యూదా రాసిన పత్రిక

Chapter 1

¹ యూదా, యేసు క్రీస్తు యొక్క దాసుడు, మరియు యాకోబు యొక్క సహోదరుడు, పిలువబడిన వారికి, తండ్రి దేవునిలో ప్రేమింపబడి, మరియు యేసు క్రీస్తులో భద్రము చేయబడినవారు: ² కనికరము మరియు సమాధానము మరియు ప్రేమ మీకు విస్తరించును గాక. ³ ప్రియమైన వారలారా, మనందరికీ సంబంధించిన రక్షణను గూర్చి మీకు వ్రాయడానికి ప్రతీ ప్రయత్నాన్ని చేస్తూ, పరిశుద్దులు అందరి కోసం ఒక్కసారి అప్పగింపబడిన విశ్వాసం కోసం పోరాడడానికి హెచ్చరించుచూ మీకు రాయడానికి నాకు అవసరం ఉంది. ⁴ ఎందుకంటే కొందరు మనుష్యులు రహస్యముగా ప్రవేశించియున్నారు, వారు భక్తిహినులైనవారు, మన దేవుని యొక్క కృపను పోకిరితనములోనికి మార్చుతూ మరియు మన అద్వితీయ నాధుడు మరియు ప్రభువు యేసు క్రీస్తును విసర్జించి, ఈ తీర్పు కోసం వారు చాలా కాలం ముందుగానే నిర్దేశించబడ్డారు. ⁵ ఇప్పుడు మీరు సంగతులు అన్నిటిని ఒక్కసారిగా తెలుసుకోవాలని నేను మీకు జ్ఞాపకం చెయ్యాలని కోరుతున్నాను, అదేమనగా, ఐగుప్తు యొక్క భాగంలో నుండి మనుష్యులను యేసు రక్షించాడు, ఆ తరువాత విశ్వసించని వారిని నాశనము చేసాడు. ⁶ మరియు దేవదూతలు తమ సొంత ఆధిపత్యమును నిలుపుకొనలేదు, అయితే వారి సొంత నివాస స్థలమును విడిచిపెట్టారు, మహా దినము యొక్క తీర్పు కోసం చీకటి క్రింద నిత్య సంకెళ్ళలో ఆయన వారిని భద్రము చేసాడు. ⁷ సొదొమ మరియు గొమొర్రా మరియు వాటి చుట్టుపక్కల నగరాలు, వీరి వలే అదే విధానంలో లైంగిక అనైతికతకు పాల్పడి, మరియు ఇతర శరీరుల వెంబడి వెళ్ళి, అనుసరించి, శాశ్వతమైన అగ్ని యొక్క శిక్షను అనుభవిస్తూ ఒక ఉదాహరణ వలే ప్రదర్శించబడుతున్నారు. ⁸ అయినా కూడా అదే మార్గంలో, వీరును కలలు కనుచు, ఒక వైపున శరీరమును అపవిత్ర పరచుకొనుచు మరియు మరొక వైపు ప్రభుత్వమును విసర్జించుచు మరియు మహిమాన్వితులైన వారిని దూషించుచున్నారు. ⁹ అయితే ప్రధాన దూత మిఖాయేలు అపవాదితో విభేదించుచున్నప్పుడు, మోషే యొక్క దేహమును గురించి తర్కించినప్పుడు, అతనికి వ్యతిరేకంగా దూషణ యొక్క తీర్పును అతడు తీసుకురావడానికి తెగింప లేదు, దానికి బదులుగా అతడు చెప్పాడు, "ప్రభువు నిన్ను గద్దించును గాక." ¹⁰ అయితే వీరు మరొక వైపు తాము గ్రహింపని వాటిని దూషించువారు, మరొక వైపు, వారు వివేక శూన్యములగు మృగముల వలె స్వాభావికముగా ఎరుగు వాటిని, వీటి వలన వారు నాశనమవుతున్నారు. ¹¹ వారికి శ్రమ. ఎందుకంటే వారు కయీను యొక్క మార్గములో వెళ్ళారు మరియు వేతనాలు కోసం బిలాము యొక్క తప్పుకు తమ్మునుతాము విడిచిపెట్టుకొన్నారు, మరియు కోరహు యొక్క తిరుగుబాటులో వారు నశించారు. ¹² వీరు నిర్భయముగా మీతో విందు చేయుచూ - మీ ప్రేమ విందులలో దాగియున్న మడతలు, తమ్మునుతాము పోషించుకొంటారు, వాన లేని మబ్బులు, గాలుల చేత కొట్టుకొని పోతారు; ఫలంలేని శరదృతువు చెట్లు - రెండు సార్లు చనిపోయినవి, వేళ్ళతో పెల్లగింపబడినవి, ¹³ తమ సొంత సిగ్గుకరమైన క్రియల నుండి నురుగు వెళ్లగ్రక్కువారై, సముద్రము యొక్క ప్రచండమైన అలలుగా, మార్గము తప్పి తిరుగు చుక్కలుగాను ఉన్నారు; వారి కోసం చీకటి యొక్క అంధకారము నిరంతరము భద్రము చేయబడి యున్నది. ¹⁴ ఇప్పుడు ఆదాము నుండి ఏడవవాడు హనోకు కూడా వీరిని గూర్చి ప్రవచించాడు, చెప్పాడు, "ఇదిగో ప్రభువు తన యొక్క వేలువేలు పరిశుద్దులతో వచ్చాడు, ¹⁵ ప్రతి ఒక్కరికి వ్యతిరేకంగా తీర్పు తీర్చుటకు మరియు భక్తిహీనమైన మార్గంలో వారు చేసిన భక్తిహీనత యొక్క వారి క్రియలు అన్నిటిని గురించి ప్రతీ ఆత్మను గద్దించడానికి మరియు భక్తిలేని పాపులు తనకు వ్యతిరేకంగా పలికిన కఠినమైన సంగతులు అన్నిటి గురించి." ¹⁶ వీరు తమ దురాశల చొప్పున నడుచుచు, సణుగువారు, నిందించు వారునై యున్నారు, మరియు వారి నోరు డంబమైన సంగతులు పలుకును, లాభము కోసం ముఖములను కొనియాడుతారు. ¹⁷ అయితే ప్రియులైనవారు మీరు, మన ప్రభువు యేసు క్రీస్తు యొక్క అపొస్తులుల చేత పూర్వమందు పలుకబడిన మాటలను జ్ఞాపకము చేసికొనుడి. ¹⁸ వారు మీకు చెప్పినవి, "అంత్య కాలములో తమ సొంత భక్తిహీనమైన దురాశల ప్రకారం పరిహాసకులు ఉంటారు. ¹⁹ వీరు ప్రకృతి సంబంధులు, ఆత్మలేని వారు, భేదములు కలుగజేయుచున్నారు. ²⁰ అయితే మీరు ప్రియులైనవారు, పరిశుద్ధ ఆత్మలో ప్రార్థన చేయుచూ, మీ అతి పరిశుద్ధ విశ్వాసంలో మిమ్మును మీరు కట్టుకొనుచు, ²¹ నిత్య జీవముకు మన ప్రభువు యేసు క్రీస్తు యొక్క కనికరము కొరకు కనిపెట్టుచు, దేవుని యొక్క ప్రేమలో మిమ్మును మీరు కాచుకొనియుండుడి. ²² మరియు మరొక వైపు సందేహపడు కొందరి మీద కనికరము కలిగి యుండండి. ²³ అయితే మరొక వైపు, అగ్ని నుండి లాగివేసి, ఇతరులను రక్షించండి; మరియు శరీరము చేత అపవిత్రపరచబడిన వస్త్రమును కూడా ద్వేషించుచు భయముతో ఇతరుల మీద కనికరము కలిగి యుండండి. ²⁴ తొట్రిల్లపడడం లేకుండా మిమ్మును కాపాడడానికి మరియు ఆయన మహిమ యెదుట నిర్దోషులనుగా, మహానందములో మిమ్మును నిలువబడేలా చేయడానికి శక్తిగల వానికి ఇప్పుడు, ²⁵ మన ప్రభువు యేసు క్రీస్తు ద్వారా మన రక్షకుడు అద్వితీయ దేవునికి, మహిమ, మహాత్మ్యము, ఆధిపత్యము, శక్తి మరియు అధికారము, సమస్త యుగములకు పూర్వమును మరియు ఇప్పుడు మరియు సమస్త నిత్యత్వమునకు ఉంటాయి. ఆమేన్!