2. Vwoni Khwinjila Mwilova

Adamu nende mukhali wewe vali nende vuyanzi vunyishi, nivali mu mulimi mulayi kwa Nyasaye yavalombela. Avula khuvo yali nende tsinguvu tawe, na yili shiliavalomba khuva nende tsisoni tawe. Shijila vwoni shuvwali mulilova tawe. Vachendachenda mu mulimi nivalomaloma na Nyasaye.

Nikhali inzukha ingatilitsi yali mu mulimi. Yareva mukhali, ''Ni kilikali Nyasaye wamuvolela muvuli khulia litunda khurula khu musala kwosi mu mulimi yuku?''

Mukhali yakalushitsa, ''Nyasaye yavola khunyela khulia khurula khu misala chindi chiosi nikhali khurula khu musala ku khumenya vulayi nende vuvi. Nyasaye yakhuvolela, ''Numulia litunda yelo, inoho khali khulikumila mulakhutsa''

Inzukha yakalushitsa mukhali, ''Yovo nu vwakilikali tawe! Shumukhutsa tawe. Nyasaye wamenya lwamuva numwakhalia mulava khuli Nyasaye na mulamenya vulayi nende vuvi khuli akholanga.''

Mukhali yalola litunda nilili lilayi na lialolekha linulu. Khandi yenyanga ave musitsa, khu yatatulakhu litunda nalilia. Malelo nahakhu musatsa wewe, wali nalinaye, nalilia khaliye.

Nonoho, tsimoni tsiavo tsikukha, nivamenya vali shiekenye. Vachelitsa khukhunikha mivili chiavo nende masambu ka vanavi halala.

Malelo musatsa nu mukhali wewe vahulila lichenda lia Nyasaye mu mulimi. Nivivisa khurula khu Nyasaye. Nyasaye yalanga musatsa, ''Uli hena?'' Adamu yamukalushitsa, khuhulili nuchendanga mu mulimi, ma naria shijila ndi shiekenye. Khu nzivisi.

Khu Nyasaye yareva, ''Nivina ukhuvolele uli shiekenye? Uliili litunda lia nakhuvolela uvuli khulia?'' Musatsa yakalushitsa, ''Mukhali wa wamba yamba litunda. ''Nyasaye yareva mukhali, ''Nishina shia ukholi yishi?'' Mukhali yakalushitsa, ''Inzukha ingatilitsi.''

Nyasaye yavolela inzukha, ''Khulami! Ulamola nende inda na ulalia malovo. Ivi nende mukhali, mulava vatsiku- vana vovo nende vana veve valitsa khuhimana. Lwivulu lumukhali lulitsa khukhuseena murwi kwokwo, nivi ulitsa khuluma vikala vi vilenje viavo.''

Nyasaye Malelo navolela mukhali, ''Nalomba uhulili isalilu indulu nuwenyanga khwivula mwana. Ulikomba musatsa wowo naye alakhwimilila.

Nyasaye yavolela musatsa, ''Uhulili ku mukhali wowo ma uchiayi kanje. Lilova limali khulamwa. Ulayinzila ni tsingulu khu urache shililwa. Khandi ulakhutsa, na muvili kwokwo kulakalukha khu malovo.'' Musatsa yakulikha mukhali wewe lira Hawa, livolanga 'Uhana- vulamu', Shijila alitsa khuva mama wa vandu voosi. Ma Nyasaye nafwala Adamu na Hawa tsinguvu tsiayalomba khu maselo kitsinyama.

Ma Nyasaye navoola, ''Shijila mundu wakhava khuli khutsi khu lukhumenya vulayi nende vuvi. Khutukha khu mwikalili khulia litunda liu musala ku vulamu, yakhamenya mihika ni mihika tawe. Khu Nyasaye yamukhunga Adamu nende Hawa khurula mu mulimi kwa Eden. Nyasaye yavikha tsinjolosi tsi tsingulu mu shilivwa shu mulimi kwa Eden khulelo mundu wosi avuli khulia litunda liu musala ku vulamu.

Lukanu lwi Vanjeli khurula: Liranga 3