత్తాపం దయచేస్తాడేమో. ²⁶ మరియు వారు అపవాది యొక్క ఉరి నుండి మరల స్థిరబుద్ధిగలవారుగా మారుతారు, అతని చేత తన ఇష్టం కోసం చెరపట్టబడ్డారు.

Chapter 3

¹ అయితే చివరి దినములలో కష్టమైన సమయములు వస్తాయి అని ఇది తెలుసుకో ² ఎందుకంటే మనుషులు ఇలా ఉంటారు స్వార్ధ ప్రియులు, ధనవ్యామోహంగలవారు, బడాయికారులు, గర్విష్టులు, దైవ దూషణ చేసేవారు, తలిదండ్రులకు అవిధేయులు, కృతజ్ఞత లేనివారు, అపవిత్రులు, ³ ప్రేమలేనివారు, ఇతరులతో సామరస్యంగా ఉండలేనివారు, దుర్భాషలాడేవారు, నిగ్రహం లేనివారు, క్రూరులు, మంచిని ప్రేమించనివారు, ⁴ ద్రోహులు, మూర్ఖులు, గర్వాంధులు, దేవుణ్ణి ప్రేమించడం కంటే బదులు సౌఖ్యాన్ని ప్రేమించేవారు, ⁵ భక్తి యొక్క ఒక రూపాన్ని కలవారు, అయితే దాని శక్తిని నిరాకరించేవారు. మరియు వీరి నుండి దూరంగా తొలగిపో. ⁶ ఎందుకంటే వారి మధ్య గృహాల లోనికి ప్రవేశించు వారు ఉన్నారు, మరియు పాపములతో నిండిపోయిన బుద్ధిహీనమైన స్త్రీలను వారిని వశం చేసుకుంటారు, రకరకాల వాంఛల చేత కొట్టుకు పోయారు. ⁷ ఎల్లప్పుడూ నేర్చుకొంటూ ఉండండి, అయితే సత్యం యొక్క జ్ఞానం వద్దకు ఎప్పటికీ రాలేక ఉన్నారు. ⁸ మరియు ఏ విధానంలో యన్నే, మరియు యంబ్రే మోషేను వ్యతిరేకించారో వీరు కూడా అదేవిధంగా సత్యాన్ని వ్యతిరేకించారు, ఈ మనుషుల మనసు పాడైపోయింది, విశ్వాసం విషయంలో అంగీకరించబడలేదు. ⁹ అయితే వారు ముందు వరకు వెళ్ళ లేదు, ఎందుకంటే వారి అవివేకం అందరికి వెల్లడి అవుతుంది, అదేవిధంగా వారికి ఉన్నది కూడా అవుతుంది ¹⁰ అయితే నీవు అనుసరించావు, నా బోధ, ప్రవర్తన, ఉద్దేశం, విశ్వాసం, సహనం, ప్రేమ, ఓర్పు, ¹¹ అంతియొకయలో, ఈకొనియలో, లుస్త్రలో నాకు సంభవించిన అటువంటి హింసలు, శ్రమలు, నేను ఎటువంటి హింసలను భరించాను. అయితే వాటి అన్నిటి నుండి ప్రభువు నన్ను కాపాడాడు.

¹² మరియు నిజానికి క్రీస్తు యేసులో సద్భక్తిగా జీవించడానికి కోరుకున్న వారు అందరు హింసించబడతారు. ¹³ అయితే దుష్టులైన మనుషులు మరియు వంచకులు అధికమైన చెడు వైపుకు కదులుతున్నారు, త్రోవతప్పి నడుస్తున్నారు, మరియు త్రోవతప్పి నడిపించబడుతున్నారు. ¹⁴ అయితే నీవు నేర్చుకొన్న సంగతులలో నిలిచియుండు మరియు రూఢిగా ఉండు, ఎవరి నుండి నువ్వు వాటిని నేర్చుకున్నావో తెలుసుకొనియుండు, ¹⁵ మరియు బాల్యం నుండి పరిశుద్ధ లేఖనాలు నీకు తెలుసు అవి క్రీస్తు యేసులో ఉన్న విశ్వాసం ద్వారా రక్షణ కోసం నీకు జ్ఞానం కలిగించడానికి శక్తిగలవి.

¹⁶ ప్రతి లేఖనం దైవావేశం వలన కలిగినది మరియు బోధించడం కోసం, ఖండించడం కోసం, తప్పుదిద్దడం కోసం మరియు నీతిలో శిక్షణ కోసం ప్రయోజనకరం ¹⁷ తద్వారా దేవుని యొక్క మనిషి ప్రవీణుడుగా ఉండి, ప్రతి మంచి పని కోసం సిద్ధపడి ఉంటాడు.

Chapter 4

¹ మరియు తన ప్రత్యక్షత మరియు తన రాజ్యము చేత సజీవులకు మరియు మృతులకు తీర్పు తీర్చబోతున్నవాడు, దేవుడు మరియు క్రీస్తు యేసు ముందు నేను నిన్ను ఆదేశిస్తున్నాను.

² వాక్యాన్ని బోధించు; సమయమున, అసమయమున సిద్ధంగా ఉండు. సంపూర్ణమైన సహనం మరియు ఉపదేశంతో ఖండించు, గద్దించు, బుద్ధిచెప్పు. ³ ఎందుకంటే ఒక సమయం ఉండబోతోంది అప్పుడు వారు హిత బోధను సహించ లేరు, బదులుగా వారి దురద చెవులు, వారు తమ స్వంత దురాశలకు అనుగుణంగా బోధకులను వారి కోసం పోగుచేసుకొంటారు. ⁴ మరియు వాస్తవానికి సత్యం నుండి తమ చెవిని దూరంతిప్పుకొని మరియు కల్పితకథల వైపుకు తొలగిపోతారు.

⁵ అయితే నీవు అన్ని విషయాల్లో స్థిరబుద్ధితో ఉండు. కష్టాలు భరించు. సువార్తికుని పని చెయ్యి, నీ పరిచర్యను సంపూర్తిగా జరిగించు.

⁶ ఎందుకంటే నేను ఇప్పటికే పోయబడుతున్నాను, మరియు నా మరణం యొక్క సమయం ఇక్కడ ఉంది. ⁷ నేను మంచి పోరాటం పోరాడాను, నేను పరుగును ముగించాను. నేను విశ్వాసమును కాపాడుకున్నాను. ⁸ ఇప్పుడు నీతి యొక్క కిరీటం నా కోసం ఉంచబడింది. దానిని నీతిగల న్యాయాధిపతి ప్రభువు, ఆ రోజున నాకు బహూకరిస్తాడు. మరియు నాకు మాత్రమే కాదు, అయితే ఆయన ప్రత్యక్షతను ప్రేమించిన వారు అందరికి కూడా .

⁹ నా దగ్గరికి త్వరగా రావడానికి త్వరపడు. ¹⁰ ఎందుకంటే దేమా నన్ను విడిచిపెట్టాడు, ప్రస్తుత కాలాన్ని ప్రేమించి మరియు తెస్సలోనికకు వెళ్ళిపోయాడు. క్రేస్కేకు గలతీయకి, తీతు దల్మతియకి. ¹¹ లూకా మాత్రమే నాతో ఉన్నాడు. మార్కును తీసుకొని, అతనిని నీతో తీసుకురా, ఎందుకంటే అతడు పరిచర్య కోసం నాకు ప్రయోజనకరం. ¹² అయితే నేను తుకికును ఎఫెసుకు పంపాను.

¹³ నేను త్రోయలో కర్పుతో విడిచిన ఆ అంగీని, నీవు వచ్చేటప్పుడు తీసుకురా, మరియు పుస్తకాలు, ముఖ్యంగా చర్మపు కాగితాలు. ¹⁴ కంసాలి అలెక్సంద్రు నాకు చాలా కీడు చేశాడు. అతని క్రియల ప్రకారం ప్రభువు అతనికి ప్రతిఫలం ఇస్తాడు. ¹⁵ అతడు నువ్వు కూడా నిన్నునీవు కాపాడుకో. ఎందుకంటే అతడు మా మాటలను తీవ్రంగా ఎదిరించాడు.

¹⁶ నా మొదట సమర్ధనవాదం వద్ద, నాతో ఎవరూ కనిపించలేదు. అయితే ప్రతీఒక్కరూ నన్ను విడిచిపోయారు. ఇది వారికి వ్యతిరేకంగా ఎంచబడడం లేకుండా ఉండును గాక. ¹⁷ అయితే ప్రభువు నాతో నిలిచాడు, మరియు నన్ను బలపరిచాడు, తద్వారా నా ద్వారా ప్రకటన సంపూర్ణంగా తీసుకొనిపోబడుతుంది, మరియు యూదేతరులు అందరు వింటారు. మరియు నేను సింహం నోటి నుండి తప్పించబడ్డాను. ¹⁸ ప్రతి దుష్ట కార్యం నుండి ప్రభువు నన్ను తప్పిస్తాడు మరియు తన పరలోక రాజ్యం కోసం నన్ను రక్షిస్తాడు. ఆయనకు యుగముల యొక్క యుగములకు ఘనత కలుగుతుంది, ఆమేన్‌.

¹⁹ ప్రిస్క మరియు అకులకు శుభములు చెప్పు. మరియు ఒనేసిఫోరు కుటుంబానికి. ²⁰ ఎరస్తు కొరింథు వద్ద నిలిచిపోయాడు, మరియు త్రోఫిము అనారోగ్యముగా ఉన్నాడు, నేను మిలేతులో విడిచి వచ్చాను. ²¹ చలికాలం రావడానికి ముందే త్వరపడు. యుబూలు మరియు పుదే మరియు లీను మరియు క్లౌదియ మరియు సోదరులు నీకు శుభములు చెపుతున్నారు.

²² ప్రభువు నీ ఆత్మతో ఉంటాడు, కృప నీతో ఉంటుంది.